METOKLOPRAMID VIAL 0,005/ML eritma 2ml N10

Plazma oqsillari bilan bog'lanishi - taxminan 30%. Jigarda metabolizmga uchraydi. Yarim chiqarilish davri (Т1/2) - 3-5 soat, buyrak funksiyasi buzilganda - 14 soatgacha. Preparatning chiqarilishi asosan buyraklar orqali 24 soat ichida o'zgarmagan holda va kon'yugatlar ko'rinishida sodir bo'ladi. Yo'ldosh to'sig'i va gematoensefalik to'siq orqali o'tadi, ko'krak sutiga kiradi.

Asab tizimi tomonidan: ekstrapiramidal buzilishlar - yuz mushaklari spazmi, trizm, tilning ritmik chiqib turishi, nutqning bulbar turi, ekstraokulyar mushaklar spazmi (sh. j. okulogir kriz), spastik qiyshiq bo‘yin, opistotonus, mushak gipertonusi; parkinsonizm (giperkinez, mushak rigidligi - dofaminni bloklovchi ta’sir ko‘rinishi, bolalar va o‘smirlarda 0,5 mg/kg/sut dozadan oshirilganda rivojlanish xavfi ortadi); diskinezlar (keksalarda, surunkali buyrak yetishmovchiligida); uyquchanlik, toliqish, xavotirlik, dovdirash, bosh og‘rig‘i, quloqlarda shovqin, asteniya, akataziya, distoniya, ongning buzilishi, tirishishlar, kechki diskineziya, neyroleptik xavfli sindrom, depressiya, gallyutsinatsiyalar, ongning chalkashishi.

Ovqat hazm qilish tizimi tomonidan: qabziyat yoki diareya, og‘iz qurishi, ko‘ngil aynishi.

Qon yaratish a’zolari tomonidan: metgemoglobinemiya, sulfgemoglobinemiya, leykopeniya, neytropeniya, davolash boshida agranulotsitoz bo‘lishi mumkin.

Yurak-qon tomir tizimi tomonidan: bradikardiya, yurak to‘xtashi, atrioventrikulyar blokada, sinus tuguni blokadasi, elektrokardiogrammada QT oralig‘ining uzayishi, «piruet» turidagi aritmiya, arterial bosimning pasayishi, kardiogen shok, feoxromotsitomali bemorlarda arterial bosimning o‘tkir oshishi.

Allergik reaksiyalar: anafilaktik reaksiyalar (shu jumladan anafilaktik shok), allergik reaksiyalar (eshakemi, makulopapulyoz toshma).

Endokrin tizim tomonidan: yuqori dozalarda uzoq muddat qabul qilinganda - ginekomastiya, galaktoreya, hayz siklining buzilishi, amenoreya, giperprolaktinemiya.

Siydik-tanosil tizimi tomonidan: poliuriya, siydik tuta olmaslik, seksual disfunksiya, priapizm.

Boshqalar: kam hollarda (yuqori dozalarda qo‘llanilganda) - burun shilliq qavati giperemiyasi.

Preparat bilan davolash davrida etanol iste'mol qilish tavsiya etilmaydi.

Vestibulyar genezli qusishda samarasiz.

Metoklopramid qo'llanilishi fonida jigar funktsiyasi laboratoriya ko'rsatkichlari ma'lumotlari va plazmada aldosteron va prolaktin kontsentratsiyasini aniqlash buzilishi mumkin.

Ko'pchilik nojo'ya ta'sirlar davolash boshlangandan keyin 36 soat ichida yuzaga keladi va bekor qilingandan keyin 24 soat ichida o'tib ketadi. Davolash imkon qadar qisqa muddatli bo'lishi kerak.

Preparatning transport vositalarini va mexanizmlarni boshqarish qobiliyatiga ta'siri:

Davolash davrida transport vositalarini boshqarishda va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishda ehtiyotkorlikka rioya qilish zarur.

Metoklopramidga va preparat komponentlariga yuqori sezuvchanlik; oshqozon-ichakdan qon ketish; mexanik ichak tutilishi, oshqozon yoki ichak devorining perforatsiyasi, oshqozon-ichak trakti peristaltikasini rag'batlantirish xavf tug'diradigan holatlar; og'ir arterial gipertenziya rivojlanish xavfi tufayli tasdiqlangan yoki taxmin qilinayotgan feoxromotsitoma; anamnezda neyroleptiklar yoki metoklopramid bilan davolashdan keyin rivojlangan kechki diskineziya; epilepsiya (xurujlar chastotasi va og'irligining oshishi); Parkinson kasalligi; levodopa va dofamin retseptorlari agonistlari bilan bir vaqtda qo'llash; metoklopramid qabul qilish yoki anamnezda nikotinamidadenindinukleotid (NADH) sitoxrom-b5 yetishmovchiligi oqibatidagi metgemoglobinemiya; prolaktinoma yoki prolaktinga bog'liq o'sma; 1 yoshgacha bo'lgan bolalar; ko'krak suti bilan emizish davri.Ehtiyotkorlik bilan:Keksa bemorlarda qo'llashda, yurak o'tkazuvchanligi buzilishi (shu jumladan QT oralig'ining uzayishi), suv-elektrolit muvozanati buzilishi, bradikardiya, QT oralig'ini uzaytiruvchi boshqa preparatlarni qabul qilishda, arterial gipertenziya, yondosh nevrologik kasalliklar, markaziy asab tizimiga ta'sir qiluvchi preparatlarni qabul qilishda, depressiya (anamnezda), o'rta va og'ir darajadagi buyrak yetishmovchiligi (kreatinin klirensi (KK) 15-60 ml/min), og'ir darajadagi jigar yetishmovchiligi, homiladorlik.Homiladorlik va laktatsiya:

Metoklopramidni homiladorlik vaqtida (I-II trimestrlar) faqat ona uchun potentsial foyda homila uchun potentsial xavfdan yuqori bo'lsagina qo'llash mumkin. Farmakologik xususiyatlari tufayli (boshqa neyroleptiklarga o'xshab), metoklopramid homiladorlik oxirida qo'llanilganda yangi tug'ilgan chaqaloqda ekstrapiramidal simptomlar rivojlanish ehtimolini istisno qilib bo'lmaydi. Metoklopramidni homiladorlik oxirida (III trimestr vaqtida) qo'llamaslik kerak.

Metoklopramid oz miqdorda ko'krak suti bilan ajralib chiqadi. Bolada nojo'ya reaktsiyalar rivojlanishi imkoniyatini istisno qilib bo'lmaydi. Metoklopramidni ko'krak suti bilan emizish davrida qo'llash mumkin emas. Laktatsiya davrida preparatni qo'llash zarurati tug'ilganda ko'krak suti bilan emizishni to'xtatish kerak.

Etanolning markaziy asab tizimiga ta'sirini, uxlatuvchi vositalarning sedativ samarasini kuchaytiradi, H2-gistaminoblokatorlar bilan terapiya samaradorligini oshiradi. Diazepam, tetratsiklin, ampitsillin, paratsetamol, atsetilsalitsil kislotasi, levodopa, etanolning so'rilishini oshiradi; digoksin va simetidin so'rilishini sekinlashtiradi.

Neyroleptiklar bilan bir vaqtda qo'llanilganda ekstrapiramidal simptomlar rivojlanish xavfi ortadi.

Metoklopramid ta'sirini antixolinesteraz vositalar susaytirishi mumkin. Mavjud o'zaro antagonizm tufayli metoklopramidni levodopa yoki dofamin retseptorlari agonistlari bilan bir vaqtda qo'llash qarshi ko'rsatilgan. Metoklopramidning prokinetik ta'siri munosabati bilan ba'zi preparatlarning so'rilishi buzilishi mumkin. M-xolinoblokatorlar va morfin hosilalari metoklopramid bilan oshqozon-ichak trakti peristaltikasiga ta'siri yuzasidan o'zaro antagonizmga ega. Markaziy asab tizimini susaytiruvchi dori preparatlari (morfin hosilalari, trankvilizatorlar, H1-gistamin retseptorlari blokatorlari, sedativ samaraga ega antidepressantlar, barbituratlar, klonidin va ushbu guruhlarning boshqa preparatlari) metoklopramid ta'siri ostida sedativ samarani kuchaytirishi mumkin. Metoklopramid va tetrabenazin birga qo'llanilganda dofamin tanqisligi yuzaga kelishi ehtimoli mavjud, bu mushak spazmi, nutq va yutishdagi qiyinchiliklar, bezovtalik, tremor, beixtiyor mushak harakatlari, shu jumladan yuz mushaklari harakatlari bilan kechishi mumkin. Metoklopramidni serotoninergik preparatlar bilan, masalan, serotoninni qayta qamrab olish selektiv ingibitorlari bilan qo'llash serotonin sindromi (serotoninli intoksikatsiya) rivojlanish xavfini oshiradi. Metoklopramid digoksin biokiraolishligini pasaytiradi, siklosporin biokiraolishligini oshiradi. Metoklopramid ekspozitsiyasi CYP2D6 izofermentining kuchli ingibitorlari, masalan, fluoksetin va paroksetin bilan bir vaqtda qo'llanilganda oshadi. Metoklopramid atovaxon bilan bir vaqtda qo'llanilganda qon plazmasida atovaxon kontsentratsiyasi sezilarli darajada (taxminan 50%) pasayadi. Metoklopramid qon plazmasida bromkriptin kontsentratsiyasini oshiradi, tetratsiklin, meksiletin va litiyning so'rilishini kuchaytiradi, simetidin so'rilishini kamaytiradi.