ALOVELL analoglari

Нохуш реакцияларни учраш тезлигини қуйида келтирилган кўрсаткичлари қуйидаги тарзда аниқланган: жуда тез-тез (≥ 1/10), тез-тез (≥ 1/100, аммо < 1/10), тез-тез эмас (≥ 1/1000, аммо < 1/100), кам ҳолларда (≥ 1/10000, аммо < 1/1000).

Иммун тизими томонидан: кам ҳолларда – ўта юқори сезувчанлик реакциялари, шу жумладан эшакеми ва ангионевротик шиш.

Метаболизм ва овқатланишни бузилишлари: кам ҳолларда – кўпроқ мойиллиги бўлган омиллар томонидан чақирилган, симптоматик гипокальциемия.

Марказий нерв тизими томонидан: тез-тез – бош оғриғи, бош айланиши, тез-тез эмас – дисгевзия.

Кўриш аъзолари томонидан: тез-тез – кўзларни яллиғланиши (увеит, склерит, эписклерит).

Эшитиш ва мувозанат аъзолари томонидан: тез-тез – вертиго.

Меъда-ичак йўллари томонидан: тез-тез – қоринда оғриқ, диспепсия, қабзият, диарея, метеоризм, қизилўнгач яраси, дисфагия, қоринни дам бўлиши, нордон кекириш; тез-тез эмас – кўнгил айниши, қусиш, гастрит, эзофагит, қизилўнгач эрозияси, мелена; кам ҳолларда – қизилўнгачни торайиши, оғизҳалқумда яраларни ҳосил бўлиши, меъда-ичак йўлларининг юқори бўлимлари перфорацияси, яраси ва қон кетиши.

Тери ва тери ости тўқималари томонидан: тез-тез – алопеция, қичишиш; тез-тез эмас – тошма, эритема; кам ҳолларда – ёруғликка сезувчанлик тошмаси, оғир даражадаги тери реакциялари, шу жумладан Стивенс-Джонсон синдроми ва токсик эпидермал некролиз.

Скелет-мушак, бириктирувчи ва суяк тўқималари томонидан: жуда тез-тез – скелет мушак оғриғи (суякларда, мушакларда ёки бўғимларда), баъзида кучли оғриқ; тез-тез – бўғимларни шиши; кам ҳолларда – жағ суяги остеонекрози, сон суягини атипик, кўст ости ва диафизар синишлари (бисфосфонатлар синфига нохуш реакция); жуда кам ҳолларда – ташқи эшитув йўлининг остеонекрози (бисфосфонатлар синфига нохуш реакция).

Шубҳа қилинган нохуш реакциялар хақида хабарлар

Дори воситаси қайд этилгандан кейин шубҳа қилинган нохуш реакциялар хақида олинган хабарлар муҳим ҳисобланади. Пациентда дори воситасига нисбатан жиддий нохуш реакция аниқланганида ёки йўриқномада кўрсатилмаган янги нохуш реакция пайдо бўлганида Миллий фармакогоҳлик тизимига мувофиқ маълумот беришингизни сўраймиз.