VALERIANI nastoyka 30ml
VALERIANI nastoyka 30ml haqida qo'llanma
Farmakologik ta'siri
O‘simlikdan olingan vosita. O‘rtacha ifodalangan sedativ samara chaqiradi. Ta’sir efir moyi saqlashi bilan bog‘liq, uning katta qismini borneol va izovalerian kislotasining murakkab efiri tashkil qiladi. Valepotriatlar va alkaloidlar - valerin va xotenin ham sedativ xususiyatlarga ega. Valeriana tabiiy uyqu boshlanishini yengillashtiradi. Sedativ samara sekin, ammo yetarlicha barqaror namoyon bo‘ladi. Valerian kislotasi va valepotriatlar kuchsiz spazmolitik ta’sirga ega. Bundan tashqari, dorivor valeriana biologik faol moddalari majmuasi o‘t haydovchi ta’sir ko‘rsatadi, MITYu shilliq qavati sekretor faolligini kuchaytiradi, yurak ritmini sekinlashtiradi va koronar tomirlarni kengaytiradi. Yurak faoliyatini tartibga solish neyroregulyator mexanizmlar va yurak avtomatizmi va o‘tkazuvchi tizimiga bevosita ta’sir orqali amalga oshiriladi. Davolash ta’siri tizimli va uzoq muddatli kursli davolashda namoyon bo‘ladi.
Nojo'ya samaralari
Alohida hollarda: yuqori sezuvchanlik reaksiyalari; yuqori dozalarda qo'llanilganda - holsizlik, tushkunlik, kuchsizlik, ish qobiliyatining pasayishi.
Maxsus ko‘rsatmalari
Preparat bolalar ololmaydigan joyda saqlansin va yaroqlilik muddati o'tgach ishlatilmasin.
Qo'llanilishi mumkin bo'lmagan holatlar
Valerianaga yuqori sezuvchanlik.
Dori vositalarining o'zaro ta'siri
MNS ga susaytiruvchi ta’sir ko‘rsatuvchi dori vositalari bilan bir vaqtda qo‘llanilganda ularning ta’siri potensiyalanadi.
Dozirovkasi
Ichga qabul qilinadi, kattalarga 20-30 tomchidan kuniga 3-4 marta, bolalarga yoshiga mos ravishda (bola necha yoshda bo'lsa shuncha tomchi).
Hajm/og'irlik
VALERIANI nastoyka 30ml o'xshash dorilari
Valeriani boshqa chiqarish shakllari
