AKRIDERM GENTA krem 30g

Akriderm Genta preparatining farmakokinetikasi haqida ma'lumotlar taqdim etilmagan.

Sirtga qo‘llash uchun majmuaviy preparat, yallig‘lanishga qarshi, allergiyaga qarshi va antibakterial ta’sir ko‘rsatadi.

Betametazon dipropionati - GKS, yallig‘lanishga qarshi, allergiyaga qarshi, antiekssudativ va qichishishga qarshi ta’sir ko‘rsatadi. Yallig‘lanish o‘chog‘ida leykotsitlar to‘planishini, lizosomal fermentlar va yallig‘lanish mediatorlari ajralib chiqishini tormozlaydi, fagotsitozni susaytiradi, tomir-to‘qima o‘tkazuvchanligini kamaytiradi, yallig‘lanish shishi hosil bo‘lishiga to‘sqinlik qiladi.

Gentamitsin - aminoglikozidlar guruhiga mansub keng ta’sir doirasiga ega antibiotik. Terining birlamchi va ikkilamchi bakterial infeksiyalari qo‘zg‘atuvchilariga nisbatan bakteritsid ta’sir ko‘rsatadi. Grammanfiy bakteriyalar: Pseudomonas aeruginosa, Aerobacter aerogenes, Escherichia coli, Proteus vulgaris, Klebsiella pneumoniae; grammusbat bakteriyalar: Streptococcus spp. (A guruhi beta- va alfa-gemolitik streptokokking sezgir shtammlari), Staphylococcus spp. (koagulaza-musbat, koagulaza-manfiy va penitsillinaza ishlab chiqaruvchi ba’zi shtammlar) ga nisbatan faol.

Anaeroblar, zamburug‘lar va viruslarga nisbatan faol emas.

Mahalliy reaksiyalar: GKS mahalliy qo'llanilganda achishish, ta'sirlanish, teri qurishi, follikulit, gipertrixoz, aknesimon toshmalar, gipopigmentatsiya, perioral dermatit, allergik kontakt dermatit kuzatilishi mumkin. Uzoq muddat qo'llanilganda, shuningdek okklyuzion bog'lamlar ishlatilganda - teri matseratsiyasi, ikkilamchi infeksiya, teri atrofiyasi, isiq toshishi, purpura.

Tizimli reaksiyalar: tananing katta yuzalariga surtilganda, asosan bolalarda, GKS (giperglikemiya, glyukozuriya, buyrak usti bezi po'stlog'i faoliyatining qaytuvchan susayishi, Kushing sindromi ko'rinishlari) va gentamitsinning (nefrotoksik va ototoksik ta'sir) tizimli nojo'ya ta'sirlari yuzaga kelishi mumkin.

Agar preparatni qo'llash bilan bog'liq yuqori sezuvchanlik yoki teri ta'sirlanishi belgilari qayd etilsa, davolashni to'xtatish va bemorga adekvat terapiyani tanlash kerak.

Uzoq muddatli davolashda, preparat terining keng yuzalariga surtilganda, okklyuzion bog'lamlar ishlatilganda, shuningdek bolalarda GKSning tizimli so'rilishi mumkin.

Mahalliy qo'llash uchun GKS bilan uzoq muddatli davolashdan keyin yuz terisida tananing boshqa yuzalariga qaraganda tez-tez atrofik o'zgarishlar namoyon bo'lishi mumkin. Bu holda davolash kursi 5 kundan oshmasligi kerak.

Akriderm Genta oftalmologiyada qo'llash uchun mo'ljallanmagan. Preparatni ko'zga tushishidan saqlanish kerak.

Preparat uzoq muddat ishlatilganda uni bekor qilishni asta-sekin o'tkazish kerak.

Pediatriyada qo'llanilishi

1 yoshdan katta bolalarga preparat faqat qat'iy ko'rsatmalar bo'yicha va shifokor nazorati ostida tayinlanadi, chunki betametazon bilan bog'liq tizimli nojo'ya ta'sirlar rivojlanishi mumkin. Preparat keng yuzalarda va/yoki okklyuzion bog'lam ostida qo'llanilganda gipotalamo-gipofizar-buyrakusti tizimi funksiyasi bostirilishi va giperkortitsizm simptomlari rivojlanishi mumkin, o'sish gormoni ekskretsiyasi pasayishi, kalla ichi bosimi oshishi kuzatilishi mumkin.

• teri sili;
• zaxmning teri ko'rinishlari;
• suvchechak;
• oddiy gerpes;
• emlashdan keyingi teri reaksiyalari;
• ochiq jarohatlar;
• laktatsiya davri (emizish);
• 1 yoshgacha bo'lgan bolalar;
• preparat tarkibiy qismlariga yuqori sezuvchanlik.

Akriderm Genta preparatining boshqa dori vositalari bilan o'zaro ta'siri aniqlanmagan.

Preparat sirtga qo'llaniladi.

Krem terining zararlangan joyiga yupqa qatlam qilib sutkasiga 2 marta (ertalab va kechqurun) surtiladi.

Preparatni qo'llash takroriyligi kasallikning og'irligidan kelib chiqqan holda belgilanadi. Yengil holatlarda kremni sutkasiga 1 marta qo'llash yetarli; og'irroq zararlanishlarda tez-tez qo'llash mumkin.

Davolash davomiyligi terapiyaning samaradorligi va o'zlashtirilishiga bog'liq bo'lib, 2-4 haftani tashkil qiladi.

Klinik yaxshilanish bo'lmasa, tashxisni aniqlashtirish kerak.