KETODOL in'ektsion eritmasi 2ml 30mg / 2ml N5

Mushak ichiga 30 mg yuborilganidan so'ng qon plazmasidagi maksimal kontsentrasiyasi (Smax) -1,74-3,1 mkg/ml, 60 mg – 3,23-5,77 mkg/ml, maksimal kontsentrasiyaga erishish vaqti muvofiq ravishda - 15-73 daq va 30-60 daqiqani tashkil qiladi. Vena ichiga 15 mg infuziya qilinganidan keyin Smax – 1,96-2,98 mg/ml, 30 mg – 3,69-5,61 mg/ml ni. Muvozanat kontsentrasiyasiga (Sѕѕ) erishish vaqti parenteral yuborilganida – 24 soat sutkada 4 marta buyurilganida (subterapevtikdan yuqori dozada) va mushak ichiga 15 mg yuborilganida – 0,65-1,13 mkg/ml ni tashkil qiladi, 30 mg yuborilganida - 1,29-2,47 mkg/ml; 15 mg vena ichiga infuziyada -0,79-1,39 mkg/ml, 30 mg – 1,68-2,76 mkg/ml. Preparatning 99 foizi qon plazmasi oqsillari bilan bog'lanadi va gipoalbuminemiyada qonda erkin moddaning miqdori oshadi. Taqsimlanish hajmi 0,15-0,33 l/kg ni tashkil qiladi. Buyrak etishmovchiligi mavjud bemorlarda preparatning taqsimlanish hajmi 2 marta oshishi mumkin, uning R-enantiomerini taqsimlanish hajmi esa - 20% ga oshadi. Gematoentsefalik to'siqdan yomon o'tadi, yo'ldosh orqali (10%) o'tadi. Oz miqdorda ko'krak sutida aniqlanadi. Yuborilgan dozaning 50% dan ortiqrog'i jigarda farmakologik nofaol metabolitlarining hosil bo'lishi bilan metabolizmga uchraydi. Asosiy metabolitlari buyraklar orqali chiqariladigan glyukuronidlar va r-gidroksiketorolakdir. Preparatning 91 foizi buyraklar (40% metabolitlari ko'rinishida) va 6 foizi ichak orqali chiqariladi. Buyraklar faoliyati me'yorida bo'lgan bemorlarda yarimchiqarilish davri (T1/2) o'rtacha 5,3 soatni tashkil qiladi (30 mg preparat vena ichiga yuborilganidan keyin 3,5-9,2 soat; 30 mg vena ichiga yuborilganidan keyin - 4-7,9 soat). Keksa yoshdagi bemorlarda T1/2 davri uzayadi, kichik yoshdagilarda - qisqaradi. Jigarning faoliyati T1/2 ga ta'sir etmaydi. Buyraklarning faoliyati buzilgan bemorlarda qon plazmasidagi kreatinin kontsentrasiyasi 19-50 mg/l (168-442 mmol/l) bo'lganida T1/2 10,3-10,8 soat, buyrak etishmovchiligi yanada kuchliroq namoyon bo'lsa - 13,6 soatdan ko'proq bo'ladi. Mushak ichiga 30 mg yuborilganida umumiy klirensi 0,023 l/kg/soat (keksa bemorlarda 0,019 l/kg/soat) ni tashkil qiladi, 30 mg vena ichiga infuziya qilinganidan keyin -0,03 l/kg/soatni tashkil qiladi; buyrak etishmovchiligi mavjud bemorlarda qon plazmasidagi kreatinin kontsentrasiyasi 19-50 mg/l bo'lganida mushak ichiga 30 mg yuborilganida - 0,015 l/kg/soatni tashkil qiladi. Gemodializ yo'li bilan organizmdan chiqarilmaydi.

Ovqat hazm qilish tizimi tomonidan: tez-tez (ayniqsa yoshi 65 dan oshgan, anamnezida me'da–ichak yo'lining eroziv-yarali shikastlanishlari bo'lgan keksa yoshdagi bemorlarda) – gastralgiya, diareya; kamroq – stomatit, meteorizm, qabziyat, qusish, me'daning to'lib ketishi hissi; kam – ko'ngil aynishi, me'da-ichak yo'lining eroziv-yarali shikastlanishlari (shu jumladan perforasiya bilan va/yoki qon ketish bilan kechuvchi – abdominal og'riqlar, epigastral sohasida spazm yoki achishish, ahlatda qon yoki melena, qon qusish yoki "kofe quyqasi" turidagi qusish, ko'ngil aynishi, jig'ildon qaynashi va b.), xolestatik sariqlik, gepatit, gepatomegaliya, o'tkir pankreatit.

Siydik-chiqaruv tizimi tomonidan: kam – o'tkir buyrak etishmovchiligi, gematuriya va/yoki azotemiya bilan kechuvchi bel og'rig'i, gemolitik uremik sindrom (gemolitik anemiya, buyrak etishmovchiligi, trombositopeniya, purpura), tez-tez siyish, siydik hajmini kamayishi yoki oshishi, nefrit, buyrak genezli shishlar.

Sezgi a'zolari tomonidan: kam - eshitishning pasayishi, quloqlarning shang'illashi, ko'rishning buzilishi (shu jumladan ko'rishni aniq bo'lmasligi).

Nafas tizimi tomonidan: kam - bronxospazm, dispnoe, rinit, o'pkalarni shishi, halqum shishi (hansirash, nafasning qiyinlashishi).

Markaziy asab tizimi tomonidan: tez-tez – bosh og'rig'i, bosh aylanishi, uyquchanlik; kam – aseptik meningit (isitma, kuchli bosh og'rig'i, tirishishlar, bo'yin va/yoki orqa mushaklarining rigidligi), o'ta yuqori reaktivlik (kayfiyatning o'zgarishi, bezovtalik), gallyusinasiyalar, depressiya, psixoz.

Yurak-tomir tizimi tomonidan: kamroq – arterial bosimning oshishi; kam – hushdan ketish. Qon yaratish a'zolari tomonidan: kam – anemiya, eozinofiliya, leykopeniya.

Gemostaz tizimi tomonidan: kam – jarrohlik amaliyotidan keyingi jarohatlardan, burundan, to'g'ri ichakdan qon ketishi.Teri qoplamalari tomonidan: kamroq - teri toshmasi (shu jumladan makulopapulyoz toshmalar), purpura; kam – eksfoliativ dermatit (qaltirash bilan yoki u siz kechuvchi isitma, terining qizarishi, zichlashishi yoki po'st tashlashi, tomoqdagi bodomsimon bezlarning shishi yoki og'rig'i), eshakemi, Stivens-Djonson sindromi, Layell sindromi.

Mahalliy reaktsiyalar: kamroq – preparat yuborilgan joyida achishish yoki og'riq. Allergik reaktsiyalar: kam - anafilaksiya yoki anafilaktoid reaktsiyalar (yuz terisi rangining o'zgarishi,teri toshmasi, eshakemi, terining qichishishi, taxipnoe yoki dispnoe, qovoqlarning shishi, periorbital

shishlar, hansirash, nafas olishning qiyinlashishi, ko'krak qafasida og'irlik, xushtakli nafas). Boshqalar: tez-tez - shishlar (yuz, boldirlar, to'piqlar, barmoqlar, oyoq panjalar, tana vaznini oshishi); kamroq – kuchli terlash, kam – tilni shishishi, isitmalash.

Gipovoliemiya buyraklar tomonidan nojo'ya ta'sirlar rivojlanish xavfini oshiradi. Zarurati bo'lganida narkotik analgetiklar bilan birga buyurish mumkin.

Ketorolakni akusherlik amaliyotida premedikasiya sifatida, tutib turuvchi anesteziya va og'riqsizlantirish uchun qo'llash tavsiya etilmaydi.

Paratsetamol bilan birga 5 kundan ortiq qo'llash mumkin emas.

Qon ivishi buzilgan bemorlarda preparat faqat trombositlarning soni muntazam nazorat qilinganida buyuriladi, ayniqsa gemostazni sinchkovlik bilan nazorat qilishni talab etadigan jarrohlik amaliyotlaridan keyingi davrda bu muhimdir.

Avtomobilni va murakkab mexanizmlarni boshqarish qobiliyatiga ta'siri

Yuqori diqqat va tezkor reaktsiyalarni (avtotransportni boshqarish, mexanizmlar bilan ishlash va b.) talab etuvchi ishlar bilan shug'ullanishdan saqlanish tavsiya etiladi.

Pirazolon qatori dori vositalarini o'zlashtira olmaslik, gipovolemiya (uni chaqirgan sababidan qat'iy nazar); qon ketishi yoki uning rivojlanishini yuqori xavfi; aortokoronar shuntlashdan keyingi holat; tasdiqlangan giperkaliemiya; ichakning yallig'lanishli kasalliklari.

Zo'rayish bosqichidagi me'da-ichak yo'lining eroziv-yarali shikastlanishlari, peptik yaralar; gipokoagulyasiya (shu jumladan gemofiliya).

Og'ir darajali jigar va/yoki buyrak etishmovchiligi (plazma kreatinini daqiqasiga 30 ml dan kamroq). Gemorragik insult (tasdiqlangan yoki taxmin qilingan); gemorragik diatez, qon yaratilishining buzilishi.

Homiladorlik, tug'ruq va laktasiya davri. O'n olti yoshgacha bo'lgan bolalar.

Qon ketishining yuqori xavfi tufayli, preparat jarrohlik amaliyotlaridan oldin va keyin og'riqsizlantirish uchun, shuningdek surunkali og'riqlarni davolash uchun qo'llanilmaydi.

Ehtiyotkorlik bilan

Bronxial astma, xolesistit, surunkali yurak etishmovchiligi, arterial gipertenziya, buyraklar faoliyatining buzilishi (plazma kreatinini 50 mg/l dan past); xolestaz; faol gepatit; sepsis; tizimli qizil yugirik; keksalik yoshi (65 yoshdan oshgan); burun va burun-halqum shilliq qavatining poliplari, boshqa nosteroid yallig'lanishga qarshi preparatlar bilan bir vaqtda qabul qilish; miy-toksikligini oshiruvchi faktorlar mavjudligi: alkogolizm, chekish; jarrohlik amaliyotidan keyingi holat, shishish sindromi, yurak ishemik kasalliklari, tserebrovaskulyar kasalliklar, dislipidemiya/giperlipidemiya, qandli diabet, pereferik arteriyalar kasalliklari, klirensi daqiqasiga 60 ml dan kam, anamnezida me'da-ichak yo'lini yarali kasalliklari, N.pylori infektsiyasining mavjudligi, NYAQV ni uzoq muddat qo'llash, og'ir darajali somatik kasalliklar, peroral glyukokortikosterodlar (shu jumladan prednizolon), antikoagulyantlar (shu jumladan varfarin), antiagregantlar (shu jumladan klopidogrel), serotoninni qayta qamrab olinishini selektiv ingibitorlari (tsitaloprama, fluoksetina, paroksetina, sertralin) ni bir vaqtda qabul qilish.

Paratsetamol bilan birga qo'llash uning nefrotoksikligini, metotreksat bilan gepato - va nefrotoksikligini oshiradi. Ketorolak va Metotreksatni birga buyurilishi oxirgining kichik dozalari ishlatilganida (qon plazmasida metotreksatning miqdorini nazorat qilish lozim) mumkin. Ketorolakni qo'llash fonida metotreksat va litiy klirensini kamayishi va bu moddalarning zaharliligini oshirishi mumkin.

Bilvosita antikoagulyantlar, geparin, trombolitiklar, antiagregantlar, tsefoperazon, tsefotetan va pentoksifillin bilan bir vaqtda buyurish qon ketishi xavfini oshiradi.

Gipotenziv va diuretik preparatlarning samarasini kamaytiradi (buyraklarda prostaglandinlar sintezi pasayadi). Opioid analgetiklar bilan majmuada qo'llanganida, oxirgilarning dozalari ancha kamaytirilishi mumkin, chunki ularning ta'siri kuchayadi.

Insulin va peroral gipoglikemik preparatlarning gipoglikemik ta'siri oshadi (dozani qayta hisoblash lozim). Valproat kislotasi bilan birga buyurish trombositlar agregasiyasining buzilishini chaqiradi. Qon plazmasida verapamil va nifedipinning kontsentrasiyasini oshiradi.

Boshqa nefrotoksik dori vositalari bilan birga buyurilganida (shu jumladan oltin preparatlari bilan) nefrotoksiklik rivojlanishining xavfi oshadi.

Kaltsiy kanallarini bloklovchi probenesid va dori vositalar ketorolakning plazmali klirensini kamaytiradi va qon plazmasida uning kontsentrasiyasini oshiradi.

In'ektsiya uchun eritmani bitta shprisda morfin sulfati, prometazin va gidroksizin bilan aralashtirish mumkin emas, chunki cho'kma tushadi.

Tramadol eritmasi, litiy preparatlari bilan farmasevtik nomutanosib. In'ektsiya uchun eritma 0,9% li fiziologik eritma, 5% li dekstroza eritmasi, Ringer va Ringer-laktat,

"Plazmalit", shuningdek aminofillin, lidokain gidroxloridi, dopamin gidroxloridi, qisqa ta'sir etuvchi odam insulini va geparinning natriyli tuzini saqlovchi infuzion eritmalari bilan mutanosib.