BISEPTOL suspenziya 80ml 240mg/5ml
BISEPTOL suspenziya 80ml 240mg/5ml haqida qo'llanma
Nojo'ya samaralari
Ovqat hazm qilish tizimi tomonidan: kam hollarda - ko'ngil aynishi, qusish, diareya; alohida hollarda - soxtamembranoz kolit, xolestatik gepatit.
Allergik reaksiyalar: alohida hollarda - Stivens-Djonson sindromi, Layell sindromi.
Qon yaratish tizimi tomonidan: alohida hollarda - qaytuvchan trombotsitopeniya, leykopeniya, neytropeniya, agranulotsitoz, megaloblast anemiya.
Siydik chiqarish tizimi tomonidan: kam hollarda - gematuriya, nefrit.
MNS tomonidan: alohida hollarda - bosh og'rig'i, depressiya, bosh aylanishi.
Nojo'ya ta'sirlar, qoida tariqasida, kuchsiz ifodalangan va preparat bekor qilingandan keyin qaytuvchan.
Maxsus ko‘rsatmalari
Biseptolni jigar va/yoki buyrak funksiyasi buzilishlari, anamnezida allergik reaksiyalar, foliy kislotasi tanqisligi bo'lgan bemorlarga, keksa yoshdagi bemorlarga tayinlashda ehtiyotkorlikka rioya qilish kerak.
Teri toshmasi yoki og'ir kechuvchi diareya paydo bo'lishi preparatni bekor qilish uchun ko'rsatma hisoblanadi.
Streptokokk chaqirgan anginani davolash uchun Biseptolni tayinlash ko'rsatilmagan.
Biseptol bilan davolash vaqtida kristalluriya va siydik tosh kasalligi rivojlanishi xavfi munosabati bilan adekvat suyuqlik iste'molini ta'minlash kerak.
Ishqoriy Yaffe pikrinatidan foydalangan holda kreatinin darajasini aniqlashda Biseptol qabul qilish fonida natija haqiqiydan 10% ga yuqori bo'lishi mumkinligini hisobga olish kerak.
Laborator ko'rsatkichlarni nazorat qilish
Preparat uzoq muddat qo'llanilganda periferik qon manzarasini nazorat qilish zarur.
Qo'llanilishi mumkin bo'lmagan holatlar
– jigar funksiyasining yaqqol buzilishlari;
– buyrak funksiyasining yaqqol buzilishlari (KK minutiga 15 ml dan kam);
– qon yaratish tizimi tomonidan buzilishlar;
– yurak-qon tomir tizimining og'ir kasalliklari;
– glyukoza-6-fosfatdegidrogenaza yetishmovchiligi;
– homiladorlik;
– 3 oylikkacha bo'lgan bolalar;
– preparat komponentlariga yuqori sezuvchanlik
Dori vositalarining o'zaro ta'siri
Bir vaqtda qo'llanilganda trimetoprim gipoglikemik vositalar - sulfonilmochevina hosilalari ta'sirini kuchaytiradi.
Biseptol tiazid diuretiklar bilan birga qo'llanilganda trombotsitopeniya va yuqori qonash rivojlanish xavfi ortadi.
Ko-trimoksazol varfarinning antikoagulyant ta'sirini va fenitoinning tirishishga qarshi faolligini kuchaytiradi.
Rifampitsin birga qo'llanilganda trimetoprimning yarim chiqarilish davrini qisqartiradi.
Biseptol va siklosporin buyrak transplantatsiyasidan keyin birga qo'llanilganda bemorning holati yomonlashadi
Dozirovkasi
3 oylikdan 6 oylikkacha bo'lgan bolalarga - 2,5 ml dan har 12 soatda
7 oylikdan 3 yoshgacha bo'lgan bolalarga - 2,5-5 ml dan har 12 soatda
4 yoshdan 6 yoshgacha bo'lgan bolalarga - 5-10 ml dan har 12 soatda
7 yoshdan 12 yoshgacha bo'lgan bolalarga - 10 ml dan har 12 soatda
kattalar va 12 yoshdan katta bolalarga - 20 ml dan har 12 soatda.
Terapiya davomiyligi - 10-14 kun (shigellyozda - 5 kun).
Pneumocystis carinii chaqirgan infeksiyalarda doza sutkada 120 mg/kg tana vaznini tashkil qiladi; preparat har 6 soatda 14-21 kun davomida qabul qilinadi.
Preparat buyrak funksiyasi buzilgan (KK 15-30 ml/daq) bemorlarga buyurilganda dozani ikki baravar kamaytirish kerak.Dozani oshirib yuborishko'ngil aynishi, qusish, ongning xiralashishi
Hajm/og'irlik
BISEPTOL suspenziya 80ml 240mg/5ml o'xshash dorilari
Biseptol boshqa chiqarish shakllari
