BLEMAREN tabletkalari N20

Nefrolitiazni davolash uchun preparat. Blemaren siydikni pH 6,6–6,8 qiymatlargacha ishqoriylashtirish hisobiga siydik kislotali toshlarni eritadi va hosil bo'lishining oldini oladi (siydik pH i 6,6-6,8 oralig'ida bo'lganda siydik kislotasi tuzlarining erishi sezilarli darajada oshadi).

Bundan tashqari, kaltsiy chiqarilishini kamaytiradi, siydikda kaltsiy oksalat eruvchanligini yaxshilaydi, kristallar hosil bo'lishini ingibirlaydi va shunday qilib, kaltsiy-oksalatli toshlar hosil bo'lishiga to'sqinlik qiladi.

Bo'lishi mumkin: allergik reaksiyalar, shishlar (natriy tutilishi), metabolik alkaloz, dispepsiya.

O'rtacha sutkalik doza (4 ta shuwullovchi tabletka) taxminan 1,5 mg kaliy va 0,9 g natriy saqlaydi, buni osh tuzi iste'moli cheklangan parhezga rioya qiluvchi bemorlarga preparatni tayinlashda hisobga olish kerak.

Preparatni kaliy ionlari tutilib qolishi bilan kechmaydigan surunkali buyrak yetishmovchiligida qo'llash mumkin.

Preparatni qandli diabeti bo'lgan bemorlarga tayinlash mumkin.

Siydik kislotasi toshlarini eritishda sutkalik dozadan oshirmaslik kerak, chunki pH 7.0 dan oshganda siydik kislotasi kristallarida fosfatlar cho'kishi sodir bo'ladi, bu ularning keyingi erishiga to'sqinlik qiladi.

Davolash vaqtida oqsillar va purin asoslariga boy mahsulotlarni qabul qilishni cheklash, shuningdek yetarli suyuqlik iste'molini ta'minlash kerak (1,5-2 l dan kam bo'lmagan ).

O'tkir va surunkali buyrak yetishmovchiligi.
Metabolik alkaloz.
Siydikchilni parchalovchi mikroorganizmlar chaqirgan siydik chiqarish yo'llari infeksiyalari.
Siydik pH 7 dan yuqori.
Qat'iy tuzsiz dietaga rioya qilish zarurati (masalan, arterial gipertenziyaning og'ir shakllarida).
Preparat tarkibiy qismlariga yuqori sezuvchanlik.

Blemaren va tsitratlar va alyuminiy saqlovchi preparatlar bir vaqtda qo'llanilganda alyuminiy so'rilishining oshishi mumkin, shuning uchun bunday preparatlarni Blemaren qabul qilishdan kamida 2 soat oldin yoki keyin qabul qilish kerak.

Preparat tarkibiga kaliy kiradi, shuning uchun Blemaren va yurak glikozidlari bir vaqtda qo'llanilganda oxirgilarining farmakologik ta'siri susayishi mumkin.

Ba'zi antigipertenziv dori vositalari (masalan aldosteron antagonistlari, kaliy tejovchi diuretiklar, APF ingibitorlari), NYVS va analgetiklar kaliyning organizmdan chiqarilishini kamaytirishi mumkin. Blemaren va yuqorida ko'rsatilgan dori vositalarini bir vaqtda qo'llash imkoniyati masalasi shifokor tomonidan individual tartibda hal qilinadi.

Ichga. Oldindan tabletkalar 200 ml suyuqlikda (suv, choy, meva sharbatlari yoki ishqorli mineral suv) eritiladi. Yuzada ozgina loyqalanish va erimagan zarrachalar bo'lishi mumkin.

Sutkalik doza — 2–6 tabletka. Sutkalik doza teng 3 qismga bo'linadi va kun davomida ovqatdan keyin qabul qilinadi.

Preparat samaradorligini nazorat qilish har bir qutiga solingan indikator qog'oz yordamida, preparatning navbatdagi qabulidan oldin kuniga 3 marta yangi siydikning pH darajasini aniqlash orqali amalga oshiriladi. Sinov chizig'ining indikator zonasini siydikka 5–10 soniyaga botirib, keyin chiqarib olish va 2 daqiqadan so'ng olingan rangni indikator chiziqlar to'plamiga tushirilgan ranglar shkalasi bilan solishtirish kerak. Olingan pH qiymatini qutiga solingan nazorat taqvimiga yozib qo'yish kerak. Olingan ma'lumotlar asosida shifokor samarali davolash maqsadida individual dozani tanlaydi.

Agar sutka davomida pH har bir ko'rsatma uchun tavsiya etilgan chegaralarda bo'lsa, doza to'g'ri tanlangan hisoblanadi. Siydik kislotasi toshlarini eritish uchun siydik pH darajasi 7–7,2 oralig'ida bo'lishi kerak. Urat-oksalat aralash toshlarini eritish va kalsiy-oksalat toshlarining hosil bo'lishini oldini olish uchun siydik pH darajasini 6,8–7,4 darajasida saqlash kerak. Tsistin toshlari bo'lgan bemorlarda siydikni ishqorlash uchun siydik pH darajasi 7,5–8,5 oralig'ida bo'lishi kerak. Porfiriyani davolash uchun siydik pH darajasi 7,2–7,5 oralig'ida bo'lishi kerak. Tsitostatiklar bilan davolashda siydik pH darajasi 7 dan past bo'lmasligi kerak. Agar siydik pH qiymati ko'rsatilganidan past bo'lsa, dozani oshirish, agar yuqori bo'lsa — kamaytirish kerak. Davolash davomiyligi kamida 4–6 oy. Tsistin toshlari bo'lganda va porfiriyani davolashda samaradorlikni nazorat qilish uchun 7,2–9,7 oralig'idagi pH ni aniqlash uchun maxsus indikator qog'ozidan foydalanish kerak (to'plamga kirmaydi).