LANTOROL

QO‘LLASH BO‘YICHA YO‘RIQNOMA

LANTOROL

LANTOROL

Preparatning savdo nomi: Lantorol

Ta‘sir etuvchi modda (XPN): lansoprazol

Dori shakli: kapsulalar

Tarkibi

Bir kapsula quyidagilarni saqlaydi:

faol modda: lansoprazol – 30 mg;

yordamchi moddalar: mannitol, saxaroza, kalsiy karmelloza, laktoza monogidrati, yengil magniy karbonati, gipromelloza Ye-5, metakril kislotasining sopolimeri L30D, propilenglikol, setil spirti, natriy gidroksidi, polisorbat-80, kopovidon, titan dioksidi.

Ta‘rifi: qattiq jelatin kapsulalar: qopqoqchasi xira moviy rangli / korpusi oq rangli, №1 o‘lchamli, oq yoki sarg‘ish oq rangli palletlardan tarkib topgan qattiq jelatin kapsulalar.

Farmakoterapevtik guruhi: me‘da-ichak yarasiga qarshi vosita.

(N⁺-K⁺-ATF-aza ingibitori).

ATX kodi: A02VS03

Farmakologik hususiyatlari

Lantorol – me‘da-ichak yarasiga qarshi vosita bo‘lib, proton nasosi (N⁺-K⁺-ATF-aza) ning spesifik ingibitoridir. Lansoprazol me‘daning parietal hujayralarida N⁺-K⁺-ATF-azaning sulfgidril guruhini faolsizlantiradigan faol sulfonamid hosilalarigacha metabolizmga uchraydi. Natijada xlorid kislotasini sintezini oxirgi bosqichi bloklanadi, bu ta‘sirlovchining tabiatidan qat‘iy nazar, me‘dada xlorid kislotasini bazal va stimulyasiya bo‘lgan sekresiyasini pasayishiga olib keladi.

Lantorol Helicobacter pylori ning o‘sishini bostiradi va boshqa preparatlarning antixelikobakter faolligini oshiradi.

Farmakokinetikasi

Ichga qabul qilinganidan so‘ng so‘rilishi yuqori. Maksimal konsentrasiyasiga 1,5-2,2 soatdan keyin erishiladi. Plazma oqsillari bilan bog‘lanishi 98% ni tashkil etadi.

Buyraklar orqali metabolitlar ko‘rinishida va ichak orqali chiqariladi. Yarim chiqarilish davri 1,3-1,7 soatni tashkil etadi.

Qo‘llanilishi

• me‘da va o‘n ikki barmoq ichak yara kasalligida;
• me‘da va o‘n ikki barmoq ichakni, nosteroid yallig‘lanishga qarshi vositalar (NYAQV) ni qabul qilish bilan bog‘liq bo‘lgan eroziv-yarali shikastlanishlari, stress oqibatida rivojlangan yaralarni davolash uchun;
• gastroezofageal reflyuks kasalligi (GERK): reflyuks-ezofagitni davolash, reflyuks-ezofagitda simptomatik davolashda;
• Helicobacter pylori eradikasiyasida (antibiotiklar bilan majmuada);
• patologik gipersekretor holatlar, jumladan Zollinger-Ellison sindromida;

• me‘daning kislota hosil qilish faoliyatini oshishi bilan kechuvchi surunkali gastritni zo‘rayish bosqichida;
• me‘da-ichak yarasi bo‘lmagan dispepsiyada qo‘llash mumkin emas.

Qo‘llash usuli va dozalari

Lantorol kapsulalari butun holda, chaynamasdan, ovqatlanishdan qat‘iy nazar ichga qabul qilinadi.

Me‘da va o‘n ikki barmoq ichak yara kasalligida sutkada 30 mg dan buyuriladi.

O‘n ikki barmoq ichak yara kasalligini zo‘rayishida davolash kursi 2-4 haftani, me‘da yara kasalligida esa 4-8 haftani tashkil etadi.

Me‘da va o‘n ikki barmoq ichakni, NYAQV qabul qilish bilan bog‘liq bo‘lgan eroziv-yarali shikastlanishida tavsiya etilgan dozasi sutkada 30 mg, davolash kursi 4-8 haftani tashkil etadi.

Gastroezofageal reflyuks kasalligida (reflyuks-ezofagitni davolash) sutkada 30 mg dan 4-8 hafta davomida qabul qilinadi, zarurat bo‘lganida davolashni 8 haftagacha uzaytiriladi.

Helicobacter pylori eradikasiyasida 30 mg dan sutkada 2 marta antibiotiklar bilan majmuada qabul qilinadi.

Patologik gipersekretor holatlarda, jumladan Zollinger-Ellison sindromida preparatning boshlang‘ich dozasi sutkada 2 marta 30 mg ni tashkil etadi, zarurat bo‘lganida dozasi sutkada 120 mg gacha oshiriladi. Davolash kursi individual ravishda aniqlanadi.

Me‘da-ichak yarasi bo‘lmagan dispepsiyada 30 mg dan sutkada 1-2 marta buyuriladi. Davolash kursi 2-3 haftani tashkil etadi.

Jigar yetishmovchiligida va keksa yoshdagi pasientlarga davolash preparatning yarim dozalari bilan boshlanadi, asta-sekin tavsiya etilgan dozalarigacha oshiriladi, ammo sutkada 30 mg dan oshmasin.

Nojo‘ya ta‘sirlari

Ovqat hazm qilish tizimi tomonidan: diareya, ishtahani oshishi yoki pasayishi, ko‘ngil aynishi, qorinda og‘riq, qabziyat.

Markaziy nerv tizimi (MNT) tomonidan: bosh og‘rig‘i, lohaslik, bosh aylanishi, uyquchanlik, depressiya, havotirlik.

Allergik reaksiyalar: teri toshmalari.

Boshqalar: yakka hollarda – grippsimon sindrom, mialgiya.

Qo‘llash mumkin bo‘lmagan holatlar

• preparatning komponentlariga yuqori sezuvchanlikda;
• MIY ni havfli o‘smalarida;
• homiladorlikni birinchi uch oyligida, laktasiya davrida qo‘llash mumkin emas.

Dorilarning o‘zaro ta‘siri

Lansoprazol teofillinning klirensini (10% ga) pasaytiradi.

Sukralfat lansoprazolning biokiraolishligini 30% ga kamaytiradi (ushbu preparatlarni qabul qilishlar o‘rtasidagi oraliq 30-40 minut bo‘lishi kerak).

Sitoxrom R450 fermentlar tizimi ishtirokida metabolizmga uchraydigan preparatlar bilan o‘zaro ta‘sir qilishi mumkin.

Antasidlarni Lantorol preparatini qabul qilishdan 1 soat oldin yoki qabul qilgandan so‘ng bir soat o‘tgach qabul qilish kerak, chunki ular organizmda dori vositasini so‘rilishini pasaytirishlari mumkin.

Biokiraolishligi me‘daning rN muhitiga bog‘liq bo‘lgan preparatlar (masalan, ketokonazol) bilan bir vaqtda qo‘llanganida, Lantorol preparati ularning so‘rilishini o‘zgartirishi mumkin.

Preparat antipirin, diazepam, ibuprofen, indometasin, peroral homiladorlikka qarshi preparatlar, fenitoin, prednizolon, propranolol, varfarin preparatlari bilan mutanosibdir.

Maxsus ko‘rsatmalar

Preparat bilan davolashni boshlashdan oldin me‘da va qizilo‘ngachda havfli jarayon borligini istisno qilish kerak, chunki preparatni qabul qilish kasallikning simptomlarini yashirishi va tashxis qo‘yishni kechiktirishi mumkin.

Jigarning faoliyati pasaygan bemorlarga va keksa yoshdagi pasientlarga ehtiyotkorlik bilan qo‘llanadi.

Avtotransportni haydash va mexanizmlarni boshqarish qobiliyatiga ta‘siri

Lantorol preparatini qo‘llash transport vositalarini boshqarish va mexanizmlarni boshqarish qobiliyatiga ta‘sir qilmaydi.

Homiladorlik va laktasiya davrida qo‘llanishi

Agar davolashdan kutilgan foyda homila uchun potensial havfdan ustun bo‘lsa, preparatni homiladorlikni II va III uch oyliklarida qo‘llash mumkin.

Preparat bilan davolanish vaqtida emizishni to‘xtatish kerak.

Pediatriyada qo‘llanishi

18 yoshgacha bo‘lgan pasientlarda preparatni qo‘llash samaradorligi va havfsizligi aniqlanmagan, shuning uchun ushbu pasientlar guruhida preparatni qo‘llash tavsiya etilmaydi.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Dozani oshirib yuborilishi yuzasidan ma‘lumotlar yo‘q.

Chiqarilish shakli

Qattiq jelatin kapsulalar. 7 kapsula blisterda. 2 blister qo‘llash bo‘yicha yo‘riqnomasi bilan birga karton qutida.

Saqlash sharoiti

Quruq joyda 25^oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.