BISEPTOL suspenziya 80ml 240mg/5ml

Peroral qabul qilinganda so'rilish tez va deyarli to'liq - 90%. 160 mg trimetoprim + 800 mg sulfametoksazol bir marta qabul qilingandan so'ng trimetoprimning C_max - 1,5-3 mkg/ml, sulfametoksazolniki esa - 40-80 mkg/ml. Qon plazmasida С_max ga 1-4 soatdan keyin erishiladi; kontsentratsiyaning terapevtik darajasi bir marta qabul qilingandan keyin 7 soat davomida saqlanib turadi. 12 soat oraliq bilan ko'p marta qabul qilinganda minimal muvozanatli kontsentratsiyalar trimetoprim uchun 1,3-2,8 mkg/ml va sulfametoksazol uchun 32-63 mkg/ml oralig'ida barqarorlashadi. Preparatning C_ss siga 2-3 kun ichida erishiladi.

Organizmda yaxshi taqsimlanadi. Trimetoprimning V_d si taxminan 130 l, sulfametoksazolniki - taxminan 20 l ni tashkil qiladi. Gematoensefalik to'siq, yo'ldosh to'sig'i orqali va ko'krak sutiga o'tadi. O'pka va siydikda plazmadagi miqdordan oshib ketadigan kontsentratsiyalarni hosil qiladi. Trimetoprim prostata bezining yallig'lanmagan to'qimasi, urug' suyuqligi, qin sekreti, so'lak, sog'lom va yallig'langan o'pka to'qimasi, safroga sulfametoksazolga qaraganda biroz yaxshiroq kirib boradi, orqa miya suyuqligi va ko'z suyuqligiga esa preparatning ikkala komponenti bir xil darajada kiradi. Trimetoprimning katta miqdori va sulfametoksazolning biroz kamroq miqdori qon oqimidan interstitsial va organizmning boshqa ekstravazal suyuqliklariga o'tadi, bunda trimetoprim va sulfametoksazol kontsentratsiyalari ko'pchilik patogen mikroorganizmlar uchun minimal bostiruvchi kontsentratsiya (MBK) dan oshadi. Plazma oqsillari bilan bog'lanishi - sulfametoksazolda 66%, trimetoprimda - 45%. Jigarda metabolizmga uchraydi. Ba'zi metabolitlar mikroblarga qarshi faollikka ega. Sulfametoksazol asosan N4-atsetillanish va kamroq darajada glyukuron kislotasi bilan konyugatsiyalanish yo'li bilan metabolizmga uchraydi. Buyraklar orqali metabolitlar ko'rinishida (72 soat ichida 80%) va o'zgarmagan holda (20% sulfametoksazol, 50% trimetoprim); oz miqdori - ichak orqali chiqariladi. Ikkala modda, shuningdek ularning metabolitlari ham kalavalar filtratsiyasi, ham naychalar sekretsiyasi yo'li bilan buyraklar orqali chiqariladi, buning natijasida siydikdagi ikkala faol moddaning kontsentratsiyasi qondagiga qaraganda ancha yuqori bo'ladi.

T_{sulfametoksazol - 9-11 soat, trimetoprim - 10-12 soat, bolalarda - ancha kam va yoshga bog'liq: 1 yoshgacha - 7-8 soat, 1-10 yosh - 5-6 soat.}

Keksa bemorlarda va/yoki buyrak funktsiyasi buzilgan bemorlarda (kreatinin klirensi (KK) 15-20 ml/daq) T_{ortadi, bu dozani to'g'rilashni talab qiladi.}

Ko-trimoksazol - sulfametoksazol va trimetoprimdan 5:1 nisbatda tashkil topgan majmuaviy mikroblarga qarshi preparat.

Tuzilishi bo'yicha para-aminobenzoy kislotasi (PABK) ga o'xshash bo'lgan sulfametoksazol bakterial hujayralarda digidrofoliy kislotasi sintezini buzadi, PABKning uning molekulasiga kirishiga to'sqinlik qiladi. Trimetoprim sulfametoksazol ta'sirini kuchaytiradi, digidrofoliy kislotasining oqsil almashinuvi va mikrob hujayrasining bo'linishi uchun javobgar bo'lgan foliy kislotasining faol shakli - tetragidrofoliy kislotasiga qaytarilishini buzadi.

Shunday qilib, ikkala komponent mikroorganizmlar tomonidan purin birikmalari, so'ngra nuklein kislotalar (RNK va DNK) sintezi uchun zarur bo'lgan foliy kislotasi hosil bo'lish jarayonini buzadi. Bu oqsillar hosil bo'lishini buzadi va bakteriyalarning o'limiga olib keladi. In vitro keng ta'sir doirasiga ega bakteritsid preparat hisoblanadi, ammo sezgirlik geografik joylashuvga bog'liq bo'lishi mumkin.

Odatda sezgir qo'zg'atuvchilar (minimal bostiruvchi kontsentratsiya (MBK) sulfametoksazol bo'yicha 80 mg/l dan kam): Moraxella (Branhamella) catarrhalis, Haemophilus influenzae (beta-laktamaza hosil qiluvchi va beta-laktamaza hosil qilmaydigan shtammlar), Haemophilus parainfluenzae, Escherichia coli (shu jumladan enterotoksogen shtammlar), Citrobacter spp. (shu jumladan Citrobacter freundii), Klebsiella spp. (shu jumladan Klebsiella pneumoniae, Klebsiella oxytoca), Enterobacter cloaceae, Enterobacter aerogenes, Hafnia alvei, Serratia spp. (shu jumladan Serratia marcescens, Serratia liquefaciens), Proteus mirabilis, Proteus vulgaris, Morganella morganii. Shigella spp. (shu jumladan Shigella flexneri. Shigella sonnet). Yersinia spp. (shu jumladan Yersinia enterocolitica), Vibrio cholerae, Edwardsiella tarda, Alcaligenes faecalis, Burkholderia (Pseudomonas) cepacia, Burkholderia (Pseudomonas) pseudomallei.

Shuningdek, Brucella spp.. Listeria monocytogenes, Nocardia asteroides, Pneumocystis carinii, Cyclospora cayetanensis sezgir bo'lishi mumkin.

Qisman sezgir qo'zg'atuvchilar (MBK sulfametoksazol bo'yicha 80-160 mg/l): Staphylococcus spp. ning koagulaza-manfiy shtammlari (shu jumladan Staphylococcus aureus ning metitsillinga sezgir va metitsillinga chidamli shtammlari). Streptococcus pneumoniae (penitsillinga sezgir va penitsillinga chidamli shtammlar), Haemophilus ducreyi, Providencia spp. (shu jumladan Providencia rettgeri), Salmonella typhi. Salmonella enteritidis, Slenotrdphomonas maltophilia (ilgari Xanthomonas maltophilia deb atalgan), Acinetobacter Iwoffii, Acinetobacter baumanii, Aeromonas hydrophila.

Chidamli qo'zg'atuvchilar (MBK sulfametoksazol bo'yicha 160 mg/l dan ortiq): Mycoplasma spp., Mycobacterium tuberculosis, Treponema pallidum, Pseudomonas aeruginosa.

Agar preparat empirik tarzda buyurilsa, ma'lum bir infektsion kasallikning mumkin bo'lgan qo'zg'atuvchilarining preparatga chidamliligining mahalliy xususiyatlarini hisobga olish kerak. Qisman sezgir mikroorganizmlar keltirib chiqarishi mumkin bo'lgan infektsiyalarda qo'zg'atuvchining rezistentligini istisno qilish uchun sezgirlik sinovini o'tkazish tavsiya etiladi.

Asab tizimi tomonidan: bosh og'rig'i, bosh aylanishi, aseptik meningit, periferik nevritlar, talvasalar, ataksiya, quloqlarda jaranglash, depressiya, gallyutsinatsiyalar, apatiya, asabiylik.

Nafas olish tizimi tomonidan: o'pka infiltratlari: eozinofil infiltrat, allergik alveolit (yo'tal, nafas qisishi).

Ovqat hazm qilish tizimi tomonidan: ko'ngil aynishi, qusish, ishtahaning pasayishi, diareya, gastrit, qorinda og'riq, glossit, stomatit, xolestaz, jigar transaminazalari faolligining oshishi, gepatit (shu jumladan xolestatik), gepatonekroz, "yo'qolib borayotgan o't yo'li" sindromi (duktopeniya), giperbilirubinemiya, soxta membranoz kolit, o'tkir pankreatit.

Qon yaratish organlari tomonidan: leykopeniya, neytropeniya, trombotsitopeniya, gipoprotrombinemiya, agranulotsitoz, anemiya (megaloblast, gemolitik/autoimmun yoki aplastik), metgemoglobinemiya, eozinofiliya.

Siydik chiqarish tizimi tomonidan: interstitsial nefrit, buyrak funksiyasining buzilishi, gematuriya, qonda mochevina miqdorining oshishi, giperkreatininemiya, o liguriya va anuriya bilan kechuvchi toksik nefropatiya, kristalluriya.

Suyak-mushak tizimi tomonidan: artralgiya, mialgiya, rabdomioliz (asosan OITS bilan og'rigan bemorlarda).

Allergik reaksiyalar: tana haroratining ko'tarilishi, angionevrotik shish, qichishish, fotosensibilizatsiya, teri toshmasi, eshakemi, ko'p shaklli ekssudativ eritema (shu jumladan Stivens-Jonson sindromi), toksik epidermal nekroliz (Layell sindromi), eksfoliativ dermatit, allergik miokardit, kon'yunktiva giperemiyasi, skleralar, anafilaktik/anafilaktoid reaksiyalar, zardob kasalligi, gemorragik vaskulit (Shenleyn-Genox purpurasi), tugunli periarterit, qizil yugurikka o'xshash sindrom.

Boshqalar: giperkaliyemiya (asosan pnevmotsist pnevmoniyani davolashda OITS bilan og'rigan bemorlarda), giponatriyemiya, gipoglikemiya, holsizlik, charchoq, uyqusizlik, kandidoz.

Ko-trimoksazolni faqat bunday majmuaviy terapiyaning boshqa antibakterial monopreparatlardan afzalligi mumkin bo'lgan xavfdan ustun bo'lgan hollardagina tayinlash kerak.

Bakteriyalarning antibakterial preparatlarga sezuvchanligi in vitro turli geografik hududlarda va vaqt o'tishi bilan o'zgarib turishi sababli, preparatni tanlashda bakterial sezuvchanlikning mahalliy xususiyatlarini hisobga olish kerak.

Uzoq muddatli davolash kurslarida muntazam qon tahlillari zarur, chunki gematologik o'zgarishlar (ko'pincha alomatsiz) yuzaga kelish ehtimoli mavjud. Bu o'zgarishlar foliy kislotasi (sutkada 3-6 mg) tayinlanganda qaytuvchan bo'lishi mumkin, bu preparatning mikroblarga qarshi faolligini jiddiy buzmaydi.

Keksa bemorlarni yoki folatlar yetishmovchiligiga shubha qilingan bemorlarni davolashda alohida ehtiyotkorlik namoyon bo'lishi kerak.

Foliy kislotasini tayinlash, shuningdek, yuqori dozalarda uzoq muddat davolashda ham maqsadga muvofiqdir.

Qonning har qanday hujayralari soni sezilarli kamayganda preparatni bekor qilish kerak.

Shuningdek, davolash fonida ko'p miqdorda PABK saqlovchi oziq-ovqat mahsulotlarini - o'simliklarning yashil qismlari (gulkaram, ismaloq, dukkaklilar), sabzi, pomidorni iste'mol qilish maqsadga muvofiq emas.

Uzoq muddatli kurslarda (ayniqsa buyrak yetishmovchiligida) muntazam ravishda umumiy siydik tahlilini o'tkazish va buyrak funksiyasini nazorat qilish zarur.

Kristalluriya profilaktikasi uchun ajralayotgan siydikning yetarli hajmini tutib turish tavsiya etiladi.

Sulfanilamidlarning toksik va allergik asoratlari ehtimoli buyraklarning filtrlash funksiyasi pasayganda sezilarli darajada oshadi. Teri toshmasi yoki har qanday boshqa og'ir nojo'ya reaksiya birinchi marta paydo bo'lganda preparatni bekor qilish kerak.

Yo'tal yoki hansirash to'satdan paydo bo'lganda yoki kuchayganda bemorni qayta tekshirish va preparat bilan davolashni to'xtatish masalasini ko'rib chiqish kerak.

Haddan tashqari quyosh va ultrabinafsha nurlanishidan saqlanish kerak.

Nojo'ya ta'sirlar xavfi OITS bilan og'rigan bemorlarda ancha yuqori.

Shtammlarning keng tarqalgan rezistentligi tufayli A guruhi beta-gemolitik streptokokki chaqirgan kasalliklarda qo'llash tavsiya etilmaydi.

Ko-trimoksazol qabul qilayotgan bemorlarda pansitopeniya holatlari ta'riflangan.

Trimetoprim odam degidrofolatreduktazasiga nisbatan past affinlikka ega, ammo metotreksatning toksikligini kuchaytirishi mumkin, ayniqsa keksa yosh, gipoalbuminemiya, buyrak funksiyasi buzilishi, suyak iligi susayishi kabi boshqa xavf omillari mavjudligida. Bunday nojo'ya reaksiyalar metotreksat yuqori dozalarda tayinlanganda ko'proq ehtimolli. Mielosupressiya profilaktikasi uchun bunday bemorlarga foliy kislotasi yoki kaltsiy folinat tayinlash tavsiya etiladi.

Trimetoprim fenilalanin almashinuvini buzadi, ammo bu tegishli parhezga rioya qilish sharti bilan fenilketonuriyasi bo'lgan bemorlarga ta'sir qilmaydi.

Moddalar almashinuvi uchun "sekin atsetillanish" xos bo'lgan bemorlar ko'proq.

Davolash davomiyligi imkon qadar qisqa bo'lishi kerak, ayniqsa keksa va qarilik yoshidagi bemorlarda.

Ko-trimoksazol va, xususan, uning tarkibiga kiruvchi trimetoprim qon zardobidagi metotreksat kontsentratsiyasini ligand sifatida bakterial degidrofolatreduktaza qo'llash bilan oqsillar bilan raqobatli bog'lanish usuli bilan o'tkaziladigan aniqlash natijalariga ta'sir qilishi mumkin. Biroq, metotreksat radioimmun usul bilan aniqlanganda interferentsiya yuzaga kelmaydi.

Trimetoprim va sulfametoksazol Yaffe reaksiyasi (ishqoriy muhitda pikrin kislotasi bilan reaksiya bo'yicha kreatininni aniqlash) natijalariga ta'sir qilishi mumkin, bunda normal qiymatlar diapazonida natijalar taxminan 10% ga oshadi.

Avtotransportni haydash va mexanizmlarni boshqarish qobiliyatiga ta'siri

Ahamiyatli nojo'ya ta'sirlar rivojlanishi mumkinligini hisobga olgan holda, davolash davrida avtotransportni haydash va diqqatni yuqori jamlashni hamda psixomotor reaksiyalar tezligini talab qiladigan potensial xavfli faoliyat turlari bilan shug'ullanishda ehtiyotkorlikka rioya qilish zarur.

• jigar va/yoki buyrak yetishmovchiligi (kreatinin klirensi 15 ml/daq dan kam);
• aplastik anemiya, V_{-tanqislik anemiyasi, agranulotsitoz, leykopeniya;}
• glyukoza-6-fosfatdegidrogenaza tanqisligi;
• dofetilid bilan bir vaqtda qabul qilish;
• laktatsiya davri;
• OIV infektsiyali onadan tug'ilganda 2 oygacha yoki 6 haftagacha bo'lgan bolalar;
• sulfanilamidlarga, trimetoprimga va/yoki preparatning boshqa komponentlariga yuqori sezuvchanlik.

Ehtiyotkorlik bilan: qalqonsimon bez faoliyatining buzilishi, anamnezda og'ir allergik reaktsiyalar, bronxial astma, folat kislotasi tanqisligi, porfiriya, homiladorlik.

Bilvosita antikoagulyantlarning antikoagulyant faolligini (antikoagulyant dozasini to'g'irlash), shuningdek gipoglikemik dori vositalari va metotreksat ta'sirini oshiradi (oqsillar bilan bog'lanish va metotreksatning buyrak transporti uchun raqobatlashadi, erkin metotreksat konsentratsiyasini oshiradi).

Fenitoinning jigar metabolizmi intensivligini pasaytiradi (uning T _{ni 39% ga uzaytiradi), uning samarasi va toksik ta'sirini kuchaytiradi.}

Ko-trimoksazol pirimetamin bilan haftasiga 25 mg dan ortiq dozalarda bir vaqtda qo'llanilganda megaloblastli anemiya rivojlanish xavfi oshadi.

Diuretiklar (ko'pincha tiazidlar va keksa yoshdagi bemorlarda) trombotsitopeniya rivojlanish xavfini oshiradi.

Digoksinning zardobdagi konsentratsiyasini oshirishi mumkin, ayniqsa keksa yoshdagi bemorlarda, zardobda digoksin konsentratsiyasini monitoring qilish zarur.

Tritsiklik antidepressantlar samaradorligi ko-trimoksazol bilan kombinatsiyalab qabul qilinganda pasayishi mumkin.

Buyrak ko'chirib o'tkazilgandan keyin ko-trimoksazol va siklosporin olayotgan bemorlarda buyrak funksiyasining kreatinin darajasining oshishi bilan namoyon bo'ladigan qaytar yomonlashuvi kuzatilishi mumkin.

Suyak ko'migi qon hosil bo'lishini susaytiruvchi dori vositalari mielosupressiya xavfini oshiradi.

Ko-trimoksazol indometatsin bilan birgalikda qo'llanilganda qonda sulfametoksazol konsentratsiyasi oshishi mumkin.

Ko-trimoksazol va amantadin bir vaqtda qabul qilingandan keyin toksik deliriyning bitta holati tasvirlangan.

AAF ingibitorlari bilan bir vaqtda qo'llanilganda, ayniqsa keksa yoshdagi bemorlarda giperkaliemiya rivojlanishi mumkin.

Trimetoprim buyrak transport tizimini ingibitsiya qilib, dofetilidning AUC ni 103% ga va dofetilidning C_max ni 93% ga oshiradi. Konsentratsiya oshganda dofetilid QT intervalining uzayishi bilan kechuvchi qorinchalar aritmiyasini, shu jumladan «piruet» turidagi aritmiyani keltirib chiqarishi mumkin. Dofetilid va trimetoprimni bir vaqtda tayinlash mumkin emas.

Ichga, ovqatdan keyin, yetarli miqdordagi suyuqlik bilan.

Kattalar va 12 yoshdan katta bolalar: 960 mg dan har 12 soatda; infektsiyaning og'ir kechishida - 1440 mg dan har 12 soatda; siydik yo'llari infektsiyasida - 10-14 kun, surunkali bronxitning zo'rayishida - 14 kun, sayohatchilar diareyasi va shigellyozlarda - 5 kun. Minimal doza va uzoq muddatli davolash uchun doza (14 kundan ortiq) - 480 mg dan har 12 soatda.

Bolalar: 2 oylikdan (yoki OIV infektsiyasi bo'lgan onalardan tug'ilganda 6 haftalikdan) 5 oylikkacha - 120 mg dan, 6 oylikdan 5 yoshgacha - 240 mg dan, 6 yoshdan 12 yoshgacha - 480 mg dan har 12 soatda, bu sutkasiga taxminan 36 mg/kg dozaga to'g'ri keladi.

Davolash kursi siydik yo'llari infektsiyalari va o'tkir otitda - 10 kun, shigellyozlarda - 5 kun. Og'ir infektsiyalarda bolalar uchun dozalarni 50% ga oshirish mumkin.

O'tkir infektsiyalarda davolashning minimal davomiyligi - 5 kun; simptomlar yo'qolgandan keyin terapiyani 2 kun davomida davom ettiradilar. Agar 7 kunlik terapiyadan keyin klinik yaxshilanish kuzatilmasa, davolashni ehtimoliy to'g'irlash uchun bemorning holatini qayta baholash kerak.

Yumshoq shankr - 960 mg dan har 12 soatda; agar 7 kundan keyin teri elementi bitmasa, terapiyani yana 7 kunga uzaytirish mumkin. Biroq samara yo'qligi qo'zg'atuvchining rezistentligidan dalolat berishi mumkin.

Siydik yo'llarining o'tkir asoratlanmagan infektsiyalari bo'lgan ayollarga 1920-2880 mg bir martalik qabul qilish tavsiya etiladi, imkon qadar kechqurun ovqatdan keyin yoki uyqudan oldin.

Pneumocystis carinii chaqirgan pnevmoniyada - 30 mg/kg dan kuniga 4 marta 6 soat oraliq bilan 14-21 kun davomida.

Pneumocystis carinii chaqirgan pnevmoniya profilaktikasi uchun, kattalar va 12 yoshdan katta bolalarga - 960 mg/sut. 12 yoshdan kichik bolalarga - 450 mg/m ^{har 12 soatda, har hafta 3 kun ketma-ket. Jami sutkalik doza 1920 mg dan oshmasligi kerak. Bunda quyidagi ko'rsatmalardan foydalanish mumkin: tana yuzasining 0,26 m siga - 120 mg, mos ravishda 0,53 m ga - 240 mg, 1,06 m ga - 480 mg.}

Boshqa bakterial infektsiyalarda doza yoshi, tana vazni, buyrak funktsiyasi va kasallikning og'irligiga qarab individual ravishda tanlanadi, masalan, nokardiozda kattalarga - kamida 3 oy davomida (ba'zan 18 oygacha) 2880-3840 mg/sut. Davolash kursi o'tkir brutsellyozda - 3-4 hafta, qorin tifi va paratifda - 1-3 oy.