ALMAGEL NEO suspenziya 170ml N20

Simetikon fiziologik va kimyoviy inertligi tufayli a'zo va to'qimalarga so'rilmaydi va MITYdan o'tgandan so'ng o'zgarmagan holda chiqariladi. Ichakda alyuminiy va magniy ionlarining so'rilishi - past. Buyrak funktsiyasi normal bo'lganda qondagi alyuminiy va magniy kontsentratsiyasi o'zgarmaydi. Surunkali buyrak yetishmovchiligi bo'lgan bemorlarda alyuminiy va magniyning qondagi darajasi ularning chiqarilishi buzilishi natijasida toksik qiymatlargacha oshishi mumkin.

Majmuaviy vosita, uning ta'siri tarkibiga kiruvchi komponentlar bilan belgilanadi. Antatsid, adsorbtsiyalovchi, o'rab oluvchi, yel haydovchi ta'sir ko'rsatadi. Algeldrat (alyuminiy gidroksidi) va magniy gidroksidi oshqozondagi erkin xlorid kislotasini neytrallaydi, oshqozon shirasi kislotaliligini pasaytiradi, safro kislotalarini bog'laydi. Magniy gidroksidining surgi ta'siri algeldratning ichak motorikasini sekinlashtirish qobiliyatini muvozanatlashtiradi. Simetikon gaz pufakchalari hosil bo'lishini qiyinlashtiradi va ularning parchalanishiga yordam beradi. Bunda ajralib chiqqan gazlar ichak devorlari tomonidan so'riladi va peristaltika tufayli organizmdan chiqariladi.

Allergik reaksiyalar, ko'ngil aynishi, qusish, ta'm sezgilarining o'zgarishi, qabziyat, diareya. Yuqori dozalarda uzoq vaqt qabul qilinganda - gipofosfatemiya, gipokaltsiemiya, giperkaltsiuriya, osteomalyatsiya, osteoporoz, gipermagniemiya, giperalyuminemiya, entsefalopatiya, nefrokalsinoz, buyrak funktsiyasining buzilishi. Hamroh buyrak yetishmovchiligi bo'lgan bemorlarda - chanqoq, qon bosimining pasayishi, giporefleksiya.

Almagel Neo va boshqa dori vositalarini qabul qilish orasidagi oraliq 1-2 soatni tashkil qilishi kerak.

Uzoq muddat qabul qilganda ovqat bilan yetarli miqdorda fosfor tushishini ta'minlash lozim.

Nazorat qilinadigan klinik sinovlar ma'lumotlari yo'qligi sababli, emizikli ayollarga Almagel^® Neoni faqat shifokor maslahatidan so'ng qabul qilish kerak.

Preparatning bitta o'lchov qoshig'i (5 ml) 0,113 g etil spirti saqlaydi, natijada jigar va miya kasalliklari bo'lgan bemorlarda, alkogolizm va epilepsiya bilan og'riganlarda, homilador ayollar va 18 yoshgacha bo'lgan bolalarda asoratlar yuzaga kelishi mumkin.

Preparatning sutkalik dozasi (8 o'lchov qoshig'i) 0,904 g etil spirti saqlaydi, suspenziyaning maksimal sutkalik dozasi (12 o'lchov qoshig'i) 1,356 g etil spirti saqlaydi.

Almagel^® Neo preparatining bitta o'lchov qoshig'i (5 ml) 0,475 g sorbitol saqlaydi, u tug'ma fruktozani o'zlashtira olmaslikda mumkin emas va me'da ta'sirlanishi hamda diareyani chaqirishi mumkin.

Avtotransportni boshqarish va yuqori diqqatni jamlash hamda psixomotor reaksiyalar tezligini talab qiluvchi mexanizmlar bilan ishlash qobiliyatiga salbiy ta'sir ko'rsatmaydi.

• surunkali buyrak yetishmovchiligi;
• homiladorlik;
• Altsgeymer kasalligi;
• gipofosfatemiya;
• 10 yoshgacha bo'lgan bolalar;
• tug'ma fruktoza o'zlashtiraolmaslik;
• yuqori sezuvchanlik.

Ehtiyotkorlik bilan: laktatsiya davri, jigar kasalliklari, alkogolizm, bosh miya jarohati, bosh miya kasalliklari, epilepsiya, 10 yoshdan 18 yoshgacha bo'lgan bolalar va o'smirlar.

Almagel^® Neo digoksin, indometatsin, salitsilatlar, xlorpromazin, fenitoin, H_{-gistamin retseptorlari blokatorlari, beta-adrenoblokatorlar, diflunizal, ketokonazol va itrakonazol, izoniazid, tetratsiklin qatori antibiotiklari va xinolonlar, azitromitsin, sefpodoksim, pivampitsillin, rifampitsin, bilvosita antikoagulyantlar, barbituratlar, feksofenadin, dipiridamol, zaltsitabin, xenodezoksixol va ursodezoksixol kislotalari, penitsillamin va lansoprazolning so'rilishini kamaytiradi va sekinlashtiradi.}

M-xolinoblokatorlar me'da bo'shalishini sekinlashtirib, preparat ta'sirini kuchaytiradi va uzaytiradi.

Kattalar.

Ichga, 2 o'lchov qoshiq apelsin ta'mli suspenziya sutkasiga 4 marta ovqatdan 1 soat keyin va kechqurun uyqudan oldin. Zarurat bo'lganda bir martalik dozani 4 o'lchov qoshiqqacha oshirish mumkin, lekin maksimal sutkalik doza 12 o'lchov qoshiqdan oshmasligi kerak.

10 yoshdan katta bolalar.

Dozani davolovchi shifokor belgilaydi - odatda kattalar uchun dozaning 1/2 qismi.

Davolash kursi - 4 haftadan oshmasligi kerak. Qabul qilishdan oldin suspenziyani flakonni silkitib gomogenizatsiya qilish kerak. Almagel^® Neo ni suyultirilmagan holda qabul qilish maqsadga muvofiqdir. Preparatni qabul qilgandan keyin yarim soat davomida suyuqlik qabul qilish tavsiya etilmaydi.