KETONAL inyeksiya uchun eritma 2ml 100mg/2ml N10

Bolalar qo'li etmaydigan joyda saqlang. 25 C dan yuqori bo‘lmagan haroratda saqlang.

In'ektsiya.

Har bir 2 ml in'ektsiya uchun eritma (1 ampula) 100 mg ketoprofenni o'z ichiga oladi.

Yordamchi moddalar: propilen glikol, etanol (12,3 hajm), benzil spirt, natriy gidroksidi (pH tuzatish uchun), in'ektsiya uchun suv

Ketoprofen – preparatning ta’sir etuvchi moddasi – araxidon kislotasining metabolizmida prostaglandinlar sintezini kataliz qiluvchi siklooksigenaza (siklooksigenaza-1 (SOG-1) va siklooksigenaza-2 (SOG-2)) fermentini bloklab, prostaglandinlar va leykotriyenlar sintezini susaytiradi.
Ketoprofen in vitro va in vivo sharoitlarda lizosomal membranalarni barqarorlashtiradi, yuqori konsentratsiyalarda in vitro sharoitda leykotriyenlar sinteziga susaytiruvchi ta’sir ko‘rsatadi va in vivo sharoitlarda antibradikinin faollikka ega.
Ketoprofenning isitmani tushiruvchi ta’sir mexanizmi noma’lum. Ehtimol, ketoprofen markaziy nerv tizimida (aniqrog‘i - gipotalamusda) prostaglandinlar sintezini susaytirsa kerak.
Ayrim ayollarda birlamchi dismenoreya simptomlarini, ketoprofen, ehtimol prostaglandinlarning sintezini va (yoki) samaradorligini susaytirishi hisobiga kamaytirsa kerak.

100 mg ketoprofenni vena ichiga infuziyasi boshlangandan 5 minutdan keyin va yuborish to‘xtatilganidan 4 minutdan keyin o‘lchangan plazmadagi o‘rtacha darajasi 26,4±5,4 mkg/ml ni tashkil etadi. Biokiraolishligi – 90% ni tashkil etadi. 

Mushak ichiga yuborilganda ko‘pchilik patsiyentlarda qonda ketoprofen 15 minutdan keyin aniqlangan, plazmadagi cho‘qqi konsentratsiyasiga esa yuborilgandan keyin 2 soat o‘tgach erishilgan. In’eksion yuborilganda ketoprofenning biokiraolishligi preparatning dozasini oshirish bilan proporsional ravishda oshib boradi.

Ketoprofenning 99% plazma oqsillari, asosan albumin bilan bog‘lanadi. To‘qimalardagi taqsimlanish xajmi 0,1-0,2 l/kg ni tashkil etadi. Ketoprofen plazmadagi konsentratsiyasini pasayishini davom etishi fonida sinovial suyuqlikka sekin o‘tadi va shuningdek undan sekin chiqariladi. Ketoprofenning muvozanat konsentratsiyasiga buyurilgandan keyin 24 soat o‘tgach erishiladi. Keksa patsiyentlarda muvozanat konsentratsiyasiga 8,7 soatdan keyin erishilgan va 6,3 mkg/ml ni tashkil etgan. 

Ketoprofen jigar mikrosomal fermentlari tomonidan jadal metabolizmga uchraydi. U glyukuron kislotasi bilan bog‘lanadi va shu ko‘rinishda organizmdan chiqariladi. Ichga qabul qilinganidan keyin uning plazmadagi klirensi minutiga 1,16 ml/kg ni tashkil etadi. Biologik yarim chiqarilish davri – bor yo‘g‘i 2 soatni tashkil etadi. Jigar yetishmovchiligi yarim chiqarilish davrini uzaytirishi mumkin, bunday holatlarda u to‘planishi mumkin.

Ketoprofenning 80% gacha qismi siydik bilan va taxminan 10% axlat bilan chiqariladi. Buyrak yetishmovchiligi bo‘lgan patsiyentlarda ketoprofen sekinroq chiqariladi, biologik yarim chiqarilish davri bir soatga uzayishi mumkin.

Keksa odamlarda ketoprofenning metabolizmi va chiqarilishi sekinlashadi. Bu faqat buyrak funksiyasi pasaygan patsiyentlarga klinik jihatdan ahamiyatga ega.

Steroid bo'lmagan yallig'lanishga qarshi va antirevmatik preparatlar, propion kislotasining hosilalari.

2 ml dan to‘q rangli shishali uzunchoq ampulalarda.

O‘ram o‘lchami: 10 ampula.

Taxmin qilingan noxush reaksiyalarning tez-tezligi tasnifi (tez-tezlik ko‘rsatkichi faqat peroral qo‘llash usuliga taalluqli): juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000), juda kam hollarda ( <1/10000), shu jumladan alohida xabarlar; Tez-tezligi noma’lum (mavjud ma’lumotlar asosida tez-tezligini aniqlab bo‘lmaydi).

Ketoprofenni qo‘llaganda kattalarda quyidagi noxush reaksiyalar haqida xabar berilgan.

Qon va limfatik tizim tomonidan buzilishlar

- Kam hollarda: postgemorragik anemiya;

- Tez-tezligi noma’lum: agranulotsitoz, trombotsitopeniya, suyak ko‘migi yetishmovchiligi, gemolitik anemiya, leykopeniya.

Immun tizimi tomonidan buzilishlar

- Tez-tezligi noma’lum: anafilaktik reaksiyalar (shu jumladan, shok).

Moddalar almashinuvi va oziqlanish tomonidan buzilishlar

- Tez-tezligi noma’lum: gipernatriyemiya, giperkaliyemiya (“Maxsus ko‘rsatmalar va ehtiyotkorlik choralari” va “Boshqa dori preparatlari bilan o‘zaro ta’siri va o‘zaro ta’sirning boshqa turlari”ga qarang).

Ruhiyatni buzilishi

- Tez-tezligi noma’lum: ongni chalkashishi, kayfiyatni o‘zgaruvchanligi.

Nerv tizimi tomonidan buzilishlar

- Tez-tez emas: bosh og‘rig‘i, bosh aylanishi, uyquchanlik;

- Kam hollarda: paresteziya;

- Tez-tezligi noma’lum: aseptik meningit, tirishishlar, disgevziya, vestibulyar bosh aylanishi.

Ko‘rish a’zosi tomonidan buzilishlar

- Kam hollarda: ko‘rishni noaniqligi (“Maxsus ko‘rsatmalar va ehtiyotkorlik choralari” ga qarang).

Eshitish a’zosi tomonidan buzilishlar va labirint buzilishlari

- Kam hollarda: quloqlarni jaranglashi (tinnitus).

Yurak tomonidan buzilishlar

- Tez-tezligi noma’lum: yurak yetishmovchiligi.

Qon-tomirlar tomonidan buzilishlar

- Tez-tezligi noma’lum: arterial gipertenziya, vazodilatatsiya, vaskulit (shu jumladan leykotsitoklastik vaskulit).

Nafas tizimi, ko‘krak qafasi va ko‘ks oralig‘i a’zolari tomonidan buzilishlar

- Kam hollarda: bronxial astma;

- Tez-tezligi noma’lum: bronxospazm (ayniqsa atsetilsalitsil kislotasi yoki boshqa NYAQP larga o‘ta yuqori sezuvchanligi ma’lum patsiyentlarda), rinit.

Me’da-ichak yo‘llari tomonidan buzilishlar

- Tez-tez: ko‘ngil aynishi, qusish;

- Tez-tez emas: qabziyat, diareya, gastrit;

- Kam hollarda: stomatit, peptik yara;

- Tez-tezligi noma’lum: me’da-ichak yo‘llaridan qon ketishi va perforatsiya, pankreatit, me’da-ichak yo‘llarida diskomfort, me’dada og‘riq va kam holatda kolit.

Jigar va o‘t chiqarish yo‘llari tomonidan buzilishlar

- Kam hollarda: gepatit, transaminazalar darajasini oshishi, gepatit oqibatida zardobda bilirubin darajasini oshishi.

Teri va teri osti to‘qimalari tomonidan buzilishlar

- Tez-tez emas: toshma, qichishish

- Tez-tezligi noma’lum: fotosensibilizatsiya reaksiyalari, alopetsiya, eshakemi, angionevrotik shish, bullyoz reaksiyalar, shu jumladan Stivens-Djonson sindromi, toksik epidermal nekroliz va o‘tkir tarqalgan ekzantematoz pustulyoz.

Buyrak va siydik chiqarish yo‘llari tomonidan buzilishlar

- Tez-tezligi noma’lum: o‘tkir buyrak yetishmovchiligi, tubulointerstitsial nefrit, nefritik sindrom, shish rivojlanishi bilan kechuvchi suv/natriyni tutilishi, o‘tkir buyrak yetishmovchiligini chaqirishi mumkin bo‘lgan buyrakni organik shikastlanishi (o‘tkir kanalchalar nekrozi va so‘rg‘ichsimon nekroz haqida yakka xabarlar kelib tushgan).

Umumiy buzilishlar va yuborish joyidagi buzilishlar

- Tez-tez emas: shish;

- Tez-tezligi noma’lum: in’eksiya joyida og‘riq va achishish hissi, yuborish joyida reaksiyalar, shu jumladan Nikolau sindromi sifatida ma’lum bo‘lgan livedoid dermatit.

Ayrim NYAQP larni qo‘llash (ayniqsa yuqori dozada va uzoq vaqt davomida) arterial tromboz (masalan, miokard infarkti yoki insult) ning yuqori xavfi bilan bog‘liq bo‘lishi mumkin (“Maxsus ko‘rsatmalar va ehtiyotkorlik choralari” ga qarang).

Ketonal yallig‘lanishga qarshi, og‘riqni qoldiruvchi va isitmani tushiruvchi ta’sirga ega nosteroid revmatizmga qarshi preparat bo‘lib hisoblanadi. 

Qo‘llanilishi

Og‘riq:

- operatsiyadan keyingi;

- og‘riqli hayz ko‘rishlar;

- o‘smalari bo‘lgan patsiyentlarda suyak metastazlari oqibatidagi og‘ri;

- posttravmatik.

Revmatik kasalliklar:

- revmatoid artrit;

- spondiloartrit (ankilozlovchi spondilit, psoriatik artrit, reaktiv artrit);

- podagra, soxta podagra;

- osteoartrit;

- bo‘g‘imdan tashqari revmatizm (tendinit, bursit, yelka bo‘g‘imi kapsuliti) da qo‘llanadi.

Preparat quyidagi hollarda kontrendikedir:

- bronxospazm, astma xurujlari, rinit, ürtiker yoki ketoprofen, atsetilsalitsil kislotasi yoki boshqa steroid bo'lmagan yallig'lanishga qarshi dorilarni (NSAID) qabul qilgandan keyin boshqa allergik reaktsiyalar kabi yuqori sezuvchanlik reaktsiyalari tarixi;

- ketoprofenga yoki preparatning har qanday yordamchi moddalariga yuqori sezuvchanlik;

- homiladorlikning uchinchi trimestri;

- og'ir yurak etishmovchiligi;

- faol fazadagi oshqozon yarasi, shuningdek, oshqozon-ichakdan qon ketish, oshqozon yarasi yoki tarixda teshilish;

- gemorragik diatez;

- og'ir jigar etishmovchiligi;

- og'ir buyrak etishmovchiligi;

- serebrovaskulyar yoki boshqa faol qon ketish.

(faqat mushak ichiga yuborish uchun)

Preparat gemostaz buzilgan yoki antikoagulyantlar bilan davolanayotgan bemorlarda mumkin emas.

Preparatlarning tavsiya etilmaydigan majmualari

Yuqori dozalarda boshqa NYAQP lar (shu jumladan siklooksigenaza-2 selektiv ingibitorlari) va salitsilatlar: me’da-ichak yo‘llarida yara rivojlanishi va qon ketishlari xavfi oshadi.

Antikoagulyantlar 

Qon ketishi xavfi oshadi:

- Geparin;

- K vitamini antagonistlari (masalan varfarin);

- trombotsitlar agregatsiyasi ingibitorlari (masalan, tiklopidin, klopidogrel);

- trombin ingibitorlari (masalan dabigatran);

- Xa faktorining bevosita ingibitorlari (masalan apiksaban, rivaroksaban, edoksaban).

Agar yondosh qo‘llash zarur bo‘lsa sinchkov tibbiy kuzatuv talab etiladi.

Litiy: litiyni buyrak tomonidan chiqarilishini kamayishi tufayli, ba’zida toksik darajaga yetishi mumkin bo‘lgan plazmada litiy darajasini oshishi xavfi. Zarurati bo‘lganida, NYAQP lar bilan davolash vaqtida va undan keyin plazmada litiy konsentratsiyasini sinchkovlik bilan nazorat qilish va litiyning dozasini muvofiqlashtirish lozim.

Xaftasiga 15 mg dan yuqori dozalarda metotreksat: metotreksatning gematotoksikligi xavfi oshadi, ayniqsa agar u yuqori dozalarda (>15 mg/xafta) qo‘llanilgan bo‘lsa, bu ehtimol metotreksatni oqsillar bilan bog‘idan siqib chiqarilishi va uning buyrak klirensini pasayishi bilan bog‘liqdir.

Ehtiyotkorlikni talab etuvchi majmualar

Diuretiklar: diuretiklarni qabul qilayotgan patsiyentlarda, ayniqsa degidratatsiyasi bo‘lgan patsiyentlarda prostaglandinlarning sintezini susayishi oqibatida buyrakda qon aylanishini kamayini tufayli, buyrak yetishmovchiligini rivojlanish xavfi mavjud. Bunday patsiyentlarda bunday preparatlarni birga qo‘llashni boshlashdan oldin suyuqlik tanqisligini adekvat o‘rnini to‘ldirish, davolashni boshida esa buyrak funksiyasini esa nazorat qilish kerak (“Maxsus ko‘rsatmalar va ehtiyotkorlik choralari” ga qarang).

Angiotenzinga aylantiruvchi ferment (AAF) ingibitorlari va angiotenzin II retseptorlari antagonistlari: buyrak funksiyasini buzilishi bo‘lgan patsiyentlarda (masalan, degidratatsiyasi bo‘lgan patsiyentlarda yoki keksa odamlarda) AAF ingibitorlari yoki angiotenzin II retseptorlari antagonistlari va siklooksigenazani susaytiruvchi preparatlarni birga qo‘llash buyrak funksiyasini qo‘shimcha yomonlashishini, shu jumladan o‘tkir buyrak yetishmovchiligini chaqirishi mumkin.

Xaftasiga 15 mg dan past dozalarda metotreksat: majmuaviy davolashning birinchi xaftasida qon manzarasini bir xaftada bir marta nazorat qilish lozim. Buyrak funksiyasini biron-bir buzilishida va keksa patsiyentlarda nazorat ko‘proq amalga oshirilishi lozim.

Tenofovir: tenofovir dizoproksil fumaratini va NYAQP ni birga qo‘llash og‘ir darajadagi buyrak yetishmovchiligi rivojlanishi xavfi oshirishi mumkin.

Nikorandil: nikorandil va NYAQP ni birga qo‘llash me’da-ichak yo‘llaridan yara, perforatsiya va qon ketishi kabi jiddiy asoratlar xavfi oshishi mumkin (“Maxsus ko‘rsatmalar va ehtiyotkorlik choralari” ga qarang).

Yurak glikozidlari: ketoprofen va digoksin bilan farmakokinetik o‘zaro ta’sirlar aniqlanmagan. Ammo ehtiyotkorlikka rioya qilish tavsiya etiladi, ayniqsa buyrak yetishmovchiligi bo‘lgan patsiyentlarda, chunki NYAQP buyrak funksiyasini pasaytirishi va yurak glikozidlarining buyrak klirensini kamaytirishi mumkin.

E’tiborga olish lozim bo‘lgan majmualar

Antigipertenziv preparatlar (beta-blokatorlar, AAF ingibitorlari, diuretiklar): antigipertenziv preparatlarning ta’sirini pasayishi xavfi (NYAQP vazodilatator prostaglandinlar sintezini susaytiradi).

Trombolitiklar: qon ketishi xavfi oshadi.

Serotoninni qayta qamrab olinishining selektiv ingibitorlari: me’da-ichakdan qon ketishi xavfi oshadi (“Maxsus ko‘rsatmalar va ehtiyotkorlik choralari” ga qarang).

Giperkaliyemiya bilan bog‘liq xavf

Bir qator preparatlar va butun terapevtik sinf preparatlari, masalan kaliy tuzlari, kaliy tejovchi diuretiklar, angiotenzinga aylantiruvchi ferment ingibitorlari, angiotenzin II retseptorlari blokatorlari, NYAQP, geparinlar (quyimolekular yoki fraksiyalanmagan), siklosporin, takrolimus va terimetoprim giperkaliyemiya rivojlanishiga olib kelishi mumkin. Giperkaliyemiya rivojlanishi qo‘shimcha omillarni mavjudligiga bog‘liq bo‘lishi mumkin. Yuqorida ko‘rsatilgan preparatlar bir vaqtda qo‘llanilsa, xavf oshadi.

Antiagregant ta’sir bilan bog‘liq xavf

Trombotsitlar agregatsiyasini oldini oluvchi ayrim preparatlar: tirofiban, eptifibarid, absiksimab va iloprost bir vaqtda qo‘llanilganda o‘zaro ta’sir kuzatilishi mumkin. Bir necha antiagregantlarni bir vaqtda qo‘llash qon ketishi xavfini oshiradi.

Ma’lumot uchun qabul qilish lozim bo‘lgan majmualar

Siklosporin, takrolimus: nefrotoksiklikning additiv samarasi rivojlanish xavfi mavjud, ayniqsa keksa patsiyentlarda.

Rangsizdan to yengil sarg‘ish rangli, deyarli ko‘rinarli kiritmalarsiz, tiniq eritma.

Parenteral qo‘llash uchun buyuriladi.

Simptomlarni bartaraf etish uchun zarur eng past samarali dozada maksimal qisqa vaqt davomida qabul qilib, noxush samaralarni minimumga yetkazish mumkin (“Maxsus ko‘rsatmalar”ga qarang).

Ketoprofenning maksimal sutkalik dozasi 200 mg ni tashkil etadi. Kuniga 200 mg dozada ketoprofen bilan davolashni boshida foyda va xavfni sinchkovlik bilan baholash kerak. Yuqoriroq dozalarni qo‘llash tavsiya etilmaydi (shuningdek “Maxsus ko‘rsatmalar va ehtiyotkorlik choralari” ga qarang).

Tavsiya etiladigan doza

Kattalar va 15 yoshdan oshgan bolalar: maksimal sutkada 200 mg. In’eksiyalarni 3 kundan ortiq buyurish tavsiya etilmaydi. Qoniqarli javobga erishilganida Ketonalni ichga qabul qilish uchun shaklida buyuriladi.

Mushak ichiga yuborish

Mushak ichiga 100 mg dan sutkada bir yoki ikki marta yuboriladi.

Zarurati bo‘lganida peroral, rektal yoki transdermal qo‘llash uchun ketoprofen bilan birga qo‘llash mumkin.

Vena ichiga yuborish

Ketonal infuziyasi faqat statsionar sharoitda o‘tkazilishi kerak. Infuziya 0,5-1 soat davom etadi, davolash kursi – ko‘pi bilan ikki kunni tashkil etadi.

Qisqa muddatli vena ichiga infuziya

0,9% li natriy xloridining 100 ml da suyultirilgan 100 mg dan 200 mg gacha ketoprofen 0,5-1 soat davomida yuboriladi.

Uzoq muddatli vena ichiga infuziya

Infuziya uchun eritma (0,9% li natriy xloridi, Ringer laktat, glyukoza eritmalari) ning 500 ml da suyultirilgan 100 mg dan 200 mg gacha ketoprofen 8 soat davomida yuboriladi.

Ketonalni markaziy ta’sirga ega analgetiklar bilan birga qo‘llash mumkin. Uni morfin bilan bir flakonda aralashtirish mumkin: 10-20 mg morfin va 100 mg dan 200 mg gacha ketoprofen in’eksiya uchun natriy xloridi (0,9%) yoki Ringer laktat eritmasida suyultiriladi.

Keksa patsiyentlar

Keksa odamlarda noxush samaralar ko‘pincha og‘ir oqibatlarga olib kelishi mumkin. Keksa odamlarni davolashni mavjud bo‘lgan eng kichik samarali dozalardan boshlash tavsiya etiladi.

Buyrak va (yoki) jigar funksiyasini buzilishi bo‘lgan patsiyentlar

Buyrak funksiyasini o‘rtacha buzilishi (kreatinin klirensi sekundiga 0,33 ml (minutiga 20 ml) kam) va (yoki) surunkali albumin darajasini pasayishi bilan kechuvchi surunkali jigar kasalligi bo‘lgan patsiyentlarda doza kamaytiriladi.

Buyrak va (yoki) jigar funksiyasini og‘ir buzilishi bo‘lgan patsiyentlarda Ketonalni qo‘llash mumkin emas.

Bolalar va o‘smirlar. Preparatni 15 yoshdan kichik bolalarda qo‘llash mumkin emas.

Ehtiyotkorliklar

Cho‘kma hosil bo‘lishi mumkinligi sababli, tramadol va Ketonalni bir infuzion suyuqlikda (bir flakonda) aralashtirilmasin. Infuzion flakonlar qora qog‘oz yoki alyumin folgaga o‘ralishi kerak, chunki ketoprofen yorug‘likka sezgir. 

Bir marta qo‘llash uchun mo‘ljallangan. Har qanday ishlatilmagan dori preparati yoki chiqindilar mahalliy talablar asosida utilizatsiya qilinishi kerak.

Kattalarda dozani oshirib yuborilishining asosiy belgilari bo‘lib bosh og‘rig‘i, bosh aylanishi, uyquchanlik, ko‘ngil aynishi, qusish, diareya va qorinda og‘riq hisoblanadi. Og‘ir intoksikatsiyada arterial gipotenziya, nafasni susayishi va me’da-ichakdan qon ketishi kuzatiladi. Patsiyent darhol gospitalizatsiya qilinadi va simptomatik davolash o‘tkaziladi. Spetsifik antidoti noma’lum.

Bolalar va o'smirlar. Preparat 15 yoshgacha bo'lgan bolalarda kontrendikedir.

Homiladorlikning birinchi va ikkinchi uch oyligida juda zarur holatlardan tashqari, buyurish mumkin emas. Agar Ketonalni homilador bo‘lmoqchi bo‘lgan yoki homiladorlikning birinchi yoki ikkinchi uch oyligi bo‘lgan ayol qo‘llayotgan bo‘lsa, doza iloji boricha pastroq, davolash davomiyligi esa – iloji boricha qisqa bo‘lishi kerak, chunki prostaglandinlar sintezining susayishi homiladorlik va (yoki) embrion/homilani rivojlanishiga salbiy ta’sir qilishi mumkin..
Homiladorlikning uchinchi uch oyligida Ketonalni qo‘llash mumkin emas (homilada kardiopulmonal toksiklik va nefrotoksiklik, homila va onada qon ketishi vaqtini uzayishi, bachadanni qisqarishini susayishi xavfi).
Preparatni ko‘krak sutiga o‘tishi haqida ma’lumotlar yo‘q. Emizikli onalarga Ketonalni buyurish tavsiya etilmaydi.

Buyrak va (yoki) jigar funktsiyasi buzilgan bemorlar

O'rtacha buyrak etishmovchiligi bo'lgan bemorlarda (kreatinin klirensi 0,33 ml / s (20 ml / min) dan past) va (yoki) albumin darajasining pasayishi bilan surunkali jigar kasalligi bo'lgan bemorlarda doz kamayadi.

Buyrak va (yoki) jigar funktsiyasining jiddiy buzilishi bo'lgan bemorlarda Ketonal kontrendikedir.

Me’da-ichak yarasi paydo bo‘lishi yoki qon ketishi xavfini oshirishi mumkin bo‘lgan preparatlar, masalan peroral kortikosteroidlar, antikoagulyantlar (masalan, varfarin), serotoninni qayta qamrab olinishini selektiv ingibitorlari yoki atsetilsalitsil kislotasi kabi antiagregantlar yoki nikorandil bilan bir vaqtda buyurilganda alohida ehtiyotkorlikka rioya qilish kerak (“Boshqa dori vositalari bilan o‘zaro ta’siri va o‘zaro ta’sirning boshqa turlari”ga qarang).

Preparatni NYAQP, shu jumladan siklooksigenaza-2 ning selektiv ingibitorlari bilan bir vaqtda qo‘llashdan saqlanish kerak.

O‘lim bilan yakunlanishi mumkin bo‘lgan me’da-ichak yo‘llari (MIY) dan qon ketishi, yara paydo bo‘lishi yoki perforatsiya barcha NYAQP uchun ta’riflangan va davolashning istalgan vaqtida darakchi simptomlar yoki anamnezida me’da-ichak yo‘llarining og‘ir kasalliklarini mavjudligida yoki yo‘qligida rivojlanishi mumkin.

Ketoprofenni, ayniqsa yuqori dozalarda qo‘llash og‘ir me’da-ichak toksikligi xavfini oshishi bilan bog‘liq bo‘lishi mumkin (shuningdek “Qo‘llash mumkin bo‘lmagan holatlar”ga ham qarang).

Anamnezida me’da-ichak yarasi bo‘lgan, ayniqsa qon ketishi yoki perforatsiya bilan asoratlangan patsiyentlarda (“Qo‘llash mumkin bo‘lmagan holatlar”ga qarang), shuningdek keksa yoshdagi shaxslarda NYAQP dozasi oshirilganda me’da-ichak qon ketishi, yara paydo bo‘lishi yoki perforatsiya xavfi oshadi. Bu patsiyentlarni davolashni, iloji boricha mumkin bo‘lgan eng past dozadan boshlash kerak. Bu patsiyentlar uchun, shuningdek atsetilsalitsil kislotasining past dozalarini yoki me’da-ichakdan qon ketishi xavfini oshiruvchi boshqa preparatlarni (“Boshqa dori vositalari bilan o‘zaro ta’siri va o‘zaro ta’sirning boshqa turlari”ga qarang) qabul qilayotgan patsiyentlarga himoya dori vositalari (masalan, mizoprostol yoki proton pompasi blokatorlari) bilan majmuaviy davolashni buyurishni ko‘rib chiqish kerak.

Anamnezida me’da-ichak toksikligining ko‘rinishlari bo‘lgan patsiyentlar, ayniqsa keksa odamlar me’da-ichak yo‘llari tomonidan har qanday o‘zgacha simptomlar (ayniqsa me’da-ichakdan qon ketishi) haqida, ayniqsa davolashni boshida xabar berishlari kerak.

Keksa odamlarda NYAQP larga noxush reaksiyalar, ayniqsa o‘limga olib kelishi mumkin bo‘lgan me’da-ichakdan qon ketishi va perforatsiya ko‘proq kuzatiladi (“Qo‘llash usuli va dozalari” ga qarang).

Tana vazni past bo‘lgan patsiyentlarda me’da-ichakdan qon ketishi rivojlanishi nisbiy xavfi oshadi.

Agar Ketonal bilan davolash fonida patsiyentlarda me’da-ichakdan qon ketishi yoki yara paydo bo‘lishi kuzatilsa, preparatni qabul qilish to‘xtatilishi kerak.

NYAQP larni qo‘llash bilan bog‘liq eksfoliativ dermatit, Stivens-Djonson sindromi va toksik epidermal nekroliz kabi og‘ir teri reaksiyalari (ularning ba’zilari o‘lim bilan yakunlangan) juda kam ta’riflangan (“Nojo‘ya ta’sirlari”ga qarang). Bu reaksiyalarning eng yuqori xavfi davolashning boshida o‘rin tutadi; ko‘pchilik xollarda reaksiyalarni yuz berishi davolashning birinchi oyida aniqlanadi. Teri toshmasi, shilliq qavatlarda shikastlanish yoki o‘ta yuqori sezuvchanlikning birinchi belgilari paydo bo‘lganida Ketonal bekor qilinishi kerak.

Ba’zi NYAQP larni qo‘llash (ayniqsa yuqori dozalarda va uzoq muddat davomida davolanishda) arterial trombozni (masalan, miokard infarkti yoki insult) yuqori xavfi bilan bog‘liq bo‘lishi mumkin. Ketoprofen uchun bunday xavfni inkor etish uchun yetarli ma’lumotlar yo‘q.

Aortokoronar shuntlashda perioperatsion og‘riqni davolash uchun noaspirin NYAQP qabul qilgan patsiyentlarda arterial trombozlarni rivojlanishi xavfini oshishi haqida xabar berilgan.

NYAQP larni anamnezida me’da-ichak yo‘llari kasalliklari (yarali kolit, Kron kasalligi) bo‘lgan patsiyentlarga ehtiyotkorlik bilan buyurish kerak, chunki ushbu kasalliklarni zo‘rayishi kuzatilishi mumkin (“Nojo‘ya ta’sirlari”ga qarang).

Yurak yetishmovchiligi, sirrozi va nefrotoksik sindromi bo‘lgan patsiyentlarda, shuningdek diuretiklarni qabul qilayotgan patsiyentlarda va surunkali buyrak yetishmovchiligi bo‘lgan patsiyentlarda, ayniqsa keksa patsiyentlarda davolashni boshida buyrak funksiyasini sinchkovlik bilan nazorat qilish kerak. Bunday patsiyentlarga ketoprofenni buyurish prostaglandinlar sintezini susayishi natijasida buyrakda qon aylanishini pasayishini chaqirishi va buyrak funksiyasini dekompensatsiyasiga olib kelishi mumkin.

Anamnezida arterial gipertenziya va (yoki) kuchsiz yoki o‘rtacha og‘irlik darajasidagi dimlangan yurak yetishmovchiligi bo‘lgan patsiyentlarda tegishli kuzatuv va maslahat berish talab etiladi, chunki NYAQP qo‘llanganda suyuqlikni tutilishi yoki shishlar to‘g‘risida xabar berilgan.

Ketonal tana haroratini oshishi kabi infeksion kasalliklarning belgilari va simptomlarini niqoblashi mumkin.

Jigar funksional holatining testlari ko‘rsatkichlarini normadan farq qilgan yoki anamnezida jigar kasalligi bo‘lgan patsiyentlarda, ayniqsa uzoq muddatli davolash davomida qondagi transaminazalar darajasini vaqti-vaqti bilan nazorat qilish kerak.

Ketonalni qo‘llash fertillikni pasaytirishi mumkin. Shuning uchun uni homiladorlikni rejalashtirayotgan ayollarga tavsiya etilmaydi. Homilador bo‘la olmayotgan yoki bepushtlik bo‘yicha tekshiruvdan o‘tayotgan ayollarda Ketonalni bekor qilishni ko‘rib chiqish kerak.

Boshqa patsiyentlarga nisbatan surunkali rinit, surunkali sinusit va (yoki) burun polipozi bilan kechuvchi bronxial astmasi bo‘lgan patsiyentlarda atsetilsalitsil kislotasi va (yoki) nosteroid yallig‘lanishga qarshi preparatlarni qabul qilgandan keyin allergik reaksiyalar paydo bo‘lishi ehtimoli yuqori. Ushbu preparatni buyurish, ayniqsa atsetilsalitsil kislotasi yoki NYAQP larga allergiyasi bo‘lgan patsiyentlarga buyurilganida bronxial astma yoki bronxospazm xurujini chaqirishi mumkin (“Qo‘llash mumkin bo‘lmagan holatlar”ga qarang). 

Uzoq vaqt davolaganda qonning shaklli elementlari sonini, shuningdek jigar va buyrak funksiyasini nazorat qilish kerak.

Qandli diabt yoki kaliy tejovchi preparatlarni birga qo‘llash giperkaliyemiya rivojlanishi mumkin (“Boshqa dori vositalari bilan o‘zaro ta’siri va o‘zaro ta’sirning boshqa turlari” ga qarang). Bunday holatlarda kaliyning darajasini nazorat qilish kerak.

(faqat vena ichiga yuborish usuli uchun)

Kuchli og‘riqlarda ketoprofen morfin hosilalari bilan majmuada qo‘llanishi mumkin.

Preparatning yordamchi moddalari haqida ma’lumot

Preparat 12,3% x.% etanol saqlaydi. Har 2 ml eritma 200 mg etanol saqlaydi. Alkogolga qaramligi bo‘lgan shaxslar uchun zararli. Homiladorlar va emizikli ayollar, bolalar va xavf guruhidagi patsiyentlar, masalan jigar kasalliklari yoki tutqanog‘i bo‘lgan patsiyentlarda qo‘llanilganida preparat etanol (spirt) saqlanishini e’tiborga olish kerak.

Preparat 1 ampulada 1 mmol (23 mg) dan kam miqdorda natriy saqlaydi va shuning uchun natriy saqlamaydigan deb hisoblanadi.

Preparatning har 2 ml 40 mg benzil spirti (Ye1519) va 800 mg propilenglikol saqlaydi. Benzil spirti allergik reaksiyalar chaqirishi mumkin. Etanol kabi alkogoldegidrogenaza uchun substrat bo‘lib hisoblangan har qanday modda bilan birga yuborish 5 yoshdan kichik bolalarda noxush reaksiyalar chaqirishi mumkin.

3 yil. Paketda ko'rsatilgan yaroqlilik muddati o'tganidan keyin foydalanmang