KONTRAKTUBEKS 50,0 gel
KONTRAKTUBEKS 50,0 gel haqida qo'llanma
Farmakokinetikasi
Eksperimentda ko'rsatilishicha, geparin 4 soat ichida derma biriktiruvchi to'qimasiga klinik jihatdan yetarli miqdorda kirib boradi. Chuqur kirib borish geparinning Serae piyozchasi ekstrakti va allantoin bilan kombinatsiyasi orqali ta'minlanadi (transepidermal geparinizatsiya).
Kontraktubeks preparati ishlatilganda tizimli absorbsiya kuzatilmaydi.
Nojo'ya samaralari
Odatda Kontraktubeks hatto uzoq vaqt qo‘llanilganda ham juda yaxshi o‘zlashtiriladi. Ko‘pincha preparat surtilgan joyda teri reaksiyalari qayd etilgan.
Nojo‘ya reaksiyalar yuzaga kelish tez-tezligi tasnifi: juda tez-tez (> 1/10), tez-tez (> 1/100 dan < 1/10 gacha), tez-tez emas (> 1/1000 dan < 1/100 gacha), kam hollarda (> 1/10000 dan < 1/1000 gacha), juda kam hollarda (< 1/10000), tez-tezligi noma'lum (mavjud ma'lumotlar bo‘yicha aniqlab bo‘lmaydi).
Teri qoplamalari tomonidan: tez-tez: qichishish, eritema, teleangioektaziya, chandiq atrofiyasi; tez-tez emas: teri giperpigmentatsiyasi, teri atrofiyasi.
Shuningdek, quyidagi spontan nojo‘ya reaksiyalar haqida xabar berilgan:
Infektsion kasalliklar: tez-tezligi aniqlanmagan: pustulyoz toshmalar.
Immun tizimi tomonidan: tez-tezligi aniqlanmagan: o‘ta yuqori sezuvchanlik (allergik reaksiyalar).
Nerv tizimi tomonidan: tez-tezligi aniqlanmagan: paresteziya.
Teri qoplamalari tomonidan: tez-tezligi aniqlanmagan: eshakemi, toshma, qichishish, eritema, terining ta'sirlanishi, papulalar, achishish hissi, taranglik hissi, kontakt dermatit.
Umumiy buzilishlar va surtilgan joydagi buzilishlar: tez-tezligi aniqlanmagan: shish, surtilgan joyda og‘riq va po‘st tashlash.
Chandiq hosil bo‘lishida tabiiy jarayonlar ko‘rinishi bo‘lgan qichishish odatda preparatni qo‘llashni to‘xtatishni talab qilmaydi.
Agar yo‘riqnomada ko‘rsatilgan har qanday nojo‘ya ta'sirlar kuchaysa yoki yo‘riqnomada ko‘rsatilmagan har qanday boshqa nojo‘ya ta'sirlar qayd etilsa, darhol shifokorga xabar berish kerak.
Maxsus ko‘rsatmalari
Preparat ta'sirini kuchaytirish uchun oldindan bug'langan teriga surtish kerak. Uni fizioterapevtik tadbirlar bilan birga qo'llash mumkin. Yangi chandiqlarni davolashda ultrabinafsha nurlanish, sovuq ta'siri va intensiv massajdan saqlanish kerak. Preparatning homiladorlik vaqtida, emizish davrida va 1 yoshgacha bo'lgan bolalarda ta'siri o'rganilmagan.
Preparatning transport vositalarini va boshqa mexanizmlarni boshqarish qobiliyatiga ta'siri:
Ta'sir qilmaydi.
Qo'llanilishi mumkin bo'lmagan holatlar
Preparat komponentlariga yuqori sezuvchanlik, homiladorlik, ko'krak suti bilan emizish davri, 1 yoshgacha bo'lgan bolalar.
Homiladorlik va laktatsiya:
Preparatning homiladorlik va laktatsiya davridagi ta'siri o'rganilmagan.
Dori vositalarining o'zaro ta'siri
Ta'riflanmagan
Dozirovkasi
Preparatning sarflanishi chandiq yuzasi 20-25 sm2 bo'lganda o'rtacha bir qo'llashda 0,5 sm gelni tashkil qiladi. Kattalarga preparat sutkasiga 2-3 marta, 1 yoshdan oshgan bolalarga preparat sutkasiga 1-2 marta surtiladi. Gel yupqa qatlam bilan surtiladi va chandiq to'qimasiga engil ishqalanadi. Yangi chandiqlarda (shu jumladan bo'g'imlar ankilozi (kontrakturalarida), travmatik pay kontrakturalarida, homiladorlikdan keyingi cho'zilishlarda) davolash kursi o'rtacha 4 haftani tashkil qiladi. Eski qattiq chandiqlarda (shu jumladan bo'g'imlar ankilozi (kontrakturalarida), travmatik pay kontrakturalarida, homiladorlikdan keyingi cho'zilishlarda) tunda gel bilan okklyuzion bog'lam qo'yiladi. Davolash kursi o'rtacha 3-6 oyni tashkil qiladi. Dyupyuitren kontrakturasida davolash kursi o'rtacha 12 oyni tashkil qiladi. Profilaktika uchun yara epitelizatsiyasidan keyingi faza qo'llaniladi (granulyatsiyaga surtilmaydi).Dozani oshirib yuborishTa'riflanmagan.
KONTRAKTUBEKS 50,0 gel o'xshash dorilari
KONTRAKTUBEKS 50,0 gel xususiyatlari
Kontraktubeks boshqa chiqarish shakllari
KONTRAKTUBEKS 50,0 gel analoglari
