BISOPROLOL 0,01 tabletkalari N30
BISOPROLOL 0,01 tabletkalari N30 qo'llanmasi
Farmakokinetikasi
Bisoprolol me'da-ichak traktidan deyarli to'liq so'riladi (80-90%). Ovqat qabul qilish so'rilishga ta'sir qilmaydi. Faol moddaning qon plazmasidagi maksimal kontsentratsiyasi 46,552±7,6 ng/ml ni tashkil qiladi. Maksimal kontsentratsiyaga erishish vaqti - 2-4 soat.
Bisoprolol keyingi konyugatsiyasiz oksidlanish yo'li bilan metabolizmga uchraydi. Barcha metabolitlar kuchli qutblilikka ega (suvda eriydi) va buyraklar orqali chiqariladi. Qon plazmasi va siydikda aniqlanadigan asosiy metabolitlar farmakologik faollik ko'rsatmaydi.
Odam jigar mikrosomalari bilan in vitro o'tkazilgan eksperimentlar natijasida olingan ma'lumotlar shuni ko'rsatadiki, bisoprolol birinchi navbatda CYP3A4 izofermenti yordamida (taxminan 95%) metabolizmga uchraydi, CYP2D6 izofermenti esa faqat kichik rol o'ynaydi.
Qon plazmasi oqsillari bilan bog'lanishi taxminan 30%. Taqsimlanish hajmi - 3,5 l/kg. Umumiy klirens - taxminan 15 l/soat.
Gematoensefalik to'siq va yo'ldosh to'sig'i orqali o'tkazuvchanlik - past. Qon plazmasidan yarim chiqarilish davri 9-12 soatni tashkil qiladi, bir martalik kundalik dozani qabul qilgandan keyin 24 soat davomida samaradorlikni ta'minlaydi. Bisoprolol organizmdan ikki yo'l bilan chiqariladi, dozaning 50% jigarda faol bo'lmagan metabolitlar hosil bo'lishi bilan metabolizmga uchraydi. Taxminan 98% buyraklar orqali chiqariladi, shundan 50% o'zgarmagan holda chiqariladi; 2% dan kamrog'i - ichak orqali (safro bilan).
Chiqarilish buyraklarda va jigarda teng darajada sodir bo'lganligi sababli, jigar funktsiyasi buzilgan yoki buyrak yetishmovchiligi bo'lgan bemorlarga dozani to'g'rilash talab qilinmaydi.
Bisoprolol farmakokinetikasi chiziqli va yoshga bog'liq emas.
SYuY bo'lgan bemorlarda bisoprololning plazma kontsentratsiyasi sog'lom ko'ngillilarga qaraganda yuqori, yarim chiqarilish davri esa uzoqroq.
Nojo'ya samaralari
Nojo'ya ta'sirlarning rivojlanish tezligi Jahon sog'liqni saqlash tashkiloti tasnifiga muvofiq keltirilgan: juda tez-tez - kamida 10%; tez-tez - kamida 1% va 10% dan kam; tez-tez emas - kamida 0,1% va 1% dan kam; kam hollarda - kamida 0,01% va 0,1% dan kam; juda kam hollarda - 0,01% dan kam, shu jumladan alohida holatlar; uchrash tezligi noma'lum - mavjud ma'lumotlar bo'yicha tezligini aniqlash imkoni yo'q.
Yurak-qon tomir tizimi tomonidan: juda tez-tez - bradikardiya (SYuY bo'lgan bemorlarda); tez-tez - SYuY simptomlarining kuchayishi (SYuY bo'lgan bemorlarda), oyoq-qo'llarda sovush va uvishish hissi, qon bosimining yaqqol pasayishi, ayniqsa SYuY bo'lgan bemorlarda; tez-tez emas - AV o'tkazuvchanlikning buzilishi, bradikardiya (arterial gipertenziya yoki stenokardiya bo'lgan bemorlarda), SYuY kechishi simptomlarining kuchayishi (arterial gipertenziya yoki stenokardiya bo'lgan bemorlarda), ortostatik gipotenziya.
Markaziy asab tizimi tomonidan: tez-tez - bosh aylanishi, bosh og'rig'i; tez-tez emas - depressiya, uyqusizlik; kam hollarda - hushdan ketish, gallyutsinatsiyalar, dahshatli tushlar.
Ko'rish a'zosi tomonidan: kam hollarda - ko'z yoshi ajralishining kamayishi (kontakt linzalarni taqishda hisobga olish kerak); juda kam hollarda - kon'yunktivit.
Eshitish a'zosi tomonidan: kam hollarda - eshitishning buzilishi.
Nafas olish tizimi tomonidan: tez-tez emas - bronxial astma yoki nafas yo'llarining obstruktiv kasalliklari bo'lgan bemorlarda bronxospazm; kam hollarda - allergik rinit.
Ovqat hazm qilish tizimi tomonidan: tez-tez - ko'ngil aynishi, qusish, diareya, qabziyat; kam hollarda gepatit.
Tayanch-harakat tizimi tomonidan: tez-tez emas - mushak kuchsizligi, mushak tirishishlari.
Teri qoplamalari tomonidan: kam hollarda - teri qichishishi, teri qoplamalari giperemiyasi kabi o'ta yuqori sezuvchanlik reaksiyalari; juda kam hollarda - alopetsiya. Beta-adrenoblokatorlar psoriaz kechishi simptomlarining kuchayishiga yordam berishi yoki psoriazsimon toshmani keltirib chiqarishi mumkin.
Siydik-tanosil tizimi tomonidan: kam hollarda - potentsiyaning buzilishi.
Laboratoriya ko'rsatkichlari: kam hollarda - qonda triglitseridlar kontsentratsiyasi va "jigar" transaminazalari (aspartataminotransferaza (AST) va alaninaminotransferaza (ALT)) faolligining oshishi.
Umumiy buzilishlar: tez-tez - asteniya (SYuY bo'lgan bemorlarda), yuqori toliqish; tez-tez emas - asteniya (arterial gipertenziya yoki stenokardiya bo'lgan bemorlarda).
Maxsus saqlash sharoitlari
Bisoprololni qabul qilayotgan bemorlar ahvolini nazorat qilish o'z ichiga YUUS va QBn o'lchashni (davolash boshida - har kuni, so'ngra - 3-4 oyda 1 marta), EKG o'tkazishni, qandli diabeti bo'lgan bemorlarda qonda glyukoza konsentratsiyasini aniqlashni (4-5 oyda 1 marta) olishi kerak. Keksa yoshdagi bemorlarda buyrak funksiyasi nazorati zarur (4-5 oyda 1 marta).
Bemorga YUUSni hisoblash usulini o'rgatish va YUUS daqiqasiga 60 zarbadan kam bo'lganda shifokor maslahati zarurligi haqida yo'riqnoma berish kerak.
Davolashni boshlashdan oldin o'pka-bronx anamnezi og'irlashgan bemorlarda tashqi nafas funksiyasini tekshirish tavsiya etiladi.
Stenokardiyasi bo'lgan bemorlarning taxminan 20% da beta-adrenoblokatorlar samarasiz. Asosiy sabablar - ishemiyaning past ostonasi (YUUS daqiqasiga 90 zarbadan kam) bilan kechuvchi og'ir koronar ateroskleroz va subendokardial qon oqimini buzuvchi chap qorincha oxirgi diastolik hajmining oshishi. "Chekuvchilarda" beta-adrenoblokatorlar samaradorligi pastroq.
Tireotoksikozda bisoprolol tireotoksikozning ayrim klinik belgilarini (masalan, taxikardiyani) niqoblashi mumkin. Tireotoksikoz bo'lgan bemorlarda preparatni keskin bekor qilish mumkin emas, chunki bu simptomatikaning kuchayishiga olib kelishi mumkin.
Klonidin bilan bir vaqtda qabul qilinganda uning qabulini bisoprolol bekor qilinganidan keyin bir necha kun o'tgachgina to'xtatish mumkin.
Og'irlashgan allergologik anamnez fonida yuqori sezuvchanlik reaksiyasi yaqqolligi kuchayishi va epinefrin (adrenalin)ning odatdagi dozalaridan samara bo'lmasligi mumkin.
Rejali jarrohlik davolashni o'tkazish zarurati bo'lganda preparatni bekor qilish umumiy anesteziya boshlanishidan 48 soat oldin amalga oshiriladi. Agar bemor jarrohlik amaliyotidan oldin preparatni qabul qilgan bo'lsa, unga minimal salbiy inotrop ta'sirga ega umumiy anesteziya uchun dori vositasini tanlash kerak. Sayyor nervning retsiprok faollashuvini vena ichiga atropin (1-2 mg) yuborish orqali bartaraf etish mumkin.
Katexolaminlar zaxirasini kamaytiradigan dori vositalari (shu jumladan rezerpin), beta-adrenoblokatorlar ta'sirini kuchaytirishi mumkin, shuning uchun dori vositalarining bunday birikmalarini qabul qilayotgan bemorlar yaqqol QB pasayishi yoki arterial gipotenziya, yoki bradikardiyani aniqlash maqsadida shifokorning doimiy nazorati ostida bo'lishlari kerak.
Keksa yoshdagi bemorlarda kuchayib boruvchi bradikardiya (YUUS daqiqasiga 60 zarbadan kam), yaqqol QB pasayishi yoki arterial gipotenziya (sistolik QB 100 mm sim.ust. dan past), AV blokada, bronxospazm, qorinchalar aritmiyalari, og'ir jigar va buyrak funksiyasi buzilishlari aniqlanganda dozani kamaytirish yoki davolashni to'xtatish kerak. Beta-adrenoblokatorlarni qabul qilish chaqirgan depressiya rivojlanganda terapiyani to'xtatish tavsiya etiladi.
Og'ir aritmiyalar va miokard infarkti rivojlanishi xavfi tufayli davolashni keskin to'xtatish mumkin emas. Bekor qilishni asta-sekin, 2 hafta va undan ko'proq vaqt davomida (dozani 3-4 kunda 25 % ga kamaytirib) amalga oshiradilar.
Preparatni qon va siydikda katexolaminlar, normeganefin va vanililminda kislotasi, shuningdek antinuklear antitelolar titrlarini tekshirishdan oldin bekor qilish kerak.
Kontakt linzalardan foydalanadigan bemorlar davolash fonida ko'z yoshi suyuqligi ishlab chiqarilishi kamayishi mumkinligini hisobga olishlari kerak.
Feoxromotsitoma bo'lgan bemorlarda Bisoprolol preparatini qo'llashda paradoksal arterial gipertenziya rivojlanishi xavfi mavjud (agar oldindan samarali alfa-adrenoblokadaga erishilmagan bo'lsa).
Qandli diabetda gipoglikemiya chaqirgan taxikardiyani niqoblashi mumkin. Noselektiv beta-adrenoblokatorlardan farqli o'laroq, insulin chaqirgan gipoglikemiyani deyarli kuchaytirmaydi va qondagi glyukoza konsentratsiyasining me'yoriy darajagacha tiklanishini kechiktirmaydi.
Agar nojo'ya reaksiyalar yuzaga kelmasa, bemorlarga shifokor tanlagan preparat dozasini qabul qilish tavsiya etiladi.
Zarurat tug'ilganda davolash to'xtatilishi mumkin. Davolashni keskin to'xtatish va shifokor bilan oldindan maslahatlashmasdan tavsiya etilgan dozani o'zgartirish mumkin emas, chunki bu yurak faoliyatining vaqtinchalik yomonlashuviga olib kelishi mumkin. Agar davolashni to'xtatish zarur bo'lsa, dozani asta-sekin, 2 hafta va undan ko'proq vaqt davomida (3-4 kunda 25% ga) kamaytirish kerak, chunki og'ir aritmiyalar va miokard infarkti rivojlanishi xavfi mavjud, ayniqsa yurak ishemik kasalligi bo'lgan bemorlarda.
Bronxospastik kasalliklari bo'lgan bemorlarga kardioselektiv adrenoblokatorlarni boshqa gipotenziv dori vositalarini ko'tara olmaslik va/yoki samarasizlik holatida tayinlash mumkin, ammo bunda dozalashni qat'iy kuzatib borish kerak. Dozani oshirib yuborish bronxospazm rivojlanishi bilan xavflidir.
Bronxial astma yoki O'SOKda bir vaqtda bronxodilatatsiyalovchi vositalarni qo'llash ko'rsatilgan. Bronxial astmasi bo'lgan bemorlarda nafas yo'llari qarshiligining oshishi mumkin, bu beta2-adrenomimetiklarning yuqoriroq dozasini talab qiladi.
Preparatning transport vositalarini va boshqa mexanizmlarni boshqarish qobiliyatiga ta'siri:
Bisoprolol preparati YIK bo'lgan bemorlardagi tadqiqot natijalariga ko'ra avtotransportni boshqarish qobiliyatiga ta'sir qilmaydi. Biroq, individual reaksiyalar oqibatida avtotransportni boshqarish yoki texnik murakkab mexanizmlar bilan ishlash qobiliyati buzilishi mumkin. Bunga ayniqsa davolash boshida, doza o'zgartirilgandan so'ng, shuningdek alkogol bir vaqtda iste'mol qilinganda alohida e'tibor berish kerak.
Qo'llanilishi mumkin bo'lmagan holatlar
- Bisoprololga yoki preparatning har qanday komponentiga ("Tarkibi" bo'limiga qarang) va boshqa beta-adrenoblokatorlarga yuqori sezuvchanlik;
- o'tkir yurak yetishmovchiligi, inotrop terapiya talab etiladigan dekompensatsiya bosqichidagi surunkali yurak yetishmovchiligi;
- kardiogen shok, kollaps;
- elektrokardiostimulyatorsiz atrioventikulyar (AV) II va III darajali blokada;
- sinoatrial blokada;
- sinus tuguni zaifligi sindromi;
- yaqqol bradikardiya (YuUQ minutiga 60 tadan kam);
- og'ir arterial gipotenziya (sistolik arterial bosim 100 mm sim. ust. dan kam);
- kardiomegaliya (yurak yetishmovchiligi belgilari bo'lmagan holda);
- anamnezda bronxial astma va o'pkaning surunkali obstruktiv kasalligining (O'SOK) og'ir shakllari;
- periferik arterial qon aylanishining yaqqol buzilishlari yoki Reyno sindromi;
- metabolik atsidoz;
- feoxromotsitoma (alfa-adrenoblokatorlarni bir vaqtda qo'llamasdan);
- monoaminoksidaza (MAO) ingibitorlarini bir vaqtda qabul qilish (MAO B turi ingibitorlari bundan mustasno);
- 18 yoshgacha bo'lganlar (ushbu yosh guruhida samaradorlik va xavfsizlik bo'yicha ma'lumotlar yetarli emas).
Ehtiyotkorlik bilan:
Psoriaz, depressiya (shu jumladan anamnezda), 1-turdagi qandli diabet va qondagi glyukoza konsentratsiyasining sezilarli o'zgarishi bilan kechuvchi qandli diabet (gipoglikemiya belgilarini niqoblashi mumkin), allergik reaksiyalar (anamnezda), bronxospazm (anamnezda), desensibilizatsiya qiluvchi terapiya o'tkazish, Prinsmetal stenokardiyasi, gipertireoz; I darajali AV blokada, og'ir buyrak yetishmovchiligi (kreatinin klirensi (KK) minutiga 20 ml dan kam); feoxromotsitoma (alfa-adrenoblokatorlarni bir vaqtda qo'llashda); jigar funksiyasining og'ir buzilishlari; restriktiv kardiomiopatiya; tug'ma yurak nuqsonlari yoki yaqqol gemodinamik buzilishlar bilan kechuvchi yurak klapanlari nuqsoni; so'nggi 3 oy ichida miokard infarkti bilan kechgan SYuY; gipertireoz yoki tireotoksikoz; qat'iy dieta.
Homiladorlik va laktatsiya:
Homiladorlik
Bisoprolol bevosita sitotoksik, mutagen va teratogen ta'sir ko'rsatmaydi, ammo homiladorlik kechishiga va/yoki homilaga yoki yangi tug'ilgan chaqaloqqa zararli ta'sir ko'rsatishi mumkin bo'lgan farmakologik ta'sirlarga ega. Odatda beta-adrenoblokatorlar platsentar perfuziyani kamaytiradi, bu homila o'sishining sekinlashishiga, homilaning ona qornida nobud bo'lishiga, tushishiga yoki erta tug'ilishga olib keladi. Homila va yangi tug'ilgan chaqaloqda patologik reaksiyalar, masalan, ona qornida rivojlanishning kechikishi, gipoglikemiya, bradikardiya paydo bo'lishi mumkin.
Bisoprololni homiladorlik paytida qo'llash tavsiya etilmaydi, faqat ona uchun foyda homila va/yoki bola uchun nojo'ya ta'sirlar xavfidan yuqori bo'lgan hollarda qo'llash mumkin. Bisoprolol bilan davolash zarur deb topilgan hollarda, platsenta va bachadondagi qon oqimini kuzatish, shuningdek, bo'lajak bolaning o'sishi va rivojlanishini kuzatish va homiladorlik va/yoki homilaga nisbatan istalmagan hodisalar paydo bo'lgan taqdirda homiladorlik paytida qo'llash uchun xavfsizlik profili isbotlangan muqobil davolash usullarini qabul qilish kerak. Yangi tug'ilgan chaqaloqni tug'ruqdan keyin yaxshilab tekshirish kerak. Gipoglikemiya va bradikardiya belgilari odatda hayotning dastlabki 3 kunida paydo bo'ladi.
Emizish davri
Bisoprololning ko'krak sutiga o'tishi haqida ma'lumotlar yo'q. Shuning uchun Bisoprolol preparatini emizish davrida ayollarga qabul qilish tavsiya etilmaydi. Agar emizish davrida preparatni qo'llash zarur bo'lsa, emizishni to'xtatish kerak.
Dori vositalarining o'zaro ta'siri
Dori vositalarining samaradorligi va o'zlashtirilishiga boshqa dori vositalarining bir vaqtda qo'llanilishi ta'sir qilishi mumkin. Bunday o'zaro ta'sir ikki dori vositasi qisqa vaqt oralig'ida qabul qilingan hollarda ham yuz berishi mumkin. Shifokorni boshqa dori vositalari qabul qilinayotgani haqida, hatto ular shifokor receptisiz qabul qilingan bo'lsa ham (ya'ni retseptsiz beriladigan preparatlar), xabardor qilish kerak.
Tavsiya etilmaydigan kombinatsiyalar
I sinf aritmiyaga qarshi preparatlar (masalan, xinidin, dizopiramid, lidokain, fenitoin, flekainid, propafenon) bisoprolol bilan bir vaqtda qo'llanilganda AV o'tkazuvchanlikni va miokardning qisqarish qobiliyatini pasaytirishi mumkin.
Verapamil va kamroq darajada diltiazem turidagi "sekin" kaltsiy kanallari blokatorlari miokard qisqarish qobiliyatiga va AV o'tkazuvchanlikka salbiy ta'sir ko'rsatishi mumkin. Beta-adrenoblokatorlar bilan terapiyada bo'lgan bemorlarda verapamilni tomir ichiga yuborish yaqqol arterial gipotenziya va AV blokada rivojlanishiga olib kelishi mumkin.
Markaziy ta'sirga ega gipotenziv vositalar (klonidin, metildopa, moksonidin, rilmenidin kabi). Markaziy ta'sirga ega gipotenziv preparatlarni bir vaqtda qo'llash markaziy asab tizimining simpatik tonusini qo'shimcha ravishda pasaytirishi va natijada yurak qisqarishlari sonini va yurakdan qon otilib chiqishini kamaytirishi, shuningdek vazodilatatsiya simptomlarini chaqirishi mumkin. Terapiyani keskin to'xtatish, ayniqsa beta-adrenoblokatorlar oldindan bekor qilingan sharoitda, "rikoshet" arterial gipertenziya rivojlanish xavfini oshirishi mumkin.
Alohida ehtiyotkorlikni talab qiluvchi kombinatsiyalar
Digidropiridin turidagi "sekin" kaltsiy kanallari blokatorlari (masalan, felodipin va amlodipin). Bir vaqtda qo'llash yurak yetishmovchiligi bo'lgan bemorlarda arterial gipotenziya va qorinchalar nasos funktsiyasi pasayishi xavfini oshirishi mumkinligini istisno qilib bo'lmaydi.
III sinf aritmiyaga qarshi preparatlar (masalan, amiodaron) AV o'tkazuvchanlikni oshiradi.
Mahalliy qo'llash uchun beta-adrenoblokatorlar (masalan, glaukomani davolash uchun ko'z tomchilari) bisoprololning tizimli samaralarini kuchaytirishi mumkin.
Parasimpatomimetiklar AV o'tkazuvchanlik pasayishiga olib kelishi va bradikardiya rivojlanish xavfini oshirishi mumkin.
Insulin va ichga qabul qilish uchun gipoglikemik vositalar: gipoglikemik samarani kuchaytirish mumkin. Beta-adrenoretseptorlar blokadasi rivojlanayotgan gipoglikemiya simptomlarini (taxikardiya, AB oshishi) niqoblay oladi.
Umumiy anesteziya uchun vositalar: umumiy anesteziya uchun vositalar kardiodepressiv ta'sir xavfini oshirib, arterial gipotenziyaga olib kelishi mumkin.
Yurak glikozidlari: yurak glikozidlari bisoprolol bilan bir vaqtda qo'llanilganda impuls o'tish vaqtining uzayishiga va shu tariqa bradikardiya rivojlanishiga olib kelishi mumkin.
Nosteroid yallig'lanishga qarshi preparatlar (NYAQV): bisoprololning antigipertenziv samarasini susaytiradi.
Beta-adrenomimetiklar (masalan, izoprenalin, dobutamin): bisoprolol bilan bir vaqtda qabul qilish ushbu preparatlar samarasining susayishiga olib kelishi mumkin.
Beta- va alfa-adrenoretseptorlarga ham ta'sir qiluvchi adrenomimetiklar (masalan, noradrenalin, adrenalin): ushbu preparatlarning alfa-adrenomimetik vazokonstriktor samarasini chaqiradi va kuchaytiradi, bu AB oshishiga va "o'zgaruvchan" oqsoqlik zo'rayishiga olib keladi. Bunday o'zaro ta'sir noselektiv beta-adrenoblokatorlar qo'llanilganda ko'proq ehtimolga ega.
MAO ingibitorlari (MAO V turidagi ingibitorlardan tashqari) beta-adrenoblokatorlarning AB pasayishi yaqqolligini kuchaytirishi mumkin. Bir vaqtda qo'llash shuningdek gipertonik kriz rivojlanishiga olib kelishi mumkin.
Gipotenziv preparatlar yoki arterial bosimni pasaytiruvchi boshqa preparatlarni (masalan, tritsiklik antidepressantlar, barbituratlar, fenotiazinlar) bir vaqtda qo'llash arterial gipotenziya rivojlanish xavfini oshirishi mumkin.
Dozirovkasi
Tabletkalarni chaynash yoki kukun holatiga keltirish mumkin emas.
Barcha holatlarda qabul qilish tartibi va dozani shifokor har bir bemorga individual ravishda, xususan, yurak urish tezligi (YuUT) va bemorning holatini hisobga olgan holda tanlaydi.
Arterial gipertenziya va yurak ishemik kasalligida, barqaror stenokardiya xurujlarini oldini olish uchun preparatning boshlang'ich dozasi sutkasiga 5 mg ni tashkil qiladi. Maksimal sutkalik doza sutkasiga 20 mg.
Surunkali yurak yetishmovchiligida davolash
Bisoprolol bilan davolashni boshlashda bemorlarning holati barqaror bo'lishi kerak (o'tkir yurak yetishmovchiligi bartaraf etilgan bo'lishi kerak). Dozani titrlash 1,25 mg/sutkadan boshlanadi (1 hafta davomida), keyin yaxshi o'zlashtirilganda doza 2,5 mg/sutkagacha (1 hafta davomida), 3,75 mg/sutkagacha (1 hafta davomida), 5 mg/sutkagacha (4 hafta davomida), 7,5 mg/sutkagacha (4 hafta davomida), keyin 10 mg/sutkagacha (maqsadli doza) oshiriladi. Dozani titrlash vaqtida va undan keyin yurak yetishmovchiligi kechishining vaqtincha yomonlashishi, arterial gipotenziya yoki bradikardiya yuzaga kelishi mumkin. Agar shundan keyin 1 hafta ichida bemorning holati yaxshilanmasa, dozani asta-sekin kamaytirish o'tkazilishi kerak va bemorning holati barqarorlashgandan so'ng titrlash yana takrorlanishi mumkin.
SYuE ni davolashning standart sxemasi angiotenzinga aylantiruvchi ferment (AAF) ingibitorlari yoki angiotenzin II reseptorlari antagonistlari (AAF ingibitorlarini o'zlashtira olmaslik holatida), beta-adrenoblokatorlar, diuretiklar va, fakultativ ravishda, yurak glikozidlarini qo'llashni o'z ichiga oladi. Bisoprolol preparati bilan SYuE ni davolashni boshlash maxsus titrlash bosqichini va muntazam shifokor nazoratini talab qiladi. Preparat bilan davolashning dastlabki sharti zo'rayish belgilari bo'lmagan barqaror SYuE hisoblanadi. Bisoprolol preparati bilan SYuE ni davolash quyidagi titrlash sxemasiga muvofiq boshlanadi. Bunda bemor belgilangan dozani qanchalik yaxshi o'zlashtirishiga qarab individual moslashuv talab qilinishi mumkin, ya'ni dozani faqat oldingi doza yaxshi o'zlashtirilgan taqdirda oshirish mumkin.
Davolashning keyingi bosqichlarida tegishli titrlash jarayonini ta'minlash uchun Bisoprololni 2,5 mg va 5 mg li tabletkalar dori shaklida qo'llash mumkin. Individual o'zlashtirishga qarab, doza asta-sekin 2,5 mg, 3,75 mg (2,5 mg li tabletkadan 1 1/2 ta), 7,5 mg (2,5 mg li tabletkadan 3 ta yoki 5 mg li riskali bisoprolol tabletkasidan 1 1/2 ta) va kuniga 1 marta 10 mg gacha oshirilishi kerak. Har bir keyingi dozani oshirish kamida ikki haftadan keyin amalga oshirilishi kerak. Agar dozani oshirish bemor tomonidan yomon o'zlashtirilsa, dozani kamaytirish mumkin. SYuE da tavsiya etilgan maksimal doza kuniga 1 marta 10 mg Bisoprolol preparatini tashkil qiladi. Titrlash vaqtida qon bosimi (AB), YuUT va SYuE simptomlarining namoyon bo'lish darajasini muntazam nazorat qilish tavsiya etiladi. SYuE kechishi simptomlarining og'irlashishi preparatni qo'llashning birinchi kunidanoq yuzaga kelishi mumkin. Agar bemor preparatning tavsiya etilgan maksimal dozasini yomon o'zlashtirsa, dozani asta-sekin kamaytirish mumkin. Titrlash bosqichida yoki undan keyin SYuE kechishining vaqtincha yomonlashishi, arterial gipotenziya yoki bradikardiya paydo bo'lishi mumkin. Bunday holda, birinchi navbatda, hamrohlik qiluvchi terapiya preparatlari dozalarini to'g'rilash tavsiya etiladi. Shuningdek, Bisoprolol preparati dozasini vaqtincha kamaytirish yoki uni bekor qilish talab qilinishi mumkin. Bemorning holati barqarorlashgandan so'ng, dozani qayta titrlashni o'tkazish yoki davolashni davom ettirish kerak.
Bisoprolol preparatini qo'llash bo'yicha barcha ko'rsatmalarda davolash davomiyligi
Bisoprolol preparati bilan davolash odatda uzoq muddatli terapiya hisoblanadi.
Maxsus guruh bemorlari
Buyrak yoki jigar funksiyasining buzilishi:
Jigar yoki buyrak funksiyasining yengil yoki o'rtacha darajadagi buzilishida odatda dozani to'g'rilash talab qilinmaydi.
Buyrak funksiyasining og'ir buzilishlarida (KK 20 ml/daq dan kam) yoki og'ir jigar kasalliklari bo'lgan bemorlarda maksimal sutkalik doza - 10 mg ni tashkil qiladi. Bunday bemorlarda dozani oshirish juda ehtiyotkorlik bilan amalga oshirilishi kerak.
Keksa bemorlar:
Dozani to'g'rilash talab qilinmaydi.
Bolalar:
Bisoprolol preparatini bolalarda qo'llash bo'yicha yetarli miqdordagi ma'lumotlar yo'qligi sababli, preparatni 18 yoshgacha bo'lgan bolalarga buyurish tavsiya etilmaydi.Dozani oshirib yuborishSimptomlari: aritmiya, qorincha ekstrasistoliyasi, yaqqol bradikardiya (YuUT 50 urish/daq dan kam), AV blokada, AB ning yaqqol pasayishi (sistolik AB 90 mm sim. ust. dan kam), SYuE kechishining og'irlashishi (shishlarning ko'payishi, YuUT kamayishi yoki bradikardiya, AB pasayishi), barmoqlar yoki kaft tirnoqlarining цианози, gipoglikemiya, nafas olishning qiyinlashishi, bronxospazm, bosh aylanishi, hushdan ketish, tirishishlar.
Davolash: dozani oshirib yuborish yuzaga kelganda, birinchi navbatda preparat qabul qilishni to'xtatish, me'dani yuvish, adsorbsiyalovchi vositalarni buyurish va simptomatik terapiyani o'tkazish kerak.
Yaqqol bradikardiyada - vena ichiga (v/i) atropin yuborish. Agar samara yetarli bo'lmasa, ijobiy xronotrop ta'sirga ega vositani ehtiyotkorlik bilan yuborish mumkin. Ba'zan sun'iy ritm boshqaruvchisini vaqtincha o'rnatish talab qilinishi mumkin.
AB yaqqol pasayganda - plazma o'rnini bosuvchi eritmalar va vazopressorlarni vena ichiga yuborish.
Gipoglikemiyada glyukagonni vena ichiga yuborish yoki dekstroza (glukoza) ni vena ichiga yuborish ko'rsatilgan bo'lishi mumkin.
AV blokadada: bemorlar doimiy nazorat ostida bo'lishlari va epinefrin (adrenalin) kabi beta-adrenomimetiklar bilan davolanishlari kerak. Zarur bo'lganda - sun'iy ritm boshqaruvchisini o'rnatish.
SYuE kechishi zo'rayganda - diuretiklar, ijobiy inotrop ta'sirga ega preparatlar, shuningdek vazodilatatorlarni vena ichiga yuborish.
Bronxospazmda - bronxodilatatorlarni, shu jumladan beta2-adrenomimetiklar va/yoki aminofillinni buyurish.
BISOPROLOL 0,01 tabletkalari N30 o'xshash dorilari
BISOPROLOL 0,01 tabletkalari N30 xususiyatlari
Bisoprolol boshqa chiqarish shakllari
BISOPROLOL 0,01 tabletkalari N30 analoglari
{
"data": {
"id": 33626,
"stores_apteka_id": null,
"slug": "bisoprolol-0-01-n30-tabl-p-plen-oboloch-borisov-zmp",
"stores_apteka_slug": null,
"name": "BISOPROLOL 0,01 tabletkalari N30",
"brand_name": "BISOPROLOL 0,01",
"image": "uploads/iblock/e94/e94fc3b77287deaf175dc71d1b0d6da8.webp",
"atx_code": "C07AB07",
"drug_form_id": 1,
"over_the_counter": false,
"prescription_type": "prescription",
"availability": "not_available",
"reviews_count": 0,
"reviews_rating": 0,
"has_pickup": false,
"has_delivery": false,
"manufacturer": null,
"manufacturer_plain": "Borisovskiy zavod medisinskix preparatov, OAO",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 484,
"slug": "serdechno-sosudistye-preparaty",
"name": "Yurak-qon tomir",
"external_link_title": "Kardiolog maslahati",
"external_link": "https://med24.uz/uz/doctors/kardiolog"
},
"drug_group": {
"id": 10501,
"slug": "bisoprolol",
"name": "Bisoprolol"
},
"is_purchasable": false,
"country": {
"id": 119,
"slug": "belarusiya",
"name": "Belarusiya"
},
"active_ingredients": [
{
"id": 6559,
"slug": "bisoprolol",
"name": "Bisoprolol"
}
],
"tags": [
{
"id": 733,
"slug": "ot-povyshennogo-davleniya-gipertonii",
"name": "Yuqori qon bosimidan"
}
]
}
}
