ERITROMISIN maz 10g 10000YeD

Biokiraolishligi 30-65% ni tashkil qiladi. Ko'pgina to'qimalar va organizm suyuqliklarida taqsimlanadi. Plazma oqsillari bilan bog'lanishi 70-90% ni tashkil qiladi. Jigarda metabollanadi, qisman nofaol metabolitlar hosil bo'lishi bilan. T _{- 1,4-2 soat. Safro va siydik bilan chiqariladi.}

Makrolidlar guruhiga mansub antibiotik. Bakteriostatik ta’sir ko‘rsatadi. Biroq yuqori dozalarda sezgir mikroorganizmlarga nisbatan bakteritsid ta’sir ko‘rsatadi. Eritromitsin bakteriyalar ribosomalariga qaytuvchan bog‘lanadi va shu bilan oqsil sintezini bostiradi.

Grammusbat bakteriyalar: Staphylococcus spp. (penitsillinaza ishlab chiqaruvchi va ishlab chiqarmaydigan shtammlar), Streptococcus spp. (shu jumladan Streptococcus pneumoniae); grammanfiy bakteriyalar: Neisseria gonorrhoeae, Haemophilus influenzae, Bordetella pertussis, Brucella spp., Legionella spp., Bacillus anthracis, Corynebacterium diphtheriae; anaerob bakteriyalar: Clostridium spp. ga nisbatan faol.

Eritromitsin shuningdek Mycoplasma spp., Chlamydia spp., Spirochaetaceae, Rickettsia spp. ga nisbatan faol.

Eritromitsinga grammanfiy tayoqchalar, shu jumladan Escherichia coli, Pseudomonas aeruginosa, Shigella spp., Salmonella spp. chidamli.

Ovqat hazm qilish tizimi tomonidan: ko'ngil aynishi, qusish, epigastriyada og'riq, xolestatik sariqlik, tenezmlar, diareya, disbakterioz; kamdan-kam hollarda - soxta membranoz enterokolit, jigar funksiyasining buzilishi, jigar transaminazalari faolligining oshishi, pankreatit.

Allergik reaksiyalar: teri toshmasi, eshakemi, eozinofiliya; kamdan-kam hollarda - anafilaktik shok.

Kimyoterapevtik ta'sir bilan bog'liq effektlar: og'iz bo'shlig'i kandidozi, qin kandidozi.

Sezgi organlari tomonidan: qaytuvchan ototoksiklik - eshitishning pasayishi va/yoki quloqlarda shovqin (yuqori dozalarda - sutkasiga 4 g dan ortiq qo'llanilganda).

Yurak-qon tomir tizimi tomonidan: kamdan-kam hollarda - taxikardiya, EKG da QT intervalining uzayishi, bo'lmachalar lipillashi va/yoki titrashi (EKG da QT intervali uzaygan bemorlarda).

Mahalliy reaksiyalar: v/i yuborilgan joyda flebit.

Jigar va/yoki buyrak funksiyalari buzilishida ehtiyotkorlik bilan qo'llaniladi.

Me'da shirasi kislotaliligini oshiruvchi preparatlar va kislotali ichimliklar eritromitsinni inaktivatsiya qiladi. Eritromitsinni sut va sut mahsulotlari bilan ichish mumkin emas.

Anamnezdagi sariqlik, jigar funksiyasining yaqqol buzilishlari, makrolidlarga yuqori sezuvchanlik.

Eritromitsin teofillin, aminofillin, kofein bilan bir vaqtda qo‘llanilganda ularning qon plazmasidagi konsentratsiyasining oshishi qayd etiladi va shu bilan toksik ta’sir rivojlanish xavfi ortadi.

Eritromitsin qon plazmasida siklosporin konsentratsiyalarini oshiradi va nefrotoksik ta’sir rivojlanish xavfini oshirishi mumkin.

Naychali sekretsiyani bloklovchi preparatlar eritromitsin T _{yarim chiqarilish davrini uzaytiradi.}

Linkomitsin, klindamitsin va xloramfenikol bilan mos kelmaydi (antagonizm).

Eritromitsin beta-laktam antibiotiklarning (penitsillinlar, sefalosporinlar, karbapenemlar) bakteritsid ta’sirini kamaytiradi.

Bir vaqtda qo‘llanilganda eritromitsin teofillin miqdorini oshiradi.

Metabolizmi jigarda amalga oshiriladigan preparatlar (karbamazepin, valproat kislotasi,geksobarbital, fenitoin, alfentanil, dizopiramid, lovastatin, bromokriptin) bilan bir vaqtda qabul qilinganda plazmada ushbu preparatlar konsentratsiyasi oshishi mumkin (jigar mikrosomal fermentlari ingibitori hisoblanadi).

Eritromitsinni v/i yuborish etanol ta’sirini kuchaytiradi (oshqozon bo‘shalishining tezlashishi va oshqozon shilliq qavatida alkogoldegidrogenaza ta’siri davomiyligining kamayishi).

Eritromitsin triazolam va midazolam klirensini kamaytiradi va shuning uchun benzodiazepinlarning farmakologik ta’sirini kuchaytirishi mumkin.

Terfenadin yoki astemizol bilan bir vaqtda qabul qilinganda aritmiya (qorinchalar pirpirashi va titrashi, qorinchalar taxikardiyasi, o‘lim holatigacha); digidroergotamin yoki gidrirlanmagan shoxkuya alkaloidlari bilan – tomirlarning spazmgacha torayishi, dizesteziya rivojlanishi mumkin.

Bir vaqtda qo‘llanilganda metilprednizolon, felodipin va kumarin qatori antikoagulyantlar eliminatsiyasini sekinlashtiradi (ta’sirini kuchaytiradi).

Lovastatin bilan birga tayinlanganda rabdomioliz kuchayadi.

Eritromitsin digoksin biokiraolishligini oshiradi.

Eritromitsin gormonal kontrasepsiya samaradorligini pasaytiradi.

Muayyan preparatni qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Qo'llanilayotgan preparatning dori shakli foydalanish ko'rsatmalariga va dozalash rejimiga qat'iy mos kelishiga rioya qilish kerak.