Mahsulotning ko'rinishi saytdagi rasmdan farq qilishi mumkin.

AKVADETRIM PLUS tomchilari 10ml

Name: Ibufen D suspenziyasi 120ml 100mg/5ml
Brand: «ПОЛЬФАРМА» АО
SKU: 59565
Price: 48000 UZS
Availability: InStock
Rating: 5 (1 reviews)

Kategoriya:

- Vitaminlar

Ishlab chiqarilish joyi:

- Polsha

Faol modda:

холекальциферол (витамин Д3), ретинола пальмитат

ko'proq ko'rsatish

Ishlab chiqaruvchi:

- «ПОЛЬФАРМА» АО

Vakil:

- Polpharma S. A.

ATX kodi:

- A11CВ

Barcha Akvadetrim dorilari

Noaniqliq haqida habar berish

Toshkentning 81 ta dorixonasida topildi

ico 34 000 s`om dan

Dorixonalardan izlash

ico 38 000 s`om dan + yetkazish

Buyurtma berish

ico 39 000 s`om dan

Bron qilish

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Tarkibi:

1 ml eritma (taxminan 34 tomchi) quyidagilarni saqlaydi:

Faol moddalar:

Retinol palmitati (А vitamini) 20 000 XB

Xolekaltsiferol (D3 vitamini) 10 000 XB

Yordamchi moddalar: polisorbat 80, benzil spirti (0,015 g), glitserol, propilenglikol (0,1 g), limon kislotasi monogidrati, natriy dodekagidrat gidrofosfati, anis aromatizatori, tozalangan suv.

Chiqarilish shakli

10 ml dan polietilen tiqin-tomchilagich va «birinchi ochish» kafolatili halqasi boʼlgan buraladigan polietilen qopqoqli toʼq shisha flakonlarda.

1 flakon tibbbiyotda qoʼllanilishiga doir yoʼriqnomasi bilan birga karton qutiga joylangan.

Dori shakli

ichga qabul qilish uchun tomchilar

Farmakodinamikasi

Yogʼda eruvchan vitaminlarga mansub boʼlgan А vitamini organizmni oʼsish jarayoni, epitelial toʼqimalar va shilliq qavatlarni differentsiatsiyasi va faoliyat koʼrsatishi uchun zarur. Erkin radikallar bilan bogʼlanib antioksidant taʼsir namoyon qiladi, sitoprotektor samara koʼrsatadi. Qorongʼida koʼrish qobiliyatini taʼminlovchi pigment rodopsinni hosil boʼlishi jarayonida muhim rolь oʼynaydi. Oqsillar, uglevodlar, steroid gormonlar metabolizmida ishtirok etadi. Tireotrop gormon sekretsiyasi va toʼqimalarda tiroksin neytralizatsiyasiga taʼsir koʼrsatadi. Jigarning enzim faolligini ragʼbatlantiradi. А vitamini tanqisligi kseroftalьmiyaga, qorongʼida koʼrishni yomonlashishi, teri va shilliq qavatlarni qurishiga olib keladi.

D3 vitamini va uning metabolitlari qonda kalьtsiy va fosfatlarning fiziologik kontsentratsiyalarini tutib turishda ishtirok etadi. Ular paratgormon bilan birga meʼda-ichak yoʼllarida kalьtsiyni soʼrilishini, buyrak kanalchalarida kaltsiy reabsorbtsiyasini va suyak toʼqimasida osteoklastlarning faolligini oshiradi. Kalьtsiyning tegishli darajasini tutib turish sababli osteoblastlar tomonidan sintez qilinadigan suyakning hujayralararo moddasini mineralizatsiyasi amalga oshadi. Qonda kalьtsiyning tegishli darajasini tutib turish ham nerv-mushak oʼtkazuvchanlik uchun muhim ahamiyatga ega.

А va D3 vitaminlarining birga taʼsiri D-VDR vitaminining steroid retseptorlari bilan RXR (9-tsis-retinol kislotasining retseptori) va RAR (retinol kislotasi) retinoidlar retseptorlari bilan dimerizatsiyasi oqibatida hosil boʼlgan geterodimerni mavjudligi bilan bogʼliq. VDR-RXR geterodimerlari yordamida A va D3 vitaminlari transkriptsiya jarayonlarini ragʼbatlantiradi va birga organizmda koʼpgina jarayonlarni boshqarib, oqsil sintezi uchun javobgar xuddi shu genlarning ekspressiyasiga taʼsir koʼrsatishi mumkin. Shu orqali 40 dan ortiq oqsillar sintezi, shu jumladan epidermis, keratin, muguzlangan hujayralar oqsili, shuningdek hujayralarni oʼsishini boshqaruvchi ornitin-dekarboksilazani boshqarishi isbotlangan. D vitamini retseptori agar 9-tsis-

retinol kislotasi retseptori boʼlmasa, D3 vitamini bilan birikuvchi fragmentlar bilan bogʼlanmaydi.

А va D3 vitaminlari birga geterodimer retseptorlari orqali oʼzlarining taʼsirini boshqaradi, xujayralar proliferatsiyasi va differentsiatsiyasiga shunday taʼsir koʼrsatadi va shuning uchun teri kasalliklarini davolashda qoʼllanadi. А va D3 vitaminlari majmuasini qoʼllashga koʼrsatma boʼlib psoriaz, T-limfomaning oʼtkir shakli, follikulyar keratoz hisoblanishi mumkin.

Farmakokinetikasi

А vitaminini meʼda-ichak yoʼllaridan soʼrilishi jarayoni tez amalga oshadi. Soʼrilish asosan ingichka ichakda amalga oshadi. Bu jarayonning samaradorligi 60-90% ni tashkil qiladi. А vitamini davomli biologik yarim chiqarilish davriga ega va jigarda toʼplanadi (lipotsitlarda, glikolipoprotein komplekslarda retinol efirlari shaklida). Qonga ajralishdan oldin retinol efirlari gidrolizga uchraydi, ajralayotgan retinol esa retinol-bogʼlovchi apooqsil bilan bogʼlanadi. Jigarda toʼplanmaydigan retinol jigarda koʼpgina metabolitlarigacha biotransformatsiyaga uchraydi va glyukuron kislotasi bilan konʼyugatsiyaga uchraydi, soʼngra retinal va retinol kislotasigacha oksidlanadi. А vitamini metabolitlari buyraklar orqali chiqariladi. Metabolitlarning bir qismi glyukuron kislotasi yoki taurin bilan bogʼlanadi va safro bilan chiqariladi.

D3 vitaminini meʼda-ichak yoʼllarida soʼrilishi oʼt kislotalari ishtirokida, asosan ingichka ichakda passiv diffuziyada amalga oshadi. Yuborilgan dozaning 50 dan 80% gachasi soʼriladi.

Plazmada D3 vitamini jigarda sintezlanadigan spetsifik bogʼlanadigan oqsil bilan kompleks shaklida jigarga tashiladi. Jigarda D3 vitamini 25 holatda gidroksil guruhini qoʼshilishiga uchraydi va tizimli qon oqimiga takroran ajralib chiqadi, u yerda spetsifik alьfa-2-globulin bilan bogʼlangan shaklda boʼladi. D3 vitaminini metabolik faollashishi asosan buyrak va jigarda amalga oshadi. D3 vitaminining yakuniy mahsuloti – kalьtsitriol kislotasi siydik bilan chiqariladi.

Nojo'ya samaralari

Vitaminga kam hollarda (≥1/10 000 dan <1/1 000 gacha) kuzatiladigan yuqori sezuvchanlik yoki uzoq vaqt davomida yuqori dozalarda qoʼllanilganda D gipervitaminozi yoki А gipervitaminozi deb nomlanuvchi zaharlanish kuzatilishi mumkin.

D gipervitaminozi simptomlari:

Moddalar almashinuvi va oziqlanishni buzilishlari

Tana vaznini kamayishi.

Ruhiyatni buzilishi

Depressiya, ruhiy buzilishlar.

Nerv tizimi tomonidan buzilishlar

Bosh ogʼrigʼi.

Meʼda-ichak yoʼllari tomonidan buzilishlar

Ishtahani yoʼqolishi, koʼngil aynishi, qusish, qabziyat.

Skelet-mushak va biriktiruvchi toʼqima tomonidan buzilishlar

Mushak va boʼgʼimlarda ogʼriq.

Buyrak va siydik chiqarish yoʼllari tomonidan buzilishlar

Poliuriya, nefrolitiaz.

Shuningdek quyidagilar kuzatilishi mumkin: ogʼizni qurishi, qonda va/yoki siydikda kalьtsiy darajasini oshishi, toʼqimalar kalьtsinozi, bosh aylanishi, taʼsirchanlik, duduqlanish, sochlarni toʼkilishi, terini qurishi, qorinda ogʼriq, anemiya, teri osti toʼqimasi shishi va suyak-boʼgʼimda ogʼriq.

Vitaminlar bekor qilingandan keyin odatda ushbu simptomlar toʼliq oʼtib ketadi.

А vitaminini qoʼllashni davom ettirish jigarni shikastlanishi sababchisi boʼlishi mumkin.

Noxush nojoʼya taʼsir holatlari haqida xabar berish

Biron-bir nojoʼya ogʼirlashgan yoki ushbu yoʼriqnomada koʼrsatilmagan biron-bir nojoʼya taʼsirn paydo boʼlgan xolatlarda, ular haqida shifokor yoki farmatsevtga xabar berish kerak. Tibbiyot xodimlari gumon qilinayotgan barcha nojoʼya taʼsirlar haqida xabar berishlari kerak.

Nojoʼya taʼsirlar haqidagi bunday xabarlar tufayli, preparatni qoʼllashning xavfsizligi haqida toʼliq maʼlumot toʼplash mumkin boʼladi.

Maxsus shartlar

Dozani oshirib yuborishdan saqlaning.

Buyrak-tosh kasalligi boʼlgan shaxslarda ehtiyotkorlik bilan qoʼllash kerak.

Preparatni qoʼllashda А vitaminiga boy ovqatlarni koʼp miqdorda qabul qilish mumkin emas (masalan, jigarni).

Uzoq vaqt davomida qoʼllanadigan vitaminlarning juda yuqori dozalari yoki preparatning zarb dozalari surunkali А va/yoki D3 gipervitaminozi sababchisi boʼlishi mumkin.

Tiazid diuretiklarni va boshqa diuretiklarni qabul qilayotgan immobilizatsiya qilingan patsientlarga, buyrak-tosh kasalligi, yurak kasalliklari boʼlgan va yurak glikozidlarini qabul qilayotgan patsientlarga preparatni ehtiyotkorlik bilan buyurish kerak.

Preparatni qoʼllash vaqtida qon va siydikda kaltsiy va fosfatlarning darajasini vaqti-vaqti bilan nazorat qilish kerak. D3 vitamini va kalьtsiy, fosfor va magniyning yuqori dozalarini bir vaqtda qabul qilish mumkin emas.

Tugʼilganida oldingi liqildoqning oʼlchamlari kichik boʼlgan emizikli bolalarda preparatni alohida ehtiyotkorlik bilan buyurish kerak.

Аkvadetrim plyus benzil spirti saqlaydi. Dori vositasi 3 yoshgacha boʼlgan bolalarda zaharlanish va oʼta yuqori sezuvchanlik reaktsiyalarini chaqirishi mumkin.

Transport vositalarini haydash va mexanik moslamalarni boshqarish qobiliyatiga taʼsiri
Taʼsir qilmaydi.

Qo'llanilishi

- A va D3 vitamini tanqisligi xolati;

- teri va shilliq qavatlarning kasalliklari (shu jumladan psoriaz, ixtioz, onkologik kasalliklar fonidagi dermatozlar) ni yordamchi davolashda qoʼllanadi.

Qo'llanilishi mumkin bo'lmagan holatlar

Faol moddalarga yoki biron-bir yordamchi moddalarga yuqori sezuvchanlik.

А gipervitaminozi, D3 gipervitaminozi, buyrak yetishmovchiligi, giperkaltsiemiya, kam soʼrilish sindromi.

Yuqori sezuvchanlik reaktsiyasi yuzaga kelishi mumkinligini eʼtiborga olib, 4 xaftalikkacha boʼlgan bolalarga buyurish mumkin emas.

Davolash vaqtida А i D3 vitaminlarini saqlovchi boshqa preparatlarni qoʼllash mumkin emas.

Dori vositalarining o'zaro ta'siri

Quyidagilarni qo‘llaganda A vitaminining so‘rilishi izdan chiqishi mumkin:

- xolestiramin,

- kolestipol,

- neomitsin (ichga qabul qilganda),

- mineral moy.

Bunday xolatlarda A vitaminining dozasini oshirish talab etilishi mumkin.

Shuningdek orlistatni qo‘llash ham A vitaminini so‘rilishini kamayishi sababchisi bo‘lishi mumkin.

• Peroral kontratseptivlar plazmada A vitaminining kontsentratsiyasini oshiradi.

• A vitaminini boshqa retinoidlar bilan birga qo‘llash uning toksikligini oshishiga olib kelishi mumkin.

• 50 000 XB dan yuqori A vitaminining yuqori dozalari tetratsiklin bilan majmuada bosh miya ichki gipertenziyasi sababchisi bo‘lishi mumkin.

• Preparatni alkogolь bilan bir vaqtda qo‘llash gepatotoksik ta'sirini kuchayishiga olib kelishi mumkin.

• Alyumin saqlovchi antatsid preparatlarni uzoq vaqt D3 vitamini bilan majmuada qo‘llash qonda alyumin kontsentratsiyasini va oqibatda – alyuminni suyak to‘qimasiga toksik ta'sirini oshishiga olib kelishi mumkin.

• Magniy saqlovchi antatsid vositalarni va D3 vitaminini bir vaqtda qo‘llash, ayniqsa yondosh surunkali buyrak yetishmovchiligida gipermagnezemiyaga olib kelishi mumkin.

• D3 vitamini va fosfor saqlovchi preparatlarni bir vaqtda qo‘llash giperfosfatemiya ko‘rinishlari xavfini oshiradi..

Maxsus saqlash sharoitlari

25°C dan yuqori boʼlmagan haroratda, yorugʼlikdan himoyalangan joyda saqlansin.

Sovutgichda saqlanmasin, muzlatilmasin.

Bolalar ololmaydigan joyda saqlansin.

Yaroqlilik muddati

2 yil.

Ochilgan flakonni 4 oy davomida ishlatish kerak.

Yaroqlilik muddati oʼtgach qoʼllanilmasin.

Ta'rifi

tiniq, sariq rangli, anis hidli qovushqoq suyuqlik.

Dozirovkasi

Dozalash.

4 xaftalik davrdan oshgan emizikli chakaloklar va bolalar - sutkada 2 tomchidan buyuriladi.

Usmirlar va kattalar - sutkada 2 tomchidan buyuriladi.

Homiladorlar va emizikli ayollar - sutkada 2 tomchidan buyuriladi.

Qoʼllash usuli

Ichga qabul qilish uchun.

Preparat bir qoshiq suyuqlik bilan birga qabul qilinadi.

Izoh: 1 tomchi 580 XB А vitamini va 290 XB D3 vitamini saqlaydi.

Dozani oshirib yuborilishi

Simptomlari

А vitamini bilan oʼtkir zaharlanganda, ayniqsa bolalarda bosh miya ichki bosimini oshishi va qusish kuzatiladi. А vitamini bilan surunkali zaharlanishda quyidagilar kuzatiladi: ishtahani yoʼqolishi, koʼzlarda ikkilanish, oʼzini yomon his qilish, bosh ogʼrigʼi, sochlarni toʼkilishi, lablarda yorilish, yuqori qoʼzgʼalish, suyaklarni yupqalashishi va suyaklarda ogʼriq, jigar va taloqni kattalashishi, gipoplastik anemiya, leykopeniya, ayrim xolatlarda bosh miya ichki bosimni oshishi va gidrotsefaliya. Bolalarda naysimon suyaklarning epifizar oʼsish zonalarini erta yopilishi kuzatiladi.
D3 vitaminining toksik taʼsiri simptomlari giperkalьtsiemiya, giperkalьtsiuriya, buyrak kalьtsifikatsiyasi va suyaklarni shikastlanishini oʼz ichiga oladi. D3 vitamini dozasi oshirib yuborilishining klinik simptomlari boʼlib bosh ogʼrigʼi, letargik uyqu, ishtahani yoʼqolishi, kuchli chanqoqlik, poliuriya, koʼngil aynishi, qusish, qabziyatlar, mushak kuchsizligi, tana vaznini kamayishi, konʼyunktivit, fotofobiya, pankreatit, burundan suvli ekssudat ajralishi, qichishish, gipertermiya, libidoni pasayishi, giperxolesterinemiya, aminotransferazalar faolligini oshishi, gipertenziya, taxiaritmiya va uremiya boʼlgan.

Davolash:

Preparatni qoʼllash toʼxtatiladi. Koʼp miqdorda suyuqlik qabul qilinadi. Shifokorga murojaat qilish kerak. Statsionar davolashning zarurati boʼlishi mumkin.

Homiladorlik va laktatsiya davrida qullanishi

Qoʼllashdan oldin shifokorni homiladorlik yoki shubhalanayotgan homiladorlik toʼgʼrisida xabardor qilish kerak, dorini homiladorlik va laktatsiya davrida qoʼllashga nisbatan shifokorning maslahati zarur.

Homila uchun potentsial xavfi tufayli, homilador ayollarda А va D3 vitaminlarining yuqori dozalaridan saqlanish kerak. Homiladorlik va emizish davrida ayollarda А vitaminining sutkada 4000 XB dan yuqori dozalarini qoʼllash mumkin emas.

Teratogen xavfga taʼsir koʼrsatuvchi ahamiyatli omil boʼlib faqatgina doza emas, balki preparatni qoʼllash davrida ham hisoblanadi. А vitaminining teratogen xususiyatlari haqidagi maʼlumotlar homiladorlik yoki laktatsiya davrida ayollarda А vitaminini yetishmovchiligini faqatgina juda zarur boʼlgan, ushbu vitamin tanqisligi aniqlangan, tegishli parhezni qoʼllash esa vitaminga boʼlgan ehtiyojni qondirmagan xolatda, shuningdek organizmda А vitaminining almashinuvi xolatini sinchkovlik bilan baholagandan keyin toʼldirish qoidalariga qatʼiy rioya qilish kerakligini koʼrsatadi.

Fikr qoldirish