MAGNIYA SULFAT inyeksiya uchun eritma 5ml 25% N10

Retsept bo'yicha.

aol modda: magniy sul'fat – 250,0 mg; yordamchi moddalar: in'ektsiya uchun suv – 1 ml gacha.

faol modda: magniy sul'fat – 250,0 mg;

yordamchi moddalar: in'ektsiya uchun suv – 1 ml gacha.

Сhiqarilish shakli 

25% li in'ektsiya uchun eritma 5 ml va 10 ml dan shisha ampulalarda yoki tibbiy polipropilen yoki polietilen ampulalarda. 

Parenteral yuborilganida preparat tirishishga qarshi, antiaritmik, qon-tomirlarni kengaytiruvchi (arteriyalarga), markaziy nerv tizimiga tinchlantiruvchi (dozaga bog'liq holda - sedativ, uxlatuvchi yoki narkotik), yuqori dozalarda susaytiruvchi (nerv-mushak o'tkazuvchanligiga) gipotenziv (arterial bosimni pasaytiradi), diuretik (diurezni kuchaytiradi) ta'sir ko'rsatadi va nafas markazini bostiradi.

Parenteral yuborilganidan keyin qon plazmasi oqsillari bilan bog'lanishi 25-30% ni tashkil qiladi. Barcha a'zolar va to'qimalarga o'tadi, gemotoentsefalik va yo'ldosh to'siqlar orqali o'tadi. Asosan buyraklar orqali, shuningdek ahlat, so'lak va sut bilan chiqariladi.

Antigipertenziv vosita

In'ektsiya uchun eritma

Terida nuqta-nuqta toshmalar ko'rinishidagi o'ta yuqori sezuvchanlik reaktsiyasi. Gipermagniemiya: ko'ngil aynishi, qusish, holsizlik, bradikardiya, diplopiya, yuzga birdan qonni oqib kelishi, bosh og'rig'i, AB ni pasayishi, teri qoplamalarini qizarishi, chanqoqlik, uyquchanlik, ongni chalkashishi, gipotenziya, gipotermiya, mushak tonusini susayishi, pay reflekslarining susayishi, EKG da RQ oralig'ini uzayishi va QRS kompleksini kengayishi (2,5-5 mmol'/l), nafas tez-tezligining sekinlashishi, yurak urishi tez-tezligini kamayishi va yurak aritmiyasi, yurakni to'xtashi, poliuriya, bachadon atoniyasi, gipergidroz, xavotirlik, yaqqol sedativ samara.

Nafas markazining falajiga osonlikcha olib keladigan zaharli kontsentratsiya hosil bo'lmasligi uchun, preparatni ehtietkorlik bilan qo'llash kerak. Uzoq muddat qo'llanganda qon bosimi, yurak funktsiyasi, pay reflekslari, buyrak funktsiyasi va nafas olish tezligini kuzatish tavsiya etiladi. Kerak bo'lganda, kal'tsiy va magniy tuzlarini bir vaqtning o'zida yuborish kerak, dorilarni turli tomirlarda qo'llanilishi yuborish kerak. Tanqislik holatlarini davolashda magniyning buyrak orqali chiqarish kuchini ortishi va gipermagniemiyaning yuzaga kelishidan qochish uchun ehtiyotkorlikka rioya qilish kerak. Buyraklarning funktsiyasi buzilgan patsientlar, xususan keksalarda preparatni kamroq dozalarda ehtiyotkorlik bilan qo'llash lozim. Magniy sul'fati qo'llanganida texnetsiyni yuborib o'tkaziladigan radiologik tadqiqotlarning natijalari o'zgarishi mumkin. Yurak blokadasida, miokardning shikastlanishida, nafas a'zolarining kasalliklarda, OIT o'tkir yallig'lanish kasalliklarida, homidorlikda ehtiyotirlik bilan qo'llanadi. Preparatni tug'ruqning so'nggi ikki soati davomida yuborish tavsiya etilmaydi (boshqa vositalar bilan tirishishni to'xtata olmaydigan hollar bundan mustasno). Tutqanoq holatini yo'q qilish uchun (kompleks davo tarkibida) qo'llash mumkin. Homiladorlik va laktatsiya davrida qo'llanilishi Homiladorlik davrida magniy sul'fat faqat kutilgan terapevtik ta'sir homila uchun potentsial xavfdan ortiq bo'lgan hollarda ehtiyotkorlik bilan ishlatiladi. Tug'ruqdagi og'riqsizlantirishda bachadon mushaklarining qisqaruvchanlik qobiliyatini pasaytirish imkoniyatini ko'rib chiqish kerak, bu tug'ruqni rag'batlantiradigan vositalarni qo'llashni talab qiladi. Emizish paytida foydalanish kerak bo'lganda, emizishni to'xtatish kerak.

•Arterial gipertenziya( shuningdek, miya shishi belgilari bilan gipertonik kriz); •Polimorf qorinchalar taxikardiyasi(«piruet» tipida); •Tirishish sindromi; •Eklamsiyadagi tirishish sindromi(tirishishni yo'qotish uchun), og'ir eklamsiyadagi(tirishini oldini olish uchun); •Bachadonni kuchli qisqarishini bartaraf etish uchun(bachadon tetanusi); •Gipomagniemiya( shuningdek, faqat parenteral oziqlanayotgan patsientlarda) va og'ir gipomagniemiya-tetaniya •Og'ir metall tuzlari bilan zaxarlanganda(simob, margumush, tetraetil qo'rg'oshin)- majmuaviy davolash tarkibida qo'llaniladi.

•Preparatga yuqori sezuvchanlik; •Atrioventikulyar blokada; •Bradikardiya; •Ifodalangan arterrial gipotenziya; •Kal'tsiy yetishmovchiligi va nafas markazini susayishi bilan bog'lik bo'lgan holatlar; •Tug'riqdan oldingi davr(tug'ishdan 2 soat oldin); Ehtiyotkorlik bilan: •Miasteniya; •Surunkali buyrak yetishmovchiligi( agar kreatinin klirrensi 20ml/min yuqori bo'lsa); •Nafas a'zolari kasalliklari; •Me'da-ichak yo'llari o'tkir yallig'lanish kasalliklari; •Keksa yosh; •Homiladorlik, emizish davri; •Bolalarda qo'llash mumkin emas.

Preparat birga yuborilganida sedativ vositalar, narkotiklar, anal'getiklar va miorelaksantlarning ta'sirini kuchaytiradi, kal'tsiy tuzlarining ta'sirini susaytiradi. Nifedipin bilan birga qo'llash og'ir gipotenziya va nerv –mushak o'tkazuvchanligini blokadasiga olib kelishi mumkin. Qon plazmasida magniyning kontsentratsiyasi yuqori bo'lgan emizikli bolada magniy sul'fati bilan davolash fonida gentamitsin qo'llanganda nafasni to'xtab qolishi ta'riflangan. Peroral antikoagulyantlarning (shu jumladan kumarin hosilalarn yoki indandion derivatalari), yurak glikozidlari, fenotiazinlarning (ayniqsa xlorpromazinni) samarasini kamaytiradi. Tsiprofloksatsin, etidron kislotasining so'rilishini pasaytiradi, streptomitsin va tebromitsinning ta'sirini susaytiradi. Magniy sul'fatning dozasi oshirib yuborilganida antidot sifatida kal'tsiy preparatlari – kal'tsiy xloridi yoki kal'tsiy glyukonati qo'llanadi. Farmatsevtik nomutanosiblik(cho'kma hosil bo'ladi): kal'tsiy preparatlari, etanol (yuqori kontsentratsiyalarda) karbonatlar, ishqoriy metallarning gidrokarbonatlari va fosfatlari, margumush kislotasi tuzlari, bariy, strontsiy tuzlari, klindamitsin fosfati, gidrokortizon, natriy suktsinati, polimiksin V sul'fati, prokain gidroxloridi, salitsilat va tartratlar bilan (cho'kma hosil bo'ladi).

Rangsiz, tiniq suyuqlik.

Vena ichiga(oqim bilan sekin yoki tomchilab). Patsient yotgan holatda bo'lishi kerak. Magniy sul'fati eritmasini 0.9% natriy xlorid eritmasi yoki 5% dekstroza (glyukoza) eritmasi bilan eritish mumkin. Mushak ichi terapiya faqat preparatni vena ichiga yuborish mumkin bo'lmaganda, masalan, periferik tomirlarga yuborish imkoni bo'lmaganda ishlatilishi kerak Preeklampsiya va eklampsiya: doza klinik holatga qarab shaxsiy belgilanadi. Tuyinish dozasi: 2-4 g (8-16 ml) 5-20 minut davomida (v/i infuziya). Ushlab turuvchi doza: soatiga. 1-2 g (4-8 ml). Bachadon tetaniyasi: Tuyinish dozasi 20 minut ichida(infuziya) 4 g (16 ml). Tutib Ushlab turuvchi doza dastlab soatiga 1-2 g (4-8 ml), so'ngra soatiga 1 g (4 ml) (24-72 soat davomida v/i tomchilab yuborish ham mumkin). Gipomagniemiya: Gipomagniemiya kattalarda, yengil. Magniy sul'fat eritmasi, og'iz orqali magniy preparatlarini yuborish mumkin bo'lmasa yoki maqsadga muvofiq bo'lmasa (ko'ngil aynishi, qusish, me'dada so'rilishning buzilishi va boshqalar tufayli), parenteral ravishda ishlatiladi. Sutkalik doza - 1-2 g (250 mg/ml vena ichiga va mushak orasiga yuborish uchun 4-8 ml eritma). Bu doza bir marta yoki 2-3 qabulda yuboriladi. Yuborish joylarini almashtirib turish kerak. Kattalardagi og'ir gipomagniemiya - Boshlang'ich doza – 5 g (250 mg/ml vena ichiga va mushak orasiga yuborish uchun 20 ml eritma) vena ichiga sekin 1 l infuzion eritmada(0.9% natriy xloridi eritmasi yoki 5% dekstroza (glyukoza) eritmasi). Doza qon zardobidagi magniy ionlarining tarkibiga qarab belgilanadi. Faqat parenteral oziqlanuvchi patsientlarda gipomagniemiyaning oldini olish: agarda ozuqa eritmalarida magniy bo'lmasa, uni qo'shimcha qo'shiladi. Sutkalik doza 1.5-4 g (6-16 ml)0, odatda 1 l parenteral oziqlanish eritmasi uchun 1 g magniy sul'fati qo'shiladi. Gipertonik krizda magniy sul'fatini vena ichiga 1,25-5 g (5-20 ml) (sekin!) yuboriladi. Aritmiyani bartaraf etish uchun vena ichiga 1-2 g (4-8 ml) taxminan 5 minut davomida yuboriladi, takror yuborish mumkin. Tirishish holatida 5-10-20 ml 25 % eritmasi mushak orasiga yuboriladi(tirishish sindrominining ifodalanishiga ko'ra). Magniy sul'fatini antidot sifatida qo'llaniladi: simob, margumush va tetraetilqo'rg'oshin bilan zaharlanishda – 5 ml dan 25% eritmani vena ichiga oqim bilan. Bolalar Yangi tug'ilgan davrdagi bolalarda mushak ichiga va tomir ichiga tomiziladi. Magniy preparatlarini gipermagniemiya va nafas, yurak to'xtashi, arterial gipotenziya rivojlanishi ehtimoli tufayli yangi tug'ilgan chaqaloqlarga vena ichiga yuborish tavsiya etilmaydi. Bolalarga tutqanoqni bartaraf etish uchun preparat mushak ichiga 20-40 mg/kg (0.08-0.16 ml/kg 25% li eritma) miqdorida buyuriladi. Yangi tug'ilgan chaqaloq organizmidan magniy tanqisligini bartaraf etish uchun sutkalik doza - 0,5-0,8 ml/kg tana vazniga, tomir ichiga asta-sekin, kuniga bir marta 5-8 kun davomida. Tug'ruqda og'ir gipoksiya bo'lgan bolalarga 0,2 ml/kg tana vazniga, dozani 0,8 ml/kg gacha oshirib, 3-4 kun davomida yuborila boshlanadi. Faqat parenteral oziqlanishni olgan chaqaloqlarda va bolalarda gipomagniemiyaning oldini olishda ushlab turuvchi dozalari oralig'i kuniga 0.25 g dan 1.25 g gacha (1-5 ml eritma) tagkil qiladi, bu dozani yuboriladigan eritmaning butun hajmida bir xil eritiladi(0.9% natriy xlorid eritmasi yoki 5% dekstroza(glyukoza) eritmasi. Magniy sul'fatni qayta in'ektsiya qilishdan oldin tizza refleksini tekshirish lozim. Agarda refleks yo'qolgan bo'lsa, preparatni yuborish mumkin emas! Magniy sul'fatining yuqori sutkalik dozasi kattalar uchun – 40 g(buyraklarning normal funktsiyasida 160 ml). Buyraklarning funktsiyasi buzilishlarida kattalar uchun magniy sul'fatining maksimal sutkalik dozasi 48 soat davomida 20 g(80 ml) dan ko'p emas.

Dozani oshirib yuborilganda gipermagniemiya yuzaga keladi, uning belgilari “Nojo'ya ta'sirlari” bo'limida ta'riflangan. Nafasni susayishi 5-10 ml 10% li kal'tsiy xloridining eritmasini v/i yuborish, kislorod yoki karbogen bilan nafas olish, sun'iy nafas olish orqali bartaraf qilinadi. Agar buyraklarning funktsiyasi me'yorida bo'lsa, fiziologik eritma v/i tomchilab yuboriladi va diurez mannitol bilan kuchaytiriladi. Buyrak funktsiyasining yetishmovchiligi yoki og'ir gipermagniemiyada gemodializ o'tkazish zarur.

Homiladorlik davrida magniy sulfat faqat kutilgan terapevtik ta'sir homila uchun potentsial xavfdan yuqori bo'lgan hollarda ehtiyotkorlik bilan qo'llaniladi.

Mehnatni behushlik qilishda bachadon mushaklarining kontraktilligini inhibe qilish imkoniyatini hisobga olish kerak, bu esa tug'ilish stimulyatorlarini qo'llashni talab qiladi.

Agar emizish davrida foydalanish zarur bo'lsa, emizishni to'xtatish kerak.

36