MAGNIYA SULFAT poroshok 10g N1

Ichga qabul qilingandan so'ng qabul qilingan dozaning 20% dan ko'p bo'lmagan qismi so'riladi.

Tirishishga qarshi ta'sir rivojlanadigan C_ss - 2-3,5 mmol/l ni tashkil qiladi.

GET va platsenta to'sig'i orqali o'tadi, ko'krak suti bilan plazmadagi kontsentratsiyadan 2 baravar yuqori kontsentratsiyada ajralib chiqadi. Buyraklar orqali chiqariladi, buyrak ekskretsiyasi tezligi plazmadagi kontsentratsiya va kalavalar filtratsiyasi darajasiga proportsionaldir.

Ichga qabul qilinganda o‘t haydovchi (o‘n ikki barmoqli ichak shilliq qavati retseptorlariga reflektor ta’sir) va surguvchi ta’sir ko‘rsatadi (preparatning ichakda yomon so‘rilishi tufayli unda yuqori osmotik bosim hosil bo‘ladi, ichakda suv to‘planishi sodir bo‘ladi, ichak tarkibi suyuladi, peristaltika kuchayadi). Og‘ir metallar tuzlari bilan zaharlanishlarda antidot hisoblanadi. Samara boshlanishi - 0,5-3 soatdan keyin, davomiyligi - 4-6 soat.

Parenteral yuborilganda gipotenziv, tinchlantiruvchi va tirishishga qarshi ta’sir, shuningdek diuretik, arteriodilatatsiya qiluvchi, antiaritmik, vazodilatatsiya qiluvchi (arteriyalarga) ta’sir, yuqori dozalarda - kuraresimon (nerv-mushak o‘tkazuvchanligiga susaytiruvchi ta’sir), tokolitik, uxlatuvchi va narkotik ta’sir ko‘rsatadi, nafas olish markazini bostiradi. Magniy sekin kalsiy kanallarining fiziologik blokatori hisoblanadi va uni bog‘lanish joylaridan chiqarib yuborishga qodir. Almashinuv jarayonlarini, neyronlararo o‘tkazuvchanlikni va mushak qo‘zg‘aluvchanligini tartibga soladi, presinaptik membrana orqali kalsiy kirishiga to‘sqinlik qiladi, periferik nerv tizimi va MNS da atsetilxolin miqdorini pasaytiradi. Silliq mushaklarni bo‘shashtiradi, AQB ni (asosan yuqori bo‘lgan) pasaytiradi, diurezni kuchaytiradi.

Tirishishga qarshi ta’sir mexanizmi nerv-mushak sinapslaridan atsetilxolin ajralib chiqishining kamayishi bilan bog‘liq, bunda magniy nerv-mushak o‘tkazuvchanligini bostiradi, MNS ga bevosita susaytiruvchi ta’sir ko‘rsatadi.

Magniyning antiaritmik ta’siri kardiomiotsitlar qo‘zg‘aluvchanligining pasayishi, ion muvozanatining tiklanishi, hujayra membranalarining barqarorlashuvi, natriy oqimi, sekin kiruvchi kalsiy oqimi va bir tomonlama kaliy oqimining buzilishi bilan bog‘liq. Kardioprotektor samara koronar arteriyalar kengayishi, UTQQ va trombotsitlar agregatsiyasi pasayishi bilan bog‘liq.

Tokolitik ta’sir magniy ionlari ta’siri ostida miometriy qisqaruvchanlik qobiliyatining susayishi (silliq mushak hujayralarida kalsiy yutilishi, bog‘lanishi va taqsimlanishining pasayishi), tomirlar kengayishi natijasida bachadonda qon oqimining kuchayishi natijasida rivojlanadi. Magniy og‘ir metallar tuzlari bilan zaharlanishlarda antidot hisoblanadi.

Tizimli samaralar vena ichiga yuborilgandan so‘ng deyarli darhol va mushak ichiga yuborilgandan so‘ng 1 soatdan keyin rivojlanadi. Ta’sir davomiyligi vena ichiga yuborilganda - 30 daqiqa, mushak ichiga - 3-4 soat.

Gipermagniyemiyaning erta belgilari va simptomlari: bradikardiya, diplopiya, yuzga to'satdan qon quyilishi, bosh og'rig'i, AB pasayishi, ko'ngil aynishi, nafas qisishi, nutqning noaniqligi, qusish, holsizlik.

Gipermagniyemiya belgilari (qon zardobida magniy kontsentratsiyasi oshishi tartibida): chuqur pay reflekslarining pasayishi (2-3.5 mmol/l), EKG da PQ intervalining uzayishi va QRS kompleksining kengayishi (2.5-5 mmol/l), chuqur pay reflekslarining yo'qolishi (4-5 mmol/l), nafas olish markazining susayishi (5-6.5 mmol/l), yurak o'tkazuvchanligining buzilishi (7.5 mmol/l), yurak to'xtashi (12.5 mmol/l); bundan tashqari - gipergidroz, xavotir, yaqqol sedativ effekt, poliuriya, bachadon atoniyasi.

Ichga qabul qilinganda: ko'ngil aynishi, qusish, diareya, MITY yallig'lanish kasalliklarining zo'rayishi, elektrolitlar balansining buzilishi (charchoqning kuchayishi, asteniya, ongning chalkashishi, aritmiya, talvasalar), meteorizm, spastik xarakterdagi abdominal og'riq, chanqoq, buyrak yetishmovchiligi mavjud bo'lganda gipermagniyemiya belgilari (bosh aylanishi).

Yurak blokadasi, miokard shikastlanishi, surunkali buyrak yetishmovchiligi, nafas olish a'zolari kasalliklari, me'da-ichak yo'llarining o'tkir yallig'lanish kasalliklari, homiladorlikda ehtiyotkorlik bilan ichga qabul qilish yoki parenteral yuborish kerak.

Magniy sulfatni epileptik statusni bartaraf etish uchun qo'llash mumkin (majmuaviy davolash tarkibida).

Dozasi oshirib yuborilganda MNS susayishini chaqiradi. Magniy sulfatning dozasi oshirib yuborilganda antidot sifatida kaltsiy preparatlari - kaltsiy xlorid yoki kaltsiy glyukonat ishlatiladi.

Og'ir surunkali buyrak yetishmovchiligi, magniy sulfatiga yuqori sezuvchanlik.

Ichish uchun: appenditsit, rektal qon ketish (shu jumladan tashxis qo'yilmagan), ichak tutilishi, degidratatsiya.

Parenteral yuborish uchun: arterial gipotenziya, nafas markazining susayishi, yaqqol bradikardiya, AV-blokada, tug'ruq oldi davri (tug'ruqdan 2 soat oldin).

Magniy sulfat parenteral qo‘llanilganda va periferik ta’sir etuvchi miorelaksantlar bir vaqtda qo‘llanilganda periferik ta’sir etuvchi miorelaksantlar ta’siri kuchayadi.

Tetratsiklinlar guruhiga kiruvchi antibiotiklar bir vaqtda ichga qabul qilinganda tetratsiklinlar ta’siri ularning OIT dan so‘rilishi kamayishi tufayli kamayishi mumkin.

Magniy sulfat bilan terapiya fonida qon plazmasida magniy konsentratsiyasi yuqori bo‘lgan emizikli bolada gentamitsin qo‘llanilganda nafas to‘xtashi holati tasvirlangan.

Nifedipin bilan bir vaqtda qo‘llanilganda yaqqol mushak kuchsizligi bo‘lishi mumkin.

Peroral antikoagulyantlar (shu jumladan kumarin hosilalari yoki indandion derivatlari), yurak glikozidlari, fenotiazinlar (ayniqsa xlorpromazin) samaradorligini kamaytiradi. Tsiprofloksatsin, etidron kislotasi so‘rilishini pasaytiradi, streptomitsin va tobramitsin ta’sirini susaytiradi.

Magniy sulfat dozasi oshirib yuborilganda antidot sifatida kalsiy preparatlari - kalsiy xlorid yoki kalsiy glyukonat qo‘llaniladi.

Ca ^{preparatlari, etanol (yuqori konsentratsiyalarda), ishqoriy metallar karbonatlari, gidrokarbonatlari va fosfatlari, mishyak kislotasi tuzlari, bariy, stronsiy, klindamitsin fosfat, gidrokortizon natriy suksinat, polimiksin B sulfat, prokain gidroxlorid, salitsilatlar va tartratlar bilan farmatsevtik jihatdan mos kelmaydi (cho‘kma hosil bo‘ladi).}

Muayyan preparatni qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Qo'llanilayotgan preparatning dori shakli foydalanish ko'rsatmalariga va dozalash rejimiga qat'iy mos kelishiga rioya qilish kerak.