NIMESUL poroshok

Ichga qabul qilingandan so'ng me'da-ichak yo'lidan (MIY) yaxshi so'riladi.
Qon plazmasidagi maksimal konsentratsiyaga (Сmах) 1-2 soatdan keyin erishadi. Plazma oqsillari bilan bog'lanishi 95%, yarim chiqarilish davri (Т1/2) - 2-3 soat, ta'sir davomiyligi esa - taxminan 6-8 soatni tashkil qiladi. Jigarda to'qima monooksigenazalari tomonidan biotransformatsiyaga uchraydi. Asosiy metabolit farmakologik faol gidroksinimesulid hisoblanadi. Organizmdan asosan buyraklar orqali preparatning taxminan 98% 24 soat ichida chiqariladi. Uzoq vaqt qo'llanilganda organizmda to'planmaydi.

Nimesulid - metansulfonanilidlar guruhiga mansub nosteroid yallig'lanishga qarshi vosita (NYQV), yaqqol yallig'lanishga qarshi, og'riq qoldiruvchi va isitmani tushiruvchi ta'sir ko'rsatadi. Terapevtik samara uning araxidon kislotasi metabolizmiga ta'siri va TsOG ni ingibirlash orqali yallig'lanish o'chog'ida prostaglandinlar biosintezini kamaytirish bilan bog'liq. TsOG-2 ga selektiv ta'sir qilish hisobiga preparat oshqozon shilliq qavatida sitoprotektiv samaraga ega prostaglandinlar sintezini buzmaydi, bu nojo'ya ta'sirlar rivojlanish xavfini kamaytiradi. Bundan tashqari, preparat gemostaz va fagotsitozga ta'sir qilmasdan lipidlarning peroksidli oksidlanishini susaytiradi, shuningdek neytrofil granulotsitlar tomonidan superoksid anionlar hosil bo'lishini kamaytiradi va yallig'lanishda hosil bo'ladigan erkin radikallar hosil bo'lishini susaytiradi.

Preparat odatda yaxshi o‘zlashtiriladi, biroq davolash kursi boshida yoki katta dozalarda quyidagi buzilishlar kuzatilishi mumkin:
Markaziy asab tizimi tomonidan: kam hollarda - bosh aylanishi, bosh og‘rig‘i, uyquchanlik, entsefalopatiya (Reye sindromi), qo‘rquv hissi, asabiylik, dahshatli tush ko‘rishlar. Dozalar kamaytirilganda va keyinchalik doza ehtiyotkorlik bilan oshirilganda bu hodisalar o‘z-o‘zidan o‘tib ketadi.
Me’da-ichak trakti a’zolari tomonidan: kam hollarda - diareya, ko‘ngil aynishi, qusish; ba’zan - qabziyat, meteorizm, gastrit; juda kam hollarda - dispepsiya, qora axlat, me’da-ichakdan qon ketishi va me’da yoki 12 barmoqli ichak yarasi perforatsiyasi.
Nafas olish a’zolari tomonidan: kam hollarda - hansirash, bronxospazm.
Yurak-qon tomir tizimi tomonidan: kam hollarda - taxikardiya, gipertenziya, gemorragiyalar.
Sezgi a’zolari tomonidan: juda kam hollarda - ko‘rishning buzilishi.
Teri qoplamalari tomonidan: giperergik reaksiyalar (qichishish, teri qizarishi, teri toshmasi), terlash; kam hollarda - eritema, dermatit; juda kam hollarda - eshakemi, yuz shishi, Stivens-Djonson sindromi, angionevrotik shish.
Jigar va o‘t chiqarish tizimi tomonidan: kam hollarda - gepatit, sariqlik, xolestaz, jigar fermentlari ko‘rsatkichlarining oshishi mumkin.
Buyrak va siydik chiqarish tizimi tomonidan: kam hollarda - dizuriya, gematuriya, siydik tutilishi; juda kam hollarda - buyrak yetishmovchiligi, oliguriya, interstitsial nefrit.
Qon yaratish tizimi tomonidan: kam hollarda - anemiya, eozinofiliya; juda kam hollarda - trombotsitopeniya, pantsitopeniya, purpura.
Preparatning barcha nojo‘ya effektlari haqida shifokorga xabar berish kerak.

Keksa yoshdagi bemorlarga, yurak-qon tomir kasalliklari, shu jumladan arterial gipertenziyada, qon ketishlarga moyillikda, yuqori OIT buzilishlarida, buyrak funktsiyasi buzilishlarida (dozalarni kamaytirish tavsiya etiladi), antikoagulyantlar va antiagregantlar bilan davolash fonida ehtiyotkorlik bilan tayinlanadi.
Ko'rish buzilishi paydo bo'lganda preparatni qabul qilishni darhol to'xtatish va okulistga murojaat qilish kerak. Uzoq muddat qo'llanilganda jigar va buyrak funktsiyasini muntazam nazorat qilish zarur
Qandli diabeti bo'lgan bemorlar va past kaloriyali dietaga rioya qiluvchi bemorlar preparat tarkibiga saxaroza kirishini hisobga olishlari kerak.
Transport vositalari haydovchilariga va kasbi yuqori diqqatni jamlash bilan bog'liq bo'lgan odamlarga ish vaqtida ehtiyotkorlik bilan qo'llash kerak.
Preparatni bolalar ololmaydigan joyda saqlash va yaroqlilik muddati tugagandan so'ng ishlatmaslik kerak.

-gipersezuvchanlik (shu jumladan preparatning har qanday komponentiga, atsetilsalitsil kislotasiga yoki boshqa NYQV larga);
-o'tkir oshqozon-ichakdan qon ketishlar;
-zo'rayish bosqichidagi me'da yoki o'n ikki barmoqli ichak yara kasalligi;
-bosh miya ichiga qon quyilishlar;
-aspirinli astma;
-buyrak yetishmovchiligi (kreatinin klirensi (KK) 30 ml/min dan kam);
-qon ivishining og'ir buzilishlari;
-jigar yetishmovchiligi;
-12 yoshgacha bo'lgan bolalar;
-homiladorlik;
-laktatsiya davri (ko'krak suti bilan emizish).

Ehtiyotkorlik bilan: arterial gipertenziya, yurak yetishmovchiligi, 2-turdagi qandli diabet.

Preparat plazma oqsillari bilan bog'lanish joylaridan siqib chiqarishi va qonda erkin fraksiyani ko'paytirishi hisobiga ko'plab dori vositalarining samaradorligi va toksikligini oshirishi mumkin (muntazam shifokor nazorati talab etiladi).
Preparat bilan bir vaqtda qo'llanilganda qon ivishini kamaytiruvchi dori vositalarining ta'siri kuchayadi, bunda qon plazmasida litiy konsentratsiyasining oshishi kuzatiladi.
Preparatni qo'llash furosemidning ta'sirini kamaytirishi mumkin.
Shuningdek, metotreksat qabul qilinganda nojo'ya ta'sirlar yuzaga kelishi ehtimoli ortishi mumkin.
Nimesulidning plazma oqsillari bilan bog'lanish darajasi yuqori bo'lganligi sababli, bir vaqtning o'zida gidantoin va sulfanilamidlar bilan davolanayotgan bemorlar qisqa vaqt oralig'ida tekshiruvdan o'tib, shifokor nazorati ostida bo'lishlari kerak.
Preparat siklosporinning nefrotoksik ta'sirini kuchaytirishi mumkin.

Preparat kattalarga ichga, ovqatdan keyin tayinlanadi. Paketcha tarkibi bir stakan suvda eritiladi. O'rtacha bir martalik doza 100 mg dan sutkasiga 2 martani tashkil qiladi. Keksa bemorlarga preparat dozasi individual ravishda tanlanadi.