Dramina

- препаратнинг компонентларига юқори сезувчанлик
- тутқаноқ
- тиришиш синдроми (шу жумладан анамнезида)
- ўткир экссудатив ва вазикуляр дерматозлар
- 1 ёшгача бўлган болалар
- ҳомиладорлик, лактация даврида қўллаш мумкин эмас.

Марказий нерв тизимидаги гистамин H1-рецепторлари ва м-хлоринорецепторларни блоклайди. MНT (марказий нерв тизими) ни сусайтиради, биринчи навбатда oтoлитларга таъсир қилиб ва юқори дозаларда ярим ойсимон каналларга таъсир қилиб, вестибуляр рағбатлантириш оқибатларини сусайтиради. Қусишга қарши, кўнгил айнишига қарши, седатив, ўртача аллергияга қарши таъсир кўрсатади, бош оғриғини бартараф қилади.

Препарат ичга қабул қилингандан сўнг яхши сўрилади, аъзо ва тўқималар бўйича тақсимланади. Препаратнинг таъсири 15-30 минутдан сўнг намоён бўлади ва 3-6 соат давомида сақланади. Юқори концентрацияларда гемоэнсефалик ва йўлдош тўсиғидан ўтади. 24 соат давомида организмдан сийдик билан деярли тўлиқ чиқарилади. Оз миқдори кўкрак сути билан чиқарилади. Узоқ вақт истеъмол қилинса дименгидринатга толерантлик ривожланиши мумкин.

Симптомлари: оғиз, бурун ва томоқ қуриши, юзни қизариши, нафасни секинлашиши ва қийинлашиши, онгни чалкашиши, болаларда – тиришишлар, галлюцинациялар. Кўрсатилган симптомлар пайдо бўлганда зудлик билан шифокорга мурожаат қилиш керак. Даволаш: меъдани фаоллаштирилган кўмир аралашмаси билан ювиш (20–30 г), тузли сурги воситасини буюриш (10–15 г натрий сульфати), симптоматик даволаш, болалардаги тиришишларда – фенобарбитал (5-6 мг/кг), диазепам.

Aтропин, трициклик антидепрессантлар, катехоламинлар, барбитуратлар, алкоголь, седатив ва ухлатувчи воситалар, нейролептиклар таъсирини кучайтиради, кортикостероидлар, антикоагулянтлар таъсирини сусайтиради. Апоморфинга реакцияни пасайтиради. Ацетилхолиннинг юрак мушакларига депрессив таъсирини камайтиради. Висмут, скополамин, оғриқ қолдирувчи ва психотроп воситалар билан бирга қўлланганида кўришни бузилиши эҳтимолини оширади. Ототоксик антибиотиклар билан (cтрептомицин, неомицин, виомицин, амикацин, канамицин), номутаносиб, чунки oтотоксиклик белгиларини ниқоблаши ва эшитишни қайтмас бузилишини ривожланишига олиб келиши мумкин. Заҳарланишларда қустирувчи дори воситаси сифатида буюрилган апоморфин самарасини пасайтириши мумкин.

Ичга, овқатдан олдин қабул қилинади.

1 ёшдан 6 ёшгача бўлган болаларга: ¼-½ таблеткадан суткада 2-3 марта.

7 ёшдан 12 ёшгача бўлган болаларга: ½-1 таблеткадан суткада 2-3 марта.

Катталарга 1-2 таблеткадан суткада 2-3 марта.

Катталар учун максимал суткалик доза 6 таблеткадан ошмаслиги керак.

1 ёшдан 6 ёшгача бўлган болалар учун максимал доза – мувофиқ равишда ½ таблетка ва 1 таблеткa, 7 ёшдан 12 ёшгача бўлганларга - мувофиқ равишда 1 таблетка ва 2 таблеткa.

Кинетозларни олдини олиш учун йўлга чиқишдан 30 минут олдин 1-2 таблетка қабул қилиш керак.

Даволаш курсининг давомийлигини даволовчи шифокор белгилайди.