SIPROFLOKSASIN AKOS ko'z tomchilari 5ml 0,3%
SIPROFLOKSASIN AKOS ko'z tomchilari 5ml 0,3% o'xshash dorilari
SIPROFLOKSASIN AKOS ko'z tomchilari 5ml 0,3% qo'llanmasi
Mahalliy qo'llanilganda siprofloksatsin ko'z to'qimalariga yaxshi kirib boradi. Shox parda va ko'zning oldingi kamerasiga, ayniqsa shox parda epitelial qoplamasi buzilganda kirib boradi. Shox parda shikastlanganda undagi siprofloksatsin kontsentratsiyasi shox parda infektsiyalarining ko'pchilik qo'zg'atuvchilariga qarshi samaralidir.
Bir marta tomizilgandan so'ng ko'zning oldingi kamerasi namligida siprofloksatsin kontsentratsiyasi 10 daqiqadan so'ng erishiladi va 100 mkg/ml ni tashkil qiladi. 1 soatdan keyin oldingi kamera namligidagi maksimal kontsentratsiya Cmax 190 mkg/ml ni tashkil qiladi. 2 soatdan keyin preparat kontsentratsiyasi pasaya boshlaydi, bunda uning shox parda to'qimalaridagi antibakterial ta'siri 6 soatgacha, oldingi kamera namligida - 4 soatgacha saqlanib turadi.
Tomizilgandan so'ng preparatning tizimli absorbtsiyasi bo'lishi mumkin. Siprofloksatsin ko'z tomchilari har ikkala ko'zga 4 marta/sutka 7 kun davomida mahalliy qo'llanilganda qon plazmasidagi siprofloksatsinning o'rtacha kontsentratsiyasi 2-2,5 ng/ml dan kamni, maksimal kontsentratsiya – 5 ng/ml dan kamni tashkil qiladi.
Mahalliy qo'llanilganda plazmadan T1/2 4-5 soatni tashkil qiladi. Preparat buyraklar orqali o'zgarmagan holda - 50% gacha, va metabolitlar ko'rinishida - 10 % gacha; ichak orqali - taxminan 15 % chiqariladi. Preparatning ma'lum qismi ko'krak suti bilan ajralib chiqadi.
Allergik reaksiyalar, qichishish, achishish, ko'z kon'yunktivasining yengil og'rishi va qizarishi, ko'ngil aynishi, kamdan-kam hollarda - qovoqlar shishi, yorug'likdan qo'rqish, ko'z yoshlanishi, ko'zlarda yot jism hissi, tomizgandan so'ng darhol og'izda yoqimsiz ta'm, ko'rish o'tkirligining pasayishi, shox parda yarasi bo'lgan bemorlarda oq kristall pretsipitatning paydo bo'lishi, keratit, keratopatiya, shox parda dog'lari paydo bo'lishi yoki infiltratsiyasi, superinfeksiya rivojlanishi.
Ko'z tomchilari shaklidagi eritma ko'z ichiga in'ektsiya uchun mo'ljallanmagan!
Preparatni subkon'yunktival yoki to'g'ridan-to'g'ri ko'z oldi kamerasiga yuborish mumkin emas!
Boshqa oftalmologik dori vositalari qo'llanilganda ular yuborilishi orasidagi interval kamida 5 minutni tashkil qilishi kerak.
Agar tomchilar qo'llanilgandan keyin uzoq vaqt davomida kon'yunktival giperemiya davom etsa yoki kuchaysa, preparatni qo'llashni to'xtatish va shifokorga murojaat qilish kerak.
Preparat bilan davolash davrida yumshoq kontakt linzalarni taqish tavsiya etilmaydi. Qattiq linzalar qo'llanilganda ularni tomizishdan oldin yechib olish va preparat instillyatsiyasidan 15-20 minut o'tgach qayta taqish kerak.
Applikatsiyadan keyin ko'rish o'tkirligi vaqtincha yo'qoladigan bemorlarga preparat tomizilgandan keyin darhol mashina haydash yoki ko'rish o'tkirligini talab qiluvchi murakkab texnika, dastgohlar yoki boshqa har qanday murakkab uskunalar bilan ishlash tavsiya etilmaydi.
Siprofloksatsinga yoki ftorxinolonlar guruhidagi boshqa preparatlarga yuqori sezuvchanlik, bolalar va o‘smirlar yoshi (18 yoshgacha), homiladorlik, laktatsiya (emizish davri).
Farmatsevtik o'zaro ta'sir: siprofloksatsin eritmasi pH qiymati 3-4 bo'lgan, fizik yoki kimyoviy jihatdan beqaror bo'lgan dori vositalari eritmalari bilan nomutanosib.
Boshqa mikroblarga qarshi preparatlar bilan bir vaqtda kombinatsiyalanganda odatda sinergik o'zaro ta'sir kuzatiladi (beta-laktam antibiotiklar, aminogli-glikozidlar, klindamitsin, metronidazol).
Yengil va o‘rtacha og‘ir infeksiyada shikastlangan ko‘zning (yoki ikkala ko‘zning) kon’yunktival qopchasiga 1-2 tomchidan har 4 soatda, og‘ir infeksiyada - 2 tomchidan har soatda tomiziladi. Holat yaxshilanganidan keyin doza va tomizishlar tez-tezligi kamaytiriladi.
O‘tkir bakterial kon’yunktivitlarda, oddiy, qipiqli va yarali blefaritlarda - yallig‘lanish jarayonining og‘irligiga qarab sutkasiga 4-8 marta, davolash kursi - 5 dan 14 kungacha.
Keratitlarda - 1 tomchidan sutkasiga kamida 6 marta. Ijobiy samara bo‘lganda terapiya davomiyligi shox parda shikastlanishining og‘irligiga bog‘liq va odatda 2-4 haftani tashkil qiladi.
Pseudomonas aeruginosa chaqirgan shox parda shikastlanishida - 1 tomchidan sutkasiga kamida 8-12 marta. Terapiya davomiyligi kasallikning kechishiga bog‘liq va odatda 2-3 haftani tashkil qiladi.
Oldingi uveitlarda preparat 1 tomchidan sutkasiga 8-12 marta tayinlanadi. O‘tkir dakriosistit va kanalikulitlarda - 1 tomchidan sutkasiga 6-12 marta, surunkali holatda - 4-8 marta.
Shox pardaning bakterial yarasida: birinchi sutkada - 6 soat davomida har 15 daqiqada, keyin uyg‘oqlik vaqtida har 30 daqiqada 1 tomchidan; ikkinchi sutkada - uyg‘oqlik vaqtida har soatda 1 tomchidan; 3-kundan 14-kungacha - uyg‘oqlik vaqtida har 4 soatda 1 tomchidan. Agar 14 kunlik terapiyadan keyin epitelizatsiya sodir bo‘lmasa, davolashni davom ettirish mumkin.
Ko‘z va uning qo‘shimchalari jarohatlarida ikkilamchi infeksiyaning oldini olish uchun – 1 tomchidan sutkasiga 4-8 marta 1-2 hafta davomida. Ko‘z olmasi perforatsiyasi bilan kechgan jarrohlik aralashuvlaridan keyin yallig‘lanish kasalliklarining oldini olish uchun - 1 tomchidan sutkasiga 4-6 marta butun operatsiyadan keyingi davr mobaynida (odatda 5 kundan 1 oygacha).
Xususiyatlar SIPROFLOKSASIN AKOS ko'z tomchilari 5ml 0,3%
Siprofloksatsin boshqa chiqarish shakllari
SIPROFLOKSASIN AKOS ko'z tomchilari 5ml 0,3% analoglari
