POSTINOR 0,00075 tabletkalari N2

Postinor peroral qabul qilinganda preparat tez va deyarli to'liq so'riladi. Mutlaq biokiraolishligi qabul qilingan dozaning deyarli 100% ini tashkil qiladi. 0,75 mg levonorgestrel qabul qilingandan so'ng zardobda 14,1 ng/ml ga teng Cmax 1,6 soatdan keyin erishiladi. Cmax ga erishilgandan so'ng levonorgestrel miqdori kamayadi. T1/2 taxminan 26 soatni tashkil qiladi.

Levonorgestrel taxminan teng darajada buyraklar va ichak orqali faqat metabolitlar shaklida chiqariladi. Levonorgestrelning biotransformatsiyasi steroidlar metabolizmiga mos keladi. Levonorgestrel jigarda gidroksillanadi, metabolitlar kon'yugatsiyalangan glyukuronidlar shaklida chiqariladi. Levonorgestrelning farmakologik faol metabolitlari noma'lum. Levonorgestrel qon zardobi albumini va jinsiy gormonlarni bog'lovchi globulin (JGBG) bilan bog'lanadi. Butun dozaning atigi 1,5% i erkin shaklda bo'ladi, 65% i esa JGBG bilan bog'langan.

Allergik reaksiyalar: bo‘lishi mumkin - eshakemi, toshma, qichishish, yuz shishi.

O‘tkinchi nojo‘ya effektlar, turli tezlikda paydo bo‘ladi va medikamentoz davolashni talab etmaydi: ba’zan (1-10%) - qusish, diareya, bosh aylanishi, bosh og‘rig‘i, sut bezlarining og‘riqliligi, hayz ko‘rishning kechikishi (5-7 kundan ortiq emas; agar hayz ko‘rish uzoqroq muddatga kechiksa, homiladorlikni istisno qilish kerak); tez-tez (10% dan ortiq) - ko‘ngil aynishi, charchoq, qorinning pastki qismida og‘riqlar, atsiklik qonli ajralmalar (qon ketishlar).

Postinor faqat shoshilinch kontrasepsiya uchun qo‘llanilishi kerak. Postinor preparatini bir hayz sikli davomida takroriy qo‘llash tavsiya etilmaydi.

Preparat doimiy kontrasepsiya usullarini qo‘llashni almashtirmaydi. Ko‘pchilik hollarda Postinor hayz sikli xarakteriga ta'sir qilmaydi. Biroq atsiklik qonli ajralmalar paydo bo‘lishi va hayz ko‘rishning bir necha kunga kechikishi mumkin. Hayz ko‘rish 5-7 kundan ortiq kechikkanda va uning xarakteri o‘zgarganda (kam yoki ko‘p ajralmalar) homiladorlikni istisno qilish kerak. Qorinning pastki qismida og‘riqlar paydo bo‘lishi, hushdan ketish holatlari bachadondan tashqari (ektopik) homiladorlikdan dalolat berishi mumkin.

16 yoshgacha bo‘lgan o‘smirlarga alohida hollarda (sh.j. zo‘rlashda) homiladorlikni tasdiqlash uchun ginekolog maslahati zarur.

Shoshilinch kontrasepsiya o‘tkazilgandan so‘ng eng maqbul doimiy kontrasepsiya usulini tanlash uchun ginekolog maslahati tavsiya etiladi.

Shoshilinch kontrasepsiya jinsiy yo‘l bilan yuqadigan kasalliklardan himoya qilmaydi.

OIT funksiyasi buzilishlarida (masalan, Kron kasalligida) preparat samaradorligi pasayishi mumkin.

Avtotransportni haydash va mexanizmlarni boshqarish qobiliyatiga ta'siri

Postinorning avtotransport va mexanizmlarni boshqarish qobiliyatiga ta'siri o‘rganilmagan.

— 16 yoshgacha bo‘lgan o‘smirlar;

— og‘ir jigar yetishmovchiligi;

— homiladorlik;

— laktoza o‘zlashtira olmaslik, laktaza yetishmovchiligi yoki glyukoza-galaktoza malabsorbsiyasi kabi kam uchraydigan irsiy kasalliklar;

— preparat komponentlariga yuqori sezuvchanlik.

Ehtiyotkorlik bilan: jigar va o‘t chiqarish yo‘llari kasalliklari, sariqlik (shu jumladan anamnezda), Kron kasalligi, laktatsiya.

Jigar fermentlari induktorlari preparatlari bilan bir vaqtda qabul qilinganda levonorgestrel metabolizmi tezlashadi.

Quyidagi preparatlar levonorgestrel samaradorligini pasaytirishi mumkin: amprekavil, lansoprazol, nevirapin, okskarbazepin, takrolimus, topiramat, tretinoin, barbituratlar, shu jumladan primidon, fenitoin va karbamazepin, teshik dalachoy (Hypericum perforatum) saqlovchi preparatlar, shuningdek rifampitsin, ritonavir, ampitsillin, tetratsiklin, rifabutin, grizeofulvin. Levonorgestrel gipoglikemik va antikoagulyant (kumarin, fenindion hosilalari) dori vositalari samaradorligini pasaytiradi. GKSning plazma konsentratsiyasini oshiradi. Ushbu preparatlarni qabul qilayotgan ayollar shifokorga murojaat qilishlari kerak.

Levonorgestrel saqlovchi preparatlar siklosporin metabolizmini bostirish oqibatida uning toksikligi xavfini oshirishi mumkin.