SIPROFLOKSASIN tomchilar 5ml 0,3% N1

Ko'z tomchilari ishlatilganda plazmadagi C_max - 5 ng/ml dan kam. O'rtacha kontsentratsiya - 2,5 ng/ml dan past.

Siprofloksatsin - keng ta’sir doirasiga ega mikroblarga qarshi preparat, ftorxinolon hosilasi, bakterial DNK-girazani (genetik ma’lumotni o‘qish uchun zarur bo‘lgan yadroviy RNK atrofida xromosoma DNKsining superspiralizatsiya jarayoni uchun javobgar bo‘lgan topoizomeraza II va IV) bostiradi, DNK sintezini, bakteriyalar o‘sishi va bo‘linishini buzadi; yaqqol morfologik o‘zgarishlarni (shu jumladan hujayra devori va membranalarda) va bakterial hujayraning tez o‘limini chaqiradi. Siprofloksatsinning ta’sir doirasi quyidagi mikroorganizmlar turlarini o‘z ichiga oladi: E.coli, Shigella spp., Salmonellas spp., Citrobacter spp., Klebsiella spp., Enterobacter spp, Serratia marcescens, Hafnia alvei, Edwardsiella tarda, Proteus spp., Providencia spp, Morganella morganii, Yersinia enterocolitica, Vibrio spp, Aeromonas spp., Рlesiomonas shigelloides, Pasteurella multocida, Haemophilus spp., Campylobacter jejuni, Pseudomonas aeruginosa, Legionella pneumophila, Neisseria meningitidis, Moraxella (Branhamella) catarhalis, Acinetobacter spp., Brucella mellitensis, Staphylococcus spp., Sreptococcus agalactiae, Listeria spp, Corynebacterium spp., Chlamydiae trachomatis.

Sezgi organlari tomonidan: qichishish, achishish, kon'yunktiva yoki tashqi eshitish yo'li va nog'ora parda sohasida yengil og'riqlilik va giperemiya; kamdan-kam hollarda - qovoqlar shishi, yorug'likdan qo'rqish, ko'z yoshlanishi, ko'zlarda yot jism hissi, tomizgandan so'ng darhol og'izda yoqimsiz ta'm, ko'rish o'tkirligining pasayishi, shox parda yarasi bo'lgan bemorlarda oq kristall pretsipitatning paydo bo'lishi, keratit, keratopatiya, shox parda dog'lari paydo bo'lishi yoki shox parda infiltratsiyasi.

Boshqalar: ko'ngil aynishi, allergik reaksiyalar, superinfeksiya rivojlanishi.

Ko'z tomchilari shaklidagi eritma ko'z ichiga in'ektsiya uchun mo'ljallanmagan.

Boshqa oftalmologik dori vositalari qo'llanilganda ular yuborilishi orasidagi interval kamida 5 minutni tashkil qilishi kerak.

Yuqori sezuvchanlikning har qanday belgilari paydo bo'lganda preparatni qo'llashni to'xtatish kerak.

Bemorga agar tomchilar qo'llanilgandan keyin uzoq vaqt davomida kon'yunktival giperemiya davom etsa yoki kuchaysa, preparatni qo'llashni to'xtatish va shifokorga murojaat qilish kerakligi haqida ma'lumot berish kerak.

Preparat bilan davolash davrida yumshoq kontakt linzalarni taqish tavsiya etilmaydi. Qattiq kontakt linzalar qo'llanilganda ularni tomizishdan oldin yechib olish va preparat instillyatsiyasidan 15-20 minut o'tgach qayta taqish kerak.

• virusli keratit;
• 1 yoshgacha bo'lgan bolalar (ko'z tomchilari uchun);
• preparat tarkibiy qismlariga yuqori sezuvchanlik.

Tsiprofloksatsin tomchilarining boshqa preparatlar bilan bir vaqtda qo‘llanilganda o‘zaro ta’siri aniqlanmagan.

Ba’zi xinolonlarni tizimli qo‘llash qon plazmasida teofillin konsentratsiyasining oshishiga olib kelishi, kofein metabolizmiga ta’sir qilishi va peroral antikoagulyantlarning (shu jumladan varfarin va uning hosilalarining) ta’sirini kuchaytirishi haqida ma’lumotlar mavjud.

Siklosporin tsiprofloksatsinning tizimli qo‘llanilishi bilan birga buyurilganda, bemorlarning qon zardobida kreatinin darajasining vaqtincha oshishi kuzatilgan.

Tsiprofloksatsin ishqoriy eritmalar bilan mos kelmaydi.

Shifokorning maxsus ko'rsatmalari bo'lmaganda quyidagi dozalar tavsiya etiladi. Yengil va o'rtacha og'ir infeksiyada preparat har 4 soatda zararlangan ko'zga 1-2 tomchidan buyuriladi. Og'ir infeksiyada har soatda ko'zga 2 tomchidan buyuriladi. Holat yaxshilangandan so'ng tomizish chastotasini kamaytirish mumkin. Davolash davomiyligi infeksiya turiga bog'liq va 7-14 kun davom etishi mumkin.