Betaleykin

QO‘LLASH BO‘YICHA YO‘RIQNOMA

BETALEYKIN

BETALEUKIN

Preparatning savdo nomi: Betaleykin^®

Ta‘sir etuvchi modda (XPN): interleykin-1 beta

Dori shakli: vena ichiga va teri ostiga yuborish uchun eritma tayyorlash uchun liofilizat

Tarkibi:

1 ampula quyidagilarni saqlaydi:

faol modda: 0,05 mkg, 0,5 mkg yoki 1,0 mkg interleykin-1 beta;

yordamchi modda: 1 mg povidon (quyi molekulyar tibbiy polivinil pirrolidon).

Ta‘rifi: oq rangli g‘ovak massa yoki kukun.

Farmakoterapevtik guruhi: sitokin.

ATX kodi: L03AX

Farmakologik xususiyatlari

Betaleykin^® qon yaratilishi, immunitet va nurlanishdan keyingi erta tiklanishni rag‘batlantiradi. Preparat sitostatiklar va ionlashtiruvchi radiasiyaning shikastlovchi ta‘siridan keyin o‘zak potensiali va suyak ko‘migida qon yaratilishini, ayniqsa granulopoezni tezlashtiradi. Bu uning o‘zak xujayralarni mitotik siklga kirishi va ularni qonga mobilizasiyasini inisiasiya qilish, gemopoetik o‘sish omillarini ishlab chiqarish, umumiy va mahalliy nospesifik chidamlilik mexanizmlarni ishga tushirish qobiliyati bilan bog‘liq.

Preparatning immunostimulyasiyalovchi ta‘siri neytrofil granulositlarning funksional faolligini oshirish, immunokompetent xujayralarning o‘tmishdoshlarini differensiasiyasini induksiya qilish, limfositlar proliferasiyasini kuchayishi, sitokinlarni ishlab chiqarilishini faollashishi va antitela hosil qilishni oshishi orqali amalga oshiriladi.

Preparat, interferon-alfadan qat‘iy nazar, viruslarga qarshi tug‘ma immunitetni noyob faollashuv tizimi yordamida bevosita ta‘sir ko‘rsatishi hisobiga S gepatiti virusiga nisbatan viruslarga qarshi faollikka ega, endogen interferon-alfa sintezini induksiya qiladi, shuningdek interferon-alfaning biologik faolligiga S gepatiti virusining bloklaydigan ta‘sirini bartaraf qilishga yordam beradi.

Interleykin-1 betani tizimli qo‘llash mahalliy yallig‘lanish reaksiyasi va tizimli o‘tkir fazali javobining asosiy endogen induktorining ta‘siriga butunlay o‘xshash. Bunda Betaleykin preparati juda tozalanganligi sababli autoantitelalarni hosil bo‘lishi kuzatilmaydi. Plazmada interleykin-1 betaning yarim yashash davri 7,5 minutni tashkil etadi. U buyrak orqali o‘zgarmagan holda chiqariladi, qon oqimi orqali a‘zolar va to‘qimalarga bir xil taqsimlanadi.

Qo‘llanilishi

Betaleykin^® xavfli o‘smalarni ximio- va radioterapiyasini qiyinlashtiruvchi II-IV darajadagi toksik leykopeniyada leykopoezni rag‘batlantiruvchi va leykopenik fon (periferik qonda leykositlar soni 3 x 10⁹/l dan kam) sharoitlarida ximioterapiya o‘tkazish zarurati bo‘lganida leykopoeni protektori sifatida qo‘llanadi.

Betaleykin^®ni immunostimulyator sifatida qo‘llashga asosiy ko‘rsatma bo‘lib og‘ir jarohatlar, katta jarroxlik aralashuvlari, yiringli-septik va yiringli-destruktiv jarayonlar, infeksion kasalliklar, shuningdek surunkali septik holatlardan keyin rivojlanuvchi ikkilamchi immuntanqislik holatlari hisoblanadi.

Betaleykin^® qo‘shimcha termik ta‘sir bilan asoratlanmagan ionlashtiruvchi nurlanishning o‘tkir avariyali total va subtotal ta‘sirlarida shoshilinch nurlanishga qarshi davolash vositasi sifatida qo‘llanadi. Agar nurlanish dozasi nisbiy baholash bo‘yicha 1 Gr dan oshsa, Betaleykin^® qo‘llanadi.

Betaleykin^® shuningdek to‘qima reaksiyasini produktiv tipi ustunligi bilan (destruksiya bilan yoki usiz) cheklangan o‘pka tuberkulyozini birincha marta aniqlanganda va tuberkulyozning dastlab shaklidan qat‘iy nazar davolashning 4-5 oyida o‘pka to‘qimasida produktiv fokuslarning va “qoldiq bo‘shliqlar” ning o‘rtacha o‘lchami saqlansa qo‘llanadi.

Betaleykin preparati surunkali virusli S gepatitining I genotipi bilan xastalangan pasientlarni polietilenglikol bilan bog‘langan yoki standart interferonlar va ribavirin bilan birlamchi viruslarga qarshi davolashga nisbatan virusologik javob reaksiyasi bo‘lmagan holatda pasientlarni davolash uchun qo‘llanadi.

Qo‘llash usuli va dozalari

Betaleykin^® teri ositga yoki vena ichiga tomchilab yuboriladi.

1. Preparat leykopoezni rag‘batlantiruvchi sifatida tana vazniga 0,015-0,020 mkg/kg dozada, immunostimulyasiya uchun – tana vazniga 0,005-0,008 mkg/kg dozada qo‘llanadi. Davolash 5 ta har kungi vena ichiga infuziyalar yoki teri ostiga in‘eksiyalar ko‘rinishida olib boriladi.

Vena ichiga yuborish uchun yetarli miqdorda infuzion eritmani olish uchun preparat saqlovchi ampula ichidagisi yuborishdan bevosita oldin 1 ml steril izotonik 0,9% li natriy xloridi eritmasida yoki in‘eksiya uchun suvda eritiladi va 0,9% li natriy xloridi eritmasi bilan eritmaning umumiy xajmini 100 ml gacha yetkaziladi. Infuziya uchun hisoblangan dozaga erishish uchun ushbu eritma 500 ml 0,9% li natriy xloridi yoki 5% li glbkoza eritmasida zarur miqdorda (ampuladagi preparatning dastlabki dozasiga, muvofiq ravishda olingan eritmadagi uning konsentrasiyasiga bog‘liq ravishda). Infuziya davomiyligi 120 dan 180 minutgacha o‘zgarishi mumkin.

Teri ostiga yuborish uchun in‘eksion eritma olish uchun preparat saqlovchi ampula ichidagisi 0,5-1,0 ml steril izotonik 0,9% li natriy xloridi eritmasida yoki in‘eksiya uchun suvda eritiladi.

Zarurati bo‘lganida ikki xaftalik interval bilan davolash kurslari takrorlanishi mumkin.

2. Betaleykin^® shoshilinch nurlanishga qarshi davolash vositasi sifatida 1 mkg dozada (1 mkg ampula ichidagisi 1 ml steril izotonik 0,9% li natriy xloridi eritmasida eritiladi) nurlanish ta‘siridan keyin 2 soat davomida teri ostiga yuboriladi.
3. Tuberkulyozni davolash uchun Betaleykin^® tana vazniga 0,005 mkg/kg dozada yuboriladi. Preparat vena ichiga tomchilab 3 soat davomida yoki teri ostiga yuboriladi. In‘eksiya uchun eritmani ushbu bo‘limning 1 bandida ko‘rsatilganidek tayyorlanadi. Davolash 5 ta har kunlik kurslar ko‘rinishida olib boriladi.

Betaleykin^® tuberkulyozga qarshi preparatlarni qo‘llash fonida buyuriladi, spesifik poliximioterapiya MBT doriga sezgirligiga muvofiq tanlangan 4 preparat bilan olib boriladi.

Surunkali virusli S gepatitining I genotipi bilan xastalangan pasientlarni polietilenglikol bilan bog‘langan yoki standart interferonlar va ribavirin bilan davolashga nisbatan virusologik javob reaksiyasi bo‘lmagan holatda pasientlarni majmuaviy viruslarga qarshi davolash Betaleykin preparati bilan to‘ldiriladi, u 0,5 mkg dozada (pasientning tana vazni 70 kg dan kam bo‘lganida) teri ostiga haftada 3 marta (dushanba, chorshanba, juma), 3 haftalik davolash kurslari bilan, 6 haftalik intervallar bilan umumiy 6 davolash kursi davomida yuboriladi; viruslarga qarshi davolashning umumiy davomiyligi – 48 haftani tashkil etadi.

Nojo‘ya ta‘sirlari

Ayrim bemorlarda qaltirash, bosh og‘rig‘i, tana haroratini oshishi kuzatilishi mumkin. Bu reaksiyalar yuborilgandan keyin 2-3 soat davomida davom etadi, shundan so‘ng tana harorati pasayadi va nojo‘ya ko‘rinishlar yo‘qoladi. Ko‘rsatilgan nojo‘ya samaralar davolash kursini davom ettirish uchun qarshi ko‘rsatma bo‘lib hisoblanmaydi. Ayniqsa og‘ir nojo‘ya ko‘rinishlar paydo bo‘lganda ular parasetamol, analgin, dimedrol yoki ularni birga yuborish yo‘li bilan bartaraf etilishi mumkin. Juda kam xollarda kuzatiladigan yaqqol umumiy, shu jumladan allergik reaksiyalar kuzatilgan xolllarda kortikosteroidlarni yuborish mumkin.

Betaleykin^® ni teri ostiga yuborilganda yuborilgan sohada 4-6 soatdan keyin qizarish va kam yaqqollikdagi infiltrat paydo bo‘lishi mumkin. Ular infeksiyalanishning ko‘rinishi hisoblanmaydi va shifokor aralashuvini talab etmaydi.

Qo‘llash mumkin bo‘lmagan holatlar

Shaxsiy o‘zalashtiraolmaslik. Preparatni septik shok va yaqqol isitma xolatidagi bemorlarda qo‘llash tavsiya etilmaydi.

Betaleykin^® ni shoshilinch nurlanishga qarshi davolash sifatida qo‘llanilgan xollarda majmuaviy radiasion-termik shikastlanishlar (MRTSH), isitma holatlari, yaqqol gipotoniya, shokda qo‘llash mumkin emas.

Tuberkulyozni davolaganda Betaleykin^® ni qo‘llash mumkin emas:

• shikastlanish hajmi 3 segmentdan ko‘p bo‘lsa (shu jumladan tarqalgan sohalar), 3 sm katta destruksiya bo‘shliqlari bo‘lsa, o‘pka to‘qimasi ekssudativ to‘qima reaksiyasi ustun bo‘lsa;
• intoksikasiyaning yaqqol simptomlari, shu jumladan, gipertermiya;
• homiladorlik, emizish davri, 18 yoshgacha bo‘lgan bolalarda qo‘llash mumkin emas.

Dorilarning o‘zaro ta‘siri

Preparatni bir flakonda yoki shprisda boshыa dori vositalar bilan aralashtirish mumkin emas.

Agar pasient ilgari interleykin bilan davolangan bo‘lsa yodiksanolni yuborishda, yoksagol kislotasini va yoksitalam kislotasini (terida toshma, gipotenziya, oliguriya, buyrak yetishmovchiligi) reaksiyalarini rivojlanish xavfi oshadi.

Glyukokortikosteroidlar bilan uzoq davolanish fonida preparatning faolligi pasayishi mumkin.

Maxsus ko‘rsatmalar

Dekompensasiyalangan buyrak yetishmovchiligi, surunkali buyrak yetishmovchiligi bo‘lgan bemorlarga ehtiyotkorlikka rioya qilish kerak.

Homiladorlik va emizish davrida qo‘llanilishi

Preparatni homiladorlik va emizish davrida qo‘llash mumkin emas.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: isitma, gipotoniya, yurak ritmini buzilishi, dermatologik allergik reaksiyalar.

Davolash: preparatni bekor qilish, simptomatik davolash buyurish kerak.

Chiqarilish shakli

0,05 mkg, 0,5 mkg yoki 1 mkg dan vena ichiga va teri ostiga yuborish uchun liofilizat shisha ampulalarda, 5 ampuladan kassetli kontur uyali o‘ramda. Har bir o‘ram qo‘llash bo‘yicha yo‘riqnomasi bilan karton qutida.

Saqlash sharoiti

Preparat 2 dan 15^oS gacha haroratda saqlansin.

2 dan 15^oS gacha haroratda tashiladi. 5 sutka davomida 16 dan 25^oS gacha haroratda tashishga yo‘l qo‘yiladi.

Yaroqlilik muddati

2 yil.

Dorixonalardan berish tartibi

Shifokor resepti bo‘yicha beriladi.