ASS® 600 Goryachiy napitok, paketiki N6

25 ° C dan yuqori bo'lmagan haroratda bolalar qo'li etmaydigan joyda saqlang.

Ta’sir etuvchi modda: atsetilsistein.
1 paketcha (3 g kukun) 600 mg atsetilsistein saqlaydi.
Yordamchi moddalar: saxaroza, askorbin kislotasi, natriy saxarinati, limon va asal aromatizatori.

Oq rangli, limon va asal hidli gomogen kukun.
CHIQARILISH SHAKLI
6 paketchadan qo‘llashga doir yo‘riqnomasi bilan karton qutida.

Atsetilsistein sistein aminokislotasining hosilasi bo‘lib hisoblanadi. Nafas yo‘llarida sekretolitik va sekretomotor ta’sir namoyon qiladi, shilliqning qovushqoqligini pasaytiradi. U kimyoviy radikallarni zararsizlantiradi, zararli moddalarni detoksikatsiyasi uchun zarur bo‘lgan glutation sintezini kuchayishiga yordam beradi. Bu paratsetamol bilan intoksikatsiyada atsetilsisteinning antidot samarasini tushuntiradi.
Surunkali bronxit/mukovissedozi bo‘lgan patsiyentlarda atsetilsisteinni profilaktik qo‘llaganda bakterial asoratlar tez-tezligi va og‘irlik darajasi pasayadi.

Peroral qo‘llanilganda atsetilsistein tez va deyarli to‘liq so‘riladi va jigarda sistein (farmakologik faol metabolit), shuningdek diatsetilsistein, sistin va boshqa aralash disulfidlarni hosil qilib metabolizmga uchraydi. Ichga qabul qilingan atsetilsisteinning biokiraolishligi juda past (taxminan 10%). Plazmada preparatning maksimal konsentratsiyalariga 1-3 soatdan keyin erishiladi. Qon plazmasidagi oqsillar bilan bog‘lanishi – taxminan 50%.
Organizmdan deyarli faqat nofaol metabolitlari ko‘rinishida buyraklar orqali chiqariladi. Atsetilsisteinni qon plazmasidan yarim chiqarilish davri taxminan 1 soatni tashkil qiladi va asosan jigarda tez metabolizmi bilan belgilanadi. Jigar funksiyasini buzilishi yarim chiqarilish davrida hatto 8 soatgacha uzayishiga olib keladi.
Atsetilsistein yo‘ldosh orqali o‘tadi va kindik qonida aniqlanadi.
Atsetilsisteinni odamda gematoensefalik to‘siq orqali o‘tishi haqida ma’lumotlar yo‘q.

Mukolitiklar.

Noxush reaksiyalarni baholash ularni paydo bo‘lishining quyidagi tez-tezligiga haqidagi ma’lumotlarga asoslangan.

Juda tez-tez (≥ 1/10), tez-tez (≥ 1/100 va < 1/10), tez-tez emas (≥ 1/1000 va < 1/100), kam xollarda (≥ 1/10 000 va < 1/1000), juda kam xollarda (< 1/10 000), tez-tezligi noma’lum (mavjud ma’lumotlar asosida baholab bo‘lmaydi).

Immun tizimi tomonidan buzilishlar

Tez-tez emas: yuqori sezuvchanlik reaksiyalari.

Juda kam xollarda: anafilaktik shok, anafilaktik/ anafilaktoid reaksiyalar.

Nerv tizimi tomonidan buzilishlar

Tez-tez emas: bosh og‘rig‘i.

Eshitish a’zolari tomonidan va labirint buzilishlari

Tez-tez emas: tinnitus.

Yurak tomonidan buzilishlar

Tez-tez emas: taxikardiya.

Qon-tomirlar tomonidan buzilishlar

Juda kam xollarda: qon ketishi.

Nafas tizimi, ko‘krak qafasi va ko‘ks oralig‘i a’zolari tomonidan buzilishlar

Kam xollarda: hansirash, bronxospazm.

Me’da-ichak yo‘llari tomonidan buzilishlar

Tez-tez emas: ko‘ngil aynishi, qusish, diareya, qorinda og‘riq, stomatit.

Kam xollarda: dispepsiya.

Teri va teri osti to‘qimalari tomonidan buzilishlar

Tez-tez emas: eshakemi, toshma, angionevrotik shish, qichishish, ekzantema.

Umumiy buzilishlar va yuborish joyidagi buzilishlar

Tez-tez emas: isitma.

Tez-tezligi noma’lum: yuzni shishi.

Laborator va instrumental ma’lumotlar

Tez-tez emas: arterial gipotenziya.

Stivens-Djonson sindromi va toksik epidermal nekroliz kabi og‘ir darajadagi teri reaksiyalari haqida juda kam xabarlar kelib tushgan, ularni rivojlanishi vaqt bo‘yicha atsetilsisteinni qo‘llash bilan mos kelgan. Ushbu xolatlarning ko‘pchiligida teri va shilliq qavatlar tomonidan ta’riflangan reaksiyalarni kuchaytirishi mumkin bo‘lgan kamida bitta qo‘shimcha preparatni yondosh qabul qilish kuzatilgan.

Agar teri va shilliq qavatlar tomonidan buzilishlar paydo bo‘lsa, ATSTS 600 ni qabul qilishni darhol to‘xtating va shoshilinch shifokorga murojaat eting.

Turli tadqiqotlarda atsetilsistein qondagi trombotsitlar agregatsiyasini pasayishi isbotlangan. Hozirgi vaqtida bu holatlarni klinik ahamiyati aniqlanmagan.

АЦЦ 600 — qovushqoq balg‘amni suyultirish va uni nafas yo‘llaridan chiqarilishini yengillashtiruvchi mukolitik vositadir.
АЦЦ 600 quyuq va qiyin ajraluvchi balg‘amni hosil bo‘lishi bilan kechuvchi nafas yo‘llarining o‘tkir va surunkali kasalliklari: o‘tkir va surunkali bronxitlar, obstruktiv bronxit, bronxiolitlar, bronxoektazlar, pnevmoniya, laringit, traxeit, shuningdek mukovissidoz, sinusitlar, o‘rta quloq yallig‘lanishi (o‘rta otit) da qo‘llanadi.

- Atsetilsalitsil kislotasi yoki preparatning biron-bir yordamchi moddasiga yuqori sezuvchanlik.
- Faol peptik yara.
- Atsetilsisteinni miqdori yuqori bo‘lganligi tufayli АЦЦ 600 preparatini 14 yoshdan kichik bo‘lgan bolalarni davolash uchun qo‘llash mumkin emas.

АЦЦ  va yo‘talga qarshi preparatlarni majmuaviy qo‘llanganda yo‘tal refleksini susayishi natijasida sekretni dimlanib qolish xavfi paydo bo‘lishi mumkin. Shuning uchun majmuaviy davolash  buyurish uchun tashhisni aniq qo‘yish lozim.

Hozirgi vaqtgacha olingan ma’lumotlarga ko‘ra atsetilsistein bilan antibiotiklar faolsizlantirilishi in vitro sharoitidagi eksperimentlarga asoslanadi, unda muvofiq moddalar bir biri bilan bilvosita aralashgan. Shunga qaramay, xavfsizlik maqsadida peroral antibiotiklarni ATSTS 600 dan alohida kamida ikki soatlik oraliqqa rioya qilgan holda qabul qilish kerak. Bu sefiksimga va lorakarbefga taalluqli emas.

АЦЦ  600 ni glitserintrinitrat (nitroglitserin) bilan yondosh qo‘llash, uning qon-tomirlarni kengaytiruvchi va antiagregant ta’sirni kuchaytirishi mumkin. Bu arterial bosimni haddan tashqari pasayishi (arterial gipotenziya), shu jumladan jiddiy, shuningdek bosh og‘rig‘ini chaqirishi mumkin. Arterial gipotenziya yoki bosh og‘riqlari paydo bo‘lganda shifokorga murojaat eting.

Faollashtirilgan ko‘mir yuqori dozalarda (antidot sifatida) atsetilsisteinning samaradorligini pasaytirishi mumkin.

Atsetilsistein salitsilatlarni kolorimetrik usulda aniqlashga ta’sir ko‘rsatishi mumkin. Siydik tahlilida atsetilsistein keton tanachalarini aniqlash natijalariga ta’sir ko‘rsatishi mumkin.

АЦЦ  600 ni boshqa dori vositalari bilan eritish tavsiya etilmaydi.

Limon va asal hidli oq bir hil kukun.

Agar o‘zgacha buyurilmagan bo‘lsa, preparatni quyidagi dozalarda qo‘llash tavsiya etiladi. Kattalar va 14 yoshdan oshgan o‘smirlar: 1 paketchadan kuniga 1 marta (sutkada 600 mg atsetilsistein).
АЦЦ 600 preparati tegishli ravishda ta’sir ko‘rsatishi uchun qo‘llanishiga doir yo‘riqnomaga qat’iy amal qilish kerak!
Qo‘llash usuli
Issiq ichimlik ko‘rinishida ovqatdan keyin ichga qabul qilish uchun buyuriladi.
АЦЦ 600 kamida yarim stakan sovuq suvda eritiladi, so‘ngra issiq, ammo qaynoq bo‘lmagan suv to‘liq stakan bo‘lguncha qo‘shiladi. Eritma aralashtiriladi va harorat ichish uchun yaroqli bo‘lgandan keyin ichiladi. Sovuq suvga issiq suv qo‘shilishiga e’tibor bering, aksincha emas. Tayyorlangan eritma tayyorlanishi bilan darhol qabul qilinadi.
Suyuqlikni qo‘shimcha qabul qilish preparatning mukolitik samarasini kuchaytiradi.
Qo‘llash davomiyligi
Qo‘llash davomiyligi kasallikning tipi va og‘irlik darajasiga bog‘liq.
Qisqa muddatli shamollash kasalliklarida qo‘llash davomiyligi 5-7 kunni tashkil qiladi.
Surunkali bronxitda va mukovissidozda davolash davomiy kurslari bilan o‘tkaziladi. Davolashning maksimal davomiyligi 3-6 oyni tashkil qiladi.
Preparatni qabul qilishni o‘tkazib yuborish
Agar Siz qabul qilishni o‘tkazib yuborgan yoki haddan tashqari past dozani qabul qilgan bo‘lsangiz, navbatdagi dozani qabul qilish vaqtigacha kuting va preparatni dozalash bo‘yicha tavsiyalarda ko‘rsatilganidek qabul qilishni davom ettiring.

Hozirgi vaqtgacha atsetilsisteinni peroral qabul qilish shakli bilan chaqirilgan dozani oshirib yuborilishni toksik holatlari kuzatilgan.
Sog‘lom ko‘ngillilarda uch oy davomida sutkada 11,6 g dozada atsetilsistein oluvchilarda hech qanday og‘ir nojo‘ya samaralar kuzatilmagan. Ichga qabul qilingan atsetilsistein dozalari, 500 mg/kg tana vazniga erishganlar hech qanday intoksikatsiya simptomlarisiz o‘zlashtirilgan. Doza oshirib yuborilganda me’da–ichak yo‘llari tomonidan ko‘ngil aynishi, qusish va diariya simptomlari paydo bo‘lishi mumkin. Bolalarda hayotining birinchi davrida gipersekretsiya xavfi mavjud.
Zarur bo‘lganda simptomatik davolash o‘tkaziladi.

Bolalar va o'smirlar

Asetilsisteinning yuqori miqdori tufayli ACC 600 ni 14 yoshgacha bo'lgan bolalarni davolash uchun ishlatish mumkin emas ("Qo'llash mumkin bo'lmagan holatlar" bo'limiga qarang).

2 yoshgacha bo'lgan bolalarda nafas olish yo'llarining xususiyatlari va balg'am chiqarish qobiliyati cheklanganligi sababli, mukolitiklarni qo'llash havo yo'llarining tiqilib qolishiga olib kelishi mumkin. Shuning uchun 2 yoshgacha bo'lgan bolalarda mukolitiklar qo'llanilmasligi kerak.

Atsetilsisteinni homilador ayollarda qo‘llash haqidagi ma’lumotlar yetarli emas. Atsetilsisteinni ko‘krak sutiga kirishi haqidagi ma’lumotlar yo‘q. Homiladorlik vaqtida va emizish davrida preparatni faqat foyda va xavfni qat’iy baholagandan keyin qo‘llash mumkin.

Atsetilsisteinni odam fertilligiga ta’siri haqida ma’lumotlar yo‘q.

Bronxial astmasi bo‘lgan patsiyentlar sinchkov kuzatuv ostida bo‘lishlari kerak. Bronxospazm rivojlanganda ATSTS 600 darhol bekor qilinadi va tegishli davolash buyuriladi.

Anamnezida yara kasalligi bo‘lgan patsiyentlarda, ayniqsa me’da-ichak yo‘llarining shilliq qavatini ta’sirlovchi dori vositalarini yondosh qabul qilganda ehtiyotkorlikka rioya qilish tavsiya etiladi.

ATSTS 600 ni qo‘llash bronxial sekretni suyulishiga va uning xajmini oshishiga (ayniqsa davolashni boshida) olib kelishi mumkin. Balg‘amni chiqaraolmaganda (yetarli darajada chiqarmaganda) tegishli choralar (drenaj va aspiratsiya kabi) ko‘rilishi kerak.

Juda kam xollarda Stivens-Djonson sindromi va Layell sindromi kabi og‘ir darajadagi teri reaksiyalari kuzatilgan, ularni rivojlanishi vaqt bo‘yicha atsetilsisteinni qo‘llash bilan mos kelgan. Teri va shilliq qavatlar tomonidan o‘zgarishlar yuzaga kelganda ATSTS 600 ni qabul qilishni to‘xtatish va darhol shifokorga murojaat etish kerak (shuningdek «Nojo‘ya ta’siri» bo‘limiga qarang).

Gistaminni o‘zlashtiraolmaganda ehtiyotkorlikka rioya qilish va ATSTS 600 bilan uzoq vaqt davolashdan saqlanish kerak, chunki atsetilsistein gistamin metabolizmiga ta’sir ko‘rsatadi va uni o‘zlashtiraolmaslik simptomlari (masalan bosh og‘rig‘i, tumov, qichishish) ni paydo bo‘lishiga olib kelishi mumkin.

Qandli diabeti bo‘lgan bemorlar uchun ma’lumot: ATSTS 600 ning 1 paketchasi 2,1 g saxaroza saqlaydi.

Fruktozani o‘zlashtiraolmaslik, glyukoza-galaktoza malabsorbsiya sindromi yoki saxaraza-izomaltaza yetishmovchiligi kabi kam uchraydigan nasliy kasalliklari bo‘lgan patsiyentlar ushbu preparatni qabul qilmasliklari kerak.

3 yil. Paketda ko'rsatilgan yaroqlilik muddati o'tganidan keyin foydalanmang.