PANANGIN FORTE tabletkalari 316mg/280mg N60

Kaliy va magniy asparaginatlari ichakda, asosan ingichka ichakda intensiv so'riladi. Buyraklar orqali chiqariladi.

Ko‘ngil aynishi, qusish, diareya, epigastriy sohasida noxush sezgilar yoki achishish (anatsid gastrit yoki xoletsistit bo‘lgan bemorlarda), atrioventrikulyar blokada, paradoksal reaksiya (ekstrasistolalar sonining oshishi), giperkaliemiya (ko‘ngil aynishi, qusish, diareya, paresteziyalar), gipermagniemiya (yuz qizarishi, chanqoq hissi, arterial bosimning pasayishi, giporefleksiya, nafas olishning susayishi, tirishishlar) bo‘lishi mumkin.

Agar sanab o‘tilgan nojo‘ya reaksiyalardan birontasi jiddiylashsa, yoki Siz ushbu yo‘riqnomada sanab o‘tilmagan nojo‘ya reaksiyalar paydo bo‘lganini sezsangiz, Siz shifokorga murojaat qilishingiz kerak.

Giperkaliemiya bilan kechuvchi kasalliklari bo‘lgan bemorlar alohida e'tiborni talab qiladi: qon plazmasida kaliy miqdorini muntazam nazorat qilish zarur.



Transport vositalarini boshqarish va mexanizmlar bilan ishlash qobiliyatiga ta'siri



Tadqiqotlar o‘tkazilmagan. Transport vositalarini boshqarish va diqqatni yuqori jamlash hamda psixomotor reaksiyalar tezligini talab qiluvchi mexanizmlar bilan ishlash qobiliyatiga ta'sir qilishi kutilmaydi.

Preparatning tarkibiy qismlaridan birortasiga yuqori sezuvchanlik, o'tkir va surunkali buyrak yetishmovchiligi, giperkaliemiya, gipermagniemiya, Addison kasalligi, I-III darajali atrioventrikulyar blokada, shok (shu jumladan kardiogen) (arterial bosim 90 mm sim. ust. dan kam), aminokislotalar almashinuvining buzilishi, og'ir miasteniya, gemoliz, o'tkir metabolik atsidoz, degidratatsiya holati, 18 yoshgacha bo'lgan yosh (samaradorligi va xavfsizligi aniqlanmagan).



Ehtiyotkorlik bilan



Homiladorlik (ayniqsa homiladorlikning I trimestrida) va ko'krak suti bilan emizish davri.



Homiladorlik va ko'krak suti bilan emizish davrida qo'llanilishi



Agar ona uchun potentsial foyda homila uchun mumkin bo'lgan xavfdan yuqori bo'lsa, qo'llash mumkin.



Kaliy va magniy asparaginati ko'krak sutiga o'tadi. Emizish davrida preparatni qabul qilish zarurati tug'ilganda, ko'krak suti bilan emizishni to'xtatish kerak.

Farmakodinamik o'zaro ta'sir



Kaliy tejovchi diuretiklar (triamteren, spironolakton), beta-adrenoblokatorlar, siklosporin, geparin, angiotenzin o'zgartiruvchi ferment (APF) ingibitorlari, nosteroid yallig'lanishga qarshi preparatlar bilan birga qo'llanilganda giperkaliemiya rivojlanishi xavfi ortadi, hattoki aritmiya va asistoliya rivojlanishigacha. Kaliy preparatlarini glyukokortikosteroidlar bilan bir vaqtda qo'llash ular keltirib chiqaradigan gipokaliemiyani bartaraf etadi. Kaliy yurak glikozidlarining noxush ta'sirlarini kamaytiradi. Panangin® Forte antiaritmik dori preparatlarining manfiy dromo- va batmotrop ta'sirini kuchaytiradi. Magniy neomitsin, polimiksin B, tetratsiklin va streptomitsin samaralarini pasaytiradi. Anestetiklar magniy preparatlarining markaziy asab tizimiga susaytiruvchi ta'sirini oshiradi; atrakuroniy, dekametoniy, suksinilxlorid va suksametoniy bilan bir vaqtda qo'llanilganda nerv-mushak blokadasi kuchayishi mumkin. Kalsitriol qon plazmasida magniy miqdorini oshiradi, kalsiy preparatlari magniy preparatlari samaralarini pasaytiradi.

Farmakokinetik o'zaro ta'sir



Burishtiruvchi va o'rab oluvchi ta'sirga ega dori preparatlari magniy asparaginat va kaliy asparaginatning me'da-ichak traktida so'rilishini kamaytiradi, shuning uchun Panangin® Forte preparatini yuqorida ko'rsatilgan dori preparatlari bilan ichga qabul qilish o'rtasida uch soatlik intervalga rioya qilish kerak.