AMLODIL-AB tabletkalari 8/10mg N30

Amlodil-AB - angiotenzinga aylantiruvchi ferment ingibitori (AAF) - perindopril va digidropiridin guruhiga mansub “sekin” kal'tsiy kanallari blokatori (SKKB) - amlodipin majmuasidir.

Perindopril angiotenzin I ni angiotenzin II ga aylantiruvchi ferment ingibitori (angiotenzinga aylantiruvchi ferment - AAF) hisoblanadi. Angiotenzinga aylantiruvchi ferment yoki kininaza, ekzopeptidaza hisoblanadi, u ham angiotenzin I ni qon tomirlarni toraytiruvchi angiotenzin II moddasiga aylantiradi, ham qon tomirlarni kengaytiruvchi bradikininni faol bo'lmagan geptapeptid moddasigacha parchalaydi. AAF susaytirilishi qon plazmasida angiotenzin II darajasini kamayishiga olib keladi, buning natijasida plazmadagi renin faolligi oshadi (qayta aloqa printsipiga asosan) va al'dosteron sekretsiyasi kamayadi. AAF bradikininni faolsizlantirishi tufayli, AAF ni susaytirilishi ham aylanib yuruvchi, ham to'qimalarda kallikrein-kinin tizimining faolligi oshadi, bunda prostaglandinlar tizimi faollashadi. Ehtimol, ushbu mexanizm AAF ingibitorlarining antigipertenziv samarasiga ham hissa qo'shishi mumkin va ushbu preparatlarning ayrim nojo'ya samaralarini (masalan, yo'tal) qisman asoslaydi.

Perindoprilning ta'siri uning metaboliti – perindoprilatning faolligiga asoslangan. Perindoprilning boshqa metabolitlari in vitro sharoitda AAF faolligini susaytirmaganligini ko'rsatgan.

Perindopril arterial gipertenziyaning har qanday: yengil, o'rtacha va og'ir darajasida samarali. Yotgan va turgan holatda ham sistolik, ham diastolik arterial bosimi (AB) pasayishi kuzatiladi.

Perindopril periferik qon tomirlar qarshiligini kamaytiradi, bu AB ni pasayishiga olib keladi. Natijada periferik qon oqimi oshadi, ammo yurak qisqarishlari soni

(YuQS) oshmaydi. Buyrakda qon oqimi oshadi, ayni vaqtda kalavalar fil'tratsiya tezligi o'zgarmaydi.

Maksimal antigipertenziv samara bir marta qabul qilgandan 4-6 soatdan so'ng kuzatiladi va 24 soat davomida saqlanadi: qoldiq samara cho'qqi samaradan taxminan 87-100% ni tashkil etadi.

Arterial qon bosimi tez pasayadi. Davolashga javob bergan patsientlarda AB taxminan bir oy ichida normallashadi va samara taxifilaksiya rivojlanishisiz saqlanadi.

Preparatni bekor qilish gipertenziv reaktsiya paydo bo'lishiga olib kelmaydi. Perindopril yurak chap qorinchasi gipertrofiyasini kamaytiradi.

Perindopril qon tomirlarni kengaytiruvchi ta'sir ko'rsatadi, yirik arteriyalar elastikligini tiklaydi va mayda arteriyalarning bo'shlig'i devor qalinligiga nisbatini kamaytiradi.

Perindopril yurak-qon tomir kasalliklardan o'lim darajasini va asoratlar rivojlanishi tez-tezligini ishonchli ravishda pasaytiradi.

Amlodipin – “sekin” kal'tsiy kanallari blokatori, digidropiridin hosilasi, membranalar orqali kal'tsiy ionlari kardiomiotsitlarga va qon tomirlarning silliq mushakli hujayralariga kirishini bloklaydi.

Amlodipinning antigipertenziv ta'sirining mexanizmi qon tomirlarning silliq mushaklariga bevosita bo'shashtiruvchi ta'siriga asoslangan.

Amlodipin periferik arteriolalarni kengaytiradi, va shu tariqa umumiy periferik qon tomirlar qarshiligini (UPTQ), ya'ni keyingi yuklamani kamaytiradi. YuQS barqaror bo'lishi tufayli, keyingi yuklama kamayishi energiyani sarflanishi kamayishiga va miokardning kislorodga bo'lgan ehtiyojini kamayishiga olib keladi. Amlodipin asosiy koronar arteriyalar va arteriolalarni kengaytiradi, shu jumladan miokardning ishemiyaga uchragan sohalarida, bu vazospastik stenokardiyasi (Printsmetal stenokardiyasi yoki variant stenokardiya) bo'lgan patsientlarda miokardga kislorod etkazilishini oshiradi.

Arterial gipertenziyasi bo'lgan patsientlarda amlodipinning sutkalik bir martalik dozasi AB ning 24 soat davomida turgan holatda ham, yotgan holatda ham klinik ahamiyatli pasayishiga olib keladi. Ta'sir ko'rsatilishi boshlanishi sekinligi hisobiga amlodipin AB keskin pasayib kelishiga olib kelmaydi.

Stenokardiyasi bo'lgan patsientlarda amlodipinning sutkalik bir martalik dozasini qabul qilish jismoniy yuklamani bajarish umumiy vaqtini oshiradi, stenokardiya xuruji vujudga kelishi va ST segmenti depressiyasi (1 mm ga) rivojlanishi vaqtini kechiktiradi, stenokardiya xurujlari tez-tezligini va nitroglitseringa ehtiyojni kamaytiradi.

Amlodipin moddalar almashinuviga va qon plazmasidagi lipidlari darajasiga salbiy ta'sir ko'rsatmaydi va bronxial astma, qandli diabet va podagrasi bo'lgan patsientlarga ham buyurilishi mumkin.

Amlodipin perindopril bilan majmuada stenokardiya xurujlari tez-tezligi, miokard infarkti va insul't rivojlanishi xavfi, shuningdek yurak – kon tomir kasalliklardan o'lim darajasini ishonchli ravishda kamaytiradi.

Perindopril va amlodipinning farmakokinetik xususiyatlari ularni alohida qabul qilish bilan solishtirganda, o'zgarmaydi.

Perindopril

So'rilishi va metabolizmi.Qabul qilgandan so'ng perindopril tez so'riladi. Qon plazmasida maksimal kontsentratsiyasiga (Cmax) 1 soat davomida erishiladi.

Perindopril qon plazmasidan yarim chiqarilish davri (T1/2) 1 soatni tashkil etadi. Perindoprilning qabul qilingan dozasining 27% faol metaboliti perindoprilat ko'rinishida tizimli qon oqimiga yetadi. Metabolizmning boshqa mahsulotlari faol emas. Perindoprilatning qon plazmasidagi Cmax ga 3-4 soat davomida erishiladi. Ovqat iste'mol qilinishi perindoprilni perindoprilatga aylanishini va natijada uning biokiraolishligini kamaytiradi. Perindoprilning dozasi va uning qon plazmasida ekspozitsiyasi o'rtasida proportsional bog'liqlik mavjud.

Taqsimlanishi. Bog'lanmagan perindoprilatning taqsimlanish hajmi 0,2 l/kg ni tashkil etadi. Perindoprilatni qon plazmasidagi oqsillar bilan (asosan AAF bilan) bog'lanishi 20% ni tashkil etadi va preparatning kontsentratsiyasiga bog'liq.

Сhiqarilishi.Perindoprilat organizmdan buyraklar orqali chiqariladi. Bog'lanmagan fraktsiya T1/2 17 soatni tashkil etadi, bu muvoanat holatiga 4 kunda erishish imkoniyatini yaratadi.

Patsientlarning alohida guruhlarida farmakokinetikasi

Keksa patsientlarda, shuningdek buyrak va yurak yetishmovchiligi bo'lgan patsientlarda perindoprilatni chiqarilishi sekinlashadi. Dializda perindoprilatning klirensi minutiga 70 ml ni tashkil etadi.

Jigar tsirrozi bo'lgan patsientlarda dastlabki modda perindoprilning jigar klirensi ikki marta sekinlashadi. Ammo hosil bo'ladigan perindoprilatning miqdori kamaymaydi, shuning uchun doza tanlash talab etilmaydi. Amlodipin

So'rilishi va metabolizm. Amlodipin me'da-ichak yo'llaridan yaxshi so'riladi va qon plazmasida Cmax ga qabul qilinganidan 6-12 soatdan keyin erishiladi. Amlodipinning mutloq biokiraolishligi 64-80% ni tashqil etadi. Ovqat iste'mol qilish amlodipinning o'zlashtiraolinishiga ta'sir ko'rsatmaydi. Amlodipin faol bo'lmagan metabolitlar hosil qilib, jigarda jadal metabolizmga uchraydi.

Taqsimlanishi.Taqsimlanish hajmi taxminan 21 l/kg ni tashkil etadi. In vitro sharoitda o'tkazilgan tadqiqotlar tizimli qon oqimidagi amlodipinning taxminan 97,5% qon plazmasi oqsillari bilan bog'langanligini ko'rsatadi.

Сhiqarilishi.T1/2 35-50 soatni tashkil etadi. Qabul qilingan dozaning 60% metabolitlar ko'rinishida, 10 % - o'zgarmagan amlodipin ko'rinishida siydik bilan chiqariladi.

Patsientlarning alohida guruhlarida farmakokinetikasi

Keksa patsientlarda amlodipin klirensi sekinlashadi, bu “kontsentratsiya-vaqt” egri chizig'i ostidagi maydon (AUC) va T1/2 oshishiga olib keladi.

Buyrak yetishmovchiligi bo'lgan patsientlarda amlodipinni chiqarilishi sekinlashadi. Jigar faoliyatini buzilishi bo'lgan patsientlarda amlodipin qo'llanilishi bilan bog'liq klinik ma'lumotlar juda cheklangan. Jigar yetishmovchiligi bo'lgan patsientlarda amlodipin klirensi sekinlashadi, bu yarim chiqarilish davrini uzayishiga va AUC taxminan 40-60% ga oshishiga olib keladi.

AAF ingibitorlari va kal'tsiy kanallari blokatorlari.

Tabletkalar

Nojo'ya reaktsiyalar vujudga kelishi tez-tezligi perindopril va amlodipin uchun alohida keltirilgan.

Quyida sanab o'tilgan nojo'ya reaktsiyalar MedDRA tasnifiga muvofiq a'zolar tizimlari sinflari bo'yicha va vujudga kelishi tez-tezligi bo'yicha keltirilgan: juda tez-tez (>1/10); tez-tez ( >1/100 dan <1/10 gacha); tez-tez emas ( >1/1 000 dan <1/100 gacha); kam hollarda ( >1/10 000 dan <1/1 000 gacha); juda kam hollarda (<1/10000); noma'lum (mavjud ma'lumotlar asosida baholab bo'lmaydi).

Perindopril

O'ta yuqori sezuvchanlik/Angionevrotik shish

Yuz, qo'l-oyoq, lablar, shilliq qavatlar, til, ovoz yorig'i va/yoki hiqildoqning angionevrotik shishi juda kam hollarda AAF ingibitorlari, shu jumladan perindopril bilan davolangan patsientlarda kuzatilgan.

Bunday holatlar davolashning istalgan vaqtida kuzatilishi mumkin. Bunday vaziyatda Amlodil-AB preparatini qabul qilishni darhol to'xtatish va barcha simptomlar yo'qolguncha kuzatishni davom ettirish kerak. Shish yuz va lab sohasi bilan cheklanganda, odatda bunday holat davolanishsiz o'tib ketadi, garchi antigistamin preparatlarini qo'llaganda holat yengillashgani kuzatilgan.

Hiqildoqning shishi bilan kechuvchi angionevrotik shish o'limga olib kelishi mumkin. Shish til, ovoz yorig'i yoki hiqildoq sohasiga tarqalganda, nafas yo'llari obstruktsiyasi vujudga kelishi mumkin, shuning uchun darhol shoshilinch davolashni qo'llash kerak.

Bunday davolash adrenalin yuborilishini va/yoki nafas yo'llarining erkin o'tkazuvchanligini tutib turishni o'z ichiga oladi. Patsient simptomlar to'liq va barqaror yo'q bo'lguncha qat'iy tibbiy nazorat ostida bo'lishi kerak.

Anamnezda AAF ingibitorlari bilan davolash bilan bog'liq bo'lmagan angionevrotik shish bo'lgan patsientlar AAF ingibitorlari qo'llanganda angionevrotik shish rivojlanishning yuqori xavfiga ega.

AAF ingibitorlari bilan davolangan patsientlarda kam hollarda ichak shishi kuzatilishi to'g'risida xabar berilgan. Bunday patsientlarda qorinda og'riq kuzatilgan (ko'ngil aynishi yoki qusish bilan yoki usiz); bunda ayrim vaziyatlarda yuz sohasida dastlabki angionevrotik shish kuzatilmagan va C-1 esteraza darajasi normada bo'lgan. Simptomlar AAF ingibitori qabul qilinishi bekor qilingandan so'ng yo'qolgan. Bu shishni boshqa etiologiyali og'riqlardan ajratish kerak.

PZL-aferaz vaqtidagi anafilaktoid reaktsiyalar

AAF ingibitorlarini qabul qiluvchi patsientlarda past zichlikdagi lipoproteinlarni dekstran sul'fati bilan aferezi (PZL-aferez) qilish vaqtida kam holatlarda hayot uchun xavfli anafilaktoid reaktsiyalar kuzatilgan. Har bir aferezi jarayonidan avval AAF ingibitorini qabul qilishni vaqtincha bekor qilish yo'li bilan bu reaktsiyalarning oldini olish mumkin edi.

Desensibilizatsiya o'tkazilgandagi anafilaktoid reaktsiyalar

Desensibilizatsion davolanayotgan (masalan, pardaqanotlilar zahari bilan) patsientlarda AAF ingibitorlarini qabul qilganda anafilaktoid reaktsiyalar kuzatilgan. AAF ingibitorlari qabul qilinishi vaqtincha bekor qilingandan so'ng simptomlar yo'q bo'lgan; tasodifan provokatsiya qilinganda takroran paydo bo'lgan. Neytropeniya / Agranulotsitoz / Trombotsitopeniya / Anemiya

AAF ingibitorlarini qabul qiluvchi patsientlarda neytropeniya / agranulotsitoz, trombotsitopeniya va anemiya rivojlanishi kuzatilgan. Buyrak faoliyati normal bo'lgan va boshqa og'irlashtiruvchi omillar mavjud bo'lmagan patsientlarda neytropeniya kam holatlarda kuzatiladi. Kollagenozli patsientlarda, immunodepresantlar bilan davolaganda, allopurinol yoki prokainamid bilan davolagan yoki ushbu og'irlashtiruvchi omillar mavjudligida, ayniqsa buyrak faoliyatini buzilishi bo'lganda perindoprilni juda ehtiyotkorlik bilan qo'llash kerak. Ushbu patsientlarning ayrimlarida jiddiy infektsiyalar rivojlangan, ayrim vaziyatlarda ular antibiotiklar bilan jadal davolashga ham javob bermagan. Agar perindopril bunday patsientlarni davolash uchun qo'llansa, leykotsitlar miqdorini muntazam ravishda tekshirish kerak; shuningdek patsientlar infektsiyaning har qanday belgilari haqida xabar berish to'g'risida ogohlantirilishi kerak.

Arterial gipotenziya

AAF ingibitorlari odatda AYuQX past bo'lgan patsientlarda (diuretiklar qabul qiluvchi, tuz miqdori kam bo'lgan parhezda bo'lgan, dializdagi patsientlar, qusish yoki diareya bilan xastalangan) yoki reninga bog'liq og'ir arterial gipertenziya bilan xastalangan patsientlarda AB ning keskin pasayishini chaqirishi. Bunday patsientlarda AB ni, qon zardobida kaliy darajasini va buyrak faoliyatini sinchiklab nazorat qilish kerak.

Yurak ishemik kasalligi yoki tserebrovaskulyar kasalligi bo'lgan patsientlarda arterial qon bosimi keskin pasayishi miokard infarktiga yoki insul'tga olib kelishi mumkin.

Arterial gipotenziya rivojlangan holatlarda patsientni chalqanchasiga yotqizish kerak va zarurati bo'lsa AYuQX ni vena ichiga 0.9% li natriy xloridi eritmasini yuborish orqali to'ldirish kerak. Tranzitor arterial gipotenziya rivojlanishi keyinchalik preparatni qabul qilish uchun qarshi ko'rsatma hisoblanmaydi; agar AYuQX oshishi natijasida arterial bosim oshsa, preparatni qabul qilishni davom ettirish mumkin.

Aortal va mitral klapan stenozi / gipertrofik kardiomiopatiya

Boshqa AAF ingibitorlari kabi perindoprilni mitral klapan stenozi va yurak chap qorinchasining chiqish yo'li obstruktsiyasi (aorta stenozi yoki gipertrofik kardiomiopatiya) bo'lgan patsientlarga ehtiyotkorlik bilan buyurish kerak. Buyrak faoliyatini buzilishi

Keksa patsientlarda va buyrak yetishmovchiligi bo'lgan patsientlarda preparatni

chiqarilishi sekinlashganligi sababli, qonda kaliy darajasi va qon zardobida kreatinin kontsentratsiyasini tez-tez tekshirish kerak.

Buyrak yetishmovchiligi bo'lganida (KK < 60 ml/minut) alohida komponentlarning dozalarini shaxsiy ravishda tanlash tavsiya etiladi.

Buyrak arteriyasining ikki tomonlama stenozi yoki yagona buyrak arteriyasi stenozi va AAF ingibitorini qabul qiluvchi patsientlarda qon zardobida mochevina va kreatinin kontsentratsiyasini oshishi kuzatilgan. Renovaskulyar gipertenziyada og'ir arterial gipotenziya va buyrak yetishmovchiligi rivojlanishi xavfi mavjud. Bunday toifadagi patsientlarga preparatni buyurish zarurati bo'lganida kaliy darajasini va qon zardobida kreatinin kontsentratsiyasini miqdorini muntazam ravishda tekshirish kerak. Jigar faoliyatini buzilishi

Jigar faoliyati buzilishi bo'lgan patsientlarga preparatni ehtiyotkorlik bilan buyurish kerak. Ayrim holatlarda AAF ingibitorini qabul qilish jigarning ful'minant nekrozigacha rivojlangan va ba'zan o'lim bilan yakunlangan xolestatik sariqlik kuzatilgan. Ushbu sindrom mexanizmni noaniq. Sariqlik rivojlangan yoki jigar fermentlari faolligi oshgan patsientlar AAF ingibitorini qabul qilishni to'xtatishlari va tegishli tibbiy nazorat ostida bo'lishlari kerak.

Irqqa mansublik

Negroid irqiga mansub patsientlarda AAF ingibitorlarini qabul qilganda boshqa irqqa mansub shaxslarga nisbatan angionevrotik shish ko'proq rivojlangan.

Negroid irqiga mansub patsientlarda perindoprilning antigipertenziv ta'siri boshqa irqqa mansub shaxslarga nisbatan kamroq namoyon bo'ladi (ehtimol bu negroid irqiga mansub patsientlarda arterial gipertenziya aksariyat vaziyatlarda reninning past faolligi fonida kechishi bilan bog'liq bo'lishi mumkin).

Yo'tal

AAF ingibitorlari bilan davolash vaqtida patsientda quruq, balg'amsiz yo'tal vujudga kelishi mumkin, u preparat qabul qilish bekor qilinganidan so'ng yo'q bo'ladi. AAF ingibitorini qabul qilish oqibatida vujudga kelgan yo'tal uning differentsial diagnostikasida inobatga olinishi kerak. Jarrohlik operatsiyasi / Anesteziya

Anesteziya bilan rejali jarrohlik aralashuvida preparat bilan davolanishni operatsiyadan 1 sutka oldin to'xtatish kerak.

Giperkaliemiya

Qon zardobida kaliy darajasini oshishi buyrak yetishmovchiligi bo'lgan ayrim

patsientlarda, keksa patsientlarda (70 yoshdan katta), qandli diabet, gipovolemiya, yurak faoliyatini dekompensatsiyasi, metabolik atsidoz, kaliy tejovchi diuretiklar qabul qilayotgan (spironolakton, eplerenon, triamteren yoki amilorid), kaliy qo'shimchalar yoki kaliy saqlovchi tuz o'rnini bosuvchilarni, shuningdek kaliy miqdorini oshiruvchi boshqa preparatlarni (geparin) qabul qiluvchi patsientlarda, ayniqsa buyrak faoliyatini buzilishi bo'lganda kuzatilgan. Giperkaliemiya hayot uchun xavfli og'ir aritmiyani chaqirishi mumkin. Ko'rsatib o'tilgan preparatlar bilan birga perindoprilni yondosh qo'llanilishi ehtiyotkorlik bilan va qon zardobida kaliy darajasini doimo nazorat qilish bilan amalga oshirilishi kerak .

Qandli diabeti bo'lgan patsientlar

Qandli diabeti bo'lgan va gipoglikemik preparatlarni va insulin qabul qiluvchi patsientlarda qonda qand miqdorini doimo nazorat qilish kerak.

Yurak yetishmovchiligi bo'lgan patsientlar

Amlodipin o'pkalar shishi rivojlanishi xavfi tufayli, yurak yetishmovchiligida ehtiyotkorlik bilan buyuriladi.

SKKB, shu jumladan amlodipin dimlangan yurak yetishmovchiligi bo'lgan patsientlarda ehtiyotkorik bilan qo'llanilishi kerak, chunki SKKB kelajakda yurak-qon tomir bilan bog'liq hodisalar va o'lim darajasini oshirishi mumkin.

Transport vositalarini boshqarish va mexanizmlar bilan ishlash qobiliyatiga ta'siri

Patsientlar transport vositasini boshqarganda yoki mexanizmlar bilan ishlaganda ehtiyotkorlikka rioyaqilishlari kerak, chunki davolanish vaqtida bosh aylanishi va yuqori toliqish kuzatilishi mumkin .

Amlodil-AB arterial bosim adekvat nazoratlangan patsientlarda essentsial arterial gipertenziyani va/yoki yurakning stabil ishemik kasalligini davolashda bir vaqtda perindopril va amlodipinni fiksatsiya qilingan majmuada bir xil dozada qabul qilish bilan o'rin bosar davolovchi sifatida buyuriladi.

• perindopril, amlodipin, boshqa AAF ingibitorlari, digidropiridin hosilalariga, shuningdek preparatning har qanday yordamchi moddasiga yuqori sezuvchanlik;

• anamnezda AAF ingibitorlari bilan avvalgi davolashda angionevrotik shish;

• nasliy yoki idiopatik angionevrotik shish;

• og'ir arterial gipotenziya;

• shok (shu jumladan kardiogen);

• yurakning chap qorinchasining chiqish yo'lining obstruktsiyasi (masalan, aortal klapanning klinik namoyon bo'lgan stenozi);

• o'tkir miokard infarktidan so'ng gemodinamik nostabil yurak yetishmovchiligi;

• homiladorlik;

• emizish davrida qo'llash mumkin emas.

Ehtiyotkorlik bilan

Agar Sizda quyidagi patologik holatlardan yoki kasalliklardan biri mavjud bo'lsa, preparatni qo'llashdan oldin davolovchi shifokor bilan maslahatshish kerak: aylanib yuruvchi qon hajmi kamayishi (diuretiklar qabul qilish, kam tuzli parhez, qusish, diareya, gemodializ oqibatida), giponatriemiya, tserebrovaskulyar kasalliklar, stenokardiya – AB ni haddan tashqari pasayib ketishi xavfi; renovaskulyar gipertenziya, buyrak arteriyalarining bilateral stenozi yoki bitta faoliyat ko'rsatuvchi buyrak mavjudligi – og'ir arterial gipotenziya va buyrak yetishmovchiligi rivojlanishi xavfi, surunkali buyrak yetishmovchiligi; biriktiruvchi to'qimalarning tizimli kasalliklari (tizimli qizil yugurik, sklerodermiya), immunosupressiv davolashni qabul qiluvchi patsientlar – agranulotsitoz va neytropeniya rivojlanishi xavfi; giperkaliemiya; aortal klapan stenozi, gipertrofik obstruktiv kardiomiopatiya; yuqori oqimli poliakrilnitril membranalar qo'lanilishi bilan gemodializda bo'lgan patsientlar; past zichlikdagi lipoproteinlarni aferez qilish muolajasidan oldin (PZLP) (qondan xolesterinni apparat bilan yo'q qilish); buyrak transplantatsiyasidan keyingi patsientlar (klinik qo'llash tajribasi mavjud emas); bir vaqtda allergenlar bilan desensibilizatsion davolash o'tkazilishi; jarrohlik aralashuvi (umumiy anesteziya); ichga qabul qilish uchun gipoglikemik vositalar yoki insulin qabul qiluvchi qandli diabeti bo'lgan patsientlar (qonda qand miqdorini nazorat qilish tavsiya etiladi); jigar etishmovchiligi, ishemik etiologiyali bo'lmagan surunkali yurak yetishmovchiligi, o'tkir miokard infarkti (miokard infarktidan so'ng 1 oy davomida).

Boshqa “sekin” kal'tsiy kanallari blokatorlarini (SKKB) qo'llashdagi kabi, sinus tuguni zaifligi, mitral klapani stenozi, gipertrofik obstruktiv kardiomiopatiya, arterial gipotenziyasi bo'lgan patsientlarni Amlodil-AB preparati bilan davolaganda ehtiyotkorlikka rioya qilish kerak.

Preparatning har bir komponentlari bilan bog'liq o'zaro ta'siri to'g'risida barcha ogohlantirishlar Amlodil-AB preparatiga ham taalluqli.

Perindopril

Bir vaqtda qabul qilish tavsiya etilmaydi:

Kaliy tejovchi diuretiklar, kaliy asosidagi oziq-ovqat qo'shimchalari yoki kaliy saqlovchi tuz o'rnini bosuvchilar

Qon zardobida kaliy darajasi normal ko'rsatkichlar doirasida qolishiga qaramasdan, perindopril qabul qilgan ayrim patsientlarda giperkaliemiya rivojlanishi mumkin. Kaliy tejovchi diuretiklar (masalan, spironolakton, triamteren yoki amilorid), kaliy asosidagi oziq-ovqat qo'shimchalari yoki kaliy saqlovchi tuz o'rnini bosuvchilar qon zardobida kaliy darajasini keskin oshib ketishiga olib kelishlari mumkin; bir vaqtda qabul qilish tavsiya etilmaydi

Agar yaqqol gipokaliemiya sababli qo'llanilishi tavsiya etilgan bo'lsa, preparatlardan alohida ehtiyotkorlik bilan foydalanish kerak va qon zardobida kaliy miqdorini va EKG ni tez-tez monitoring qilish kerak.

Litiy preparatlari

Litiy preparatlarini va AAF ingibitorlarini bir vaqtda qabul qilganda qon plazmasida litiy darajasini qaytuvchan oshishi va toksiklik (og'ir neyrotoksinlik) kuzatilgan. Perindopril va litiy preparatlarini birga qabul qilish tavsiya etilmaydi, ammo zarurati bo'lganida, qon plazmasida litiy darajasini sinchkovlik bilan nazorat qilish kerak.

Estramustin

Estramustin bilan bir vaqtda qabul qilish angionevrotik shish rivojlanishi xavfini oshishiga olib kelishi mumkin.

Alohida e'tiborni talab etuvchi bir vaqtda qabul qilish:

Nosteroid yallig'lanishga qarshi preaparatlar (NYaQP), shu jumladan sutkada ≥ 3 g atsetilsalitsil kislotasi

AAF ingibitorlarini va nosteroid yallig'lanishga qarshi preparatlarni (masalan, yallig'lanishga qarshi dozalarda atsetilsalitsil kislotasi, TsOG-2 ingibitorlari va noselektiv NYaQP) bir vaqtda qabul qilganda antigipertenziv samarani pasaytirishi mumkin, bu buyrak foliyatini yomonlanishining yuqori xavf bilan kuzatilishi mumkin, shu jumladan ayniqsa buyrak faoliyatini buzilishi bo'lgan bemorlarda o'tkir buyrak etishmovchiligi rivojlanishi va qon plazmasida kaliy darajasini oshishiga olib kelishi mumkin. Majmua ayniqsa keksa yoshdagi patsientlarda o'ta ehtiyotkorlik bilan qo'llanilishi kerak. Patsientlarga organizmning yetarli darajada gidratatsiyasini ta'minlash kerak, shuningdek, tegishli davolashni qo'llash bilan buyrak faoliyatini nazorat qilish kerak va bunday davolashni o'tkazganda muntazam ravishda monitoring qilish shart.

Gipoglikemik preparatlar (insulin, gipoglikemik sul'fonamidlar)

AAF ingibitorlarini va gipoglikemik preparatlarni (insulinlar, gipoglikemik sul'fonamidlar) bir vaqtda qabul qilish gipoglikemik samara kuchayishiga olib kelishi mumkin. Gipoglikemiya xurujlari rivojlanishi juda kam hollarda kuzatilgan (ehtimol, insulinga ehtiyoj kamayib, glyukozani o'zlashtiraolinishini yaxshilanishi yuz beradi).

E'tibor berilishi lozim bo'lgan yondosh preparatlarni qabul qilish: Diuretiklar

Diuretiklarni qabul qiluvchi patsientlarda, ayniqsa aylanib yuruvchi qon hajmi (AYuQH) kam bo'lgan shaxslarda va/yoki elektrolit buzilishlari bo'lgan patsientlarda, AAF ingibitori bilan davolanish boshlanganida AB keskin pasayishi kuzatilishi mumkin. Diuretik bekor qilinishi va AYuQH to'ldirilishi yoki davolanish boshlanishidan oldin elektrolit muvozanatini muvofiqlashtirish, shuningdek perindoprilning boshlang'ich kam dozada buyurish va uni asta-sekin oshirish arterial gipotenziya rivojlanishi xavfini kamaytiradi.

Simpatomimetik preparatlar

Simpatomimetik preparatlar AAF ingibitorlarining antigipertenziv samarasini pasaytirishi mumkin.

Oltin preparatlari

AAF ingibitorlari va oltinning in'ektsion preparatlari (natriy aurotiomalati) bilan bir vaqtda davolash nitritoid reaktsiyalar rivojlanishiga (yuz qizarishi, ko'ngil aynishi, qusish, arterial bosimi pasayishi) olib kelishi mumkin.

Amlodipin

Bir vaqtda qabul qilish tavsiya etilmaydi:

Dantrolen (infuziya): hayvonlarda vena ichiga bir vaqtda verapamil va dantrolen

yuborilganda yurak qorinchalari fibrilyatsiyasi va giperkaliemiya fonida yurak-qon tomir kollapsi o'lim bilan kuzatilgan. Giperkaliemiya rivojlanishi xavfi tufayli, xavfli gipertermiyaga moyil patsientlarda va xavfli gipertermiyani davolaganda “sekin” kal'tsiy kanallarini blokatorini, masalan amlodipinni qo'llashdan saqlanish tavsiya etiladi.

Amlodipinni greypfrut yoki greypfrut sharbati bilan birga qabul qilish tavsiya etilmaydi, chunki bu ayrim patsientlarda biokiraolishini oshirishi mumkin, bu esa, antigipertenziv ta'sirini kuchayishiga olib kelishi mumkin.

E'tibor qaratishnitalab etuvchi bir vaqtda qabul qilish:

CYP3A4 tsitoxrom ingibitorlari.

Amlodipin va CYP3A4 kuchli ingibitorlarini (proteaza ingibitorlari, azol guruhiga mansub zamburug'larga qarshi vositalar, makrolidlar, masalan, eritromitsin yoki klaritromitsin, shuningdek verapamil yoki diltiazem) birga qabul qilish qon zardobida amlodipinning kontsentratsiyasini oshishiga olib kelishi mumkin. Ushbu farmokokinetik ko'rsatkichlarning klinik ahamiyati o'zgarishi keksa odamlar uchun jiddiy bo'lishi mumkin. Shunday qilib, klinik kuzatuv va dozaga tuzatish kiritish talab etilishi mumkin.

CYP3A4 tsitoxromi induktori

CYP3A4 induktorlarini amlodipinning farmakokinetikasiga ta'siri to'g'risida ma'lumotlar mavjud emas. CYP3A4 induktorlarini (rifampitsin, teshik dalachoy asosidagi preparatlarni) birga qabul qilish plazmada amlodipinning kontsentratsiyasini kamaytirishi mumkin. Amlodipinni CYP3A4 tsitoxrom induktorlari bilan birga qo'llaganda ehtiyotkorlikka rioya qilish kerak.

E'tibor qaratilishi kerak bo'lgan yondosh preparatlarni qabul qilish: Amlodipinni boshqa dori vositalariga ta'sir etishi.

Amlodipinning antigipertenziv samarasi arterial bosimni pasaytiruvchi boshqa dori vositalarining antigipertenziv samaralari bilan kuchayishi mumkin.

Dori vositalar o'zaro ta'sirining klinik tadqiqotlarida amlodipin atorvastatin, digoksin, varfarin yoki tsiklosporinning farmokokinetikasiga ta'sir ko'rsatmagan.

Amlodipin va Perindopril

Alohida e'tiborni talab etuvchi bir vaqtda qabul qilish:

Baklofen: antigipertenziv samara kuchayadi. Arterial bosim, buyrak faoliyati monitoring qilish va zarurati bo'lganida gipotenziv vositalarning dozasiga tuzatish kiritish kerak.

E'tibor qaratish kerak bo'lgan yondosh preparatlarni qabul qilish:

­Gipotenziv preparatlar (beta-adrenoblokatorlar kabi) va vazodilatatorlar; Ushbu preparatlarni bir vaqtda qabul qilganda perindopril va amlodipinning antigipertenziv samarasi kuchayishi mumkin. Nitroglitserin va boshqa nitratlar yoki boshqa vazodilatatorlar bilan bir vaqtda qabul qilinganda arterial bosim keskin pasayib ketishi mumkin, shuning uchun bunday vaziyatlarda ehtiyotkorlikka rioya qilish kerak.

­Kortikosteroid preparatlar, tetrakozaktid: antigipertenziv samara pasayadi (kortikosteroid preparatlar ta'siri oqibatida tuz va suv tutib qolishi).

­Al'fa-adrenoblokatorlar (prazozin, al'fuzozin, doksazozin, tamsulozin, terazozin): antigipertenziv samara va ortostatik gipotenziya rivojlanishi xavfi oshadi.

­Amifostin: amlodipinning antigipertenziv samarasi kuchayishi mumkin.

­Tritsiklik antidepressantlar/antipsixotik preparatlar/anestetiklar: antigipertenziv samara rivojlanishining xavfi oshadi va ortostatik gipotenziya rivojlanishining xavfi oshadi.

4 mg/5 mg dozasi: dumaloq shaklli, qobiqsiz, yassi, oq rangdan deyarli oq ranggacha bo'lgan, ikki tomoni silliq tabletkalar.

8 mg/10 mg dozasi: dumaloq shaklli, qobiqsiz, yassi, oq rangdan deyarli oq ranggacha bo'lgan, bir tomonida riskasi bo'lgan tabletkalar.

Kattalar
 
Amlodil-AB 1 tabletkadan sutkada 1 marta, ertalab, ovqatdan oldin ichga qabul qilinadi.

Komponentlarning dozasi fiksatsiya qilingan Amlodil-AB preparati dastlabki davolash uchun mos kelmaydi.

Dozaga tuzatish kiritish zaruriyati bo'lganda, u qo'llashga ko'rsatmalar, kasallikni kechishi va arterial bosim ko'rsatkichlarini inobatga olgan holda o'zgartirilishi yoki ayrim komponentlarni shaxsiy titrlash yo'li bilan tanlanishi mumkin.

Maksimal sutkalik dozasi: 8 mg/10 mg Amlodil-AB preparati sutkada 1 tabletka. Buyrak faoliyatini buzilishi bo'lgan patsientlar va keksa yoshdagi patsientlar Amlodil-AB kreatinin klirensi (KK) ≥ 60 ml/minut bemorlarga buyurilishi mumkin. KK < 60 ml/minut bo'lgan patsientlarga ayrim komponentlarni shaxsiy titrlash tavsiya etiladi. Amlodipin plazmadagi kontsentratsiyasi va buyrak faoliyatini buzilish
darajasi o'rtasida korrelyatsiya kuzatilmaydi. Amlodipin dializda chiqarilmaydi.

Jigar faoliyatini buzilishi bo'lgan patsientlar

Jigar faoliyatini buzilishi bo'lgan patsientlar uchun dozalash tartibi aniqlanmagan. Shuning uchun Amlodil-AB- preparatini qabul qilganda ehtiyotkorlikka rioya qilish kerak.

Bolalar va o'smirlar

Bolalar va o'smirlarda (18 yoshgacha) Amlodil-AB preparati qo'llanilishining samaradorligi va xavfsizligi yetarli darajada o'rganilmagan, shuning uchun bu toifadagi patsientlarda preparat qo'llash tavsiya etilmaydi.

Amlodil-AB preparatini dozasini oshirib yuborilishi to'g'risida ma'lumot mavjud emas.

Odamda amlodipin dozasini atayin oshirib yuborish to'g'risida cheklangan ma'lumotlar mavjud. Dozani oshirib yuborish haddan tashqari periferik vazodilatatsiyaga va keyinchalik yaqqol va ehtimol uzoq muddatli tizimli arterial gipotenziyaga va reflektor taxikardiyaga olib kelishi mumkin. Yaqqol va ehtimol uzoq muddatli tizimli arterial gipotenziya o'lim bilan yakunlangan shok to'g'risida xabar berilgan. Amlodipin dozasini oshirib yuborish bilan bog'liq klinik ahamiyatli arterial gipotenziya quyidagi choralar ko'rilishini talab etadi: oyoq va qo'llarni ko'tarilgan holatga o'tkazish, yurak qon tomir tizimini faol tutib turish, yurak va o'pka faoliyati ustidan nazorat, aylanayotgan qon hajmi va diurez ustidan nazorat.

Qon tomirlarni toraytiruvchi preparatlarni qo'llash, bunday preparatlardan foydalanish mumkin bo'lmagan holatlarda qon tomir tonusi va arterial bosim tiklanishiga olib kelishi mumkin. Vena ichiga kal'tsiy glyukonatini yuborish kal'tsiy kanallari blokadasi simptomlarini yengillashishiga yordam berishi mumkin. Ayrim patsientlarda me'dani yuvish talab etiladi. Sog'lom ko'ngillilar ishtirokidagi tadqiqotlarda 10 mg amlodipin qabul qilingandan so'ng 2 soat davomida faollashtirilgan ko'mir buyurilishi dori vositasini so'rilishi tezligini pasaytirgan. Amlodipin ahamiyatli darajada qon plazmasi oqsillari bilan bog'lanishi tufayli, doza oshirib yuborilganda dializ kam samara berishi mumkin.

Odamda perindopril dozasini atayin oshirib yuborish to'g'risida cheklangan ma'lumotlar mavjud. AAF ingibitorlarining dozasini oshirib yuborish bilan bog'liq simptomlar arterial gipotenziya, tsirkulyator shok, elektrolitlar muvozanatini buzilishlarini, buyrak yetishmovchiligi, o'pkalar giperventilyatsiyasi, taxikardiya, yurak urishini his qilish, bradikardiya, bosh aylanishi, xavotirlik va yo'talni o'z ichiga olishi mumkin.
 
Doza oshirib yuborilganda fiziologik eritma bilan vena ichiga infuziya o'tkazish tavsiya etiladi. Turg'un arterial gipotenziyada patsientni chalqancha yotqizish kerak. Shuningdek, angiotenzin II bilan infuziya va/yoki vena ichiga katexolaminlarni yuborish tavsiya etiladi. Perindopril tizimli qon oqimidan gemodializ yo'li bilan chiqarilishi mumkin. O'tkazilayotgan davolashga refrakter bradikardiya rivojlangan taqdirda, elektrokardiostimulyatsiyani qo'llash lozim. Hayotiy muhim faoliyatlarning doimiy nazoratini, qon plazmasida elektrolitlar darajasini va kreatinin kontsentratsiyasini doimiy nazorat qilish kerak.

Homiladorlikning birinchi uch oyiligida Amlodil-AB preparatini qo'llash tavsiya etilmaydi. Homiladorlikni rejalashtirishda yoki u tasdiqlanganda imkon boricha tezroq muqobil gipotenziv preparatga o'tish kerak.

Amlodil-AB preparati homiladorlikning ikkinchi va uchinchi uch oyligida qabul qilish mumkin emas.

Laktatsiya davrida Amlodil-AB preparatini qabul qilish tavsiya etilmaydi.

Homiladorlikning ikkinchi uch oyligida AAF ingibitorlari qo'llanganda homilaning buyraklarini va bosh suyagini ul'tratovush tekshiruvini o'tkazish tavsiya etiladi.

Onalari AAF ingibitorlarini qabul qilgan yangi tug'ilgan chaqaloqlar arterial gipotenziya mavjudligi yuzasidan sinchiklab tekshirilishi kerak .

Fertillik

“Sekin” kal'tsiy kanallari blokatorlarini qabul qilgan ayrim patsientlarda

spermatozoidlarning boshchalarida urug'lanish jarayoniga to'sqinlik qiluvchi qaytuvchan biokimyoviy o'zgarishlar kuzatilgan. Amlodipinni fertillikka ta'sir ko'rsatishi yuzasidan klinik ma'lumotlar yetarli emas.