MIRENA SISTEMA VNUTRIMATOCHNAYA TERAPEVTICHYeSKAYA LEVONORGESTREL 20mkg

So'rilishi

Mirena® preparati kiritilgandan so'ng levonorgestrel darhol bachadon bo'shlig'iga ajralib chiqa boshlaydi, bu haqda uning qon plazmasidagi konsentratsiyasini o'lchash ma'lumotlari dalolat beradi. Mirena® preparatining endometriyga mahalliy ta'siri uchun zarur bo'lgan bachadon bo'shlig'idagi yuqori mahalliy ekspozitsiya endometriydan miometriy yo'nalishida yuqori konsentratsiya gradientini (endometriydagi levonorgestrel konsentratsiyasi miometriydagi konsentratsiyasidan 100 baravardan ko'proqqa oshadi) va qon plazmasida levonorgestrelning past konsentratsiyalarini (endometriydagi levonorgestrel konsentratsiyasi qon plazmasidagi konsentratsiyasidan 1000 baravardan ko'proqqa oshadi) ta'minlaydi. In vivo sharoitda levonorgestrelning bachadon bo'shlig'iga ajralib chiqish tezligi dastlab taxminan 20 mkg/sutkani tashkil qiladi va 5 yildan keyin 10 mkg/sutkagacha pasayadi.

Mirena® preparati kiritilgandan so'ng levonorgestrel qon plazmasida 1 soatdan keyin aniqlanadi. Cmax ga Mirena® preparati kiritilgandan 2 hafta o'tgach erishiladi. Pasayib boruvchi ajralib chiqish tezligiga muvofiq, tana vazni 55 kg dan yuqori bo'lgan reproduktiv yoshdagi ayollarda levonorgestrelning qon plazmasidagi mediana konsentratsiyasi 6 oydan keyin aniqlanadigan 206 pg/ml dan (25-75-persentillar: 151 pg/ml-264 pg/ml), 12 oydan keyin 194 pg/ml gacha (146 pg/ml-266 pg/ml) va 60 oydan keyin 131 pg/ml gacha (113 pg/ml-161 pg/ml) kamayadi.

Taqsimlanishi

Levonorgestrel zardob albumini bilan nospetsifik va jinsiy gormonlarni bog'lovchi globulin (JGBG) bilan spetsifik bog'lanadi. Aylanib yuruvchi levonorgestrelning taxminan 1-2% erkin steroid ko'rinishida bo'ladi, 42-62% esa JGBG bilan spetsifik bog'langan. Mirena® preparatini qo'llash vaqtida JGBG konsentratsiyasi pasayadi. Shunga mos ravishda, Mirena® preparatini qo'llash davrida JGBG bilan bog'langan fraksiya kamayadi, erkin fraksiya esa ortadi. Levonorgestrelning o'rtacha taxminiy Vd i taxminan 106 l ni tashkil qiladi.

Levonorgestrel farmakokinetikasi JGBG konsentratsiyasiga bog'liq bo'lib, unga o'z navbatida estrogenlar va androgenlar ta'sir qiladi. Mirena® preparati qo'llanilganda JGBG o'rtacha konsentratsiyasining taxminan 30% ga pasayishi kuzatilgan, bu qon plazmasidagi levonorgestrel konsentratsiyasining pasayishi bilan kechgan. Bu vaqt davomida levonorgestrel farmakokinetikasining nolinearligini ko'rsatadi. Mirena® preparatining asosan mahalliy ta'sirini hisobga olgan holda, levonorgestrel tizimli konsentratsiyalari o'zgarishining Mirena® preparati samaradorligiga ta'siri dargumon.

Tana vazni va qon plazmasidagi JGBG konsentratsiyasi levonorgestrelning tizimli konsentratsiyasiga ta'sir qilishi ko'rsatilgan. ya'ni past tana vazni va/yoki yuqori JGBG konsentratsiyasida levonorgestrel konsentratsiyasi yuqoriroq. Tana vazni past bo'lgan (37-55 kg) reproduktiv yoshdagi ayollarda levonorgestrelning qon plazmasidagi mediana konsentratsiyasi taxminan 1.5 baravar yuqori.

Postmenopauzadagi ayollarda Mirena® preparatini estrogenlarni intravaginal yoki transdermal qo'llash bilan bir vaqtda qo'llaganda qon plazmasidagi levonorgestrelning mediana konsentratsiyasi 12 oydan keyin aniqlanadigan 257 pg/ml dan (25-75-persentillar: 186 pg/ml-326 pg/ml), 60 oydan keyin 149 pg/ml gacha (122 pg/ml-180 pg/ml) kamayadi. Mirena® preparatini peroral estrogenoterapiya bilan bir vaqtda qo'llaganda 12 oydan keyin aniqlanadigan levonorgestrelning qon plazmasidagi konsentratsiyasi taxminan 478 pg/ml gacha (25-75-prosentillar: 341 pg/ml-655 pg/ml) ortadi, bu JGBG sintezi induksiyasi bilan bog'liq.

Metabolizmi

Levonorgestrel sezilarli darajada metabolizmga uchraydi. Qon plazmasidagi asosiy metabolitlar 3?, 5?-tetragidrolevonorgestrelning kon'yugatsiyalanmagan va kon'yugatsiyalangan shakllari hisoblanadi. In vitro va in vivo tadqiqotlari natijalariga asoslanib, levonorgestrel metabolizmida ishtirok etuvchi asosiy izoferment CYP3A4 hisoblanadi. Levonorgestrel metabolizmida CYP2E1, CYP2C19 va CYP2C9 izofermentlari ham ishtirok etishi mumkin, ammo kamroq darajada.

Chiqarilishi

Levonorgestrelning qon plazmasidan umumiy klirensi taxminan 1 ml/daq/kg ni tashkil qiladi. O'zgarmagan holda levonorgestrel faqat iz miqdorlarida chiqariladi. Metabolitlar ichak va buyraklar orqali taxminan 1.77 ga teng ekskretsiya koeffitsienti bilan chiqariladi. Asosan metabolitlar bilan ifodalangan terminal fazadagi T1/2 taxminan bir sutkani tashkil qiladi.

Aksariyat ayollarda Mirena® preparati o‘rnatilgandan so‘ng siklik qon ketishlarning xarakteri o‘zgaradi. Mirena® preparati qo‘llanilishining dastlabki 90 kuni davomida hayz ko‘rish davomiyligining uzayishi ayollarning 22 foizida, muntazam bo‘lmagan qon ketishlar esa ayollarning 67 foizida qayd etiladi, ushbu holatlar tezligi uni qo‘llashning birinchi yili oxiriga kelib mos ravishda 3% va 19% gacha kamayadi. Shu bilan birga, amenoreya 0% da, kamdan-kam qon ketishlar esa 11% bemorlarda qo‘llashning dastlabki 90 kuni davomida rivojlanadi. Qo‘llashning birinchi yili oxiriga kelib, ushbu holatlar tezligi mos ravishda 16% va 57% gacha ortadi.

Mirena® preparati estrogenlar bilan uzoq muddatli o‘rin bosuvchi davolash kombinatsiyasida qo‘llanilganda, aksariyat ayollarda qo‘llashning birinchi yili davomida siklik qon ketishlar asta-sekin to‘xtaydi.

Quyida Mirena® preparati qo‘llanilganda xabar qilingan noxush dori reaksiyalarining uchrash tezligi bo‘yicha ma’lumotlar keltirilgan. Noxush reaksiyalar tezligini aniqlash: juda tez-tez (?1/10), tez-tez (?1/100 dan
Mirena® preparatining "Estrogenlar bilan o‘rin bosuvchi davolash o‘tkazilayotganda endometriy giperplaziyasi profilaktikasi" ko‘rsatmasi bo‘yicha klinik tadqiqotlari davomida (514 nafar ayol ishtirokida) xabar qilingan noxush reaksiyalar (*, **) izohlari bilan belgilangan holatlardan tashqari, xuddi shunday tezlikda kuzatilgan.

Immun tizimi tomonidan: tezligi noma’lum - preparatga yoki preparat tarkibiy qismlariga yuqori sezuvchanlik, shu jumladan toshma, eshakemi va angionevrotik shish.

Ruhiyat tomonidan: tez-tez - tushkun kayfiyat, depressiya.

Asab tizimi tomonidan: juda tez-tez - bosh og‘rig‘i; tez-tez - migren.

Ovqat hazm qilish tizimi tomonidan: juda tez-tez - qorinda og‘riqlar/kichik tos sohasida og‘riqlar; tez-tez - ko‘ngil aynishi.

Teri va teri osti to‘qimalari tomonidan: tez-tez - akne, hirsutizm; tez-tez emas - alopesiya, qichishish, ekzema.

Suyak-mushak tizimi tomonidan: tez-tez - belda og‘riq**.

Reproduktiv tizim va sut bezlari tomonidan: juda tez-tez - qon yo‘qotish hajmining o‘zgarishi, shu jumladan qon ketishlar jadalligining oshishi va kamayishi, surkaluvchi qonli ajralmalar, oligomenoreya, amenoreya, vulvovaginit*, jinsiy yo‘llardan ajralmalar*; tez-tez - kichik tos a’zolari infeksiyalari, tuxumdonlar kistasi, dismenoreya, sut bezlarida og‘riq**, sut bezlarining taranglashishi, BIV ekspulsiyasi (to‘liq yoki qisman); kam hollarda - bachadon perforatsiyasi (shu jumladan penetratsiya).

Yurak-qon tomir tizimi tomonidan: tezligi noma’lum - AB oshishi.

* "Tez-tez" - "Estrogenlar bilan o‘rin bosuvchi davolash o‘tkazilayotganda endometriy giperplaziyasi profilaktikasi" ko‘rsatmasi bo‘yicha.

** "Juda tez-tez" - "Estrogenlar bilan o‘rin bosuvchi davolash o‘tkazilayotganda endometriy giperplaziyasi profilaktikasi" ko‘rsatmasi bo‘yicha.

Muayyan reaksiyalarni, ularning sinonimlarini va ular bilan bog‘liq holatlarni ta’riflash uchun ko‘p hollarda MedDRA terminologiyasi qo‘llanilgan.

Qo‘shimcha ma’lumot

Agar Mirena® preparati o‘rnatilgan ayolda homiladorlik yuzaga kelsa, ektopik homiladorlikning nisbiy xavfi oshadi.

Jinsiy aloqa vaqtida sherik iplarni his qilishi mumkin.

Mirena® preparati "Estrogenlar bilan o‘rin bosuvchi davolash o‘tkazilayotganda endometriy giperplaziyasi profilaktikasi" ko‘rsatmasi bo‘yicha qo‘llanilganda sut bezi saratoni paydo bo‘lishi xavfi noma’lum. Sut bezi saratoni holatlari haqida xabar berilgan (tezligi noma’lum).

Emizikli ayollar Mirena® preparatining klinik tadqiqotlariga kiritilmagan. Shu bilan birga, Mirena® preparati xavfsizligi bo‘yicha yirik postregistratsion tadqiqotlarda ko‘krak suti bilan emizishda bachadon perforatsiyasi xavfining oshishi aniqlangan.

Mirena® preparatini o‘rnatish yoki olib tashlash muolajasi munosabati bilan quyidagi noxush reaksiyalar haqida xabar berilgan: muolaja vaqtida og‘riq, muolaja vaqtida qon ketishi, o‘rnatish bilan bog‘liq vazovagal reaksiya, bosh aylanishi yoki hushdan ketish bilan kechuvchi. Muolaja epilepsiya bilan og‘rigan bemorlarda epileptik tutqanoqni qo‘zg‘atishi mumkin.

Infeksiyalanish

BIV o‘rnatilgandan so‘ng sepsis holatlari haqida xabar berilgan (shu jumladan A guruhi streptokokkali sepsis).

Mirena® preparatini o'rnatishdan oldin endometriyadagi patologik jarayonlarni istisno qilish kerak, chunki uni qo'llashning birinchi oylarida ko'pincha nomuntazam qon ketishlar/surtiluvchan qonli ajralmalar qayd etiladi. Shuningdek kontratseptsiya uchun oldin o'rnatilgan Mirena® preparatini qo'llashni davom ettirayotgan ayolda estrogenlar bilan o'rinbosar terapiya boshlangandan keyin qon ketishlar yuzaga kelganda endometriyadagi patologik jarayonlarni istisno qilish kerak. Uzoq muddatli davolash vaqtida nomuntazam qon ketishlar rivojlanganda ham tegishli diagnostik choralarni ko'rish zarur.

Mirena® preparati postkoital kontratseptsiya uchun qo'llanilmaydi.

Mirena® preparatini tug'ma yoki orttirilgan yurak klapan nuqsonlari bo'lgan ayollarda septik endokardit xavfini nazarda tutib, ehtiyotkorlik bilan qo'llash kerak. BIV o'rnatish yoki olib tashlashda ushbu bemorlarga profilaktika maqsadida antibiotiklar tayinlash kerak.

Levonorgestrel past dozalarda glyukozaga tolerantlikka ta'sir qilishi mumkin, shu munosabat bilan qandli diabeti bo'lgan, Mirena® preparatini qo'llayotgan ayollarda uning qon plazmasidagi kontsentratsiyasini muntazam nazorat qilish kerak. Odatda, gipoglikemik preparatlar dozasini to'g'irlash talab etilmaydi.

Polipoz yoki endometriy saratonining ba'zi ko'rinishlari nomuntazam qon ketishlar bilan niqoblanishi mumkin. Bunday hollarda tashxisni aniqlashtirish uchun qo'shimcha tekshiruv zarur.

Mirena® preparati na yosh, hech qachon homilador bo'lmagan ayollar uchun, na bachadonning yaqqol atrofiyasi bo'lgan postmenopauzal davrdagi ayollar uchun birinchi tanlov preparati hisoblanmaydi.

Mavjud ma'lumotlar shuni ko'rsatadiki, Mirena® preparatini qo'llash 50 yoshgacha bo'lgan postmenopauzal davrdagi ayollarda sut bezi saratoni rivojlanish xavfini oshirmaydi. Mirena® preparatini "Estrogenlar bilan o'rinbosar terapiya o'tkazishda endometriy giperplaziyasi profilaktikasi" ko'rsatmasi bo'yicha tadqiq qilish davomida olingan cheklangan ma'lumotlar tufayli, Mirena® preparati ushbu ko'rsatma bo'yicha qo'llanilganda sut bezi saratoni yuzaga kelishi xavfi tasdiqlanishi yoki inkor etilishi mumkin emas.

Oligo- va amenoreya

Fertil yoshdagi ayollarda oligo- va amenoreya asta-sekin rivojlanadi, Mirena® preparatini qo'llashning birinchi yili oxiriga kelib mos ravishda taxminan 57% va 16% hollarda. Agar oxirgi hayz ko'rish boshlangandan keyin 6 hafta davomida hayz ko'rish bo'lmasa, homiladorlikni istisno qilish kerak. Amenoreyada homiladorlikka takroriy testlar majburiy emas, agar homiladorlikning boshqa belgilari bo'lmasa.

Mirena® preparati doimiy o'rinbosar estrogen terapiyasi bilan kombinatsiyada qo'llanilganda, ko'pchilik ayollarda birinchi yil davomida asta-sekin amenoreya rivojlanadi.

Kichik chanoq a'zolarining yallig'lanish kasalliklari

O'tkazgich trubkasi o'rnatish vaqtida Mirena® preparatini infektsiyalanishdan himoya qilishga yordam beradi, Mirena® preparatini kiritish uchun moslama esa infektsiya xavfini minimal darajaga tushirish uchun maxsus konstruksiya qilingan. BIV dan foydalanuvchi bemorlarda kichik chanoq a'zolarining yallig'lanish kasalliklari ko'pincha jinsiy yo'l bilan yuqadigan kasalliklarga taalluqli bo'ladi. Ko'plab jinsiy sheriklar mavjudligi kichik chanoq a'zolari infektsiyalari xavf omili ekanligi aniqlangan. Kichik chanoq a'zolarining yallig'lanish kasalliklari jiddiy oqibatlarga ega bo'lishi mumkin: ular tug'ish qobiliyatini buzishi va ektopik homiladorlik xavfini oshirishi mumkin.

Boshqa ginekologik yoki jarrohlik protseduralarida bo'lgani kabi, BIV o'rnatilgandan so'ng og'ir infektsiya yoki sepsis (shu jumladan A guruhi streptokokkli sepsisi) rivojlanishi mumkin, garchi bu juda kamdan-kam yuz bersa-da.

Qaytalovchi endometrit yoki kichik chanoq a'zolarining yallig'lanish kasalliklarida, shuningdek bir necha kun davomida davolashga rezistent bo'lgan og'ir yoki o'tkir infektsiyalarda Mirena® preparati olib tashlanishi kerak. Agar ayolda qorinning pastki qismida doimiy og'riq, qaltirash, isitma, jinsiy aloqa bilan bog'liq og'riq (dispareuniya), qindan uzoq muddatli yoki ko'p qonli ajralmalar/qon ketish, qindan ajralmalar xarakterining o'zgarishi paydo bo'lsa, darhol shifokor bilan maslahatlashish kerak. BIV o'rnatilgandan so'ng tez orada paydo bo'ladigan kuchli og'riq yoki harorat ko'tarilishi zudlik bilan davolash zarur bo'lgan og'ir infektsiya mavjudligidan dalolat berishi mumkin. Hatto faqat ayrim simptomlar infektsiya ehtimolini ko'rsatadigan hollarda ham, bakteriologik tekshiruv va monitoring ko'rsatilgan.

Ekspulsiya

Har qanday BIV qisman yoki to'liq ekspulsiyasining mumkin bo'lgan belgilari — qon ketish va og'riq. Hayz ko'rish vaqtida bachadon mushaklarining qisqarishi ba'zan BIV siljishiga yoki hatto uni bachadondan itarib chiqarilishiga olib keladi, bu kontratseptiv ta'sir to'xtashiga olib keladi. Qisman ekspulsiya Mirena® preparati samaradorligini kamaytirishi mumkin. Mirena® preparati hayz ko'rishdagi qon yo'qotishni kamaytirishi sababli, uning ko'payishi BIV ekspulsiyasini ko'rsatishi mumkin. Ayolga iplarni barmoqlar bilan, masalan dush qabul qilish vaqtida tekshirish tavsiya etiladi. Agar ayol BIV siljishi yoki tushib qolishi belgilarini aniqlasa yoki iplarni paypaslay olmasa, jinsiy aloqalardan saqlanishi yoki boshqa kontratseptsiya usullarini qo'llashi, shuningdek imkon qadar tezroq shifokorga murojaat qilishi kerak.

Bachadon bo'shlig'ida noto'g'ri joylashganda BIV olib tashlanishi kerak. Shu vaqtning o'zida yangi tizim o'rnatilishi mumkin.

Ayolga Mirena® preparati iplarini qanday tekshirishni tushuntirish zarur.

Perforatsiya va penetratsiya

BIV bilan bachadon tanasi yoki bo'yni perforatsiyasi yoki penetratsiyasi kamdan-kam hollarda, asosan o'rnatish vaqtida yuz beradi va Mirena® preparati samaradorligini pasaytirishi mumkin. Bunday hollarda tizimni olib tashlash kerak. Perforatsiya va BIV migratsiyasi tashxisi kechiktirilganda bitishmalar, peritonit, ichak tutilishi, ichak perforatsiyasi, yondosh ichki a'zolar abstsesslari yoki eroziyalari kabi asoratlar kuzatilishi mumkin. Bachadon perforatsiyasi xavfi emizish vaqtida ayollarda yuqori. BIV tug'ruqdan keyin o'rnatilganda va bachadoni fiksatsiyalangan bukilgan ayollarda perforatsiya xavfi oshishi mumkin.

Ektopik homiladorlik

Anamnezida ektopik homiladorligi bo'lgan, bachadon naylarida operatsiyalar o'tkazgan yoki kichik chanoq a'zolari infektsiyasini boshdan kechirgan ayollar ektopik homiladorlik yuqori xavfiga moyil bo'ladilar. Ektopik homiladorlik ehtimolini qorin pastida og'riq bo'lganda, ayniqsa agar u hayz ko'rish to'xtashi bilan birga kelsa yoki amenoreyasi bo'lgan ayolda qon ketish boshlanganda hisobga olish kerak. Mirena® preparati qo'llanilganda ektopik homiladorlik chastotasi yiliga taxminan 0,1% ni tashkil qiladi. Mirena® preparatini qo'llayotgan ayollarda ektopik homiladorlik mutlaq xavfi past hisoblanadi. Biroq agar Mirena® preparati o'rnatilgan ayolda homiladorlik yuzaga kelsa, ektopik homiladorlikning nisbiy ehtimoli yuqori bo'ladi.

Iplarning yo'qolishi

Agar ginekologik tekshiruvda BIV ni olib tashlash uchun iplarni bachadon bo'yni sohasida aniqlash imkoni bo'lmasa, homiladorlikni istisno qilish kerak. Iplar bachadon bo'shlig'iga yoki bachadon bo'yni kanaliga tortib ketilishi va navbatdagi hayz ko'rishdan keyin yana ko'rinadigan bo'lishi mumkin. Agar homiladorlik istisno qilingan bo'lsa, iplar joylashuvini odatda tegishli asbob bilan ehtiyotkorlik bilan zondlash yordamida aniqlash mumkin. Agar iplarni aniqlash imkoni bo'lmasa, BIV bachadon bo'shlig'idan ekspulsiya qilingan bo'lishi mumkin. Tizimning to'g'ri joylashganligini aniqlash uchun UTT o'tkazish mumkin. U mavjud bo'lmaganda yoki muvaffaqiyatsiz bo'lganda Mirena® preparati lokalizatsiyasini aniqlash uchun rentgenologik tekshiruv o'tkaziladi.

Tuxumdon kistalari

Mirena® preparatining kontratseptiv samarasi, asosan, uning mahalliy ta'siri bilan bog'liqligi sababli, fertil yoshdagi ayollarda odatda follikulalar yorilishi bilan ovulyator tsikllar kuzatiladi. Ba'zan follikulalar atreziyasi kechikadi va ularning rivojlanishi davom etishi mumkin. Bunday kattalashgan follikulalarni klinik jihatdan tuxumdon kistalaridan farqlash imkonsiz. Tuxumdon kistalari haqida nojo'ya reaktsiya sifatida Mirena® preparatini qo'llagan ayollarning taxminan 7% da xabar berilgan. Ko'pchilik hollarda ushbu follikulalar hech qanday simptomlarni chaqirmaydi, garchi ba'zan ular qorin pastida og'riq yoki jinsiy aloqada og'riq bilan kechsa ham. Qoida tariqasida, tuxumdon kistalari ikki-uch oy kuzatuv davomida mustaqil ravishda yo'qoladi. Agar bu yuz bermasa, UTT yordamida kuzatuvni davom ettirish, shuningdek davolash va diagnostika tadbirlarini o'tkazish tavsiya etiladi. Kamdan-kam hollarda jarrohlik aralashuviga murojaat qilishga to'g'ri keladi.

Mirena® preparatida saqlanadigan yordamchi moddalar

Mirena® preparatining T-shaklidagi asosi bariy sulfatini saqlaydi, u rentgenologik tekshiruvda ko'rinadigan bo'ladi.

Mirena® preparati OIV-infektsiyasi va jinsiy yo'l bilan yuqadigan boshqa kasalliklardan himoya qilmasligini yodda tutish kerak.

Avtotransportni boshqarish va mexanizmlarni boshqarish qobiliyatiga ta'siri

Kuzatilmagan.

Dozani oshirib yuborilishi

Qo'llashning ushbu usulida dozani oshirib yuborish imkonsiz.

— homiladorlik yoki unga shubha;

— kichik tos a'zolarining yallig'lanish kasalliklari (shu jumladan qaytalanuvchi);

— siydik chiqarish yo'llari quyi qismlarining infektsiyalari;

— tug'ruqdan keyingi endometrit;

— so'nggi 3 oy ichidagi septik abort;

— tservitsit;

— infektsiyalarga yuqori moyillik bilan kechuvchi kasalliklar;

— bachadon bo'yni displaziyasi;

— bachadon yoki bachadon bo'yni xavfli o'smalari;

— progestagen-bog'liq o'smalar, shu jumladan sut bezi saratoni;

— kelib chiqishi noma'lum patologik bachadon qon ketishi;

— bachadon bo'shlig'i deformatsiyasiga olib keluvchi bachadonning tug'ma va orttirilgan anomaliyalari, shu jumladan fibromiomalar;

— o'tkir jigar kasalliklari, jigar o'smalari;

— 65 yoshdan katta yosh (ushbu toifadagi bemorlarda tadqiqotlar o'tkazilmagan);

— preparat komponentlariga yuqori sezuvchanlik.

Quyida sanab o'tilgan holatlarda preparatni ehtiyotkorlik bilan va faqat mutaxassis maslahatidan so'ng qo'llash kerak. Quyida sanab o'tilgan har qanday holat mavjud bo'lganda yoki birinchi marta yuzaga kelganda tizimni olib tashlash maqsadga muvofiqligini muhokama qilish kerak:

— migren, assimetrik ko'rish yo'qolishi yoki bosh miya o'tkinchi ishemiyasini ko'rsatuvchi boshqa simptomlar bilan kechuvchi o'choqli migren;

— g'ayrioddiy kuchli bosh og'rig'i;

— sariqlik;

— yaqqol arterial gipertenziya;

— qon aylanishining og'ir buzilishlari, shu jumladan insult va miokard infarkti;

— yurak tug'ma nuqsonlari yoki yurak klapanlari kasalliklari (septik endokardit rivojlanish xavfi tufayli);

— qandli diabet.

Homiladorlik va emizish davrida qo'llanilishi

Homiladorlikda yoki unga shubha qilinganda Mirena® preparatini qo'llash mumkin emas.

Mirena® preparatini qo'llashda bolani ko'krak suti bilan emizishga qarshi ko'rsatma yo'q. Levonorgestrel dozasining taxminan 0,1% i ko'krak suti bilan emizish jarayonida bola organizmiga tushishi mumkin. Shunga qaramay, Mirena® preparati o'rnatilgandan so'ng bachadon bo'shlig'iga ajralib chiqadigan dozalarda u bola uchun xavf tug'dirishi ehtimoldan yiroq.



Mirena® preparatini tug'ruqdan 6 hafta o'tgach qo'llash bolaning o'sishi va rivojlanishiga zararli ta'sir ko'rsatmaydi deb hisoblanadi. Gestagenlar bilan monoterapiya ko'krak suti miqdori va sifatiga ta'sir qilmaydi. Laktatsiya davrida Mirena® preparatini qo'llagan ayollarda kamdan-kam hollarda bachadon qon ketishi haqida xabar berilgan.



Fertillik

Mirena® preparati olib tashlangandan so'ng ayollarda fertillik tiklanadi.

Fermentlar induktorlari, ayniqsa dori vositalari metabolizmida ishtirok etuvchi sitoxrom R450 tizimi izofermentlari, masalan, tutqanoqqa qarshi vositalar (fenobarbital, fenitoin, karbamazepin) va infeksiyalarni davolash uchun vositalar (rifampitsin, rifabutin, nevirapin, efavirenz) bilan bir vaqtda qo'llanilganda gestagenlar metabolizmining kuchayishi mumkin. Ushbu preparatlarning Mirena® samaradorligiga ta'siri noma'lum, ammo Mirena® asosan mahalliy ta'sir ko'rsatgani uchun bu ta'sir ahamiyatsiz deb taxmin qilinadi.

Mirena® preparatini estrogenlar bilan kombinatsiyada qo'llashda tegishli estrogenning qo'llash bo'yicha yo'riqnomasida ko'rsatilgan ma'lumotlarni qo'shimcha ravishda hisobga olish kerak.

HTML