KVAMATEL poroshok 20mg N5

Famotidinning farmakokinetikasi chiziqli xususiyatga ega.

So'rilishi va taqsimlanishi

Kvamatel^® faqat v/i yuborish uchun mo'ljallangan.

Plazma oqsillari bilan bog'lanishi nisbatan kuchsiz ifodalangan (15-20%).

Metabolizmi va chiqarilishi

Famotidin metabolizmi jigarda sodir bo'ladi. Odamda aniqlangan yagona metabolit sulfoksiddir.

Famotidin buyraklar (65-70%) va metabolizm yo'li bilan (30-35%) chiqariladi. Buyrak klirensi 250-450 ml/daq ni tashkil qiladi, bu kanalchalar ekskretsiyasining ma'lum darajasini ko'rsatadi. v/i yuborilgan dozaning 65-70% siydikda o'zgarmagan holda aniqlanadi. Yuborilgan dozaning oz qismi sulfoksid shaklida ekskretsiya qilinishi mumkin.

Т _{2,3-3,5 soatni tashkil qiladi.}

Maxsus klinik holatlarda farmakokinetikasi

Og'ir buyrak yetishmovchiligi bo'lgan bemorlarda famotidinning Т _{20 soatdan oshishi mumkin.}

Famotidin H₂-gistamin retseptorlarining kuchli raqobatli ingibitori hisoblanadi.

Famotidinning asosiy klinik ahamiyatli farmakologik ta'siri oshqozon sekretsiyasini ingibirlash hisoblanadi. Famotidin xlorid kislota kontsentratsiyasini ham, oshqozon sekretsiyasi hajmini ham pasaytiradi, pepsin sekretsiyasi o'zgarishlari esa sekretsiyalanadigan hajmga mutanosibdir.

Sog'lom ko'ngillilarda va gipersekretsiyasi bo'lgan bemorlarda famotidin bazal va tungi xlorid kislota va pepsinogen sekretsiyasini, shuningdek pentagastrin, betazol, kofein, insulin va adashgan nervning fiziologik refleksi yuborilishi bilan stimulyatsiya qilingan sekretsiyani ingibirlaydi.

20 mg va 40 mg dozalar qo'llanilganda sekretsiyani ingibirlash davomiyligi 10 dan 12 soatgacha tashkil qiladi.

Famotidin och qoringa yoki ovqatdan keyin zardobdagi gastrin kontsentratsiyasiga deyarli ta'sir qilmaydi.

Famotidin oshqozon bo'shatilishiga, oshqozon osti bezining ekzokrin funktsiyasiga, jigar va portal tizimdagi qon oqimiga ta'sir qilmaydi.

Famotidin jigardagi sitoxrom P450 ferment tizimiga ta'sir qilmaydi.

Preparatning antiandrogen ta'siri qayd etilmagan.

Quyidagi nojo'ya hodisalar juda kam yoki kamdan-kam hollarda tasvirlangan. Biroq, ko'p hollarda famotidin terapiyasi bilan sababiy bog'liqlik aniqlanmagan.

Nojo'ya hodisalar chastotasini aniqlash: kamdan-kam hollarda (≥1/10 000-<1/1000), juda kam hollarda (<1/10 000), chastotasi noma'lum (mavjud ma'lumotlar asosida aniqlash imkoni yo'q).

Qon yaratish tizimi tomonidan: juda kam hollarda - agranulotsitoz, leykopeniya, pantsitopeniya, trombotsitopeniya.

Immun tizimi tomonidan: juda kam hollarda - anafilaksiya.

Moddalar almashinuvi va ovqatlanish tomonidan: juda kam hollarda - anoreksiya.

Ruhiy buzilishlar: juda kam hollarda - depressiya, gallyutsinatsiyalar, qo'zg'alish, xavotir, ongning chalkashishi.

Asab tizimi tomonidan: kamdan-kam hollarda - bosh og'rig'i, bosh aylanishi.

Eshitish organi va muvozanat tomonidan: chastotasi noma'lum - quloqlarda jaranglash.

Yurak-qon tomir tizimi tomonidan: juda kam hollarda - aritmiya, atrioventrikulyar blokada.

Nafas olish tizimi tomonidan: juda kam hollarda - bronxospazm.

Ovqat hazm qilish tizimi tomonidan: kamdan-kam hollarda - diareya, qabziyat; juda kam hollarda - qorinda noqulaylik hissi, ko'ngil aynishi, qusish, og'iz qurishi.

Gepatobiliar buzilishlar: juda kam hollarda - xolestatik sariqlik, jigar fermentlari faolligining og'ishi.

Teri va teri osti kletchatkasi tomonidan: juda kam hollarda - husnbuzar toshmasi, alopetsiya, angionevrotik shish, teri qurishi, toksik epidermal nekroliz, eshakemi, qichishish.

Suyak-mushak tizimi tomonidan: juda kam hollarda - artralgiya, mushak spazmlari.

Jinsiy a'zolar va sut bezi tomonidan: juda kam hollarda - ginekomastiya*.

Boshqalar: juda kam hollarda - charchoqning kuchayishi, isitma.

* Ginekomastiya juda kam uchraydi va davolash to'xtatilganda qaytuvchan xarakterga ega.

Famotidin bilan terapiyani boshlashdan oldin yoki, agar bunday imkoniyat bo'lmasa, peroral davolashga o'tishdan oldin oshqozon xavfli o'smasi mavjudligini istisno qilish kerak.

Jigar yetishmovchiligida Kvamatel^®ni ehtiyotkorlik bilan kamaytirilgan dozada ishlatish kerak.

Gistamin H₂-retseptorlari blokatorlari ishlatilganda kesishgan reaktivlik tasvirlanganligi sababli, anamnezida boshqa gistamin H₂-retseptorlari blokatorlariga o'ta yuqori sezuvchanligi bo'lgan bemorlarda Kvamatel^®ni qo'llash ehtiyotkorlikni talab qiladi.

Avtotransportni haydash va mexanizmlarni boshqarish qobiliyatiga ta'siri

Bemorlar avtotransportni boshqarishda va texnika bilan ishlashda ehtiyotkorlikka rioya qilishlari kerak, chunki davolash vaqtida bosh aylanishi va yuqori toliqish kuzatilishi mumkin.

• homiladorlik;
• laktatsiya davri;
• bolalar yoshi;
• ta'sir etuvchi moddaga yoki har qanday yordamchi moddalarga o‘ta yuqori sezuvchanlik.

Ehtiyotkorlik bilan: jigar va/yoki buyrak yetishmovchiligi, portotizimli ensefalopatiya (anamnezda) bilan kechuvchi jigar sirrozi, immunitet tanqisligi.

0.18% va 0.9% natriy xlorid eritmasi, 4% va 5% dekstroza eritmasi, 4.2% natriy gidrokarbonat eritmasi bilan mutanosib.

Amoksitsillin va klavulan kislotasi so'rilishini oshiradi.

Antatsidlar va sukralfat famotidin so'rilishini sekinlashtiradi.

Itrakonazol va ketokonazol so'rilishini kamaytiradi.

Suyak ko'migi funktsiyasini susaytiruvchi dori vositalari neytropeniya rivojlanish xavfini oshiradi.

Kvamatel^® faqat v/i yuborish uchun mo‘ljallangan.

Kvamatel^® preparatni ichga qabul qilish imkoniyati bo‘lmagan kasalxonaga yotqizilgan bemorlarda foydalanish uchun tavsiya etiladi. Kvamatel^® peroral terapiyani o‘tkazish imkoni bo‘lmaguncha ishlatilishi mumkin.

Tavsiya etilgan doza v/i 20 mg dan sutkasiga 2 marta (har 12 soatda).

Oshqozon va o‘n ikki barmoqli ichak yara kasalligi zo‘rayish bosqichida, gipersekretor holatlarda - v/i sekin, 2 daqiqa davomida 20 mg dan sutkasiga 2 marta suyultirilgan holda; v/i infuziya - sekin, 15-30 daqiqa davomida 20 mg dan sutkasiga 2 marta.

Reflyuks-ezofagitda boshlang‘ich doza v/i sekin 20 mg dan sutkasiga 2 marta.

Zollinger-Ellison sindromida boshlang‘ich doza v/i 20 mg dan har 6 soatda, keyin - preparat dozasi sekretsiya hajmi va bemorning klinik holatiga bog‘liq.

Umumiy anesteziyada nordon oshqozon tarkibi aspiratsiyasining oldini olish uchun Kvamatel^® 20 mg dozada v/i operatsiya kuni ertalab yoki operatsiya boshlanishidan kamida 2 soat oldin qo‘llaniladi.

V/i yuborish uchun boshlang‘ich doza 20 mg dan oshmasligi kerak.

V/i inyeksiya o‘tkazish uchun flakon tarkibini 5–10 ml 0,9% natriy xlorid eritmasida (erituvchi ampulasi) eritish, keyin esa sekin yuborish (kamida 2 daqiqa davomida) kerak. Preparat infuziyasida eritmani 15-30 daqiqa davomida yuborish kerak.

Eritmalarni bevosita yuborishdan oldin tayyorlash kerak. Faqat tiniq rangsiz eritmalarni ishlatish mumkin.

Famotidin asosan buyraklar orqali chiqarilishi sababli, og‘ir buyrak yetishmovchiligi bo‘lgan bemorlarda ehtiyot choralariga rioya qilish zarur. Agar KK 30 ml/daq dan kam bo‘lsa, zardobdagi kreatinin konsentratsiyasi esa 3 mg/100 ml dan oshsa, sutkalik dozani 20 mg gacha kamaytirish yoki yuborishlar orasidagi intervallarni 36-48 soatgacha oshirish zarur.

Bolalarda preparatning xavfsizligi va samaradorligi aniqlanmagan.

Keksa yoshdagi bemorlarda dozani to‘g‘rilash talab qilinmaydi.