NIMESULID ATM granuli 2g N30

Ichga qabul qilingandan so'ng oshqozon-ichak traktidan (MITY) yaxshi so'riladi. Qon plazmasidagi maksimal kontsentratsiyaga (Cmax) 1-2 soatdan keyin erishadi.
Plazma oqsillari bilan bog'lanishi 95% ni, yarim chiqarilish davri (T1/2) - 2-3 soatni, ta'sir davomiyligi esa - taxminan 6-8 soatni tashkil qiladi.
Jigarda to'qima monooksidazalari tomonidan biotransformatsiyaga uchraydi. Asosiy metabolit farmakologik faol gidroksinimesuliddir.
Organizmdan asosan buyraklar orqali preparatning taxminan 98 % 24 soat ichida chiqariladi. Uzoq muddat qo'llanilganda organizmda to'planmaydi.

Nimesulid - metansulfonanilidlar guruhiga mansub nosteroid yallig'lanishga qarshi vosita (NYQV), yaqqol yallig'lanishga qarshi, og'riq qoldiruvchi va isitmani tushiruvchi ta'sir ko'rsatadi.
Terapevtik samara uning araxidon kislotasi metabolizmiga ta'siri va TsOG ni ingibirlash orqali yallig'lanish o'chog'ida prostaglandinlar biosintezini kamaytirish bilan bog'liq.
TsOG-2 ga selektiv ta'sir qilish hisobiga preparat oshqozon shilliq qavatida sitoprotektiv samaraga ega prostaglandinlar sintezini buzmaydi, bu nojo'ya ta'sirlar rivojlanish xavfini kamaytiradi.

Bundan tashqari, preparat gemostaz va fagotsitozga ta'sir qilmasdan lipidlarning peroksidli oksidlanishini susaytiradi, shuningdek neytrofil granulotsitlar tomonidan superoksid anionlar hosil bo'lishini kamaytiradi va yallig'lanishda hosil bo'ladigan erkin radikallar hosil bo'lishini susaytiradi.

Preparat odatda yaxshi o'zlashtiriladi, ammo davolash kursi boshida yoki yuqori dozalar qabul qilingandan so'ng quyidagi buzilishlar kuzatilishi mumkin:

Markaziy asab tizimi tomonidan:
- kamdan-kam hollarda - bosh aylanishi, bosh og'rig'i, uyquchanlik, ensefalopatiya (Reye sindromi), qo'rquv hissi, asabiylik, dahshatli tushlar.
Dozalar kamaytirilganda va keyinchalik ehtiyotkorlik bilan oshirilganda bu hodisalar o'z-o'zidan o'tib ketadi.

MIT organlari tomonidan:
- kamdan-kam hollarda - diareya, ko'ngil aynishi, qusish;
- ba'zida - qabziyat, meteorizm, gastrit;
- juda kam hollarda - dispepsiya, qatronsimon axlat, me'da-ichakdan qon ketishi, me'da yarasi va perforatsiyasi.

Nafas olish organlari tomonidan:
- kamdan-kam hollarda - hansirash, bronxospazm.

Yurak-qon tomir tizimi tomonidan:
- kamdan-kam hollarda - taxikardiya, gipertenziya, gemorragiya, qizib ketishlar.

Sezgi organlari tomonidan:
- juda kam hollarda - ko'rishning buzilishi.

Teri qoplamalari tomonidan:
- giperergik reaksiyalar (qichishish, terining qizarishi, teri toshmasi), terlash;
- kamdan-kam hollarda - eritema, dermatit;
- juda kam hollarda - eshakemi, yuz shishi, Stivens-Jonson sindromi, angionevrotik shish.

Jigar va o't chiqarish tizimi tomonidan:
- kamdan-kam hollarda - gepatit, sariqlik, xolestaz, jigar fermentlari ko'rsatkichlarining oshishi mumkin.

Buyrak va siydik chiqarish tizimi tomonidan:
- kamdan-kam hollarda - dizuriya, gematuriya, siydik tutilishi;
- juda kam hollarda - buyrak yetishmovchiligi, oliguriya, interstitsial nefrit.

Qon yaratish tizimi tomonidan:
- kamdan-kam hollarda - anemiya, eozinofiliya;
- juda kam hollarda - trombotsitopeniya, pantsitopeniya, purpura.

Preparatning barcha nojo'ya ta'sirlari haqida shifokorga xabar berish kerak.

Quyidagilarga ehtiyotkorlik bilan tayinlanadi:
- keksa yoshdagi bemorlarga,
- yurak-qon tomir kasalliklarida, shu jumladan arterial gipertenziyada,
- qon ketishga moyillikda,
- OIT yuqori bo'limi buzilishlarida,
- buyrak funksiyasi buzilishlarida (dozalarni kamaytirish tavsiya etiladi), antikoagulyantlar va antiagregantlar bilan davolash fonida.

Ko'rish buzilishi paydo bo'lganda preparat qabul qilishni darhol to'xtatish va okulistga murojaat qilish kerak.
Qandli diabeti bo'lgan bemorlar va past kaloriyali parhezga rioya qiluvchi bemorlar preparat tarkibiga saxaroza kirishini hisobga olishlari kerak.

Nimesulid ATM preparatining avtotransportni va mexanizmlarni boshqarish qobiliyatiga ta'siri o'rganilmagan, shuning uchun Nimesulid ATM preparati bilan davolash davrida avtotransportni boshqarishda va diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishda ehtiyotkorlikka rioya qilish kerak.
Preparat bolalar ololmaydigan joyda saqlansin va yaroqlilik muddati o'tgandan keyin ishlatilmasin.

- o‘ta yuqori sezuvchanlik (sh.j. preparatning har qanday komponentiga, atsetilsalitsil kislotasiga yoki boshqa NYQV larga);
- o‘tkir oshqozon-ichak qon ketishlari;
- oshqozon yoki o‘n ikki barmoqli ichak yara kasalligi zo‘rayish bosqichida;
- kalla ichki qon quyilishlari;
- aspirin astmasi;
- buyrak yetishmovchiligi (kreatinin klirensi (KK) 30 ml/min dan kam);
- og‘ir qon ivish buzilishlari;
- jigar yetishmovchiligi;
- 12 yoshgacha bo‘lgan bolalar;
- homiladorlik;
- laktatsiya davri (emizish).

Ehtiyotkorlik bilan: arterial gipertenziya, yurak yetishmovchiligi, 2-toifa qandli diabet.

Preparat ko'plab dori vositalarini plazma oqsillari bilan bog'lanish joylaridan siqib chiqarish va qonda erkin fraktsiyani oshirish oqibatida ularning samaradorligi va toksikligini oshirishi mumkin (muntazam shifokor nazorati zarur).
Preparat bilan bir vaqtda qo'llanilganda qon ivishini kamaytiruvchi dori vositalarining samaralari kuchayadi, bunda qon plazmasida litiy kontsentratsiyasining oshishi kuzatiladi.
Preparatni qo'llash furosemid ta'sirini kamaytirishi mumkin.
Shuningdek metotreksat qabul qilinganda nojo'ya ta'sirlar paydo bo'lishi ehtimolining oshishi kuzatilishi mumkin.
Nimesulidning plazma oqsillari bilan yuqori darajada bog'lanishi tufayli bir vaqtning o'zida gidantoin va sulfanilamidlar bilan davolanayotgan bemorlar qisqa vaqt oralig'ida tekshiruvdan o'tib, shifokor nazorati ostida bo'lishlari kerak.
Preparat siklosporinning nefrotoksik ta'sirini kuchaytirishi mumkin.

Preparat ichga, kattalarga, ovqatdan keyin tayinlanadi.
Nimesulid ATM suspenziyasini to‘g‘ri tayyorlash uchun:
- paketcha tarkibini quruq toza stakanga to‘kish;
- 150-200 ml iliq qaynatilgan suv quyish;
- qoshiq bilan yaxshilab aralashtirish kerak.
Tayyorlangan suspenziyani darhol qabul qilish kerak.

O‘rtacha bir martalik doza 100 mg dan sutkasiga 2 martani tashkil qiladi. Keksa bemorlarga preparat dozasi individual tanlanadi.