QO‘LLASH BO‘YICHA YO‘RIQNOMA
LORID
(LORID)
Preparatning savdo nomi: Lorid
Ta‘sir etuvchi modda (XPN): loratadin
Dori shakli
Ta‘rifi:
Tabletkalar: dumaloq shaklli, yassi, oq yoki deyarli oq rangli, bir tomonida bo‘lish uchun riskali tabletkalar;
Sirop: to‘q sariq rangli, o‘ziga hos apelsin ta‘mli sirop.
Tarkibi:
Har bir tabletka quyidagilarni saqlaydi:
faol modda – loratadin 10 mg;
yordamchi moddalar – mikrokristall sellyuloza, magniy stearati, suvsiz kolloid kremnezem.
Har 5 ml sirop quyidagilarni saqlaydi:
faol modda – loratadin 5 mg;
yordamchi moddalar: propilenglikol, natriy benzoati, saxaroza, limon kislotasi monogidrati, natriy saxarini, gliserin, sariq sanset bo‘yovchisi, shirin apelsin aromatizatori, tozalangan suv.
Farmakoterapevtik guruhi: N1-gistamin reseptorlari antagonisti.
ATX kodi: R06AX13
Farmakologik ta‘siri
Lorid (loratadin) – N1-gistamin reseptorlarining blokatori (uzoq ta‘sirga ega). Semiz xujayralardan gistamin va leykotrien S4 ajralib chiqishini ingibisiya qiladi. Allergik reaksiyalar rivojlanishini oldini oladi va kechishini yengillashtiradi. Kapillyarlar o‘tkazuvchanligini kamaytiradi, to‘qimalarning shishi rivojlanishini oldini oladi, silliq mushaklar spazmini bartaraf etadi. Allergiyaga qarshi samarasi 30 minutdan keyin boshlanadi, 8-12 soatdan keyin maksimumga erishadi va 24 soat davom etadi. MNT ga ta‘sir ko‘rsatmaydi va ko‘nikib qolishni chaqirmaydi (chunki gematoensefalik to‘siq orqali o‘tmaydi).
Farmakokinetikasi
Me‘da-ichak yo‘llarida tez va to‘liq so‘riladi. TSmax – 1,3-2,5 soat; ovqat qabul qilish uni 1 soatga kechiktiradi. Keksa odamlarda Smax 50% ga, jigarni alkogolli shikastlanishida – kasallikning og‘irlik darajasi oshgan sari ortib boradi. Plazmadagi oqsillar bilan bog‘lanishi – 97%. Sitoxrom R450 CYP3A4 va kamroq darajada CYP2D6 izofermenti ishtirokida faol metaboliti dekarboetoksiloratadin hosil bo‘lishi bilan jigarda metabolizmga uchraydi.
Loratadin va metabolitining plazmadagi Sss yuborishning 5 sutkasida erishiladi. Gematoensefalik to‘siq orqali o‘tmaydi.
Loratadinning T1/2 – 3-20 soat (o‘rtacha 8,4 soat), faol metabolitining – 8,8-92 soat (o‘rtacha 28 soat); keksa pasientlarda muvofiq ravishda 6,7-37 soat (o‘rtacha 18,2 soat) va 11-38 soat (17,5 soat). Jigarni alkogolli shikastlanishida yarim chiqarilish davri kasallikning og‘irlik darajasi oshgan sari ortib boradi. Buyraklar orqali va safro bilan chiqariladi.
SBE bo‘lgan pasientlarda va gemodializ o‘tkazilganda farmakokinetikasi deyarli o‘zgarmaydi.
Qo‘llanilishi
- mavsumiy va yil bo‘yicha kechuvchi allergik rinit;
- allergik kon‘yunktivit;
- pollinoz;
- eshakemi (shu jumladan surunkali idiopatik);
- Kvinke shishi;
- allergik qichishuvchi dermatozlar;
- soxtaallergik reaksiyalar;
- hasharotlarni chaqishiga allergik reaksiyalar;
- turli etiologiyali qichishishlarda qo‘llanadi.
Qo‘llash mumkin bo‘lmagan holatlar
Preparatning har qanday komponentiga o‘ta yuqori sezuvchanlik.
Homiladorlik, laktasiya davrida qo‘llash mumkin emas.
Ehtiyotkorlik bilan – jigar yetishmovchiligi.
Qo‘llash usuli va dozalari
Ichga qabul qilinadi.
Kattalar va 12 yoshdan oshgan bolalarga: 10 mg dan Lorid preparati (1 tabletka yoki 2 o‘lchov qoshiqchada sirop) kuniga 1 marta. Sutkalik dozasi – 10 mg. 2 yoshdan 12 yoshgacha bo‘lgan bolalarga – 5 mg dan Lorid preparati (1/2 tabletka yoki 1 o‘lchov qoshiqchada sirop) kuniga 1 marta. Sutkalik dozasi – 5 mg. Tana vazni 30 kg dan yuqori bo‘lgan bolalarga – 10 mg dan Lorid preparati (1 tabletka yoki 2 o‘lchov qoshiqchada sirop) kuniga 1 marta. Sutkalik dozasi – 10 mg.
Nojo‘ya ta‘siri
Blefarospazm, disfoniya, giperkineziya, paresteziya, tremor, amneziya, depressiya, dermatit, siydik rangini o‘zgarishi, og‘riqli siyishga qistovlar; dismenoreya, menorragiya, vaginit.
Moddalar almashinuvi tomonidan: tana vaznini oshishi, terlash, chanqoqlik.
Tayanch-harakat apparati tomonidan: boldir mushaklarini tirishishlari, artralgiya, mialgiya.
Ovqat hazm qilish tizimi tomonidan: og‘izni qurishi, ta‘mni o‘zgarishi, anoreksiya, qabziyat yoki diareya, dispepsiya, gastrit, meteorizm, ishtahani oshishi, stomatit.
Nafas tizimi tomonidan: yo‘tal, bronxospazm, burun shilliq qavatini qurishi, sinusit.
Sezgi a‘zolari tomonidan: ko‘rishni buzilishi, kon‘yuktivit, ko‘zlar va quloqlarda og‘riq.
Yurak-qon tomir tizimi tomonidan: AB ni oshishi yoki pasayishi, yurak urib ketishi.
Fotosensibilizasiya, belda og‘riq, ko‘krakda og‘riq, isitma, qaltirash, sut bezlarida og‘riq.
Dozani oshirib yuborilishi
Dozani oshirib yuborilishi simptomlari: uyquchanlik, taxikardiya, bosh og‘rig‘i. Dozani oshirib yuborilgan hollarda shifokorga murojaat etish va preparatni me‘da-ichak yo‘llaridan chiqarish va so‘rilishini kamaytirish choralarini ko‘rish kerak.
Maxsus ko‘rsatmalar
Davolash davrida diqqatni yuqori jamlash va psixomotor reaksiyalarning tezligini talab etuvchi potensial xavfli faoliyat turlari bilan shug‘ullanishdan saqlanish kerak.
Boshqa dori vositalari bilan o‘zaro ta‘siri
Loratadinni terapevtik dozalarda qo‘llanilganda uni alkogol bilan o‘zaro ta‘siri aniqlanmagan. Eritromisin, simetidin, ketokonazol loratadin bilan bir vaqtda qo‘llanilganda klinik ko‘rinishlarni chaqirmay va EKG ta‘sir etmay qon plazmasida loratadinning konsentrasiyasini oshiradi. Mikrosomal oksidlanish induktorlari (fenitoin, etanol, barbituratlar, ziksorin, rifampisin, fenilbutazon, trisiklik antidepressantlar) loratadinning samaradorligini kamaytiradi.
Chiqarilish shakli
Tabletkalar: 10 tabletkadan alyumin stripda. O‘ramda 1 strip (10 tabletka).
Sirop: 100 ml dan flakonda 5 ml li o‘lchoq qoshiqchasi bilan to‘plamda.
Saqlash sharoiti
Tabletkalar va sirop: 30°S dan yuqori bo‘lmagan haroratda, yorug‘likdan himoyalangan va bolalar ololmaydigan joyda saqlansin.
Yaroqlilik muddati
Tabletkalar: 3 yil.
Sirop: 2 yil.
Yaroqlilik muddati o‘tgach preparat qo‘llanilmasin.
Dorixonalardan berish tartibi
Shifokor reseptisiz.
