Mahsulotning ko'rinishi saytdagi rasmdan farq qilishi mumkin.

IVF-M inyeksiya eritmasini tayyorlash uchun liyofilizatsiya qilingan kukun 75 ME N1

Retseptli preparat
Kategoriya: - Tanosil tizimi
Ishlab chiqarilish joyi: - Koreya
Faol modda:menotropin
Количество в упаковке: - 1
Ishlab chiqaruvchi: - LG Chem, Ltd
ATX kodi: - G03GA02
Noaniqliq haqida habar berish
O'zbekiston Sog'liqni Saqlash Vazirligi tomonidan 05.02.2016 da DV/X 01316/02/16 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
IVF-M inyeksiya eritmasini tayyorlash uchun liyofilizatsiya qilingan kukun 75 ME N1 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

IVF-M

 

Preparatning savdo nomi: IVF-M

Ta‘sir etuvchi modda (XPN): menotropin (odamning menopauza gonadotropini)

Dori shakli: in‘eksiya uchun eritma

Tarkibi:

Bir flakon quyidagilarni saqlaydi:

faol modda: menotropin – 75 yoki 150 XB,

yordamchi moddalar: D-mannitol – 20 mg, ikki asosli natriy fosfati, bir asosli natriy fosfati (rN ni muvofiqlashtirish uchun);

erituvchi: natriy xloridini steril izotonik eritmasi – 1 ml.

Ta‘rifi: oq yoki deyarli oq rangli liofilizasiya qilingan kukun.

Farmakoterapevtik guruhi: gipofiz, gipotalamus gormonlari va ularning analogi.

ATX kodi: G03GA05

 

Farmakologik xususiyatlari

Menotropin menopauzadan keyingi davrda ayollarning siydigidan olingan, menopauza gonadotropinining tabiiy tozalangan liofilizasiya qilingan kukundir. Har bir IVF-M flakoni faollik nisbati taxminan 1 ga teng bo‘lgan, follikulalarni stimulyasiya qiluvchi gormon (FSG) va lyuteinlovchi gormon (LG) dan tarkib topgan, oq rangli steril va apirogen kukun saqlaydi.

 

Qo‘llanilishi

Ayollar: Birlamchi yoki ikkilamchi amenoreya, gipomenoreya, anovulyator hayz ko‘rish sikli, tug‘ruqdan keyingi amenoreya, shu jumladan Kiari-Frommel yoki Shixan (tug‘ruqdan keyingi gipofizar nekroz) simptomlari, Argonsa del Kastilo (amenoreyali galaktoreya) sindromida qo‘llanadi. Preparat follikulalarni o‘sishi va yetilishini rag‘batlantiradi, estrogenning darajasini oshishini va endometriyni tez proliferasiyasini chaqiradi, amenoreyasi yoki muntazam yoki muntazam bo‘lmagan hayz sikllari bo‘lgan ayollarda ovulyasiyani rag‘batlantirish uchun, keyinchalik odam xorionik gonadotropinini (hCG, IVF-C) qo‘llash bilan birga yuboriladi.

Erkaklar: Oligospermiya, azoospermiya, gipogonadizm, yevnuxoidizmda qo‘llanadi. IVF-M preparati erkaklarda spermatogenezni rag‘batlantiradi, Sertoli hujayralarida androgenni bog‘lovchi oqsil sinteziga ta‘sir qiladi. IVF-M preparati IVF-C ni parallel qo‘llash bilan birga gipogonadizm bo‘lgan erkaklarda spermatogenezni rag‘batlantirish uchun ishlatiladi.

Qo‘llash usuli va dozalari

Mushak ichiga va teri ostiga yuborish uchun mo‘ljallangan.

A grafik:

Kuniga 75 XB yoki 150 XB menotropin (IVF-M) mushak ichiga yoki teri ostiga 10 kun davomida yoki follikulani faollashish sinamasiga muvofiq Graafian follikulasi qon ketishi boshlanishidan oldin yuboriladi.

Qin hamda servikal shilliq ekspertizasini har kuni            yoki kunora va davolash to‘xtatilganida o‘tkazish kerak, bunda quyidagi ko‘rsatkichlar follikulani to‘liq yetilganligini ko‘rsatadi.

  • Qin ekspertizasi: eozonofil indeks
  • Servikal shilliq ekspertizasi: Ferntest & Shinnbarkeit sinamalari

V grafik:

Kuniga 75 XB menotropin (IVF-M) birinchi 4 kun davomida mushak ichiga yoki teri ostiga yuboriladi. Qinning shilliq qavati yoki servikal shilliqni tekshirish kerak. Agar follikulaning faolligi davolashning 4-kunidan boshlab oshsa, davolashni maksimal follikulyar faollikka erishilgunicha (A grafikka qarang) va so‘ngra odam xorionik gonadotropini (IVF-C) ni yuborish kerak. Agar kutilgan klinik javob reaksiyasi kuzatilmasa, birinchi 4 kun davomida IVF-M ning dozasini kuniga 150 XB gacha oshirish kerak. 2500 XB HCG (IVF-C) preparatini IVF-M ning oxirgi dozasi yuborilgandan so‘ng 24∼48 soatdan keyin 3 kun davomida yuborish tavsiya etiladi. Agar pasient ayol homilador bo‘lishni hohlasa, unga HCG (IVF-C) ni yuborish vaqtida jinsiy aloqa bilan shug‘ullanish tavsiya etiladi.

A grafikni alohida pasientni gonadotropinga sezuvchanligini aniqlash sinamasi sifatida tavsiya etish kerak.

V grafik iqtisodiy jihatdan foydali, ammo follikulalarni javobini sinchiklab tekshirish kerak.

Qo‘llash bo‘yicha ko‘rsatmalar

Yuborish (qo‘llash) uchun tayyorlash: menotropinning 1 flakonini o‘ramning to‘plamiga kiruvchi natriy xloridining 0,4% li steril eritmasini 1 ml da eritish va darhol mushak ichiga (m/i) yoki teri ostiga (t/o) yuborish kerak. Tayyorlangan eritma saqlanganida o‘zining faolligini yo‘qotishi mumkin. Qolgan eritmani ishlatish mumkin emas.

 

Nojo‘ya ta‘sirlari

Ayollarda kam hollarda quyidagilar kuzatilishi mumkin: in‘eksiyada mahalliy reaksiyalar, isitma, artralgiya.

Erkaklarda IVF-M va IVF-C bilan majmuaviy davolash ginekomastiyani chaqirishi mumkin.

Qon aylanish tizimi: bosh miya trombozi bo‘lishi mumkin.

 

Qo‘llash mumkin bo‘lmagan holatlar

  • Tuxumdonlarni birlamchi yetishmovchiligini aks ettiruvchi follikulalarni stimulyasiya qiluvchi gormon (FSG) ning darajasini yuqori bo‘lishi.
  • qalqonsimon bez va buyrak usti bezlarini nazorat qilib bo‘lmaydigan yetishmovchiligi.
  • gipofiz o‘smasi kabi bosh miyani organik shikastlanishlari.
  • har qanday bepushtlik hollari, ko‘rsatmalarda ko‘rsatilgan anovulyasiyadan tashqari.
  • sababi aniqlanmagan, qindan anomal qon ketishi.
  • tuxumdon kistasi yoki tuxumdonlarni polikistoz bo‘lmagan sindromida kattalashishi.
  • menotropinga birlamchi o‘ta yuqori sezuvchanlikda qo‘llash mumkin emas.

 

Dorilarning o‘zaro ta‘siri

Agar IVF-M preparati tuxumdonlar faoliyatini rag‘batlantiruvchi gormon bilan majmuada yoki undan keyin ovulyasiyani chaqirish uchun buyurilsa, tuxumdonlar o‘smasi, shishgan tuxumdonni yorilishi, assit, gidrotoraks bilan kechuvchi Meigs sindromi kabi kuchli reaksiya rivojlanishi mumkin va bundan tashqari, qonda gormonning konsentrasiyani oshishi yoki qon ivishini oshishi oqibatida tromboz, miya infarkti rivojlanishi mumkin.

 

Maxsus ko‘rsatmalar

Homiladorlik

LG ni yuborish va bolalarni tug‘ma nuqsonlar bilan tug‘ilishini o‘rtasidagi bog‘liqlik hozirgi vaqtgacha aniqlanmagan.

Epidemiologik hisobotga muvofiq, yurakni va oyoqlarni tug‘ma nuqsonlari bo‘lgan bolalarni tuqqan ayollar va nazorat guruhi o‘rtasida, homiladorlikni erta bosqichida LG/FSG ni qo‘llash va LG chastotasida ahamiyatli darajadagi farqlar bo‘lgan. Shuningdek yangi tug‘ilgan qiz bolaning tashqi genitaliysini maskulyasiyasi va yangi tug‘ilgan o‘g‘il bolada gipospadiyani rivojlanishi bilan bog‘liq bo‘lgan. Shuning uchun preparat faqat shifokorning nazorati ostida, davolashdan kutilgan foyda va xavf aniqlangandan so‘ng, homiladorlikni birinchi 4 haftasi davomida ishlatilishi kerak.

Ogohlantirishlar

IVF-M preparatini faqat shifokorning ko‘rsatmasiga bo‘yicha qo‘llash kerak.

Ayollar

IVF-M preparatini klinik javob reaksiyasi samarali bo‘lishi mumkin bo‘lmagan holatlarda, masalan: tuxumdonlar disgeneziyasi, bachadonni yo‘qligi, muddatidan oldingi menopauza, bachadon naylarini yopilib qolishi kabi holatlarda qo‘llash mumkin emas.

Gipotireoz, adrenokortikal yetishmovchilik, giperprolaktinemiya yoki gipofiz o‘smalarini muvofiq davolashni menotropin bilan davolashni boshlashdan oldin o‘tkazish kerak. Spermani tahlili IVF preparati bilan davolash boshlanishidan oldin o‘tkazilishi kerak. preparat tavsiya etilgan dozalarda yuborilganida va davolash nazorat qilinganida tuxumdonlar giperstimulyasiyasini minimal darajaga yetkazish mumkin.

Agar IVF-C (HCG) preparati ovulyasiyani rag‘batlantirish maqsadida parallel ravishda yuborilsa, IVF-M preparatiga nisbatan haddan tashqari javob reaksiyasi odatda ahamiyatli nojo‘ya samaralarni rivojlanishiga olib kelmaydi.

IVF-M va IVF-C larga nisbatan estrogen javob reaksiyasi yuqori bo‘lganida ularni yuborishni to‘xtatish kerak. IVF-M va IVF-C bilan davolangandan so‘ng ko‘p homilali homiladorlikni yuz berish darajasi 10% va 40% ni tashkil etadi. Biroq, ko‘p homilali homiladorlikning ko‘pchiligi egizaklar bo‘lgan.

Homiladorlikni abort bilan bartaraf qilish tezligi normal populyasiyaga nisbatan yuqori bo‘lgan, ammo fertillikni boshqa muammolari bo‘lgan ayollardagi ko‘rsatkichlar bilan qiyoslab bo‘ladigan darajada bo‘lgan. Tug‘ma siljishlarni rivojlanish tezligi IVF-M preparati bilan davolanganda oshmagan.

Erkaklar

Erkaklarda FSG ning darajasini yuqori bo‘lishi testikulyar yetishmovchilikni ko‘rsatkichi bo‘lganligi tufayli, bunday pasientlar IVF-M va IVF-C sezuvchan bo‘lmaydilar.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

 

Chiqarilish shakli

75 XB: 1, 2, 5, 10, 20 flakonda erituvchili flakon bilan komplektda.

150 XB: 1, 2, 3, 5, 10, 20 flakonda erituvchili flakon bilan komplektda.

Saqlash sharoiti

Yorug‘likdan himoyalangan joyda, 30oS dan yuqori bo‘lmagan haroratda saqlansin.

Yaroqlilik muddati

3 yil.

Ulashish:

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Ishlab chiqaruvchining dorilari
FAKTIV plyonka qobiqli tabletkalar 320 mg N5
  • Ishlab chiqarilish joyi:Koreya
  • Ishlab chiqaruvchi:LG Chem, Ltd
FOLLITROP inyeksiya uchun eritma 225 ME/0,45 ml N1
  • Ishlab chiqarilish joyi:Koreya
  • Faol modda:Follitropin alfa
  • Ishlab chiqaruvchi:LG Chem, Ltd
FOLLITROP inyeksiya uchun eritma 150 ME/0,3 ml N1
  • Ishlab chiqarilish joyi:Koreya
  • Faol modda:Follitropin alfa
  • Ishlab chiqaruvchi:LG Chem, Ltd
FOLLITROP inyeksiya uchun eritma 75 ME/0,15 ml N1
  • Ishlab chiqarilish joyi:Koreya
  • Faol modda:Follitropin alfa
  • Ishlab chiqaruvchi:LG Chem, Ltd