ROLINOZ tomchilar dlya priema vnutr 20ml 10mg/ml N1

Preparat oshqozon-ichak traktidan tez so'riladi, absorbsiya - 70%. Maksimal kontsentratsiyaga 1 soatdan keyin erishiladi. Yarim chiqarilish davri taxminan 7-10 soatni tashkil qiladi.

Jigarda nofaol metabolit hosil bo'lishi bilan minimal darajada metabollanadi va asosan buyraklar orqali o'zgarmagan holda chiqariladi.

Rolinoz - periferik gistamin H1-retseptorlarining selektiv blokatori, gidroksizin metaboliti, antigistamin, allergiyaga qarshi ta’sir ko‘rsatadi. Allergik reaksiyalar rivojlanishining oldini oladi va kechishini yengillashtiradi, qichishishga qarshi va antiekssudativ ta’sirga ega.

Allergik reaksiyalarning erta bosqichiga ta’sir qiladi, shuningdek yallig‘lanish hujayralari migratsiyasini kamaytiradi; kechki allergik reaksiyada ishtirok etuvchi mediatorlar ajralib chiqishini bostiradi. Kapillyarlar o‘tkazuvchanligini kamaytiradi, to‘qimalar shishi rivojlanishining oldini oladi, silliq mushaklar spazmini yo‘qotadi. Gistamin, spetsifik allergenlar yuborilishiga, shuningdek sovutishga (sovuq oqibatidagi eshakemida) bo‘lgan teri reaksiyasini bartaraf etadi. Yengil kechuvchi bronxial astmada gistamin chaqirgan bronxokonstriksiyani pasaytiradi.

Tavsiya etilgan dozalarda qo‘llanilganda amalda sedativ samaraga ega emas va amalda antixolinergik va antiserotonin ta’sir ko‘rsatmaydi.

Preparat odatda yaxshi o'zlashtiriladi. Nojo'ya hodisalar kamdan-kam hollarda yuzaga keladi va o'tkinchi xarakterga ega.

Ovqat hazm qilish tizimi tomonidan: og'iz qurishi, dispepsiya.

Markaziy asab tizimi (MNT) tomonidan: bosh og'rig'i, uyquchanlik, charchoq, bosh aylanishi, qo'zg'alish, migren.

Allergik reaksiyalar: teri toshmasi, angionevrotik shish, eshakemi, teri qichishishi.

Surunkali buyrak yetishmovchiligi (o'rtacha yoki og'ir darajadagi), shuningdek keksa yoshdagi bemorlarga preparatni ehtiyotkorlik bilan tayinlash kerak.

Rolinoz qo'llanilganda diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishdan saqlanish kerak.

- preparat tarkibiy qismlariga yoki gidroksizinga yuqori sezuvchanlik;

- 2 yoshgacha bo'lgan bolalar;

- homiladorlik.

Rolinozning psevdoefedrin, ketokonazol, eritromitsin, azitromitsin, simetidin, diazepam bilan ko'p marta birga qo'llanilganda dori o'zaro ta'sirini o'rganishda plazmada setirizin kontsentratsiyasining klinik ahamiyatli o'zgarishlari aniqlanmagan.

Hozirgi vaqtgacha setirizinning alkogol bilan o'zaro ta'siri to'g'risida ma'lumotlar olinmagan, shunga qaramay, setirizin bilan davolash vaqtida spirtli ichimliklarni iste'mol qilish tavsiya etilmaydi.

Rolinoz ichga, ovqatlanishdan qat'i nazar, yetarli miqdordagi suyuqlik bilan qabul qilinadi.

2 dan 6 yoshgacha bo'lgan bolalarga 2,5 mg (5 tomchi) dan kuniga 2 marta yoki 5 mg (10 tomchi) dan kuniga 1 marta buyuriladi.

6 dan 12 yoshgacha bo'lgan bolalarga preparat 10 mg (20 tomchi yoki 1 tabletka) dozada kuniga 1 marta yoki 5 mg (10 tomchi yoki ½ tabletka) dan ertalab va kechqurun buyuriladi.

Kattalar va 12 yoshdan oshgan o'smirlarga sutkalik 10 mg (20 tomchi yoki 1 tabletka) dozada buyuriladi.

Keksa yoshdagi bemorlarda (buyrak funksiyasi normal bo'lishi sharti bilan) Rolinoz dozasini kamaytirish kerak emas.

Buyrak funksiyasining o'rtacha yoki og'ir buzilishi bo'lgan bemorlarda preparat dozasini yarmiga kamaytirish tavsiya etiladi.