Groprinosin analoglari

Sirop

Gropirinosin-Rixter siropi kattalar va 3 yoshdan katta, tana vazni 15–20 kg dan ortiq bo‘lgan bolalarda quyidagi holatlarda qo‘llaniladi:

• gripp va boshqa o‘tkir respirator virusli infeksiyalarni kompleks davolash tarkibida;
• Herpes simplex virusi bilan bog‘liq labial gerpesni kompleks davolash tarkibida.

Tabletkalar

Gropirinosin tabletkalari kattalar va 3 yoshdan boshlab bolalarda quyidagi kasalliklarda qo‘llaniladi:

• gripp va o‘tkir respirator virusli infeksiyalar;
• oddiy gerpes virusi (1, 2, 3 va 4 turlar) chaqirgan infeksiyalar: genital va labial gerpes, gerpetik keratit, o‘rab oluvchi temiratki, suvchechak, Epsteyn–Barr virusi bilan bog‘liq infeksion mononukleoz;
• sitomegalovirus infeksiyasi;
• og‘ir kechuvchi qizamiq;
• papillomavirus infeksiyalari: hiqildoq va ovoz boylamlari fibroz papillomalari, erkaklar va ayollarda genital papillomavirus infeksiyalari, siğillar;
• subakut sklerozlovchi panensefalit;
• yuqumli mollyusk.

Agar davolash fonida yaxshilanish kuzatilmasa yoki holat yomonlashsa, shifokorga murojaat qilish zarur.

Siropni shifokor maslahatisiz 5 kundan ortiq qabul qilish tavsiya etilmaydi. Davolashni davom ettirish zarurati shifokor tomonidan klinik holatga qarab belgilanadi.

Nojo‘ya reaksiyalar yuzaga kelish chastotasiga qarab tasniflanadi.

Nerv tizimi tomonidan buzilishlar

Tez-tez:
• bosh og‘rig‘i;
• bosh aylanishi;
• tez charchash;
• umumiy holsizlik;
• zaiflik.

Kam hollarda:
• asabiylik;
• uyquchanlik;
• uyqusizlik.

Ovqat hazm qilish tizimi tomonidan buzilishlar

Tez-tez:
• ishtahaning pasayishi;
• ko‘ngil aynishi;
• qusish;
• epigastriy sohasida yoki qorin bo‘shlig‘ida og‘riq.

Kam hollarda:
• diareya;
• qabziyat.

Jigar va o‘t yo‘llari tomonidan buzilishlar

Tez-tez:
• transaminazalar faolligining oshishi;
• qon plazmasida ishqoriy fosfataza faolligining oshishi.

Teri va teri osti to‘qimalari tomonidan buzilishlar

Tez-tez:
• qichishish;
• toshma.

Kam hollarda:
• dog‘li-papulyoz toshma;
• eshakemi.

Chastotasi noma’lum:
• eritema.

Buyrak va siydik chiqarish tizimi tomonidan buzilishlar

Kam hollarda:
• poliuriya (siydik ajralishining ko‘payishi).

Allergik reaksiyalar

Kam hollarda:
• eshakemi;
• angionevrotik shish.

Chastotasi noma’lum:
• yuqori sezuvchanlik reaksiyalari;
• anafilaktik reaksiyalar;
• anafilaktik shok.

Allergik reaksiyaning belgilari, jumladan yuz, lablar, til yoki tomoq shishi, nafas olish yoki yutishda qiyinchilik, kuchli teri toshmasi, holatning keskin yomonlashuvi kuzatilganda preparatni qabul qilishni darhol to‘xtatish va zudlik bilan tibbiy yordamga murojaat qilish zarur.

Umumiy buzilishlar

Tez-tez:
• bo‘g‘imlarda og‘riq;
• podagraning zo‘rayishi.

Laborator va instrumental ko‘rsatkichlar

Tez-tez yoki juda tez-tez (dori shakliga va yo‘riqnomaga qarab):
• qon plazmasi va siydikda siydik kislotasi darajasining oshishi;
• qon plazmasida mochevina darajasining oshishi;
• qonda azot mochevinasi miqdorining oshishi;
• jigar fermentlari faolligining oshishi.

Agar nojo‘ya ta’sirlar kuchaysa yoki yo‘riqnomada ko‘rsatilmagan reaksiyalar paydo bo‘lsa, bu haqda shifokorga xabar berish zarur.

• YIK, miokardiodistrofiya, miokard infarktidan keyingi holat, yurakning tug'ma va orttirilgan nuqsonlari, yurak ritmi buzilishlari, ayniqsa glikozid intoksikatsiyasida, miokardit, og'ir jismoniy yuklamalar va o'tkazilgan infektsion kasalliklardan keyingi yoki endokrin buzilishlar oqibatidagi miokarddagi distrofik o'zgarishlar; gepatitlar, jigar tsirrozi, jigar yog'li distrofiyasi, sh.j. alkogol yoki dori vositalari chaqirgan; radioaktiv nurlanishda leykopeniya profilaktikasi; alohida ajratilgan buyrakdagi operatsiyalar (operatsiya qilinayotgan a'zoda qon aylanishi vaqtincha bo'lmaganda farmakologik himoya vositasi sifatida).

• Allergik reaktsiyalar eshakemi, teri qichishishi, teri giperemiyasi ko'rinishida bo'lishi mumkin (preparatni bekor qilish talab etiladi). Kamdan-kam hollarda riboksin bilan davolashda qonda siydik kislotasi kontsentratsiyasi oshadi va podagra kuchayadi (uzoq muddat qo'llanilganda).