TETRASIKLIN S NISTATINOM 0,1+0,0222 tabletkalari N10

Asosiy farmakokinetik parametrlar tetratsiklinga tegishli. Absorbtsiya - 75-77 %, ovqat qabul qilinganda pasayadi, plazma oqsillari bilan bog'lanishi - 55-65 %. Peroral qabul qilinganda maksimal kontsentratsiyaga erishish vaqti - 2-3 soat (terapevtik kontsentratsiyaga erishish uchun 2-3 kun talab etilishi mumkin). Keyingi 8 soat davomida kontsentratsiya asta-sekin pasayadi. Maksimal kontsentratsiya - 1,5-3,5 mg/l (davolash samarasiga erishish uchun 1 mg/l kontsentratsiya yetarli).

Yo'ldosh to'sig'i orqali va ko'krak sutiga o'tadi. Taqsimlanish hajmi - 1,3 - 1,6 l/kg.

Organizmda notekis taqsimlanadi: maksimal kontsentratsiya jigar, buyraklar, o'pka, taloq, limfa tugunlarida aniqlanadi. Safrodagi kontsentratsiya qon zardobidagiga qaraganda 5 - 10 baravar yuqori. Qalqonsimon bez va prostata bezi to'qimalarida tetratsiklin kontsentratsiyasi plazmada aniqlanadiganga mos keladi; plevral, astsitik suyuqlikda, so'lakda, emizikli ayollar sutida - plazmadagi kontsentratsiyaning 60 - 100 %. Suyak to'qimasida, o'sma to'qimalarida, dentin va sut tishlari emalida katta miqdorda to'planadi. Gematoensefalik to'siq orqali yomon o'tadi. Bosh miya qobiqlari intakt bo'lganda orqa miya suyuqligida aniqlanmaydi yoki oz miqdorda (plazmadagi kontsentratsiyaning 5-10 %) aniqlanadi. Markaziy asab tizimi kasalliklari bo'lgan bemorlarda, ayniqsa miya qobiqlarida yallig'lanish jarayonlarida, orqa miya suyuqligidagi kontsentratsiya plazmadagi kontsentratsiyaning 8-36 % ini tashkil qiladi.

Jigarda biroz metabolizmga uchraydi. Yarim chiqarilish davri - 6-11 soat, anuriyada - 57-108 soat. Siydikda kiritilgandan 2 soat o'tgach yuqori kontsentratsiyada aniqlanadi va 6-12 soat davomida saqlanib turadi; dastlabki 12 soat ichida buyraklar orqali dozaning 10-20 % gachasi chiqariladi. Kamroq miqdorda (umumiy dozaning 5-10 %) safro bilan ichakka chiqariladi, u yerda qisman qayta so'rilish sodir bo'ladi, bu esa organizmda faol moddaning uzoq vaqt aylanishiga yordam beradi (ichak-jigar aylanishi). Ichak orqali chiqarilishi - 20 - 50 %. Gemodializda sekin chiqariladi.

Nistatin me'da-ichak yo'llaridan deyarli so'rilmaydi. Me'da-ichak yo'llari orqali chiqariladi. Nistatin kumulyativ xususiyatlarga ega emas.

Ovqat hazm qilish tizimi tomonidan: anoreksiya, qusish, diareya, ko'ngil aynishi, qorinda og'riqlar, glossit, ezofagit, gastrit, oshqozon va o'n ikki barmoqli ichak yaralanishi, til so'rg'ichlari gipertrofiyasi, bolalarda tish emali rangining o'zgarishi, og'iz bo'shlig'i shilliq qavatining ta'sirlanishi, disfagiya, gepatotoksik ta'sir, pankreatit, "jigar" transaminazalari faolligining oshishi, giperbilirubinemiya.

Nerv tizimi tomonidan: bosh miya ichki bosimining oshishi, bosh aylanishi yoki muvozanatsizlik.

Qon yaratish a'zolari tomonidan: gemolitik anemiya, trombotsitopeniya, neytropeniya.

Siydik chiqarish tizimi tomonidan: azotemiya, giperkreatininemiya.

Allergik reaksiyalar: makulez-papulez toshma, teri giperemiyasi, angionevrotik shish, anafilaktoid reaksiyalar, dori qizil yugurigi.

Boshqalar: superinfeksiya, fotosensibilizatsiya, B gipovitaminozi.

Fotosensibilizatsiya rivojlanishi mumkinligi sababli, insolyatsiyani cheklash zarur.

Og‘iz shilliq qavatlari ta'sirlanishini oldini olish uchun preparatni qabul qilgandan so‘ng og‘izni yaxshilab chayish tavsiya etiladi.

Uzoq muddat foydalanilganda buyrak, jigar, qon yaratish a'zolari funksiyasini davriy nazorat qilish zarur.

Zaxm ko‘rinishlarini niqoblashi mumkin, shu munosabat bilan aralash infeksiya ehtimoli bo‘lganda, 4 oy davomida har oyda serologik tahlil o‘tkazish zarur.

Barcha tetratsiklinlar har qanday suyak hosil qiluvchi to‘qimada kalsiy bilan turg‘un komplekslar hosil qiladi. Shu munosabat bilan tishlar rivojlanishi davrida qabul qilish tishlarning uzoq muddat sariq-kulrang-jigarrang rangga bo‘yalishiga, shuningdek emal gipoplaziyasiga sabab bo‘lishi mumkin.

Gipovitaminoz profilaktikasi uchun V va K guruhi vitaminlari, pivo achitqilarini tayinlash kerak.

Preparat komponentlariga yuqori sezuvchanlik, homiladorlik, laktatsiya davri, leykopeniya, jigar yetishmovchiligi, oshqozon va o‘n ikki barmoqli ichak yara kasalligi.

Ushbu dori shakli uchun bolalar va o‘smirlar yoshi.

Ehtiyotkorlik bilan:

buyrak yetishmovchiligi.

Homiladorlik va laktatsiya:

qo‘llash mumkin emas

So'rilishni alyuminiy, magniy va kalsiy saqlovchi antatsidlar, temir preparatlari va kolestiramin kamaytiradi.

Ichak mikroflorasini bostirishi munosabati bilan protrombin indeksi pasayadi (bilvosita antikoagulyantlar dozasini kamaytirishni talab qiladi).

Hujayra devori sintezini buzuvchi bakteritsid antibiotiklar (penitsillinlar, sefalosporinlar) samaradorligini pasaytiradi.

Ximotripsin preparat konsentratsiyasini va sirkulyatsiya davomiyligini oshiradi. Estrogen saqlovchi peroral kontraseptivlar samaradorligini pasaytiradi va "to'satdan" qon ketishlar rivojlanishi xavfini oshiradi; retinol - bosh miya ichki bosimi oshishi rivojlanishi xavfini.