AKRIDERM GK maz 30g

Preparat teriga terapevtik dozalarda qo'llanilganda faol moddalarning qonga transdermal so'rilishi juda oz. Teriga applikatsiya qilinganda betametazonning so'rilish intensivligi epidermal to'siq holatiga bog'liq (yallig'lanish va teri kasalliklari so'rilishni oshiradi). Okklyuzion bog'lovlarni qo'llash betametazon va gentamitsinning transdermal so'rilishini oshiradi, bu tizimli nojo'ya ta'sirlar rivojlanishi xavfining oshishiga olib kelishi mumkin.

Qichishish, achishish, ta'sirlanish, teri qurishi, follikulit, gipertrixoz, steroid husnbuzarlar, gipopigmentatsiya, allergik reaksiyalar. Okklyuzion bog'lovlar qo'llanilganda - matseratsiya, infektsiyalanish, teri atrofiyasi, striyalar, issiqlik toshmasi. Uzoq vaqt davolanganda yoki katta yuzaga surtilganda - tizimli nojo'ya ta'sirlar rivojlanishi: tana vaznining oshishi, osteoporoz, arterial qon bosimining oshishi, shishlar, oshqozon-ichak trakti shilliq qavatining yaralanishi, yashirin infektsiya o'choqlarining zo'rayishi, giperglikemiya, qo'zg'alish, uyqusizlik, dismenoreya.

Ko'zga tushishidan saqlanish kerak.

Turg'un bakterial yoki zamburug'li mikroflora paydo bo'lganda preparatni bekor qilish, tegishli terapiyani tayinlash kerak.

Bolalarda teri qoplamlari maydonining tana vazniga nisbati kattalarnikiga qaraganda kattaroq bo'lganligi, shuningdek epidermis yetarli darajada rivojlanmaganligi sababli, preparat sirtga qo'llanilganda ta'sir etuvchi moddalarning mutanosib ravishda ko'proq miqdori so'rilishi mumkin va demak, tizimli nojo'ya hodisalar rivojlanish xavfi kattaroq. Bolalarda preparatni maksimal qisqa muddat va barcha ehtiyotkorlik choralariga rioya qilgan holda qo'llash kerak.

Preparatning biron-bir komponentiga yuqori sezuvchanlik, teri tuberkulyozi, zaxmning teri ko'rinishlari, suvchechak, oddiy gerpes, vaktsinatsiyadan keyingi teri reaktsiyalari, ochiq jarohatlar, bolalar yoshi (2 yoshgacha).

Ehtiyotkorlik bilan

Homiladorlik (ayniqsa I trimestr). 2 yoshdan 18 yoshgacha bo'lgan bolalar.

Homiladorlik va laktatsiya davrida qo'llanilishi

Homiladorlik vaqtida (ayniqsa I trimestrda) homiladorlarda mazni mahalliy qo'llashga faqat ona uchun taxmin qilinadigan foyda homila uchun potentsial xavfdan ustun bo'lgan hollardagina yo'l qo'yiladi. Bunday hollarda preparatni qo'llash qisqa muddatli bo'lishi va teri qoplamlarining kichik sohalari bilan cheklanishi kerak.

Preparat komponentlari ko'krak suti bilan ajralib chiqishi noma'lum. Shuning uchun Akriderm GK mazini laktatsiya davrida buyurishda emizishni to'xtatish tavsiya etiladi.

Preparatning boshqa dori vositalari bilan o'zaro ta'siri aniqlanmagan.