KOLIN suspenziya 30ml 40mg/ml

Simetikon kimyoviy jihatdan inert, MITYdan so'rilmaydi. Ovqat hazm qilish traktidan o'tgandan so'ng o'zgarmagan holda chiqariladi.

Kolin yel haydovchi vosita hisoblanadi. Oshqozon-ichak trakti shillig'i va ozuqa aralashmasidagi gaz pufakchalari sirt tarangligini pasaytiradi, ularning hosil bo'lishiga to'sqinlik qiladi va parchalanishiga yordam beradi. Bunda ajralib chiqqan gaz pufakchalari ichak shilliq qavati devorlari tomonidan so'riladi yoki ichak peristaltikasi tufayli o'zgarmagan holda organizmdan chiqariladi. Natijada ichakdagi umumiy gaz miqdori va bo'shliq ichidagi bosim kamayadi. Bundan tashqari, simetikon ovqat hazm qilish trakti shilliq qavatida himoya qatlamini hosil qiladi va shilliq qavatni agressiv omillar ta'siridan himoya qiladi. Ultratovush va rentgenologik tekshiruvda simetikon ovqat hazm qilish traktida gaz pufakchalari va ko'pik hosil bo'lishi bilan bog'liq bo'lgan tasvir xalaqitlarini oldini oladi.

Allergik reaksiyalar: teri toshmasi, qichishish (alohida hollarda).
Qo'llash bo'yicha yo'riqnomada ko'rsatilmagan nojo'ya hodisalar aniqlanganda, bemor davolovchi shifokorga murojaat qilishi kerak.

Suspenziya saxaroza saqlamaydi, shuning uchun qandli diabeti yoki ovqat hazm qilish buzilishlari bo'lgan bemorlar tomonidan qo'llanilishi mumkin.
Preparat avtotransportni va mexanizmlarni boshqarish qobiliyatiga ta'sir qilmaydi. Preparat bolalar ololmaydigan joyda saqlanishi va yaroqlilik muddati o'tgach qo'llanilmasligi kerak.

Preparatning biron-bir komponentiga yuqori sezuvchanlik, ichak tutilishi, me'da-ichak traktining obstruktiv kasalliklari.

Preparatni yuqori dozalarda uzoq vaqt davomida antatsidlar bilan bir vaqtda qabul qilish tavsiya etilmaydi.

Kolin peroral, ovqat vaqtida yoki undan keyin, zarurat bo'lganda - uyqudan oldin qabul qilinadi.
Kattalar va 6 yoshdan katta bolalarga 1-2 kapsula yoki 25-50 tomchidan kuniga 3-5 marta ovqat vaqtida yoki undan keyin tayinlanadi.
Yangi tug'ilgan chaqaloqlar va 6 yoshgacha bo'lgan bolalarga – 10-15 tomchidan kuniga 2-3 marta ovqat vaqtida yoki undan keyin.
Iste'mol qilishdan oldin suspenziyani chayqatish kerak!
Diagnostik tekshiruvlarni o'tkazish uchun: tekshiruvdan 1 kun oldin kuniga 3 marta 2 kapsuladan va tekshiruv kuni ertalab och qoringa 2 kapsula yoki tekshiruvdan ikki kun oldin kuniga 3 marta 50 tomchidan, tekshiruv kuni ertalab och qoringa 50 tomchi va bevosita tekshiruvdan oldin 50 tomchi qabul qilinadi.
Sintetik yuvish vositalari bilan zaharlanishda Kolin dozasi intoksikatsiya og'irligi bilan belgilanadi (kamida 320 mg).