TETRASIKLIN maz

Ichga qabul qilingandan so'ng dozaning 60-80% MITYdan so'riladi. Organizmning aksariyat to'qimalari va suyuqliklarida tez taqsimlanadi. Yo'ldosh to'sig'i orqali o'tadi, ko'krak suti bilan ajralib chiqadi. Siydik va axlat bilan o'zgarmagan holda chiqariladi.

Keng ta'sir doirasiga ega antibiotik. Qo'zg'atuvchilar oqsili sintezini bostirish hisobiga bakteriostatik ta'sir ko'rsatadi.

Aerob grammusbat bakteriyalarga: Staphylococcus spp. (shu jumladan penitsillinaza ishlab chiqaruvchi shtammlar), Streptococcus spp.; grammanfiy bakteriyalarga: Neisseria gonorrhoeae, Bordetella pertussis, Enterobacter spp., Escherichia coli, Klebsiella spp., Salmonella spp., Shigella spp.; anaerob bakteriyalarga: Clostridium spp. nisbatan faol.

Shuningdek, Rickettsia spp., Chlamydia spp., Mycoplasma spp., Spirochaetaceae ga nisbatan faol.

Tetratsiklinga Pseudomonas aeruginosa, Proteus spp., Serratia spp., Bacteroides fragilis ning ko'pchilik shtammlari, ko'pchilik zamburug'lar, mayda viruslar chidamli.

Ovqat hazm qilish tizimi tomonidan: ko'ngil aynishi, qusish, anoreksiya, qorinda og'riqlar, diareya, qabziyat, og'iz qurishi, glossit, til rangi o'zgarishi, ezofagit, jigar transaminazalari, IF, bilirubin kontsentratsiyasi, qoldiq azotning o'tkinchi oshishi.

MNS tomonidan: bosh aylanishi, bosh og'rig'i.

Qon yaratish tizimi tomonidan: neytropeniya, trombotsitopeniya, gemolitik anemiya.

Allergik reaksiyalar: teri toshmasi, qichishish, eozinofiliya, Kvinke shishi.

Dermatologik reaksiyalar: fotosensibilizatsiya.

Kimyoterapiya ta'siri bilan bog'liq effektlar: kandidozli stomatit, kandidozli vulvovaginit, ichak disbakteriozi.

Mahalliy reaksiyalar: yuborish joyida og'riq.

Boshqalar: V guruhi vitaminlari gipovitaminozi.

Uzoq muddat qo'llanilganda vaqti-vaqti bilan buyrak, jigar, qon hosil qilish a'zolari funksiyalarini nazorat qilish zarur.

Tetratsiklinni bolalarda tishlar rivojlanishi davrida qo'llash ularning rangining qaytmas o'zgarishiga olib kelishi mumkin.

Davolash davrida gipovitaminoz profilaktikasi uchun B guruhi, K vitaminlari, pivo achitqilarini qo'llash kerak.

Tetratsiklinni sut va boshqa sut mahsulotlari bilan bir vaqtda qabul qilish mumkin emas, chunki bunda antibiotikning so'rilishi buziladi.

Jigar yetishmovchiligi, leykopeniya, mikozlar, 8 yoshgacha bo'lgan bolalar, homiladorlik, laktatsiya davri (emizish), tetratsiklinga yuqori sezuvchanlik.

Tarkibida metall ionlari bo'lgan preparatlar (antatsidlar, temir, magniy, kaltsiy saqlagan preparatlar) tetratsiklin bilan nofaol xelatlar hosil qiladi, shu munosabat bilan ularni bir vaqtda tayinlashdan qochish zarur.

Bakteritsid ta'sir ko'rsatuvchi va bakteriostatik antibiotiklar (shu jumladan tetratsiklin) antagonisti hisoblanadigan penitsillinlar, sefalosporinlar bilan kombinatsiyadan qochish zarur.

Tetratsiklin retinol bilan bir vaqtda qo'llanilganda kalla ichki gipertenziyasi rivojlanishi mumkin.

Kolestiramin yoki kolestipol bilan bir vaqtda qo'llanilganda tetratsiklin so'rilishi buzilishi qayd etiladi.