RENGALIN eritma dlya priema vnutr 100ml

100 ml quyidagilarni saqlaydi:

fAOL moddalar:

bradikininga affin tozalangan antitelalar – 0,12 g^*,

gistaminga affin tozalangan antitelalar – 0,12 g^*,

morfinga affin tozalangan antitelalar – 0,12 g^*;

^*muvofiq ravishda 100¹², 100³⁰, 100⁵⁰ marta suyultirilgan substantsiyaning uch faol suvli aralashmalari ko'rinishida chiqariladi.

yordamchi moddalar: 1,0 g gipromelloza, 6,0 g maltitol, 3,0 g gliserol, 0,165 g sorbat kaliy, 0,02 g suvsiz limon kislotasi, tozalangan suv 100 ml gacha.

Ichga qabul qilish uchun gomeopatik eritma.

100 ml dan birinchi ochilishi nazoratli polietilenli tomchilagichli qopqoqcha bilan berkitilgan, OS markali shisha yoki rangli shisha flakonlarda. Har bir flakon davlat va rus tillaridagi tibbiyotda qo'llanilishiga doir yo'riqnomasi bilan birga karton qutiga joylanadi.

Preparatning komponentlari endogen regulyatorlarni tegishli reseptorlar bilan ligand-reseptor o'zaro ta'siri faolligini modifikasiya qilishi eksperimentlarda namoyish etilgan; morfinga antitelalar (preparatning komponenti) opiat reseptorlar bilan o'zaro ligand-reseptor endogen regulyator; gistaminga antitelalar – N₁ gistamin reseptorlari bilan; bradikininga antitelalar – bradikininning reseptorlari bilan; bunda komponentlarni birga qo'llash yo'talga qarshi samarani kuchayishiga olib keladi.

Yo'talga qarshi ta'sirinidan tashqari, majmuaviy preparat uning tarkibiga kiruvchi komponentlar hisobiga yallig'lanishga qarshi, shishga qarshi, antiallergik, spazmolitik (gistaminga antitelalar, bradikininga antitelalar) va og'riq qoldiruvchi (morfinga antitelalar) ta'sir ko'rsatadi.

Rengalin majmuaviy preparati gistaminga-bog'liq N₁-reseptorlar va bradikininga-bog'liq V₁ va V₂-reseptorlarni modifikasiya qilish hisobiga uzunchoq miyadagi yo'tal markazining qo'zg'aluvchanligini tanlab pasaytiradi, yo'tal refleksining Markaziy bo'g'inlarini tormozlaydi. Talamusdagi og'riq sezuvchanligi markazlarini susaytirib, bosh miya po'stlog'iga og'riq impulslarini o'tkazilishini bloklaydi. To'qima va plazmadagi algogenlar (gistamin, bradikinin, prostaglandin va boshqalar) ning ajralib chiqishini kamaytirish oqibatida periferiyadan og'riq impulslarini oqimini ingibitsiya qiladi. Narkotik analgetiklardan farq qilib, nafasni susayishi, doriga qaramlikni chaqirmaydi, narkogen va uxlatuvchi ta'sirga ega emas.

Bronxospazmni engillashtirib, o'tkir faringit, laringit va bronxitni namoyon bo'lishini engillashtiradi. Semiz xujayralarda gistamin va bradikininni sintezini va ajralib chiqishiga ta'siri orqali allergik reaktsiyalarning tizimli va mahalliy simptomlarini bartaraf etadi.

Zamonaviy fizik-kimyoviy tahlil usullarining (gaz-suyuqlik xromatografiyasi, yuqori samarali suyuqlik xromotografiyasi, xromato-mass-spektrometriya) sezgirligi Rengalin preparatining faol komponentlarini biologik suyuqliklarda, a'zolar va to'qimalarda aniqlash imkonini bermaydi, bu farmakokinetikasini texnik jihatdan o'rganib bo'lmasligini bildiradi.

Preparatning komponentlariga shaxsiy yuqori sezuvchanlik reaktsiyalari bo'lishi mumkin. Agar keltirilgan nojo'ya samaralar kuchaysa, yoki siz yo'riqnomaga keltirilmagan boshqa har qanday nojo'ya samarani sezsangiz, bu haqida shifokorga xabar bering.

Quruq (mahsulotsiz) yo'tal bilan kechuvchi kasalliklar, uni nam (mahsulotli) yo'talga olib kelishiga yordam beradi.

Zarurati bo'lganida mukolitiklar bilan qo'llash mumkin.

Qandli diabeti bo'lgan bemorlar preparatning har bir qoshig'i (5 ml) 0,02 non birligiga (NB) muvofiq keluvchi 0,3 g maltitol saqlashini yodda tutishlari kerak. Maltitolning metabolizmi uchun insulin zarur, garchi sekin gidroliz va me'da-ichak yo'llarida so'rilishi sababli insulinga ehtiyoj kam. Maltitolning energetik qiymati 10 kdj yoki 2,4 kkal/g, bu saxarozaga qaraganda kam. Bir choy qoshiq preparatning energetik qiymati taxminan 5,7 kdj (1,37 kkal) ni tashkil qiladi.

Homiladorlik va emizish davrida qo'llanishi

Homiladorlik va emizish davrida Rengalinni qo'llashning xavfsizligi o'rganilmagan. Homiladorlik va emizish davrida preparat faqat, agar ona uchun kutilayotgan foyda homila va bola uchun potentsial xavfdan ustun bo'lsagina qo'llanadi. Foyda/xavf nisbatini davolovchi shifokor belgilaydi.

Transport vositalari, mexanizmlarni boshqarish qobiliyatiga ta'siri

O'rganilmagan.

3 yoshgacha bo'lgan bolalar.

Preparatning komponentlariga shaxsiy yuqori sezuvchanlik.

Fruktozani nasliy o'zlashtiraolmaslik (tarkibida maltoza borligi sababli).

Ehtiyotkorlik bilan: qandli diabet.

O'tkazilgan klinik tadqiqotlarda Rengalin preparatini yondosh davolash sifatida qabul qilinayotgan dori vositalari bilan o'zaro ta'siri haqida ma'lumotlar olinmagan.

rangsiz yoki deyarli rangsiz tiniq suyuqlik.

Ichga buyuriladi. Bir qabul qilishga – 1-2 choy qoshiq (5-10 ml) - ovqatlanishdan tashqari. Preparatning maksimal samarasi uchun yurishdan oldin eritmani og'izda ushlab turish kerak.

1-2 choy qoshiqdan sutkada 3 marta qabul qilinadi. Holatning og'irlik darajasiga qarab birinchi uch kunda qo'llash tez-tezligi sutkada 4-6 martagacha oshirilishi mumkin.

Davolash davomiyligi kasallik og'irligiga bog'liq va davolovchi shifokor tomonidan belgilanadi.

Doza oshirib yuborilganda preparatning tarkibiga kiruvchi to'ldiruvchilar (maltitol, glisero) bilan bog'liq dispeptik ko'rinishlar (ko'ngil aynishi, qusish, diareya) kuzatilishi mumkin.

Davolash – simptomatik.