TEMPALGIN tabletkalari 500mg/20mg N20

Tempalgin preparatining farmakokinetikasi to'g'risidagi ma'lumotlar taqdim etilmagan.

Majmuaviy tarkibli analgetik-antipiretik. Analgetik, isitmani tushiruvchi, kuchsiz ifodalangan yallig'lanishga qarshi va sedativ ta'sir ko'rsatadi. Preparat tarkibiga noopioid analgetik metamizol natriy va anksiolitik (trankvilizator) tempidon kiradi.

Ovqat hazm qilish tizimi tomonidan: kamdan-kam hollarda - epigastral sohada achishish hissi, og'iz qurishi, xolestaz, sariqlik, jigar transaminazalari faolligining oshishi, giperbilirubinemiya.

MNS tomonidan: bosh og'rig'i, bosh aylanishi; alohida hollarda - gallyutsinatsiyalar.

Yurak-qon tomir tizimi tomonidan: AB pasayishi yoki oshishi, taxikardiya, tsianoz.

Qon yaratish tizimi tomonidan: agranulotsitoz, leykopeniya, trombotsitopeniya.

Siydik chiqarish tizimi tomonidan: yuqori dozalarda qo'llanilganda - buyrak funksiyasining buzilishi (oliguriya, anuriya, proteinuriya, interstitsial nefrit); siydikning qizil rangga bo'yalishi.

Allergik reaksiyalar: teri toshmasi, qichishish, eshakemi (shu jumladan kon'yunktiva va burun-halqum shilliq qavatlarida), Kvinke shishi, ko'p shaklli ekssudativ eritema (shu jumladan Stivens-Jonson sindromi), toksik epidermal nekroliz (Layell sindromi), bronxospazm, anafilaktik shok.

Rentgenokontrast preparatlar, kolloid qon o'rnini bosuvchilar va penitsillinni metamizol natriy qo'llanilganda tayinlamaslik kerak.

Preparatni qabul qilish vaqtida spirtli ichimlik iste'mol qilmaslik kerak.

Sitostatiklar olayotgan bemorlarda preparatni qo'llash faqat shifokor nazorati ostida o'tkazilishi kerak.

Metamizol natriy qo'llash fonida agranulotsitoz rivojlanishi mumkin, shu munosabat bilan kelib chiqishi noma'lum harorat ko'tarilishi, qaltirash, tomoqda og'riq, yutish qiyinlashishi, stomatit aniqlanganda, shuningdek vaginit yoki proktit ko'rinishlari rivojlanganda preparatni bekor qilish zarur.

Preparat uzoq muddat (7 kundan ortiq) qabul qilinganda qon manzarasi va jigar funksional holatini nazorat qilish zarur.

Tempalginni qorindagi o'tkir og'riqlarni qoldirish uchun (sababi aniqlanguncha) qo'llash mumkin emas.

Avtotransportni haydash va mexanizmlarni boshqarish qobiliyatiga ta'siri

Preparatning anksiolitik ta'siri munosabati bilan Tempalgin qabul qilish davrida diqqatni yuqori jamlashni va psixomotor reaksiyalar tezligini talab qiladigan potensial xavfli faoliyat turlari bilan shug'ullanishdan saqlanish kerak.

• yaqqol jigar yetishmovchiligi;
• yaqqol buyrak yetishmovchiligi;
• surunkali yurak yetishmovchiligi;
• arterial gipotenziya (sistolik AB darajasining 100 mm sim. ust. dan pastga tushishi);
• qon yaratishning susayishi (granulotsitopeniya, leykopeniya, agranulotsitoz, tsitostatik yoki infektsion neytropeniya);
• glyukoza-6-fosfatdegidrogenaza tanqisligi;
• "aspirin" astmasi;
• homiladorlik;
• laktatsiya davri (emizish);
• bolalar yoshi (14 yoshgacha);
• metamizol natriyga, pirazolon hosilalariga yoki triatsetonamin-4-toluensulfonatga yuqori sezuvchanlik.

Ehtiyotkorlik bilan buyrak kasalliklarida (pielonefrit, glomerulonefrit, shu jumladan anamnezda), o'rtacha og'irlikdagi jigar/buyrak yetishmovchiligida, bronxial astmada, arterial gipotenziya rivojlanishiga moyillikda, uzoq vaqt spirtli ichimliklarni suiiste'mol qilishda buyuriladi.

Tempalgin etanol samaralarini kuchaytiradi.

Tempalginni xlorpromazin yoki boshqa fenotiazin hosilalari bilan bir vaqtda qo'llash yaqqol gipertermiya rivojlanishiga olib kelishi mumkin.

Sedativ vositalar va trankvilizatorlar preparatning analgetik ta'sirini kuchaytiradi.

Bir vaqtda qo'llanilganda tiamazol va tsitostatiklar leykopeniya rivojlanish xavfini oshiradi.

Metamizol natriy siklosporin bilan bir vaqtda qo'llanilganda oxirgisining qon plazmasidagi konsentratsiyasi pasayadi.

Metamizol natriy oqsil bilan bog'idan peroral gipoglikemik preparatlar, bilvosita antikoagulyantlar, GKS va indometatsinni siqib chiqarib, ularning ta'sirini oshiradi.

Bir vaqtda qo'llanilganda barbituratlar, fenilbutazon va jigar mikrosomal fermentlarining boshqa induktorlari metamizol natriy ta'sirini susaytiradi.

Metamizol natriyni boshqa noopioid analgetiklar, tritsiklik antidepressantlar, peroral kontraseptivlar, allopurinol bilan bir vaqtda qo'llash toksik samaralarning o'zaro kuchayishiga olib kelishi mumkin.

Kodein, gistamin H_{-reseptorlari blokatorlari va propranolol metamizol natriy chiqarilishini sekinlashtiradi va uning ta'sirini kuchaytiradi.}

Tabletkalar ichga, chaynamasdan, yetarli miqdordagi suyuqlik bilan, ovqat vaqtida yoki undan keyin qabul qilinadi.

Kattalarga 1 tab. dan kuniga 1-3 marta tayinlanadi, samaradorlik yetarli bo'lmaganda yana 1 tab. qabul qilish mumkin. Maksimal bir martalik doza 2 tab., maksimal sutkalik - 6 tab. ni tashkil qiladi. Qabul qilish davomiyligi - 5 kundan ortiq emas. Sutkalik dozani oshirish yoki davolash davomiyligini uzaytirish faqat shifokor nazorati ostida mumkin.