BISOPROLOL 0,005 tabletkalari N50

Bisoprolol MITYdan deyarli to'liq so'riladi (80-90%). Ovqat qabul qilish preparat so'rilishiga ta'sir qilmaydi. Qon plazmasida Cmax ga 2-3 soatdan keyin erishiladi. Qon plazmasi oqsillari bilan bog'lanishi taxminan 35%. Gematoensefalik to'siq va yo'ldosh to'sig'i orqali o'tkazuvchanlik past, ko'krak suti bilan sekretsiya past.

Jigarda metabolizmga uchraydi. T1/2 - 9-12 soat, buyrak funktsiyasi buzilganda (KK 40 ml/daq dan kam bo'lganda - 3 baravar), keksa yoshda, jigar kasalliklarida (sirrozda 21,7 soatgacha uzayadi) uzayadi. Buyraklar orqali - 50% o'zgarmagan holda, 2% dan kamrog'i - ichak orqali chiqariladi.

MNS tomonidan: juda tez-tez - bosh og'rig'i (10,9%); tez-tez - bosh aylanishi (3,5%), uyqusizlik (2,5%), asteniya (1,5%), depressiya (0,2%), uyquchanlik, yuqori toliqish; kam hollarda - hushdan ketish, gallyutsinatsiyalar, "dahshatli" tushlar, tirishishlar, ongning chalkashishi yoki xotiraning qisqa muddatli yo'qolishi.

Sezgi a'zolari tomonidan: kam hollarda - ko'rishning buzilishi, ko'z yoshi suyuqligi sekretsiyasining kamayishi, ko'zlar qurishi va og'rishi, eshitishning buzilishi, juda kam hollarda - kon'yunktivit.

Yurak-qon tomir tizimi tomonidan: tez-tez emas - sinusli bradikardiya (0,5%), kam hollarda - qon bosimining yaqqol pasayishi, juda kam hollarda - AV-o'tkazuvchanlikning buzilishi, ortostatik gipotenziya, SYuY dekompensatsiyasi, periferik shishlar, angiospazm namoyon bo'lishi (periferik qon aylanishi buzilishining kuchayishi, pastki oyoq-qo'llarning sovushi, Reyno sindromi, paresteziyalar), ko'krakda og'riq.

Ovqat hazm qilish tizimi tomonidan: tez-tez - diareya (3,5%), ko'ngil aynishi (2,2%), qusish (1,5%), og'iz bo'shlig'i shilliq qavatining qurishi (1,3%), qabziyat; kam hollarda - gepatit.

Nafas olish tizimi tomonidan: tez-tez - burun bitishi (4%), yuqori dozalarda tayinlanganda nafas olishning qiyinlashishi (selektivlikning yo'qolishi), moyilligi bo'lgan bemorlarda - laringo- va bronxospazm (2,2%).

Endokrin tizim tomonidan: giperglikemiya (2-tur qandli diabet), gipoglikemiya (1-tur qandli diabet).

Allergik reaksiyalar: kam hollarda - teri qichishishi, toshma, eshakemi, allergik rinit.

Bisoprolol qabul qilayotgan bemorlarni nazorat qilish YuK va AB ni kuzatish (davolash boshida - har kuni, keyin 3-4 oyda 1 marta), elektrokardiogramma (EKG), qandli diabeti bo'lgan bemorlarda qon glyukoza kontsentratsiyasini (4-5 oyda 1 marta) o'z ichiga olishi kerak. Keksa yoshdagi bemorlarda buyrak funksiyasini kuzatib borish tavsiya etiladi (4-5 oyda 1 marta).

Bemorlarni YuK sanash usuliga o'rgatish va YuK 50 zarba/daq dan kam bo'lganda shifokor maslahati zarurligi haqida yo'riqnoma berish kerak.

Davolashni boshlashdan oldin og'irlashgan bronx-o'pka anamnezi bo'lgan bemorlarda tashqi nafas funksiyasini tekshirish tavsiya etiladi.

Stenokardiyasi bo'lgan bemorlarning taxminan 20% ida beta-adrenoblokatorlar samarasiz. Asosiy sabablar - past ishemiya bo'sag'asi (YuK 100 zarba/daq dan kam) bilan og'ir koronar ateroskleroz va subendokardial qon oqimini buzuvchi chap qorincha yakuniy diastolik hajmining oshishi. "Chekuvchilarda" beta-adrenoblokatorlar samaradorligi pastroq.

Kontakt linzalardan foydalanadigan bemorlar davolash fonida ko'z yoshi suyuqligi ishlab chiqarilishi kamayishi mumkinligini hisobga olishlari kerak.

Feoxromotsitomasi bo'lgan bemorlarda qo'llanilganda paradoksal arterial gipertenziya rivojlanish xavfi mavjud (agar oldindan samarali alfa-adrenoblokadaga erishilmagan bo'lsa).

Tireotoksikozda Bisoprolol tireotoksikozning ma'lum klinik belgilarini (masalan, taxikardiyani) niqoblashi mumkin. Tireotoksikoz bo'lgan bemorlarda keskin bekor qilish qarshi ko'rsatilgan, chunki simptomatikani kuchaytirishi mumkin.

Qandli diabetda gipoglikemiya chaqirgan taxikardiyani niqoblashi mumkin. Noselektiv beta-adrenoblokatorlardan farqli o'laroq, insulin chaqirgan gipoglikemiyani deyarli kuchaytirmaydi va qonda glyukoza kontsentratsiyasini normal qiymatgacha tiklanishini kechiktirmaydi.

Klonidin bir vaqtda qabul qilinganda uning qabuli Bisoprolol bekor qilingandan keyin faqat bir necha kun o'tgach to'xtatilishi mumkin.

Og'irlashgan allergologik anamnez fonida yuqori sezuvchanlik reaksiyasi yaqqolligining kuchayishi va epinefrin (adrenalin) ning odatiy dozalaridan samara bo'lmasligi mumkin.

Rejalashtirilgan jarrohlik davolash o'tkazish zarurati bo'lganda preparatni bekor qilishni umumiy anesteziya boshlanishidan 48 soat oldin o'tkazadilar. Agar bemor operatsiyadan oldin preparat qabul qilgan bo'lsa, unga minimal manfiy inotrop ta'sirga ega umumiy anesteziya uchun dori vositasini tanlash kerak.

Adashgan nervning retsiprok faollashishini vena ichiga atropin (1-2 mg) yuborish bilan bartaraf etish mumkin.

Katexolaminlar zaxirasini kamaytiruvchi dori vositalari (masalan, rezerpin) beta-adrenoblokatorlar ta'sirini kuchaytirishi mumkin, shuning uchun dori vositalarining bunday birikmalarini qabul qilayotgan bemorlar arterial gipotenziya yoki bradikardiyani aniqlash yuzasidan shifokorning doimiy nazorati ostida bo'lishlari kerak.

Bronxospastik kasalliklari bo'lgan bemorlarga boshqa gipotenziv dori vositalarini o'zlashtiraolmaslik va/yoki samarasizligida kardioselektiv adrenoblokatorlarni tayinlash mumkin, ammo bunda dozalashni qat'iy kuzatish kerak.

o'tkir yurak yetishmovchiligi yoki dekompensatsiya bosqichidagi surunkali yurak yetishmovchiligi (inotrop terapiya o'tkazishni talab qiluvchi);

— kardiogen shok;

— II va III darajali atrioventrikulyar blokada, elektrokardiostimulyatorsiz;

— sinoatrial blokada;

— sinus tuguni zaifligi sindromi;

— bradikardiya (YUR 60 urish/daq dan kam);

— kardiomegaliya (yurak yetishmovchiligi belgilarisiz);

— arterial gipotenziya (sistolik bosim 100 mm sim. ust. dan kam);

— bronxial astma va o'pkaning obstruktiv kasalligi og'ir shakllari;

— periferik qon aylanishining og'ir buzilishlari, Reyno sindromi;

— laktatsiya davri;

— MAO ingibitorlarini bir vaqtda qabul qilish, MAO-V bundan mustasno;

— irsiy laktoza o'zlashtiraolmaslik, laktaza yetishmovchiligi, glyukoza-galaktoza malabsorbtsiyasi sindromi;

— feoxromotsitoma (alfa-

adrenoblokatorlarni bir vaqtda qo'llamasdan);

— metabolik atsidoz;

— floktafenin, sultopridni bir vaqtda qabul qilish;

Immunoterapiya uchun ishlatiladigan allergenlar yoki teri sinamalari uchun allergen ekstraktlari Bisoprolol qabul qilayotgan bemorlarda og'ir tizimli allergik reaksiyalar yoki anafilaksiya yuzaga kelishi xavfini oshiradi.

Fenitoin tomir ichiga yuborilganda, ingalyatsion umumiy anesteziya uchun dori vositalari (uglevodorod hosilalari) kardiodepressiv ta'sir yaqqolligini va AB pasayishi ehtimolini oshiradi.

Tomir ichiga yuborish uchun yod saqlovchi rentgenokontrast diagnostik vositalar anafilaktik reaksiyalar rivojlanish xavfini oshiradi.

Bisoprolol insulin va ichga qabul qilish uchun gipoglikemik vositalar samaradorligini o'zgartiradi, rivojlanayotgan gipoglikemiya simptomlarini (taxikardiya, AB oshishi) niqoblaydi.

Antigipertenziv samarani nosteroid yallig'lanishga qarshi preparatlar (natriy ionlari ushlanib qolishi va buyraklar tomonidan prostaglandin sintezi blokadasi), glukokortikosteroidlar va estrogenlar (natriy ionlari ushlanib qolishi) susaytiradi.