ASKORIL tabletkalari N10

Salbutamol

So'rilishi va taqsimlanishi

Ichga qabul qilingandan so'ng so'rilish yuqori. Ichga qabul qilingan salbutamolning biologik kira olishligi taxminan 50% ni tashkil qiladi. Ovqat qabul qilish so'rilish tezligini pasaytiradi, ammo biologik kira olishlikka ta'sir qilmaydi.

Plazma oqsillari bilan bog'lanishi - 10%. Yo'ldosh to'sig'i orqali o'tadi.

Metabolizmi va chiqarilishi

Jigarda va ichak devorida tizim oldi metabolizmiga uchraydi, fenolsulfotransferaza yordamida efirning 4-o-sulfatigacha faolsizlantiriladi.

T1/2 - 3,8-6 soat. Siydik bilan (69-90%), asosan faol bo'lmagan fenolsulfat metaboliti ko'rinishida (60%) 72 soat ichida va safro bilan (4%) chiqariladi.

Bromgeksin

So'rilishi va taqsimlanishi

Ichga qabul qilinganda MITYda 30 daqiqa ichida deyarli to'liq (99%) so'riladi. Biologik kira olishligi past (jigardan "birinchi o'tish" effekti). Yo'ldosh to'sig'i va GEB orqali o'tadi.

Metabolizmi va chiqarilishi

Jigarda demetillanish va oksidlanishga uchraydi, farmakologik faol ambroksolgacha metabolizmga uchraydi.

T1/2 - 15 soat (to'qimalardan sekin qayta diffuziya oqibatida). Buyraklar orqali chiqariladi. Surunkali buyrak yetishmovchiligida metabolitlarning chiqarilishi buziladi. Ko'p marta qo'llanilganda kumulyatsiya qilinishi mumkin.

Gvayfenezin

So'rilishi va taqsimlanishi

MITYdan so'rilishi tez (ichga qabul qilingandan so'ng 25-30 daqiqa o'tgach). Kislotali mukopolisaxaridlarni o'z ichiga olgan to'qimalarga kiradi.

Metabolizmi va chiqarilishi

Yuborilgan preparatning taxminan 60 % jigarda metabolizmga uchraydi.

T1/2 - 1 soat. O'pka (balg'am bilan) va buyraklar orqali ham o'zgarmagan holda, ham faol bo'lmagan metabolitlar ko'rinishida chiqariladi.

Kam hollarda: yuqori dozalarda qo'llanilganda ba'zida bosh og'rig'i, bosh aylanishi, yuqori asabiy qo'zg'aluvchanlik, uyqu buzilishi, uyquchanlik, tremor, tirishishlar, ko'ngil aynishi, qusish, diareya, oshqozon va o'n ikki barmoqli ichak yara kasalligining kuchayishi, yurak urishining tezlashishi, siydikning pushti rangga bo'yalishi, allergik reaksiyalar (toshma, eshakemi), kollaps, bronxospazm kuzatiladi.

Gipertireoz, qandli diabet, og'ir yurak-qon tomir kasalliklari, arterial gipertenziya, me'da va o'n ikki barmoqli ichak yara kasalligi bo'lgan bemorlarga preparat ehtiyotkorlik bilan tayinlanadi.

Askoril ekspektorantni beta-adrenoblokatorlar bilan birgalikda qo'llash mumkin emas.

— preparat komponentlariga yuqori sezuvchanlik;

— homiladorlik;

— laktatsiya davri;



— taxiaritmiya;

— miokardit;

— yurak nuqsonlari;

— dekompensatsiyalangan qandli diabet;



— tireotoksikoz;

— glaukoma;



— jigar yoki buyrak yetishmovchiligi;

— me'da va o'n ikki barmoqli ichak yara kasalligi zo'rayish bosqichida;

— me'dadan qon ketishi;

— arterial gipertenziya;

— 6 yoshgacha bo'lgan bolalar.

Qandli diabet, remissiya bosqichidagi me'da va o'n ikki barmoqli ichak yara kasalligi bo'lgan bemorlarga ehtiyotkorlik bilan buyuriladi.

Boshqa beta2-adrenomimetiklar va teofillin salbutamol ta'sirini kuchaytiradi va nojo'ya samaralar paydo bo'lishi ehtimolini oshiradi.

Askoril ekspektorant kodein saqlovchi preparatlar va boshqa yo'talga qarshi vositalar bilan bir vaqtda tayinlanmaydi, chunki bu suyultirilgan balg'am ko'chishini qiyinlashtiradi.

Askoril ekspektorant preparati tarkibiga kiruvchi bromgeksin antibiotiklarning (eritromitsin, sefaleksin, oksitetratsiklin) o'pka to'qimasiga kirishiga yordam beradi.

Askoril ekspektorant preparatini propranolol kabi noselektiv β-adrenoretseptorlar blokatorlari bilan bir vaqtda qo'llash tavsiya etilmaydi.

Askoril ekspektorant preparati tarkibiga kiruvchi salbutamol MAO ingibitorlarini olayotgan bemorlarga tavsiya etilmaydi.

Diuretiklar va GKS salbutamolning gipokaliemik samarasini kuchaytiradi.

Askoril ekspektorant bilan bir vaqtda ishqoriy ichimlik qabul qilish tavsiya etilmaydi.