Nimesil

NIMESIL^® nima va u nima uchun qo'llanadi?

Ushbu preparat – og‘riq qoldiruvchi xususiyatlarga ega nosteroid yallig‘lanishga qarshi preparat («NYAQP»). O‘tkir og‘riqni davolash uchun, osteoartritdagi og‘riq xurujlarida va hayz ko‘rish vaqtidagi og‘riqlarda qo‘llanadi.

Preparatni buyurishdan oldin davolovchi shifokoringiz bu preparat qo‘llanganidagi foyda va nojo‘ya samaralarining paydo bo‘lishi xavfini baholaydi.

Agar ahvolni yaxshilanishi kuzatilmasa yoki ahvol yomonlashsa, shifokorga murojaat qiling.

Dorixonalardan berish tartibi

Dori vositasi shifokor resepti bo‘yicha beriladi.

Preparat simptomatik davolash uchun qo‘llaniladi, ya’ni qo‘llash vaqtida og‘riq va yallig‘lanishni kamaytiradi.

• o‘tkir og‘riqlarni davolash (bel, bel sohasidagi og‘riq; suyak-mushak tizimidagi og‘riq sindromi, shu jumladan travmalar, bog‘lamlar cho‘zilishi va bo‘g‘imlar chiqishi, tendenitlar, bursitlar; tish og‘rig‘i);
• og‘riq sindromi bilan kechuvchi osteoartrozni simptomatik davolash;
• algodismenoreya (hayz davridagi og‘riqlar).

Nimesilni quyidagi holatlarda qo‘llash mumkin emas:

•   nimesulidga yoki preparatning yordamchi moddalaridan biriga yuqori sezuvchanlikda (allergiya);

•  ilgari asetilsalisil kislotasi yoki boshqa nosteroid yallig‘lanishga qarshi preparatlarni qabul qilish bilan bog‘liq bo‘lgan allergik reaksiyalarda (bronxospazm, rinit, eshakemi kabi);

•  ilgari nimesulid qabul qilganda jigarga zaharli ta‘sirlarida;

•  jigarga zaharli ta‘sir etuvchi boshqa preparatlarni, masalan parasetamol yoki boshqa og‘riqni qoldiruvchi yoki NYAQP ni qabul qilishda;

•  o‘rganib qolishni chaqiruvchi preparatlarni qabul qilish yoki o‘rganib qolishni bo‘lishida, Sizni preparatlarga yoki boshqa vositalarga qaram qilib qo‘yadi;

•  muntazam ko‘p miqdorda spirtli ichimliklarni qabul qilishda;

•  ilgari NYAQP bilan davolash bilan bog‘liq bo‘lgan me‘da-ichakdan qon ketishlari yoki perforasiyada;

•  jigar kasalliklarida yoki jigar fermentlarining darajasini oshishida;

•  hozirgi vaqtda yoki o‘tmishda peptik (me‘da yoki o‘n ikki barmoq ichak) yaralarning mavjudligida;

•  aniqlangan me‘da yoki ichakdan qon ketishlarda;

•  aniqlangan bosh miyaga qon quyilishida (insult);

•  boshqa qon ketishlar yoki qon ivishini buzilishi chaqirgan muammolar mavjudligida;

•  yurak yetishmovchiligida yoki buyraklar faoliyatini buzilishida (buyrak yetishmovchiligi) yoki jigarning har qanday patologiyasida;

•  shamollash yoki grippda (umumiy holsizlik, xastalik, etni uvishishi yoki qaltirashni his etish yoki yuqori haroratning mavjudligida);

•  homiladorlikning so‘nggi uch oyi davomida;

•  emizish davrida.

Preparatni 12 yoshdan kichik bolalarda qo‘llash tavsiya etilmaydi.

Ta‘sir etuvchi modda: nimesulid

Boshqa ingredientlari: saxaroza, apelsin hushbo‘yi, limon kislotasi, maltodekstrin va makrogolning setostearil efiri.

Peroral qabul qilinganda yaxshi so‘riladi, qon plazmasida Cmax ga 2–3 soatdan keyin erishadi. Nimesulidning 97,5% gachasi qon plazmasi oqsillari bilan bog‘lanadi. Nimesulid jigarda CYP 2C9, sitoxrom P450 izofermenti ishtirokida faol metabolizmga uchraydi. Asosiy metabolit paragidroksihosila bo‘lib, u ham farmakologik faollikka ega. T1/2 — 3,2–6 soat. Nimesulid organizmdan siydik bilan — qabul qilingan dozaning taxminan 50% chiqariladi. Qabul qilingan dozaning taxminan 29% axlat bilan metabolizatsiyalangan ko‘rinishda va faqat 1–3% organizmdan o‘zgarmagan holda chiqariladi. Keksa yoshdagi shaxslarda farmakokinetik profil o‘zgarmaydi. Uzoq muddat qo‘llanilganda organizmda kumulyatsiya qilmaydi.

Metansulfonanilidlar guruhiga kiruvchi NYaQP, yallig'lanishga qarshi, og'riqsizlantiruvchi va isitma tushiruvchi ta'sir ko'rsatadi. Nimesulidning terapevtik samarasi uning araxidon kislotasi metabolizmiga ta'sir qilishi va SOG ni ingibitsiya qilish orqali prostaglandinlar biosintezini kamaytirishi bilan bog'liq. SOG-2 ga selektiv ta'siri hisobiga oshqozon shilliq qavatida sitoprotektiv samaraga ega prostaglandinlar sintezi buzilmaydi, nojo'ya ta'sirlar rivojlanish xavfi kamayadi. Bundan tashqari, nimesulid neytrofil granulotsitlar tomonidan superoksid anionlari hosil bo'lishini kamaytiradi va yallig'lanishda hosil bo'ladigan erkin radikallar hosil bo'lishini bostiradi.

Ushbu preparat, har qanday boshqa dori preparati kabi nojo‘ya ta‘sirlar chaqirishi mumkin, garchi hamma pasientlarda bo‘lmasa ham.

NYAQP larga eng ko‘p kuzatiladigan nojo‘ya ta‘sirlarga me‘da-ichak yo‘llari tomonidan reaksiyalar kiradi. Peptik yaralar, ba‘zida hayotga xavf soluvchi, ayniqsa keksa pasientlarda me‘da-ichak yo‘llarida perforasiya yoki qon ketishi paydo bo‘lishi rivojlanishi mumkin (“Maxsus ko‘rsatmalar” bo‘limiga qaralsin). Eng kam hollarda gastritlar kuzatilgan.

Nosteroid yallig‘lanishga qarshi preparatlar bilan davolash bilan bog‘liq reaksiya sifatida shishlarni paydo bo‘lishi (organizmda suyuqlikning to‘planishi), arterial bosimni oshishi va yurak yetishmovchiligi to‘g‘risida xabar berilgan.

NYAQP ga terini qizarishi va pufakchalarni hosil bo‘lishi, shu jumladan Stivens-Djonson sindromi va toksik epidermal nekroliz bilan kechuvchi jiddiy teri reaksiyalarining juda kam hollari to‘g‘risida ma‘lumotlar mavjud.

Ushbu turdagi preparatlarni qabul qilish yurak xuruji (miokard infarti) yoki insultning xavfini biroz oshishi bilan bog‘liq bo‘lishi mumkin.

Quyida keltirilgan qiymatlar nojo‘ya ta‘sirlarining paydo bo‘lishi tez-tezligini baholashga asos sifatida qabul qilingan:

Nojo‘ya ta‘sirlar kuchayganida yoki ushbu ilova varaqada ko‘rsatilmagan har qanday nojo‘ya ta‘sirlar paydo bo‘lganida, bu haqda davolovchi shifokoringizga yoki dorixona xodimiga xabar bering.

12 yoshdan kichik bolalarda qo‘llash tavsiya etilmaydi.

Bunday hollarda har qanday dori preparatini qo‘llashdan oldin maslahat olish uchun davolovchi shifokor yoki dorixona xodimiga murojaat qilish lozim.

Homiladorlik vaqtida yoki emizish holatida, shuningdek homiladorlik ehtimoli bo‘lsa yoki rejalashtirilsa, ushbu dori preparatini qabul qilishdan oldin shifokorga yoki dorixona xodimiga maslahat uchun murojaat qiling.

Preparatni homiladorlikning birinchi olti oyi davomida shifokorning maslahatidan so‘ng qabul qilish mumkin. Ona va bola uchun yuqori xavfi tufayli, Nimesilni homiladorlikning so‘nggi uch oyi davomida qo‘llash mumkin emas («preparatni qo‘llash mumkin bo‘lmagan holatlar» bo‘limiga qaralsin).

Nimesulid homiladorlik yuz berishini qiyinlashtirishi mumkin. Agar Siz homiladorlikni rejalashtirayotgan bo‘lsangiz yoki Sizda homiladorlikni boshlanishi bilan bog‘liq muammolar bo‘lsa, bu haqida shifokorni xabardor qilish kerak.

Preparatni emizish davrida qo‘llash mumkin emas.

Agar Siz homiladorlikni rejalashtirayotgan bo‘lsangiz, bu haqida davolovchi shifokoringizga xabar berishingiz kerak, chunki preparat fertillikni pasaytirishi mumkin.

Og‘ir buyrak yetishmovchiligi bo‘lgan bemorlarda (kreatinin klirensi <30 ml/min) preparatni qo‘llash tavsiya etilmaydi.

Yengil va o‘rtacha darajadagi buyrak yetishmovchiligi bo‘lgan bemorlarda preparat ehtiyotkorlik bilan qo‘llanadi.

Preparat qisman buyraklar orqali chiqariladi, shu sababli buyrak funksiyasi buzilgan bemorlarda davolash vaqtida buyrak faoliyatini nazorat qilish tavsiya etiladi.

Buyrak faoliyati yomonlashgan hollarda preparatni qabul qilishni to‘xtatish lozim.

Mumkin bo‘lgan jigar shikastlanishini ko‘rsatuvchi simptomlar kuzatilganida, preparat bilan davolashni to‘xtatish va darhol shifokorga murojaat qilish lozim.

Jigar shikastlanishiga xos simptomlar quyidagilar bo‘lishi mumkin:
• ishtahaning yo‘qolishi
• ko‘ngil aynishi
• qusish
• me‘dada og‘riq
• charchoqlik
• siydik rangining to‘qlashishi

NYAQP dozasini o‘tkir oshirib yuborilishining simptomlari odatda quyidagilar bilan cheklanadi: apatiya, uyquchanlik, ko‘ngil aynishi, qusish va epigastral sohada og‘riq. Me‘da-ichakdan qon ketishi paydo bo‘lishi mumkin. Kam hollarda arterial bosimni oshishi, o‘tkir buyrak yetishmovchiligi, nafasni susayishi va koma paydo bo‘lishi mumkin. NYAQP ning odatdagi dozalari qabul qilinganida va bunday preparatlarning dozasi oshirib yuborilganida og‘ir allergik reaksiyalarni paydo bo‘lishi to‘g‘risida xabar berilgan.

Granulalar qog‘oz, alyumin va polietilendan porsiyali paketlarga joylangan; porsiyali paketlar va ilova-varaqa karton qutiga o‘ramlangan. Bir karton qutida 9, 15 yoki 30 porsiyali paketlar saqlanadi; bir porsiyali paketchada 2 g granula (100 mg nimesulid)  mavjud.

Sotuvda o‘ramlarning barcha o‘lchamlari bo‘lmasligi mumkin.

Preparatni qabul qilishni boshlashdan oldin davolovchi shifokoringiz yoki dorixona xodimi bilan maslahatlashing.

Kasallikning simptomlarini nazorat qilish uchun kerak bo‘lgan eng kam samarali dozani, eng kam qo‘llash davomiyligida ishlatib, nojo‘ya samaralarini minimumga yetkazish mumkin.

Ayrim qandlarni o‘zlashtiraolmaslik mavjud bo‘lgan bemorlar preparatni qabul qilishdan oldin shifokor bilan maslahatlashishlari lozim.

•   Jigar funksiyasi buzilgan bemorlarda preparat ehtiyotkorlik bilan qo‘llanadi (qarang: “Jigar faoliyati buzilganida”).

•   Agar Sizda peptik yara, me‘da yoki ichakdan qon ketishi, nospesifik yarali kolit yoki Kron kasalligi bo‘lsa, preparatni qabul qilishni boshlashdan oldin bu haqida davolovchi shifokorga xabar berishingiz kerak.

•   Agar preparat bilan davolanish vaqtida Sizda shamollash yoki grippga o‘xshash simptomlar (umumiy holsizlik, xastalik, etni uvishishi yoki qaltirashni his etish) boshlansa, preparat qabul qilishni to‘xtatish va paydo bo‘lgan simptomlar to‘g‘risida davolovchi shifokorga xabar berish kerak.

•   Agar Sizda yurak yoki buyrak kasalliklari mavjud bo‘lsa, preparatni qabul qilishdan oldin bu haqida shifokorga xabar berish zarur, chunki preparat buyrak faoliyatini yomonlashtirishi mumkin.

Keksa yoshdagi bemorlar

Nimesil preparati me‘da, buyraklar, yurak yoki jigar faoliyatiga ta‘sir qilmayotganligiga ishonch hosil qilish uchun shifokor keksa bemorlar uchun takroriy vizitlarni ko‘proq buyurishi mumkin.

Keksa pasientlarda NYAQP larni qabul qilishda nojo‘ya samaralarni, ayniqsa hayot uchun xavfli bo‘lgan me‘da-ichakdan qon ketishlar yoki perforasiyani paydo bo‘lish tez-tezligi yuqori.

Yurak-qon tomir tizimiga ta‘siri

Nimesil kabi preparatlarni qabul qilish yurak xuruji (miokard infarkti) yoki insult xavfini biroz oshishiga olib kelishi mumkin. Bu yuqori dozalar qo‘llanganida va preparat bilan uzoq vaqt davolanganda kasalliklarni paydo bo‘lish xavfini ehtimoli ko‘proq. Shifokor tomonidan tavsiya etilgan doza yoki davolash davomiyligini oshirmang.

Yurak kasalligi, avval o‘tkazilgan infarkt mavjudligida, yoki Siz agar Sizda bu kasalliklarni (masalan, yuqori qon bosimi, diabet yoki qonda xolesterinning yuqori miqdori borligida, chekishda) paydo bo‘lishining xavfi bor bo‘lishi mumkin deb hisoblasangiz, davolovchi shifokor yoki dorixona xodimi bilan mumkin bo‘lgan davolashni muhokama qilish kerak.

Shuningdek, anamnezida yuqori qon bosimi va/yoki yurak yetishmovchiligi bo‘lgan pasientlar ehtiyotkorlikka rioya qilishlari lozim, chunki NYAQP ni qabul qilishda suyuqlikni tutilib qolishi va shishlar rivojlanishi haqida xabar berilgan.

Nimesulid trombositlarning faoliyatini yomonlashtirishi mumkin; shuning uchun qon ketishlariga moyilligi bo‘lgan pasientlar, Nimesilni ehtiyotkorlik bilan qabul qilishlari kerak. Preparat yurak va qon tomirlarning kasalliklarini oldini olish uchun asetilsalisil kislotasining o‘rnini bosmaydi.

Me’da-ichak yo‘llariga ta’siri

Me‘da-ichak qon ketishlari, yara va perforasiya:

Har qanday NYAQP qabul qilinganda, butun davolash davri mobaynida hayot uchun xavf soluvchi xabar beruvchi simptomlar va ularsiz, shuningdek o‘tmishda me‘da ichak yo‘llari tomonidan og‘ir patologiyalar mavjud bo‘lsa yoki bo‘lmagan holatda ham, me‘da-ichakdan qon ketishlari, yaralar yoki perforasiya kelib chiqishi mumkin.

Me‘da-ichakdan qon ketishi, yara yoki yarani perforasiyasi ro‘y berish xavfi, anamnezida yarasi bo‘lgan, ayniqsa qon quyilishi yoki perforasiya bilan asoratlangan pasientlarda, shuningdek keksa pasientlarda nosteroid yallig‘lanishga qarshi preparatning dozasini oshirish bilan oshadi («Nimesil preparatini qabul qilish mumkin bo‘lmagan holatlar» bo‘limiga qaralsin). Bunday pasientlar uchun davolashni mumkin qadar eng kichik dozadan boshlash kerak.

Bu pasientlar uchun, shuningdek asetilsalisil kislotasi yoki me‘da-ichak kasalliklarini paydo bo‘lish xavfini oshiruvchi boshqa preparatlarning kichik dozalari bilan yondosh davolash zarur bo‘lgan pasientlar uchun, himoya qiluvchi vositalarni (masalan, mizoprostolni yoki proton pompa ingibitorlarini) qo‘llash bilan majmuaviy davolashni o‘tkazish imkoniyatini ko‘rib chiqish kerak.

Anamnezida me‘da-ichak yo‘llari tomonidan nojo‘ya ta‘sirlari bo‘lgan pasientlar, ayniqsa keksalar qorin sohasida paydo bo‘ladigan har qanday odatdagi bo‘lmagan simptomlar (ayniqsa, me‘da-ichak qon ketishlari to‘g‘risida) shifokorga xabar berishlari kerak. Bu davolashning boshlang‘ich bosqichlarida o‘ta muhimdir.

Yara yoki qon ketishini paydo bo‘lish xavfini oshirishi mumkin bo‘lgan peroral kortikosteroidlar (yallig‘lanish holatlarida qabul qilinadigan preparatlar) kabi dori preparatlari, varfarin kabi antikoagulyantlar, depressiyani davolash uchun qo‘llanadigan serotoninning qayta qamrab olinishining selektiv ingibitorlari yoki asetilsalisil kislotasi kabi antikoagulyantlarni birga qabul qilish hollarida alohida ehtiyotkorlikka rioya qilish lozim («Boshqa dori preparatlarini qabul qilish» bo‘limiga qaralsin).

Nimesil preparatini qabul qilish vaqtida me‘da-ichakdan qon ketishi yoki yara paydo bo‘lganida, preparat bilan davolashni bekor qilish kerak.

Anamnezida me‘da-ichak kasalliklari (nospesifik yarali kolit, Kron kasalligi) bo‘lgan pasientlarga nosteroid yallig‘lanishga qarshi preparatlarni ehtiyotkorlik bilan buyurish lozim, chunki bu kasalliklar zo‘rayishi mumkin («Nimesilni o‘ziga xos ehtiyotkorlik bilan qabul qilish kerak» bo‘limiga qaralsin).

Teri reaksiyalari

Nosteroid yallig‘lanishga qarshi preparatlar qo‘llanganida terini qizarishi va pufakchalar hosil bo‘lishi bilan kechuvchi jiddiy teri reaksiyalari, shu jumladan hayotga xavf soluvchi reaksiyalarning (eksfoliativ dermatit, Stivens-Djonson sindromi va zaharli epidermal nekrolizi/Layell sindromi) juda kam hollari haqida ma‘lumotlar mavjud («Bo‘lishi mumkin bo‘lgan nojo‘ya ta‘sirlar» bo‘limiga qaralsin). Agar ilgari buyurilgan davolash kursida, reaksiyani boshlanishi ko‘pchilik hollarda davolashning birinchi oyi davomida paydo bo‘lgan bo‘lsa, pasientlarda bunday reaksiyalarning juda yuqori xavfi paydo bo‘ladi. Teri toshmalarini, shilliq qavatlarini shikastlanishining birinchi belgilari, yoki yuqori sezuvchanlikning boshqa belgilari paydo bo‘lganida, Nimesil preparatini qo‘llashni to‘xtatish va shifokorga murojaat qilish kerak.

Transport vositalarini boshqarish va mexanizmlarga xizmat ko‘rsatish qobiliyatiga ta‘siri

Agar Siz Nimesil preparati qabul qilgandan so‘ng bosh aylanishini, bo‘shliqda orientasiyani yo‘qolishini yoki uyquchanlikni xis etsangiz, avtomobilni boshqarish yoki mexanizmlarga xizmat ko‘rsatish mumkin emas.

Agar Siz quyidagi dori vositalaridan birini qabul qilayotgan bo‘lsangiz, bu haqida shifokorga xabar berishingiz zarur:

•   qonning qovushqoqligini kamaytiruvchi preparatlar (antikoagulyantlar, asetilsalisil kislotasi yoki boshqa salisilatlar);
•   boshqa NYAQP, shu jumladan SOG-2 ingibitorlari;
•   siydik haydovchi va antigipertenziv preparatlar;
•   litiy preparatlari;
•   metotreksat;
•   siklosporin.

Preparatni qabul qilishdan oldin, Siz qabul qilayotgan barcha dori vositalari haqida shifokor yoki dorixona xodimini xabardor qilishingiz kerak.

Kortikosteroidlar bilan birga qo‘llanganda me’da-ichakdan qon ketishi yoki yara xavfi oshadi.

NYAQP varfarin kabi antikoagulyantlarning ta’sirini kuchaytirishi mumkin, shu sababli bunday kombinatsiyalar ehtiyotkorlik bilan qo‘llanadi yoki tavsiya etilmaydi.

Preparat antitrombositar preparatlar yoki SQQOSI birga qo‘llanganda me’da-ichakdan qon ketish xavfi ortadi.

Preparat furosemid va boshqa antigipertenziv vositalarning samaradorligini pasaytirishi mumkin.

Litiy preparatlari bilan birga qo‘llanganda qonda litiy miqdori oshishi mumkin, nazorat talab etiladi.

Metotreksat bilan birga qo‘llash uning toksikligini oshirishi mumkin, ayniqsa 24 soat ichida qabul qilinganda.

Siklosporin bilan birga qo‘llanganda buyraklarga salbiy ta’siri kuchayishi mumkin.

Agar Siz boshqa dori vositalarini, shu jumladan reseptsiz beriladigan preparatlarni qabul qilayotgan bo‘lsangiz, bu haqida shifokor yoki dorixona xodimiga murojaat qiling.

Ushbu dori vositasini 30^o S dan yuqori bo‘lmagan haroratda saqlash lozim!

Bolalar ololmaydigan joyda saqlansin.

Preparatni paketcha va karton qutida ko‘rsatilgan “goden do” so‘zlaridan keyin ko‘rsatilgan yaroqlilik muddati o‘tganidan so‘ng ishlatmang. Yaroqlilik muddatining o‘tish sanasi ko‘rsatilgan oyning so‘nggi kuniga to‘g‘ri keladi.

Nimesilni doimo shifokorning qat‘iy ko‘rsatmasi bo‘yicha qabul qilish kerak. Agar Sizda shubhalar bo‘lsa, davolovchi shifokor yoki dorixona xodimi bilan maslahatlashing. Odatdagi doza – 100 mg dan 1 paketcha (ichidagisi 1 stakan suvda eritiladi) ovqat qabul qilgandan so‘ng sutkada ikki marta. Preparatni iloji boricha qisqaroq vaqt davomida qo‘llash kerak, bir martalik davolash kursi 15 kundan oshmasligi kerak.

Preparatning navbatdagi qabuli o‘tkazib yuborilganidagi choralar

Agar Siz preparatni preparatining dozasini qabul qilishni unutgan bo‘lsangiz, unda keyingi galda preparatning navbatdagi dozasini qabul qiling.

O‘tkazib yuborilgan dozani o‘rnini to‘ldirish uchun ikki marta katta dozani qabul qilmang.

Agar Siz Nimesil preparatini qabul qilishni to‘xtatgan bo‘lsangiz

Davolovchi shifokorning maslahatisiz preparatni qabul qilishni to‘xtatganingizda Sizning holatingiz yomonlashishi mumkin.