SIALIS 0,005 tabletkalari N28

So'rilishi

Ichga qabul qilingandan so'ng tadalafil tez so'riladi. Plazmadagi o'rtacha maksimal kontsentratsiyaga (Сmах) o'rtacha ichga qabul qilingandan 2 soat o'tgach erishiladi.

Tadalafilning so'rilish tezligi va darajasi ovqat qabul qilishga bog'liq emas, shuning uchun Sialis® preparatini ovqatlanishdan qat'i nazar qo'llash mumkin. Qabul qilish vaqti (ertalab yoki kechqurun) so'rilish tezligi va darajasiga klinik ahamiyatga ega ta'sir ko'rsatmadi. Sog'lom shaxslarda tadalafil farmakokinetikasi vaqt va dozaga nisbatan chiziqli. 2,5 dan 20 mg gacha dozalar oralig'ida "kontsentratsiya-vaqt" egri chizig'i ostidagi maydon (AUC) dozaga proportsional ravishda ortadi. Plazmadagi muvozanatli kontsentratsiyalarga preparat sutkada bir marta qabul qilinganda 5 kun ichida erishiladi.

Ereksiya buzilgan bemorlarda tadalafil farmakokinetikasi ereksiya buzilmagan shaxslardagi preparat farmakokinetikasiga o'xshash.

Taqsimlanishi

O'rtacha taqsimlanish hajmi taxminan 63 l ni tashkil qiladi, bu tadalafilning organizm to'qimalarida taqsimlanishini ko'rsatadi. Terapevtik kontsentratsiyalarda tadalafilning 94% plazmada oqsillar bilan bog'lanadi. Oqsillar bilan bog'lanish buyrak funktsiyasi buzilganda o'zgarmaydi.

Sog'lom shaxslarda yuborilgan dozaning 0,0005% dan kamrog'i spermada aniqlangan.

Metabolizmi

Tadalafil asosan P450 sitoxromining CYP3A4 izofermenti ishtirokida metabolizmga uchraydi. Asosiy aylanib yuruvchi metabolit metilkatexolglyukuronid hisoblanadi. Bu metabolit FDE-5 ga nisbatan tadalafilga qaraganda kamida 13 000 baravar kamroq faol. Demak, ushbu metabolitning kontsentratsiyasi klinik ahamiyatga ega emas.

Chiqarilishi

Sog'lom shaxslarda ichga qabul qilinganda tadalafilning o'rtacha klirensi 2,5 l/soatni, o'rtacha yarim chiqarilish davri esa - 17,5 soatni tashkil qiladi. Tadalafil asosan faol bo'lmagan metabolitlar ko'rinishida, asosan, axlat bilan (dozaning taxminan 61%) va, kamroq darajada, siydik bilan (dozaning taxminan 36%) chiqariladi.

Aholi alohida guruhlari

Keksa bemorlar

Sog'lom keksa bemorlarda (65 yosh va undan katta) ichga qabul qilinganda tadalafilning pastroq klirensi kuzatildi, bu 19 dan 45 yoshgacha bo'lgan sog'lom shaxslarga nisbatan "kontsentratsiya-vaqt" egri chizig'i ostidagi maydonning 25% ga oshishida namoyon bo'ldi. Bu farq klinik ahamiyatga ega emas va dozani tanlashni talab qilmaydi.

Buyrak yetishmovchiligi bo'lgan bemorlar

Yengil va o'rtacha og'irlikdagi buyrak yetishmovchiligi bo'lgan shaxslarda dozani to'g'rilash talab qilinmaydi. Tadalafilning yuqori ekspozitsiyasi (AUC) tufayli, og'ir buyrak yetishmovchiligi bo'lgan bemorlarga Sialis® ni qo'llash tavsiya etilmaydi.

Jigar yetishmovchiligi bo'lgan bemorlar

Kuchsiz va o'rtacha og'irlikdagi jigar yetishmovchiligi bo'lgan shaxslarda tadalafil farmakokinetikasi sog'lom shaxslarniki bilan taqqoslanarli. Og'ir jigar yetishmovchiligi (Chayld-Pyu tasnifi bo'yicha C sinfi) bo'lgan bemorlarga nisbatan ma'lumotlar mavjud emas. Og'ir jigar yetishmovchiligi bo'lgan bemorlarga Sialis® tayinlanganda oldindan xavf va foydani baholash kerak.

Qandli diabet bilan og'rigan bemorlar

Qandli diabet bilan og'rigan bemorlarda tadalafil qo'llash fonida "kontsentratsiya-vaqt" egri chizig'i ostidagi maydon sog'lom shaxslarnikiga qaraganda taxminan 19% ga kam bo'lgan. Bu farq dozani tanlashni talab qilmaydi.

Tadalafilni qabul qilish bilan bog'liq noxush hodisalar odatda unchalik katta bo'lmagan yoki o'rtacha darajada ifodalangan, tranzitor bo'lgan va preparatni qo'llash davom ettirilganda kamaygan.

Eng ko'p uchraydigan (> 1%,
Spontan (postmarketing) ma'lumotlar

Alohida hollardan ko'ra tez-tez uchragan nojo'ya reaksiyalar quyidagi darajalarga muvofiq sanab o'tilgan: juda tez-tez (> 10%); tez-tez (> 1%,0,1%, 0,01%,
Yurak-qon tomir tizimi tomonidan buzilishlar:

Tez-tez emas (>0,1%, 0,01%,
Noma'lum (mavjud ma'lumotlar bo'yicha reaksiyalar paydo bo'lish tezligini baholab bo'lmaydi): nostabil stenokardiya

Asab tizimi tomonidan buzilishlar: Juda tez-tez (> 10%): bosh og'rig'i Tez-tez (> 1%,0,01%, 0,1%, 0,01%,
Noma'lum (mavjud ma'lumotlar bo'yicha reaksiyalar paydo bo'lish tezligini baholab bo'lmaydi): ko'ruv nervining noarterial oldingi ishemik optik neyropatiyasi, to'r parda venalari okklyuziyasi

Nafas olish tizimi tomonidan buzilishlar: Tez-tez emas (>0,1%, 1%,
Tez-tez emas (>0,1%,
Teri va teri osti kletchatkasi tomonidan buzilishlar: Tez-tez emas (>0,1%,
Umumiy buzilishlar: Tez-tez emas (>0,1%, 0,01%,
Immun tizimi tomonidan buzilishlar: Tez-tez emas (>0,1%, 0,01%,

Jinsiy faollik yurak-qon tomir kasalliklari bo'lgan bemorlar uchun potentsial xavfga ega. Shuning uchun erektil disfunksiyani davolashni, shu jumladan Sialis® preparati bilan, jinsiy faollik tavsiya etilmaydigan yurak kasalliklari bo'lgan erkaklarda o'tkazish kerak emas.

FDE-5 ingibitorlari, shu jumladan tadalafil qo'llanilganda priapizm yuzaga kelishi haqida xabarlar mavjud. Bemorlar 4 soat va undan ortiq davom etadigan ereksiya yuzaga kelganda darhol tibbiy yordamga murojaat qilish zarurligi haqida xabardor qilinishi kerak. Priapizmni o'z vaqtida davolamaslik jinsiy olat to'qimalarining shikastlanishiga olib keladi, buning natijasida qaytmas impotentsiya yuz berishi mumkin.

Sialis® preparatining buzilishlarni davolashning boshqa turlari bilan kombinatsiyasining xavfsizligi va samaradorligi o'rganilmagan. Shuning uchun bunday kombinatsiyalarni qo'llash tavsiya etilmaydi. Boshqa FDE-5 ingibitorlari kabi, tadalafil tizimli tomir kengaytiruvchi xususiyatlarga ega, bu arterial bosimning tranzitor pasayishiga olib kelishi mumkin. Sialis® preparatini tayinlashdan oldin shifokorlar yurak-qon tomir kasalligi bo'lgan bemorlar bunday tomir kengaytiruvchi ta'sirlar hisobiga noxush ta'sirga duchor bo'lmasliklari masalasini sinchkovlik bilan ko'rib chiqishlari kerak.

Noarterial oldingi ishemik optik neyropatiya (NAOION) ko'rish buzilishi, shu jumladan ko'rishning to'liq yo'qolishi sababidir. FDE-5 ingibitorlarini qabul qilish bilan vaqt bo'yicha bog'liq bo'lgan NAOION rivojlanishi holatlari haqida kamdan-kam postmarketing xabarlar mavjud. Hozirgi vaqtda NAOION rivojlanishi va FDE-5 ingibitorlarini qabul qilish yoki boshqa omillar o'rtasida to'g'ridan-to'g'ri bog'liqlik mavjudligini aniqlash imkoni yo'q. Shifokorlar bemorlarga ko'rish to'satdan yo'qolganda tadalafil qabul qilishni to'xtatish va tibbiy yordamga murojaat qilishni tavsiya etishlari kerak. Shifokorlar shuningdek bemorlarga NAOION o'tkazgan odamlarda NAOION qayta rivojlanishi xavfi yuqori ekanligini xabar qilishlari kerak.

Sialis® preparatining kichik chanoq a'zolarida jarrohlik operatsiyasini yoki radikal nervni saqlovchi prostatektomiyani o'tkazgan bemorlardagi samaradorligi noma'lum.

Transport vositalarini va mexanizmlarni boshqarish qobiliyatiga ta'siri:

Platsebo va tadalafil fonida bosh aylanishi yuzaga kelishi tez-tezligi bir xil bo'lishiga qaramay, davolash davrida avtotransportni haydashda va diqqatni yuqori jamlashni hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug'ullanishda ehtiyotkorlikka rioya qilish kerak.

- Tadalafilga yoki preparat tarkibiga kiruvchi har qanday moddaga yuqori sezuvchanlik;

- Har qanday organik nitratlar saqlovchi preparatlarni qabul qilish holatida;

- 18 yoshgacha bo'lgan shaxslarda qo'llash;

- Yurak-qon tomir tizimi kasalliklari bo'lgan bemorlarda jinsiy faollikka qarshi ko'rsatmalar mavjudligi: oxirgi 90 kun ichida miokard infarkti, nostabil stenokardiya, jinsiy aloqa vaqtida stenokardiya xurujining paydo bo'lishi, NYHA tasnifi bo'yicha II-IV sinf surunkali yurak yetishmovchiligi, nazorat qilib bo'lmaydigan aritmiyalar, arterial gipotenziya (AB 90/50 mm sim. ust. dan kam), nazorat qilib bo'lmaydigan arterial gipertenziya, oxirgi 6 oy ichida ishemik insult;

- Ko'ruv nervining noarterial old ishemik neyropatiyasi oqibatida ko'rishni yo'qotish (FDE-5 ingibitorlarini qabul qilish bilan bog'liqligidan qat'iy nazar);

- Doksazozinni, shuningdek erektil disfunktsiyani davolash uchun dori vositalarini bir vaqtda qabul qilish;

I Surunkali buyrak yetishmovchiligi bo'lgan bemorlarda tez-tez (haftasiga 2 martadan ko'proq) qo'llash (kreatinin klirensi 30 ml/daq dan kam);

- Laktaza yetishmovchiligi, laktozani o'zlashtiraolmaslik, glyukoza-galaktoza malabsorbtsiyasi.

Ehtiyotkorlik bilan:

Og'ir jigar yetishmovchiligi (Chayld-Pyu tasnifi bo'yicha S sinfi) bo'lgan bemorlarga nisbatan ma'lumotlar yo'qligi sababli, ushbu guruh bemorlariga Sialis® preparatini buyurishda ehtiyotkorlik namoyon qilish kerak.

Alfa1-adrenoblokatorlarni qabul qilayotgan bemorlarga Sialis® preparatini buyurishda ehtiyotkorlik namoyon qilish kerak, chunki bir vaqtda qo'llash ba'zi bemorlarda simptomatik arterial gipotenziyaga olib kelishi mumkin. Tadalafilning bir martalik dozasini qabul qilgan 18 nafar sog'lom ko'ngillilarda o'tkazilgan klinik farmakologiya tadqiqotida tamsulozin, alfa1A-adrenoblokatorni bir vaqtda yuborishda simptomatik arterial gipotenziya kuzatilmagan ("Boshqa dori vositalari bilan o'zaro ta'siri"ga qarang).

Erektil disfunktsiya diagnostikasi potentsial asosiy sababni aniqlash, tegishli tibbiy tekshiruv va davolash taktikasini belgilashni o'z ichiga olishi kerak.

Sialis® ni priapizmga moyilligi bo'lgan bemorlarda (o'roqsimon hujayrali anemiya, ko'plab miyeloma yoki leykemiyada) yoki jinsiy olatning anatomik deformatsiyasi (burchakli qiyshayish, kavernoz fibroz yoki Peyroni kasalligi) bo'lgan bemorlarda ehtiyotkorlik bilan qo'llash kerak. Shuningdek CYP3A4 izofermentining kuchli ingibitorlari (ritonavir, sakvinavir, ketokonazol, itrakonazol, eritromitsin), gipotenziv vositalar bilan bir vaqtda qabul qilishda ehtiyotkorlikka rioya qilish kerak.

Homiladorlik va laktatsiya:

Sialis® preparati ayollarda qo'llash uchun mo'ljallanmagan.

Boshqa preparatlarning tadalafilga ta'siri

Tadalafil asosan CYP3A4 izofermenti ishtirokida metabolizmga uchraydi. CYP3A4 izofermenti selektiv ingibitori ketokonazol (sutkasiga 400 mg) tadalafilning bir martalik dozasi ekspozitsiyasini (AUC) 312% ga va Cmax ni 22% ga oshiradi, ketokonazol esa (sutkasiga 200 mg) tadalafilning bir martalik dozasi ekspozitsiyasini (AUC) 107% ga va Cmax ni 15% ga oshiradi, bu faqat bitta tadalafil uchun AUC va Cmax kattaliklariga nisbatan.

Ritonavir (sutkasiga ikki marta 200 mg), CYP3A4, 2C9, 2C19 va 2D6 izofermentlari ingibitori, tadalafilning bir martalik dozasi ekspozitsiyasini (AUC) Cmax o'zgarishisiz 124% ga oshiradi- Garchi o'ziga xos o'zaro ta'sirlar o'rganilmagan bo'lsa-da, boshqa OIV-proteaza ingibitorlari, masalan, sakvinavir, shuningdek eritromitsin va intrakonazol kabi CYP3A4 izofermenti ingibitorlari tadalafil faolligini oshiradi deb taxmin qilish mumkin.

CYP3A4 izofermenti selektiv induktori, rifampitsin (sutkasiga 600 mg), tadalafilning bir martalik dozasi ekspozitsiyasini (AUC) 88% ga va Cmax ni 46% ga kamaytiradi, bu faqat bitta tadalafil uchun AUC va Cmax kattaliklariga nisbatan. Boshqa CYP3A4 izofermenti induktorlarini bir vaqtda qo'llash ham plazmada tadalafil konsentratsiyalarini kamaytirishi kerak deb taxmin qilish mumkin.

Antatsid (magniy gidroksidi/alyuminiy gidroksidi) va tadalafilni bir vaqtda qabul qilish tadalafil uchun farmakokinetik egri chiziq ostidagi maydon o'zgarishisiz tadalafil so'rilish tezligini pasaytiradi.

Nizitidin H2-gistamin retseptorlari blokatorlarini qabul qilish natijasida oshqozon pH oshishi tadalafil farmakokinetikasiga ta'sir ko'rsatmagan.

Tadalafilni erektsiya buzilishlarini davolashning boshqa turlari bilan kombinatsiyasining xavfsizligi va samaradorligi o'rganilmagan, shuning uchun bunday kombinatsiyalarni qo'llash tavsiya etilmaydi.

Tadalafil asetilsalitsil kislotasi qabul qilish bilan chaqirilgan qon ketish vaqti uzayishini potentsiyalamaydi.

Tadalafilning boshqa preparatlarga ta'siri

Tadalafil nitratlarning gipotenziv ta'sirini kuchaytirishi ma'lum. Bu nitratlar va tadalafilning azot II oksidi (NO) va sGMF metabolizmiga additiv ta'siri natijasida yuz beradi. Shuning uchun tadalafilni nitratlar qabul qilish fonida qo'llash mumkin emas.

Tadalafil metabolizmi sitoxrom P450 ishtirokida kechadigan preparatlar klirensiga klinik ahamiyatli ta'sir ko'rsatmaydi. Tadqiqotlar tadalafil CYP1A2, CYP3A4, CYP2C9, CYP2C19, CYP2D6, CYP2E1 izofermentlarini ingibitsiya qilmasligini va induksiya qilmasligini tasdiqladi.

Tadalafil S-varfarin yoki R-varfarin farmakokinetikasiga klinik ahamiyatli ta'sir ko'rsatmaydi. Tadalafil varfarinning protrombin vaqtiga ta'siriga ta'sir qilmaydi.

Tadalafil asetilsalitsil kislotasi tomonidan chaqiriladigan qon ketish davomiyligini oshirmaydi.

Tadalafil tizimli tomir kengaytiruvchi xususiyatlarga ega va arterial bosimni pasaytirishga qaratilgan gipotenziv preparatlar ta'sirini kuchaytirishi mumkin. Qo'shimcha ravishda arterial gipertenziyasi yomon nazorat qilingan, bir nechta gipotenziv vositalarni qabul qilgan bemorlarda arterial bosimning biroz kattaroq pasayishi kuzatilgan. Bemorlarning mutlaq ko'pchiligida bu pasayish gipotenziv simptomlar bilan bog'liq bo'lmagan. Gipotenziv preparatlar bilan davolanayotgan va tadalafil qabul qilayotgan bemorlarga tegishli klinik tavsiyalar berilishi kerak.

Tamsulozin selektiv alfa1-adrenoblokatorini qabul qilgan shaxslar tomonidan tadalafil qo'llanilganda arterial bosimning sezilarli pasayishi kuzatilmagan. Tadalafilni doksazozin bilan bir vaqtda qo'llash mumkin emas. Doksazozin (sutkasiga 4-8 mg), alfax-adrenoblokator qabul qilgan sog'lom ko'ngillilar tomonidan tadalafil qo'llanilganda doksazozinning gipotenziv ta'siri kuchayishi kuzatilgan. Ba'zi bemorlar bosh aylanishini his qilishgan. Hushdan ketishlar kuzatilmagan. Doksazozinni pastroq dozalarda qo'llash o'rganilmagan.

Tadalafil alkogol konsentratsiyasiga ta'sir qilmagan, xuddi alkogol ham tadalafil konsentratsiyasiga ta'sir qilmagani kabi. Alkogolning yuqori dozalarida (0,7 g/kg) tadalafil qabul qilish o'rtacha arterial bosim qiymatining statistik ahamiyatli pasayishini chaqirmagan. Ba'zi bemorlarda postural bosh aylanishi va ortostatik gipotenziya kuzatilgan. Tadalafil alkogolning pastroq dozalari (0,6 g/kg) bilan birga qabul qilinganda arterial bosim pasayishi kuzatilmagan, bosh aylanishi esa faqat alkogolning o'zi qabul qilingandagi kabi tez-tezlikda yuzaga kelgan.

Tadalafil teofillin farmakokinetikasiga yoki farmakodinamikasiga klinik ahamiyatli ta'sir ko'rsatmaydi.