KASLIROL sirop 100ml 250mg/5ml

Дори шакли: сироп

Таркиби:

5 мл сироп қуйидагиларни сақлайди:

фаол модда: 250 мг карбоцистеин.

ёрдамчи моддалар: сахароза, метилпарагидроксибензоати, 96% ли этанол, «Карамель» ароматизатори, «Ром» ароматизатори, «Корица» ароматизатори, натрий гидроксиди, тозаланган сув.

Карбоцистеин – балғам кўчирувчи ва муколитик восита ҳисобланади. Бундан ташқари, карбоцистеин мукопротеинларни сақловчи барча структураларида (нафас, меъда-ичак йўллари (МИЙ), сийдик-таносил тизими, ички қулоқ) шиллиқнинг ҳолатини бошқаради.

Карбоцистеин бронхларнинг шиллиқ қаватидаги бокалсимон ҳужайралар ферменти – сиалат трансферазани фаоллаштиради. Карбоцистеин шиллиқнинг биокимёвий ва физикавий ҳусусиятларини ўзгартиради, унинг қовушқоқлиги ва эластиклигини тиклайди. Шиллиқнинг гелли фазасига таъсир қилиб, гликопротеинлардаги дисульфид кўприкчаларини парчалайди ва патологик қовушқоқ секретни суюлтиради ва шу орқали балғамни ажралиб чиқишига ёрдам беради. Бронхиал секретдаги нордон ва нейтрал сиаломуцинларнинг миқдорий нисбатини нормаллаштиради (нейтрал гликопептидларнинг миқдорини камайтиради, гидроксисиалогликопептидларнинг миқдорини оширади).

Карбоцистеин шиллиқ қаватнинг регенерациясига ёрдам беради, унинг структурасини нормаллаштиради, бокалсимон ҳужайраларнинг, айниқса терминал бронхлардаги бокалсимон ҳужайраларнинг сонини редукция қилади, ва бунинг оқибатида шиллиқ ишлаб чиқарилишини камайтиради, киприксимон эпителийнинг фаолиятини фаоллаштиради, мукоцилиар клиренсни яхшилайди. Яллиғланиш медиаторларининг маҳаллий самарасини сусайтиради, антибиотикларни бронхиал секретга ўтишига ёрдам беради.

Карбоцистеин ичга қабул қилинганидан сўнг овқат ҳазм қилиш тизимидан тез сўрилади. Жигар орқали биринчи марта ўтганида фаол метаболизмга учрайди. Қонда максимал концентрацияси (С_max) перорал қабул қилинганидан сўнг 2 соатдан кейин ривожланади. Ярим чиқарилиш даври тахминан 2 соатни ташкил этади. Қонда, жигарда ва ўрта қулоқда карбоцистеиннинг концентрациясини қолган аъзолар ва тўқималардагига нисбатан анча узоқроқ аниқланади (ўрта қулоқда – юборилган вақтдан бошлаб 24 соатгача вақт давомида). 3 суткадан кейин бутунлай чиқарилади. Карбоцистеин ва унинг метаболитлари асосан буйраклар орқали чиқарилади, қисман ўзгармаган ҳолда, қисман метаболитлар кўринишида чиқарилади.

Сироп 100 мл ёки 200 мл дан бураладиган қопқоқли сариқ рангли шиша флаконларда.

1 флакон ўлчов стакани ва тиббиётда қўлланилишига доир йўриқномаси билан бирга картон қутига жойланган.

Нохуш реакцияларни учраш тезлигини кўрсаткичлари қуйидаги тарзда аниқланади: жуда тез-тез (≥ 1/10); тез-тез (≥ 1/100, аммо < 1/10); тез-тез эмас (≥ 1/1000, аммо < 1/100); кам ҳолларда (≥ 1/10000, аммо < 1/1000); жуда кам ҳолларда (< 1/10000); учраш тезлиги номаълум (мавжуд маълумотлар асосида баҳолаш мумкин эмас).

Иммун тизими томонидан: учраш тезлиги номаълум – анафилактик реакциялар, дори воситаси таъсирида пайдо бўлган маҳаллий тошмалар.

МИЙ томонидан: учраш тезлиги номаълум – қусиш, меъда-ичак йўлларидан қон кетиши.

Тери ва тери ости тўқималари томонидан: учраш тезлиги номаълум – тери тошмаси, аллергик генезли тери тошмаси, буллез дерматит (Стивенс-Джонсон синдроми, кўп шаклли эритема).

Шубҳа қилинган нохуш реакциялар бўйича хабарлар

Дори воситаси қайд этилгандан кейин шубҳа қилинган нохуш реакциялар бўйича хабарлар муҳим ҳисобланадилар. Пациентда дори воситасига нисбатан жиддий нохуш реакция аниқланганида ёки ушбу бўлимда таърифланмаган янги нохуш реакция пайдо бўлганида, Миллий фармакологик назорат тизимига мувофиқ хабар беришингизни сўраймиз.

Препаратни гастродуоденал яра билан хасталанган кекса ёшдаги пациентлар қабул қилганда ёки меъда-ичак йўлларидан қон кетишини юзага келтирувчи ёндош дори воситаларни қабул қилганда эҳтиёткорликка риоя қилиш керак. Меъда-ичак йўлларидан қон кетиши ривожланганида препарат билан даволашни тўхтатиш керак.

Ҳомиладорликда ва лактация даврида қўлланиши

Ҳомиладорликнинг биринчи уч ойлигида ва лактация даврида препаратни қўллаш тавсия этилмайди.

Педиатрияда қўлланиши

2 ёшгача бўлган болаларда препаратни қўллаш мумкин эмас.

Автотранспортни ҳайдаш ва механизмларни бошқариш қобилиятига таъсири

Автотранспорт ҳайдаш ва механизмларни бошқариш қобилиятига препаратнинг салбий таъсири юзасидан маълумотлар йўқ.

Нафас йўлларининг, қовушқоқ шиллиқни ҳаддан ташқари кўп ҳосил бўлиши билан характерланадиган касалликларини, шу жумладан нафас йўлларининг сурункали обструктив касалликларини қўшимча даволаш учун қўлланади.

-       карбоцистеинга ёки препаратнинг бошқа компонентларига юқори сезувчанликда;

-       меъда ва ўн икки бармоқ ичак яра касаллигини зўрайиш босқичида;

-       фруктозани ўзлаштиролмаслик, глюкоза-галактоза мальабсорбцияси ёки сахараза-изомальтаза етишмовчилигида;

-       2 ёшгача бўлган болаларда қўллаш мумкин эмас.

Препарат фолкодин билан бирга қўлланганида карбоцистеин эритмадан чўкмага тушади.

Сироп ичга қабул қилиш учун мўлжалланган, овқатдан 1 соат олдин ёки овқатдан 2 соатдан кейин қабул қилган афзал.

Катталарга ва 12 ёшдан ошган болаларга 15 мл дан (15 мл препарат 750 мг карбоцистеин сақлайди) суткада 3 марта (карбоцистеиннинг суткалик дозаси 2250 мг ни ташкил этади) буюрилади, кейинчалик суткалик доза 10 мл гача пасайтирилиб (карбоцистеиннинг суткалик дозаси 1500 мг ни ташкил этади) суткада 3 марта буюрилади.

5-12 ёшдаги болаларга: 5 мл дан (5 мл препарат 250 мг карбоцистеин сақлайди) суткада 3 марта буюрилади.

2-5 ёшдаги болаларга: 1,25-2,5 мл дан (1 мл препарат 50 мг карбоцистеин сақлайди) суткада 4 марта буюрилади.

Сиропни дозалаш учун ўрамида мавжуд бўлган ўлчов стаканидан фойдаланилади.

Даволашни шифокор билан маслаҳатлашмасдан 8-10 кундан ортиқ давом эттириш мумкин эмас.

Дозани ошириб юборилишининг энг кўп кузатилиши мумкин бўлган симптомлари меъда-ичак тизими томонидан бузилишлар ҳисобланади.

Даволаш: меъдани ювиш билан кейинчалик шифокорнинг кузатувида бўлишдан иборат.

2 ёшгача бўлган болаларда препаратни қўллаш мумкин эмас.

Ҳомиладорликнинг биринчи уч ойлигида ва лактация даврида препаратни қўллаш тавсия этилмайди.