Nimesulid dori vositasi O'zbekiston dori vositalari reestrida ro'yxatdan o'tganmi?

Revmatoid artrit; podagra zo'rayishida bo'g'im sindromi; psoriatik artrit; ankilozlovchi spondiloartrit; ildizcha sindromli osteoxondroz; osteoartroz; revmatik va revmatik bo'lmagan genezli mialgiya; bog'lamlar, paylar yallig'lanishi, bursitlar, sh.j. yumshoq to'qimalarning travmadan keyingi yallig'lanishi; turli genezli og'riq sindromi (shu jumladan operatsiyadan keyingi davrda, travmalarda, algodismenoreya, tish og'rig'i, bosh og'rig'i, artralgiya, lyumboishialgiya). Preparat simptomatik davolash, qo'llash vaqtidagi yallig'lanish va og'riqni kamaytirish uchun mo'ljallangan; kasallikning rivojlanishiga ta'sir qilmaydi.

Qo'llanilishi mumkin bo'lmagan holatlar

— bronxial astma, burun yoki burun yondosh bo‘shliqlarining qaytalanuvchi polipozi va atsetilsalitsil kislotasi (ASK) va boshqa NYQPlarni o‘zlashtira olmaslikning to‘liq yoki to‘liq bo‘lmagan kombinatsiyasi (shu jumladan anamnezda); — oshqozon va o‘n ikki barmoqli ichak shilliq qavatining eroziv-yarali shikastlanishlari; — faol oshqozon-ichakdan qon ketishi; — serebrovaskulyar yoki boshqa qon ketish; — zo‘rayish fazasidagi ichakning yallig‘lanish kasalliklari (Kron kasalligi, yarali kolit); — gemofiliya va qon ivishining boshqa buzilishlari; — dekompensatsiyalangan surunkali yurak yetishmovchiligi (SYuYe); — jigar yetishmovchiligi yoki har qanday faol jigar kasalligi; — anamnezda nimesulid qo‘llanilganda gepatotoksik reaksiyalar; — alkogolizm; — giyohvandlik; — yaqqol surunkali buyrak yetishmovchiligi (SBYe) (KK 30 ml/daq dan kam); — rivojlanib boruvchi buyrak kasalliklari; — tasdiqlangan giperkaliemiya; — aortokoronar shuntlash o‘tkazilgandan keyingi davr;

Tarkibi

1 tab. nimesulid 100 mg Yordamchi moddalar: dokuzat natriy 1.5 mg, giproloza 0.8 mg, laktoza monogidrati 153.7 mg, natriy karboksimetilkraxmal 35 mg, mikrokristall tsellyuloza 100 mg, magniy stearati 1 mg, gidrogenlangan o‘simlik moyi 8 mg. 1 tab. nimesulid 100 mg Yordamchi moddalar: dokuzat natriy 1.5 mg, giproloza 0.8 mg, laktoza monogidrati 153.7 mg, natriy karboksimetilkraxmal 35 mg, mikrokristall tsellyuloza 100 mg, magniy stearati 1 mg, gidrogenlangan o‘simlik moyi 8 mg. 1 paketcha saqlaydi: faol modda: nimesulid 100 mg; yordamchi moddalar: apelsin aromatizatori 5 mg, krospovidon 140 mg, suvsiz limon kislotasi 25 mg, maltodekstrin 15 mg, saxaroza 1715 mg. 1 tab. nimesulid 100 mg Yordamchi moddalar: mikrokristall tsellyuloza - 101.8 mg, makkajo‘xori kraxmali - 57.8 mg, natriy karboksimetilkraxmal - 48 mg, kopovidon - 6 mg, polietilenglikol - 1.6 mg, polisorbat 80 - 1.6 mg, magniy stearati - 1.6 mg, kolloid kremniy dioksidi - 1.6 mg. faol modda: nimesulid 100 mg; yordamchi moddalar: makrogol tsetostearati (kremofor A25), suvsiz limon kislotasi, kolloid kremniy dioksidi (aerosil), saxaroza, apelsin aromatizatori nimesulid 100 mg Yordamchi moddalar: giproloza, doksuzat natriy, natriy karboksimetilkraxmal, gidrogenlangan kanakunjut moyi, laktoza monogidrati, magniy stearati, povidon, MKTs nimesulid 100mg; Yordamchi moddalar: mkts, laktoza monogidrati, kartoshka kraxmali, povidon, natriy karboksimetil-kraxmal natriy, talk, magniy stearati nimesulid 100mg; Yordamchi moddalar: laktoza monogidrati, natriy karboksimetilkraxmal, povidon, magniy stearati, MKTs, kremniy dioksidi Bir tabletka saqlaydi: Faol modda: pimesulid 100 mg; Yordamchi moddalar: kaltsiy gidrofosfati digidrati - 75,0 mg, makkajo‘xori kraxmali - 54.0 mg, natriy karboksimetilkraxmal (A turi) - 35,0 mg, magniy stearati -3.0 mg, kolloid kremniy dioksidi - 2,0 mg, talk - 1,0 mg, mikrokristall tsellyuloza - 310,0 mg massali tabletka olinguncha.

Ichga qabul qilingandan so‘ng preparat me'da-ichak traktidan yaxshi so‘riladi. Faol moddaning qon plazmasidagi maksimal konsentratsiyasi 100 mg dozada bir marta qo‘llanilgandan so‘ng 1,5–2,5 soatdan keyin erishiladi. AUC qiymati 20-35 mg/l*soatni tashkil qiladi. 100 mg dozada sutkasiga 2 marta 7 kun davomida takroriy qabul qilinganda ushbu raqamlardan statistik jihatdan ishonchli farq aniqlanmagan. Plazma oqsillari bilan bog‘lanishi taxminan 97,5% ni tashkil qiladi. Nimesulid jigarda turli yo‘llar bilan, shu jumladan sitoxrom P450 (CYP)2C9 izofermenti yordamida metabolizmga uchraydi, shuning uchun uning CYP 2C9 ishtirokida metabolizmga uchraydigan preparatlar bilan o‘zaro ta'siri ehtimoli mavjud. Nimesulidning asosiy metaboliti, para-gidroksihosila ham farmakologik faollikka ega. Ushbu metabolitning qonda paydo bo‘lish vaqti qisqa (0,8 soat), ammo uning hosil bo‘lish konstantasi katta emas va nimesulid absorbtsiyasi konstantasidan ancha past. Gidroksinimesulid qon plazmasida aniqlangan yagona metabolit hisoblanadi, u deyarli to‘liq kon'yugatsiyalanadi. Uning yarim chiqarilish davri 3,2-6 soatni tashkil qiladi. Nimesulid asosan siydik bilan (qabul qilingan dozaning taxminan 50%), atigi 1-3% o‘zgarmagan holda chiqariladi. Gidroksinimesulid, uning asosiy metaboliti, siydikda faqat glyukuronid kon'yugati shaklida aniqlanadi. Dozaning taxminan 29% metabolizmdan so‘ng axlat bilan chiqariladi. Keksa yoshdagi shaxslarda nimesulidning kinetik profili o‘zgarmaydi. O‘rtacha ifodalangan buyrak yetishmovchiligida (kreatinin klirensi 30-80 ml/daq) nimesulid va uning asosiy metabolitining qon plazmasidagi maksimal konsentratsiyasi sog‘lom ko‘ngillilardagidan yuqori emas. Takroriy qabul qilish organizmda kumulyatsiyaga olib kelmaydi.

Farmakologik ta'siri

Sulfonanilidlar sinfiga mansub nosteroid yallig'lanishga qarshi preparat (NYaQP). Shikastlanish o'chog'ida yallig'lanish mediatorlari prostaglandinlar sintezida ishtirok etuvchi ferment - siklooksigenaza-2 (SOG-2) ning selektiv raqobatli ingibitori hisoblanadi. SOG-1 ga bostiruvchi ta'siri kamroq ifodalangan, shuning uchun pimesulid sog'lom to'qimalarda prostaglandinlar sintezining bostirilishi bilan bog'liq nojo'ya ta'sirlarni kamroq keltirib chiqaradi. Yallig'lanishga qarshi, analgetik va yaqqol isitma tushiruvchi ta'sir ko'rsatadi. Preparat dozasining o'zgarishi uning qon oqsillari bilan bog'lanish darajasiga ta'sir qilmaydi. Qon plazmasida nimesulidning maksimal kontsentratsiyasi (Cmax) - 3,5-6,5 mg/l. Taqsimlanish hajmi - 0,19 - 0,35 l/kg. Ayollar jinsiy a'zolari to'qimalariga kirib boradi, u erda bir marta qabul qilingandan so'ng uning kontsentratsiyasi plazmadagi kontsentratsiyaning taxminan 40% ini tashkil qiladi. Yallig'lanish o'chog'ining kislotali muhitiga (40%), sinovial suyuqlikka (43%) yaxshi kirib boradi. Gistogematik to'siqlar orqali oson o'tadi. Jigarda to'qima monooksigenazalari yordamida metabolizmga uchraydi. Asosiy metabolit - 4-gidroksinimesulid (25%) o'xshash farmakologik faollikka ega, ammo molekulalar o'lchamining kichrayishi oqibatida SOG-2 gidrofob kanali bo'ylab metil guruhining bog'lanish faol markaziga diffuziyalanishga qodir. Nimesulidning yarim chiqarilish davri (T1/2) 1,56 - 4,95 soatni, 4-gidroksinimesulidniki - 2,89-4,78 soatni tashkil qiladi. 4-gidroksinimesulid buyraklar orqali (65%) va safro bilan (35%) chiqariladi, enterogepatik retsirkulyatsiyaga uchraydi. Buyrak etishmovchiligi bo'lgan bemorlarda (kreatinin klirensi 1,8-4,8 l/soat yoki 30-80 ml/daq), shuningdek bolalar va keksa yoshdagi shaxslarda nimesulidning farmakokinetik profili sezilarli darajada o'zgarmaydi.

Nojo'ya ta'sirlar

Nojo'ya reaktsiyalar tez-tezligi holat uchrash tezligidan tasniflanadi: juda tez-tez (>1/10), tez-tez (>1/100 dan 1/1000 dan 1/10000 dan

Dozirovkasi

100 mg

Dozani oshirib yuborilishi

Belgilari: apatiya, uyquchanlik, ko‘ngil aynishi, qusish, epigastral sohada og‘riq. Oshqozon-ichakdan qon ketishi yuzaga kelishi mumkin. Kamdan-kam hollarda arterial bosimning oshishi, o‘tkir buyrak yetishmovchiligi, nafasning susayishi va koma, anafilaktoid reaksiyalar bo‘lishi mumkin. Davolash: Simptomatik. Maxsus antidoti yo‘q. Agar doza oshib ketishi oxirgi 4 soat ichida sodir bo‘lgan bo‘lsa, qusishni chaqirish va/yoki faollashtirilgan ko‘mir (kattalar uchun 60 dan 100 g gacha) va/yoki osmotik surgi qabul qilishni ta’minlash kerak. Majburiy diurez, gemodializ - preparatning oqsillar bilan yuqori bog‘lanishi tufayli samarasiz.

Dori shaklining ta'rifi

ichish uchun suspenziya tayyorlash uchun granulalar Dumaloq ikki tomonlama qavariq tabletkalar, och-sariq yoki sariq rangli. Apelsin hidli och-sariq rangli granulalar va kukun aralashmasi. tabletkalar Och-sariqdan sariq ranggacha bo'lgan, bir tomonida chiziqchasi va ikkinchi tomonida "f" belgisi ko'rinishidagi bo'rtmasi bo'lgan tabletkalar. Och-sariq rangli, dumaloq, ikki tomonlama qavariq, bir tomonida chiziqchasi bo'lgan tabletkalar.

Dori vositalarining o'zaro ta'siri

Nimesulidni salitsilatlar yoki boshqa nosteroid yallig‘lanishga qarshi preparatlar bilan bir vaqtda qo‘llash oshqozon-ichak traktida yaralanish xavfi yuqoriligi tufayli tavsiya etilmaydi. Nimesulid salitsil kislotasini plazma reseptorlari bilan bog‘lanishida siqib chiqaradi. Mifepriston qabul qilingandan so‘ng 8-12 kun davomida nosteroid yallig‘lanishga qarshi preparatlarni qabul qilish tavsiya etilmaydi. Tutqanoqqa qarshi preparatlar (valproat kislotasi), zamburug‘ga qarshi preparatlar (ketokonazol), silga qarshi preparatlar (izoniazid), amiodaron, metotreksat, metildopa, amoksitsillin klavulan kislotasi bilan kombinatsiyada bir vaqtda qo‘llanilganda additiv gepatotoksik samara bo‘lishi mumkin. Nimesulidni antikoagulyantlar bilan birga qabul qilmaslik kerak, chunki oxirgilarning ivishga qarshi samarasi kuchayadi. Nimesulid furosemid ta’sirini kamaytirishi mumkin. Nimesulid metotreksat bir vaqtda qabul qilinganda nojo‘ya samaralar yuzaga kelish ehtimolini oshirishi mumkin. Litiy preparatlari va nimesulid birga qo‘llanilganda plazmada litiy darajasi oshadi. Nimesulid siklosporinning buyraklarga ta’sirini kuchaytirishi mumkin. Preparatni glukokortikosteroidlar, serotoninni qayta qamrab oluvchi ingibitorlar bilan ishlatish oshqozon-ichakdan qon ketishlar rivojlanish xavfini oshiradi. Nosteroid yallig‘lanishga qarshi preparatlar diuretiklar va boshqa gipotenziv preparatlar samaradorligini pasaytirishi mumkin. Buyrak funksiyasi boshlang‘ich buzilishlari bo‘lgan bemorlarda (masalan, suvsizlangan bemorlarda yoki buyrak funksiyasi buzilgan keksa yoshdagi bemorlarda) angiotenzinga aylantiruvchi ferment (AAF) ingibitorlari yoki angiotenzin II antagonistlarini SOG ingibitorlari bilan yondosh tayinlash buyrak yetishmovchiligi ko‘rinishlari kuchayishiga olib kelishi mumkin (odatda qaytuvchan). Ushbu kombinatsiyani ehtiyotkorlik bilan tayinlash kerak, ayniqsa keksa yoshdagi bemorlarga. Bemorlar kerakli miqdorda suyuqlik olishlari kerak, shuningdek buyrak funksiyasi monitoringi zarurati to‘g‘risidagi masalani ko‘rib chiqish lozim. Nimesulid CYP2C9 izofermentini ingibitsiya qiladi, shuning uchun ushbu izoferment ishtirokida metabolizmga uchraydigan preparatlarning qon plazmasidagi konsentratsiyasi nimesulid bilan bir vaqtda qo‘llanilganda oshishi mumkin. Nimesulidning glibenklamid, teofillin, digoksin, simetidin va antatsidlar (alyuminiy va magniy birikmalari kombinatsiyasi) bilan klinik ahamiyatli o‘zaro ta’sirlari aniqlanmagan.

Umumiy ma'lumot

QO‘LLASH BO‘YICHA YO‘RIQNOMA

NIMESULID

NIMESULIDE

Preparatning savdo nomi: Nimesulid

Ta‘sir etuvi modda (XNP): Nimesulid

Dori shakli: Suspenziya tayyorlash uchun kukun.

Tarkibi:

faol modda: Nimesulid – 100 mg.

yordamchi moddalar: saxaroza, qand-rafinad, maltodekstrin, ovqat xushbo‘yi, limon kislotasi, makrogolsetostearil efiri.

Ta‘rifi: Oqdan to sariq tusli oq rangligacha bo‘lgan, maxsus xushbo‘y xidli, shirin ta‘mli kukun.

Farmakoterapevtik guruxi: Nosteroid yallig‘lanishga qarshi vositalar.

Farmakologik xususiyatlari

Nimesulid – metansulfonanilidlar guruhi nosteroid yallig‘lanishga qarshi vositasi (NYAQV), yaqqol yallig‘lanishga qarshi, og‘riqni qoldiruvchi va isitmani tushiruvchi ta‘sir ko‘rsatadi. Terapevtik samarasi uning araxidon kislotasining metabolizmiga ta‘siri va yallig‘lanish o‘chog‘ida prostaglandinlarni biosintezini, SOG ni ingibirlash yo‘li orqali pasayishi bilan bog‘liq. SOG-2 ga selektiv ta‘siri hisobiga, preparat me‘da shilliq qavatida sitoprotektor samaraga ega bo‘lgan prostaglandinlar sintezini buzmaydi, bu nojo‘ya samaralarining rivojlanishi xavfini pasaytiradi. Bundan tashqari, preparat gemostazga va fagositozga ta‘sir qilmasdan, lipidlarning perekisli oksidlanishini susaytiradi, shuningdek neytrofil granulositlar tomonidan superoksid anionlarning hosil bo‘lishini kamaytiradi va yallig‘lanishda hosil bo‘ladigan erkin radikallarning hosil bo‘lishini susaytiradi.

Farmakokinetikasi

Ichga qabul qilinganidan keyin me‘da-ichak yo‘llaridan yaxshi so‘riladi. Qon plazmasida maksimal konsentrasiyasiga (S_max) 1-2 soatdan keyin erishiladi. Plazma oqsillari bilan bog‘lanishi 95%. Yarim chiqarilish davri (T_1/2) 2-3 soatni, ta‘sir davomiyligi esa, taxminan 6-8 soatni tashkil qiladi. Jigarda to‘qima monooksigenazalari tomonidan biotransformasiyalanadi. Asosiy metaboliti bo‘lib farmakologik faol gidroksinimesulid hisoblanadi. Preparatning taxminan 98% organizmdan asosan buyraklar orqali 24 soat davomida chiqariladi. Uzoq muddat qo‘llanganida organizmda to‘planmaydi.

Qo‘llanilishi

Revmatoid artrit, osteoartrit, osteartroz, sinovit, bursit, tendinit, tendovaginit, spondiloartrit, Bexterov kasalligi, og‘riqlar (shu jumladan bosh, tish, operasiyadan keyingi va jarohatlardan keyingi og‘riqlar), isitma sindromi (infeksion- yallig‘lanish, ginekologik, urologik va tomirli kasalliklaridagi). Shuningdek yumshoq to‘qimalarni va tayanch harakat apparatini travmatik yallig‘lanish, nevralgiya, mialgiya, algodismenoreyada qo‘llanadi.

Qo‘llash usuli va dozasi

Preparatni kattalarga ichga ovqatdan keyin buyuriladi. Paketchaning ichidagisi bir stakan suvda eritiladi. O‘rtacha bir martalik doza 100 mg sutkada 2 martani tashkil qiladi. Keksa pasientlarda preparatning dozasi shaxsiy tanlanadi.

Nojo‘ya ta‘sirlari

Preparatni odatda yaxshi o‘zlashtiriladi, ammo davolash kursining boshida yoki katta dozalarda quyidagi buzilishlar kuzatilishi mumkin.

Markaziy nerv tizimi tomonidan: kam – bosh aylanishi, bosh og‘rig‘i, uyquchanlik, ensefalopatiya, (Reye sindromi), qo‘rquv hissi, asabiylik, dahshatli tush ko‘rishlar. Doza kamaytirilganida va keyinchalik doza yanada ehtiyotkorlik bilan oshirilganida bu holatlar o‘z-o‘zidan o‘tib ketadi.

Me‘da-ichak yo‘llarining a‘zolari tomonidan: kam – diareya, ko‘ngil aynishi, qusish; ba‘zida – qabziyat, meteorizm, gastrit; juda kam – dispepsiya, moysimon axlat, me‘da-ichakdan qon ketishlar, me‘da va o‘n ikki barmoq ichak yarasi va perforasiya.

Nafas a‘zolari tomonidan: kam- hansirash, bronxospazm.

Yurak-tomir tizimi tomonidan: kam- taxikardiya, gipertenziya, gemorragiya.

Sezgi a‘zolari tomonidan: juda kam-ko‘rishni buzilishi.

Teri qoplamalari tomonidan: giperergik reaksiyalar (qichishish, terini qizarishi, teri toshmasi), terlash, kam-eritema, dermatit, juda kam-eshakemi, yuzni shishi, Stivens-Djonson sindromi, angionevrotik shish.

Jigar va o‘t-safro chiqarish tizimi tomonidan: kam-gepatit, sariqlik, xolestaz, jigar fermentlarining ko‘rsatkichlarini oshishi mumkin.

Buyraklar va siydik-chiqarish tizimi tomonidan: kam-dizuriya, gematuriya, siydikni tutilishi, juda kam-buyrak yetishmovchiligi, oliguriya, interstisial nefrit.

Qon yaratish tizimi tomonidan: kam- anemiya, eozinofiliya, juda kam-trombositopeniya, pansitopeniya, purpura.

Preparatning barcha nojo‘ya samaralari to‘g‘risida shifokorga xabar qilish lozim.

Qo‘llash mumkin bo‘lmagan holatlar

O‘ta yuqori sezuvchanlik (shu jumladan preparatning har qanday komponentiga, asetilsalisil kislotasiga yoki boshqa NYAQV larga);
O‘tkir me‘da-ichak qon ketishlari;
Me‘da yoki o‘n ikki barmoq ichakning zo‘rayishi bosqichidagi yara kasalligi;
Bosh miyaga qon quyilishlari;
Aspirinli astma;
Buyrak yetishmovchiligi (kreatinin klirensi (KK) 30 ml/mindan kam);
Qon ivishini og‘ir buzilishlari;
Jigar yetishmovchiligi;
12 yoshgacha bo‘lgan bolalar;
Homiladorlik;
Laktasiya davri (ko‘krak bilan emizish);

Extiyotkorlik bilan: arterial gipertenziya, yurak yetishmovchiligi, II tur qandli diabet.

Dorilarning o‘zaro ta‘siri

Preparatni ko‘pchilik dori vositalarini plazma oqsillari bilan bog‘lanish joyidan siqib chiqarishi va qonda erkin fraksiyalarni oshishi oqibatida ularning samaradorligi va toksikligini oshirishi mumkin (muntazam shifokor nazorati kerak).

Preparat bilan bir vaqtda qo‘llanganida qon ivishini kamaytiruvchi dori vositalarining samaralari kuchayadi, bunda litiyning qon plazmasidagi konsentrasiyasini oshishi kuzatiladi.

Preparatni qo‘llash furosemidning ta‘sirini pasaytirishi mumkin. Shuningdek metotreksat qabul qilinganida nojo‘ya ta‘sirlarni yuz berishi extimolini oshishi kuzatilishi mumkin.

Nimesulidni plazma oqsillari bilan yuqori darajasida bog‘lanishi tufayli, bir vaqtda gidantoin va sulfanilamidlar bilan davolanayotgan pasientlar, qisqa vaqt oralig‘ida tekshirishdan o‘tgan holda shifokorning kuzatuvi ostida bo‘lishlari kerak.

Preparat siklosporinning nefrotoksik ta‘sirini kuchaytirishi mumkin.

Maxsus ko‘rsatmalar

Keksa yoshdagi pasientlarda, yurak-tomir kasalliklarida, shu jumladan arterial gipertenziyada, qon ketishga moyillikda, me‘da-ichak yo‘llarining yuqori bo‘limini buzilishlarida, buyraklar faoliyatining buzilishlarida (dozani kamaytirish tavsiya qilinadi), antikoagulyantlar va antiagregantlar bilan davolash fonida ehtiyotkorlik bilan buyuriladi. Ko‘rishni buzilishi paydo bo‘lganida preparatni qabul qilishni darhol to‘htatish va okulistga murojaat qilish lozim. Uzoq muddat qo‘llanganida jigar va buyraklarning faoliyatini muntazam nazorat qilish kerak.

Qandli diabeti bo‘lgan bemorlar va past kaloriyali parhezga rioya qiladigan pasientlar preparatning tarkibiga saxaroza kirishini hisobga olishlari kerak.

Transport vositalarini haydovchilari va kasbi diqqatni yuqori jamlash bilan bog‘liq odamlarda ishlash vaqtida extiyotkorlik bilan qo‘llash kerak.

Preparatni bolalar olaolmaydigan joyda saqlansin va yaroqlilik muddati o‘tganidan so‘ng ishlatilmasin.

Dozani oshirib yuborilishi

Belgilari: apatiya, letargiya, uyquchanlik, ko‘ngil aynishi, qusish (odatda bemorlarga tutib turuvchi parvarish ko‘rsatilganda qaytuvchi), epigastriya sohasida og‘riqlar, me‘da-ichak qon ketishlari, arterial gipertenziya, o‘tkir buyrak yetishmovchiligi, nafasni susayishi, anafilaktik reaksiyalar, koma.

Davolash: maxsus antidoti yo‘q. Agarda dozani oshirib yuborilishi ohirgi 4 soat davomida yuz bergan bo‘lsa, qusishni chaqirish, faollashtirilgan ko‘mirni qabul qilish (katta odam uchun 60-100 g), osmotik surgilarni qo‘llash kerak. Jadallangan diurez, gemodializ preparatni oqsillar bilan yuqori bog‘lanishi tufayli samarasiz. Simptomatik va tutib turuvchi davolash o‘tkaziladi.

Chiqarilish shakli

Oral eritmani tayyorlash uchun kukun 2 g dan qog‘oz paketchalarda.

Paketlar 5-10 ta qo‘llash yo‘riqnomasi bilan birga karton qutida.

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda.

Yaroqlilik muddati

2 yil.

Dorixonalardan berish tartibi

Resept bo‘yicha.

Ulashish:

Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Nimesulid preparatini qabul qilishdan oldin albatta shifokor bilan maslahatlashing