BENZILBENZOAT maz 25g 20%

Sirtga qo‘llash uchun qichimaga qarshi preparat. Qichima kanasiga nisbatan zaharli ta’sir ko‘rsatadi. Qichima kanasining lichinkalari va yetuk individlari o‘limini chaqiradi; tuxumlariga ta’sir qilmaydi.

Preparat teriga surtilganda achishish hissi paydo bo'lishi mumkin, bu kremni keyinchalik qo'llashda yo'qoladi. Alohida hollarda, terisi sezgir bo'lgan shaxslarda mahalliy teri reaksiyalari, achishish hissi yoki qichishish, preparat bilan ishlov beriladigan teri sohasining qizarishi yoki quruqligi, shuningdek allergik reaksiyalar paydo bo'lishi mumkin. Agar yuqorida ko'rsatilgan nojo'ya ta'sirlar o'z-o'zidan yo'qolmasa, preparatni qo'llashni to'xtatish kerak. Teri sezgirligi ayniqsa shikastlangan joylarda va genitaliyalarda oshgan. Ba'zida kontakt dermatit paydo bo'lishi mumkin. Preparat tarkibida propilenglikol bo'lganligi sababli terining ta'sirlanishi mumkin.

Qo'llashda zaruriy xavfsizlik choralari.
Davolashni boshlashdan oldin bemor kanalarini teri yuzasidan mexanik olib tashlash uchun, shuningdek epidermisning sirtqi qavatini yumshatish uchun (preparat kirishini osonlashtirish uchun) issiq dush qabul qilishi kerak. Qo'llarni har bir majburiy yuvishdan keyin ularga yana ishlov berish kerak. Ichki va to'shak kiyimlariga, ustki kiyim va bosh kiyimlariga ishlov berish majburiydir.
Preparatni ko'zga va shilliq qavatlarga tushishidan saqlanish kerak. Davolash kursi tugagandan so'ng 14 kun davomida (asoratlar mavjud bo'lganda esa - undan ko'proq) shifokor nazorati zarur.
Preparat tasodifan tushganda:
– ko'zga: suv yoki natriy gidrokarbonatning 1% li eritmasi bilan yaxshilab yuvish; ko'z shilliq qavatining ta'sirlanishida 30% li albutsid eritmasini, og'riqda – 2% li novokain eritmasini tomizish;
– og'izga: og'izni suv yoki iliq 2% li natriy gidrokarbonat eritmasi bilan chayish;
– me'daga: preparat tasodifan ichga qabul qilinganda darhol shifokorga murojaat qilish kerak.
Bitta o'choqdagi bemorlarga, shuningdek muloqotda bo'lgan shaxslarga ishlov berishni bir vaqtda o'tkazish kerak.
Piodermiya, ekzema ko'rinishidagi asoratlarni qo'tir bilan bir vaqtda davolash va u tugatilgandan keyin ham davom ettirish kerak.
Ishlatilayotgan dori shaklining qo'llashga ko'rsatmalarga mosligiga rioya qilish kerak.
Avtotransportni boshqarish yoki boshqa mexanizmlar bilan ishlashda reaksiya tezligiga ta'sir qilmaydi.

Benzilbenzoatga yoki preparatning boshqa komponentlariga yuqori sezuvchanlik.
Teri shikastlanishlari, shu jumladan terining yiringli kasalliklari.

Benzilbenzoat kremining boshqa preparatlar bilan farmakologik o'zaro ta'siri aniqlanmagan, ammo barcha parazitlarga qarshi vositalar kabi uni sirtga qo'llash uchun mo'ljallangan boshqa dori vositalari bilan bir vaqtda qo'llash tavsiya etilmaydi. Kortikosteroidlarni mahalliy yoki tizimli qo'llash invaziya saqlanib qolgan holda ba'zi simptomlarning (qichishish, giperemiya) yo'qolishiga yoki kamayishiga yordam berishi mumkin, shuning uchun Benzilbenzoat kremi bilan davolash davrida bunday preparatlarni qo'llashdan saqlanish lozim.

Sirtga. Davolashning 1-chi va 4-chi kunlari maz (kechqurun) 10 daqiqalik oraliq bilan ikki marta sovun bilan yuvilgan teriga (yuz va boshning sochli qismidan tashqari) surtiladi. Avval chap va o'ng qo'llarga, keyin gavdaga, so'ngra chap va o'ng oyoqlarga, tovonlar va oyoq barmoqlariga ishqalanadi. Keyin bemor toza ich kiyim va zararsizlantirilgan ustki kiyim kiyadi. Shuningdek choyshablar almashtirilishi kerak. Ishlov berilgandan so'ng qo'llarni 3 soat davomida yuvmaslik kerak. 5-kuni yuvinish va ich kiyimni almashtirish tayinlanadi.