Festal

Preparatning komponentlariga yuqori sezuvchanlik, oʼtkir pankreatit, surunkali pankreatitning zoʼrayishi, jigar yetishmovchiligi, jigar komasi yoki koma oldi holati, gepatit, giperbilirubinemiya, mexanik sariqlik, oʼt-tosh kasalligi, oʼt pufagining empiemasi, ichak tutilishi, diareyaga moyillik, 3 yoshgacha boʼlgan bolalar (ushbu dori shakli uchun).
Ehtiyotkorlik bilan: mukovistsidoz, homiladorlik.

Preparat pankreatin hisobiga meʼda osti bezining tashqi sekretor funktsiyasining yetishmovchiligini va safro komponenti hisobiga jigarning safro ajratish funktsiyasining yetishmovchiligini toʼldiradi. Festal proteolitik, amilolitik va lipolitik taʼsir koʼrsatadi. Pankreatinning tarkibiga kiruvchi fermentlar: amilaza, lipaza va proteaza uglevodlar, yogʼlar va oqsillarning hazm boʼlishini yengillashtiradi, bu ularni ingichka ichakda toʼliqroq soʼrilishiga yordam beradi. Bu borada Festal boshqa ferment preparatlaridan deyarli farq qilmaydi. Festalda oʼt kislotalarini borligi surunkali pankreatitga tez-tez olib keluvchi biliar yetishmovchilikni toʼgʼrilash uchun preparatga qoʼshimcha imkoniyatlarni beradi. Safro ekstrakti oʼt haydovchi taʼsir qiladi, yogʼlar va yogʼda eruvchi А, Ye va K vitaminlarining soʼrilishini yengillashtiradi, meʼda osti bezi tomonidan lipazani ajralishiga yordam beradi. Gemitsellyuloza fermenti oʼsimlik kletchatkalarini parchalanishiga yordam beradi, shuningdek ovqat hazm qilish jarayonlarini yaxshilaydi, ichakda gaz hosil boʼlishini kamaytiradi.

Dozani oshirib yuborilishini simptomlari – giperurikemiya, giperurikuriya. Dozani oshirib yuborilishi simptomlari paydo boʼlganida – preparatni bekor qilish va simptomatik davolashni oʼtkazish kerak.

Preparat bolalar ololmaydigan joyda saqlansin va yaroqlilik muddati oʼtgach qoʼllanilmasin.

Festal® preparati bilan bir vaqtda qoʼllanganida PАSK (p-aminosalitsil kislotasi), sulьfanilamidlar, antibiotiklarning soʼrilishi kuchayadi.
Pankreatinni uzoq muddat qabul qilish temir preparatlarining soʼrilishini pasaytirishi mumkin. 
Kalьtsiy karbonati va/yoki magniy gidroksidini saqlovchi antatsid vositalarni bir vaqtda qoʼllash, pankreatinning taʼsirini kamaytirishi mumkin. 
Simetidin pankreatinning taʼsirini kuchaytirishi mumkin.
Pankreatin akarbozaning taʼsirini pasaytirishi mumkin, shuning uchun Festal® preparati va akarbozani bir vaqtda qoʼllash mumkin emas. 
Pankreatin folat kislotasining soʼrilishini kamaytirishi mumkin.

Ichga buyuriladi.
Preparat ichga, chaynamasdan, ovqat vaqtida yoki ovqatdan soʼng darhol, koʼp boʼlmagan miqdordagi suyuqlik bilan birga qabul qilinadi. 
1-2 ichakda eruvchi qobiq bilan qoplangan tabletkalardan sutkada 3 marta buyuriladi. Yuqoriroq dozalari faqat shifokor tomonidan buyuriladi. Bolalarda dozani va dozalash tartibini shifokor belgilaydi. Davolashning davomiyligi bir necha kundan (parhezning oʼzgarishi natijasida ovqat hazm qilish jarayoni buzilganida) bir necha oy yoki yilgacha (zarurati boʼlganida doimiy oʼrnini bosuvchi davolash) oʼzgarishi mumkin. Rentgenologik va ulьtratovush tekshiruvlaridan oldin: 2 ichakda eruvchi qobiq bilan qoplangan tabletkalardan sutkada 2-3 marta tekshirishdan 2-3 kun oldin.