RANITIDIN AKOS tabletkalari 0,3g N20

Tez so'riladi, ovqat qabul qilish absorbtsiya darajasiga ta'sir qilmaydi. Ichga qabul qilinganda ranitidinning biokiraolishligi taxminan 50% ni tashkil qiladi. Plazmadagi maksimal kontsentratsiyalar qabul qilingandan 2-3 soat o'tgach erishiladi. Plazma oqsillari bilan bog'lanishi 15% dan oshmaydi. Jigarda desmetilranitidin va ranitidin S-oksidi hosil qilib biroz metabolizmga uchraydi. Jigar orqali "birinchi o'tish" samarasiga ega. Eliminatsiya tezligi va darajasi jigar holatiga kam bog'liq. Ichga qabul qilingandan so'ng yarim chiqarilish davri - 2,5 soat, kreatinin klirensi 20-30 ml/daq bo'lganda - 8-9 soat. Asosan siydik bilan o'zgarmagan holda, oz miqdorda - axlat bilan chiqariladi. Gematoensefalik to'siq orqali yomon o'tadi. Yo'ldosh orqali o'tadi. Ko'krak suti bilan ajralib chiqadi (laktatsiya davrida ayollarda ko'krak sutidagi kontsentratsiya plazmadagiga qaraganda yuqori).

Nojo‘ya ta’sir Ovqat hazm qilish tizimi tomonidan: ko‘ngil aynishi, og‘iz qurishi, qabziyat, qusish, diareya, abdominal og‘riqlar, kam hollarda - gepatotsellyulyar, xolestatik yoki aralash gepatit, o‘tkir pankreatit. Qon yaratish a’zolari tomonidan: leykopeniya, trombotsitopeniya, agranulotsitoz, pantsitopeniya, suyak ko‘migi gipo- va aplaziyasi, immun gemolitik anemiya. Yurak-qon tomir tizimi tomonidan: arterial bosimning pasayishi, bradikardiya, aritmiya, atrioventrikulyar blokada. Asab tizimi tomonidan: yuqori toliqish, uyquchanlik, bosh og‘rig‘i, bosh aylanishi; kam hollarda - ongning chalkashishi, quloqlarda shovqin, ta’sirchanlik, gallyutsinatsiyalar (asosan keksa bemorlarda va og‘ir bemorlarda), ixtiyorsiz harakatlar. Sezgi a’zolari tomonidan: ko‘rish noaniqligi, akkomodatsiya parezi. Tayanch-harakat aparati tomonidan: artralgiya, mialgiya. Endokrin tizim tomonidan: giperprolaktinemiya, ginekomastiya, amenoreya, libidoning pasayishi, impotensiya. Allergik reaksiyalar: eshakemi, teri toshmasi, angionevrotik shish, anafilaktik shok, bronxospazm, ko‘p shaklli eritema. Boshqalar: alopesiya, giperkreatininemiya.

Ranitidin bilan davolash oshqozon karsinomasi bilan bog‘liq simptomlarni niqoblashi mumkin, shuning uchun davolashni boshlashdan oldin saraton-yara mavjudligini istisno qilish kerak. Ranitidinni, barcha H2-gistaminoblokatorlar kabi, keskin bekor qilish maqsadga muvofiq emas («rikoshet» sindromi). Holsizlangan bemorlarda uzoq muddatli davolashda stress sharoitida oshqozonning bakterial shikastlanishi va keyinchalik infeksiya tarqalishi mumkin. 12 yoshdan kichik bolalarda ranitidinning xavfsizligi va samaradorligi aniqlanmagan. Ranitidin porfiriyaning o‘tkir xurujlarini chaqirishi mumkinligi haqida ma'lumotlar mavjud. Davolash davrida diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug‘ullanishdan saqlanish zarur. H2-gistaminoreseptorlari blokatorlarini itrakonazol yoki ketokonazol qabul qilgandan keyin 2 soat o‘tgach qabul qilish kerak, ularning so‘rilishi sezilarli kamayishining oldini olish uchun. Glutamattranspeptidaza faolligini oshirishi mumkin. Siydikda oqsilga sinama o‘tkazishda soxta musbat reaksiyaga sabab bo‘lishi mumkin. H2-gistaminoreseptorlari blokatorlari pentagastrin va gistaminning oshqozon kislota hosil qilish funksiyasiga ta'siriga qarshilik qilishi mumkin, shuning uchun testdan oldingi 24 soat davomida H2-gistaminoreseptorlari blokatorlarini qo‘llash tavsiya etilmaydi. H2-gistaminoreseptorlari blokatorlari gistaminga teri reaksiyasini bostirishi mumkin, shu tariqa soxta musbat natijalarga olib keladi (tezkor turdagi allergik teri reaksiyasini aniqlash uchun diagnostik teri sinamalarini o‘tkazishdan oldin H2-gistaminoreseptorlari blokatorlarini ishlatishni to‘xtatish tavsiya etiladi). Davolash vaqtida oshqozon shilliq qavatini ta'sirlashi mumkin bo‘lgan oziq-ovqat mahsulotlari, ichimliklar va boshqa dori vositalarini iste'mol qilishdan saqlanish kerak.

Ranitidinga yoki preparatning boshqa komponentlariga yuqori sezuvchanlik. Homiladorlik, laktatsiya. 12 yoshgacha bo‘lgan bolalar. Ehtiyotkorlik bilan - buyrak va/yoki jigar yetishmovchiligi, anamnezda portosistemik ensefalopatiya bilan jigar sirrozi, o‘tkir porfiriya (shu jumladan anamnezda).

Chekish ranitidin samaradorligini pasaytiradi. Qon zardobida metoprololning AUC va konsentratsiyasini oshiradi (mos ravishda 80% va 50% ga), bunda metoprololning T1/2 4,4 soatdan 6,5 soatgacha oshadi. Bir vaqtda qabul qilinganda me'da tarkibi pH ning oshishi oqibatida itrakenazol va ketokonazolning so'rilishi kamayishi mumkin. Fenazon, aminofenazon, diazepam, geksobarbital, propranolol, diazepam, lidokain, fenitoin, teofillin, aminofillin, bilvosita antikoagulyantlar, glipizid, buformin, metronidazol, kalsiy antagonistlarining jigardagi metabolizmini bostiradi. Suyak iligini susaytiruvchi dori vositalari neytropeniya xavfini oshiradi. Antatsidlar, sukralfat bilan yuqori dozalarda bir vaqtda qo'llanilganda ranitidin so'rilishining sekinlashishi mumkin, shuning uchun ushbu preparatlarni qabul qilish oralig'i kamida 2 soat bo'lishi kerak.