QO‘LLASH BO‘YICHA YO‘RIQNOMA
NOOFEN® 100, 500
NOOFEN 100, 500
Preparatning savdo nomi: Noofen® 100, 500
Dori shakli: ichga qabul qilish uchun eritma tayyorlash uchun kukun.
Tarkibi:
Noofen® 100 har bir paketcha quyidagilarni saqlaydi:
faol modda: 100 mg g-amino-b-fenilmoy kislotasi gidroxloridi.
yordamchi moddalar: mannitol, taumatin, “Orange Durarome” aromatizatori.
Noofen® 500 har bir paketcha quyidagilarni saqlaydi:
faol modda: 500 mg g-amino-b-fenilmoy kislotasi gidroxloridi.
yordamchi moddalar: mannitol, aspartam, “Orange Durarome” aromatizatori.
Ta‘rifi:
Noofen® 100: oq yoki sarg‘ish tusli deyarli oq rangli kukun. Sariq rangli kiritmalar bo‘lishiga yo‘l qo‘yiladi.
Noofen® 500: oqdan och-sariq rangligacha bo‘lgan kukun. Sariq rangli kiritmalar bo‘lishiga yo‘l qo‘yiladi.
Farmakoterapevtik guruhi: Boshqa psixostimulyatorlar va nootroplar.
ATS kodi: N06BX22
Farmakologik xususiyatlari
Farmakodinamikasi
Noofen bosh miyaning nerv xujayralaridagi metabolik jarayonlarga ijobiy ta‘sir etadi. Noofen preparatining ta‘sir etuvchi moddasini – γ-amino-moy kislotasining (GAMK) hosilasi sifatida yoki β-feniletilaminning hosilasi sifatida qarash mumkin. Noofen nootrop faollikka ega, GAMKning hosilasi sifatida esa, anksiolitik (trankvilizatorlik) ta‘siriga ega. Xolino- va adrenoreseptorlarga ta‘sir qilmaydi.
Preparat xavotirlik, bezovtalik, qo‘rquvni kamaytiradi va uyquni yaxshilaydi, shuning uchun preparatni nevrozlarni davolash uchun va operasiyalardan oldin qo‘llash uchun buyuriladi. Preparat uxlatuvchi, tirishishga qarshi, neyroleptik va parkinsonizmga qarshi vositalarning ta‘sirini uzaytiradi va kuchaytiradi. Noofen nistagmning latent davrini uzaytiradi va uning yaqqolligi va davomiyligini qisqartiradi. Preparat asteniyaning ko‘rinishlarini va vazovegentativ simptomlarini, shu jumladan bosh og‘rig‘i, boshda og‘irlikni hissi, uyquni buzilishi, ta‘sirchanlik, emosional labillikni kamaytiradi va aqliy ish qobiliyatini oshiradi. Trankvilizator ta‘siridan farq qilib, psixologik ko‘rsatkichlar (diqqat, xotira, sensor-motor reaksiyalarning tezligi va aniqligi) Noofen preparatining ta‘sirida yaxshilanadi. Asteniyasi va emosional labilligi bo‘lgan pasientlarda davolashning birinchi kunlaridanoq sub‘ektiv o‘zini his qilish yaxshilanadi, keraksiz sedasiya yoki qo‘zg‘alishni chaqirmasdan qiziqish va tashabbuskorlik, faoliyat motivasiyasi oshadi.
Farmakokinetikasi
Preparat ichga qabul qilinganidan keyin yaxshi so‘riladi va organizmning hamma to‘qimalariga kiradi, gematoensefalik to‘siqdan oson o‘tadi. Preparatning yuborilgan dozasining taxminan 0,1% bosh miya to‘qimasiga kiradi, bunda yosh va keksa yoshdagi shaxslarda yuqoriroq darajada kiradi. Jigarda farmakologik faol bo‘lmagan metabolitlarigacha metabolizmga uchraydi. Taxminan 5% o‘zgarmagan ko‘rinishda buyraklar orqali chiqariladi. Takroran yuborilganda to‘planishi kuzatilmaydi.
Qo‘llanilishi
Astenik va xavotirlik-nevrotik holatlar: bezovtalik, qo‘rquv, xavotirlik; keksa yoshdagi pasientlarda – uyquni buzilishi, tungi bezovtalik.
Jarroxlik aralashuvi yoki og‘riqli diagnostik tekshiruvlar oldidan xavotirli holatlarini oldini olish.
Mener kasalligi; vestibulyar analizatorning turli genezli disfunksiyasi bilan bog‘liq bosh aylanishlari.
Kinetozlarda chayqalishlarni (ko‘ngil aynishi, qusish, bosh aylanishi, vestibulyar buzilishlar bilan xarakterlanadigan va harakatlanuvchi ob‘ektda bo‘lish chaqirgan holat) oldini olish.
Alkogolli abstinensiya sindromini majmuaviy davolashda yordamchi vosita sifatida
Bolalarda – duduqlanish, enurez, tiklarni davolash uchun qo‘llanadi.
Qo‘llash usuli va dozalari
Paketchaning ichidagisi yarim stakan iliq suvda eritiladi va ichga ovqatdan oldin qabul qilinadi.
Astenik va xavotirli-nevrotik holatlar:
Kattalar: 500 mg (Noofen 500 1 paketchasi) dan kuniga 1-3 marta.
Davolash kursi – 2-3 hafta. Zarurati bo‘lganida kursini 4-6 haftagacha uzaytirish mumkin.
Mener kasalligi va vestibulyar analizatorning disfunksiyasi bilan bog‘liq turli genezli bosh aylanishi:
- vestibulyar analizatorning faoliyatini infeksion genezga ega buzilishlari va Mener kasalligining zo‘rayish davrida: 500 mg dan kuniga 4 marta 5-7 kun davomida, vestibulyar buzilishlarning yaqqolligi kamayganida – 5-7 kun davomida preparatning 500 mg dan kuniga 2-3 marta, so‘ngra – 500 mg dan kuniga 1 marta yana 5 kun davomida. Kasallikni nisbatan yengil kechishida 500 mg dan sutkada 1 marta 5-7 kun davomida qabul qilish, so‘ngra davolashni Noofen 100 mg paketchasini 7-10 kun davomida sutkada 2-3 marta qabul qilish bilan davom ettirish kerak.
- vestibulyar analizatorning faoliyatini tomirli va travmatik genezli buzilishlari – 500 mg dan kuniga 1-2 marta 12 kun davomida.
Kinetozlarda chayqalishlarni oldini olish:
Taxmin qilinayotgan sayohatdan 1 soat oldin yoki chayqalishning birinchi simptomlari paydo bo‘lganida 500 mg dan bir marta buyuriladi. Yaqqol simptomlar (qusish va hokazo) paydo bo‘lganida preparatni qabul qilish kam samarali.
Alkogolli abstinent sindromni bartaraf etishda yordamchi vosita sifatida:
Daolashning birinchi kunlari 500 mg dan kuni davomida 2-3 marta va kechqurunga 500 mg, sutkalik dozani odatdagi dozagacha asta-sekin pasaytirib, qabul qilinadi.
Bolalarda duduqlanish, enurez va tiklarni davolash uchun:
- 3 yoshdan 4 yoshgacha 100 mg dan kuniga 2 marta buyuriladi;
- 5 yoshdan 6 yoshgacha bo‘lgan bolalarga – 100 mg dan kuniga 2-3 marta;
- 7 yoshdan 10 yoshgacha bo‘lgan bolalarga – 100 mg dan kuniga 3-4 marta;
- 11 yoshdan 14 yoshgacha bo‘lgan bolalarga – 200 mg dan (100 mg dan 2 paketcha) kuniga 2-3 marta;
- 14 yoshdan oshgan bolalarga – kattalar uchun dozasi (Noofen preparatining boshqa dori shakllarini qo‘llash tavsiya etiladi).
Bolalar uchun eng yuqori dozalari: 3 yoshdan 6 yoshgacha – 100 mg, 7 yoshdan 10 yoshgacha – 200 mg, 11 yoshdan 14 yoshgacha – 300 mg.
Pasientlarning alohida guruhlari
Jigar faoliyatini buzilishlari bo‘lgan pasientlarda Noofenning yuqori dozalari gepatotoksiklik chaqirishi mumkin. Ushbu guruh pasientlarga kamroq samarali dozalar buyuriladi.
Terapevtik dozalar buyurilganda buyrak faoliyatini buzilishi bo‘lgan pasientlarga Noofen preparatining noxush ta‘sirlari haqida ma‘lumotlar mavjud emas.
Preparatga qaramlik va o‘rganib qolish kuzatilmaydi, “bekor qilish sindromi” yo‘q.
Agar preparatni qabul qilish o‘tkazib yuborilgan bo‘lsa, bu haqida eslashingiz bilanoq qabul qiling, lekin agar keyingi qabul qilish vaqti yaqinlashgan bo‘lsa, qabul qilishni o‘tkazib yuboring.
Nojo‘ya ta‘sirlari
Boshqa dori vositalari kabi, Noofen xam nojo‘ya ta‘sirlarni chaqirishi mumkin, ular barcha pasientlarda ham namoyon bo‘lavermaydi.
MedDRA (Reglamentar faoliyat terminologiyasining tibbiy lug‘ati) tasnifi tizimi bo‘yicha nojo‘ya ta‘sirlar tez-tezligi:
Juda tez-tez (≥1/10);
Tez-tez (≥1/100 dan <1/10 gacha);
Tez-tez emas (≥1/1000 dan <1/100 gacha);
Kam hollarda (≥1/10000 dan <1/1000 gacha);
Juda kam hollarda (<1/10000);
Noma‘lum (mavjud ma‘lumotlar asosida aniqlab bo‘lmaydi).
Nerv tizimi tomonidan buzilishlar
Noma‘lum – uyquchanlik (davolashni boshida), bosh og‘rig‘i va bosh aylanishi (kuniga 2 g dan yuqori dozalar qabul qilinganda; doza kamaytirilganda nojo‘ya ta‘sir yaqqolligi kamayadi).
Me‘da-ichak yo‘llari tomonidan buzilishlar:
Noma‘lum – ko‘ngil aynishi (davolashni boshida).
Jigar va o‘t chiqarish yo‘llari tomonidan buzilishlar:
Noma‘lum –– gepatotoksiklik (uzoq dozalarda uzoq vaqt qo‘llanganida).
Teri va teri osti to‘qimalari tomonidan buzilishlar:
Kam hollarda– allergik reaksiyalar (teri toshmasi, qichishish).
Bolalarda dori vositasini noto‘g‘ri qo‘llaganda emosional beqarorlik va uyquni buzilishi mumkinligi haqida ma‘lumotlar bor.
Agar Sizda ushbu yo‘riqnomada ko‘rsatilmagan biron-bir nojo‘ya ta‘sirlar paydo bo‘lsa yoki ko‘rsatilgan nojo‘ya ta‘sirlardan birontasi ayniqsa kuchli namoyon bo‘lsa, iltimos shifokorga murojaat eting.
Qo‘llash mumkin bo‘lmagan holatlar
Preparatning ta‘sir etuvchi moddasi yoki yordamchi moddalariga yuqori sezuvchanlik. Homiladorlik va laktasiya davri. 3 yoshgacha bo‘lgan bolalarda qo‘llash mumkin emas.
Noofen® 500 kukunining tarkibiga shakarning o‘rinbosari aspartam kiradi, u fenilalaninning manbai hisoblanadi. Fenilketonuriyasi bo‘lgan bemorlarda aspartamni qo‘llash mumkin emas.
Dorilarning o‘zaro ta‘siri
O‘zaro ta‘sirni kuchaytirish maqsadida Noofen preparati va u bilan birga qo‘llanadigan dori vositalarining dozasini kamaytirib, Noofenni psixotrop preparatlar bilan birga qo‘llash mumkin.
Noofen uxlatuvchi, neyroleptik, tirishishga qarshi va parkinsonizmga qarshi vositalarning ta‘sirini kuchaytiradi va uzaytiradi.
Mahsus ko‘rsatmalar
Preparatning ta‘sirlovchi samarasi tufayli, me‘da-ichak yo‘llarining eroziv-yarali shikastlanishlari bo‘lgan pasientlar ehtiyotkorlikka rioya qilishlari kerak. Bu pasientlarga preparatning pastroq dozalari buyuriladi.
Uzoq muddat qo‘llanganida periferik qon manzarasi va jigar faoliyatining ko‘rsatkichlarini nazorat qilish kerak.
Dori vositasini homiladorlik va emizish davrida qo‘llqnilishi
Homiladorlik vaqtida va emizish davrida qo‘llash mumkin emas, chunki yetarli miqdorda klinik kuzatuvlar yo‘q.
Hayvonlarda o‘takzilgan eksperimental tadqiqotlarda preparatning mutagen, teratogen va embriotoksik ta‘siri aniqlanmagan.
Transport vositalarini boshqarish va mexanizmlarda xizmat ko‘rsatish qobiliyatiga ta‘siri
Preparat qo‘llanganida uyquchanlik, bosh aylanishi yoki markaziy nerv tizimi tomonidan boshqa buzilishlar kuzatilgan pasientlar, davolanish vaqtida transport vositalarini boshqarish yoki mexanizmlarga xizmat ko‘rsatishda ehtiyotkorlikka rioya qilishlari kerak.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.
Dozani oshirib yuborilishi
Preparat kam zaharli. Dozani oshirib yuborilish hollari to‘g‘risida ma‘lumotlar ma‘lum emas.
Simptomlari: uyquchanlik, ko‘ngil aynishi, qusish, bosh aylanishi. Yuqori dozalarda uzoq vaqt qo‘llanganida eozinofiliya, arterial gipotenziya, buyrak faoliyatini buzilishi, jigarning yog‘li distrofiyasi (7 g dan ortiq qabul qilganda) rivojlanishi mumkin.
Davolash: me‘dani yuvish, faollashtirilgan ko‘mirni qabul qilish, hayotiy muhim faoliyatlarni tutib turish. Spesik antidoti noma‘lum.
Chiqarilish shakli
Noofen® 100 ichga qabul qilish uchun eritma tayyorlash uchun kukun.
Birlamchi o‘ram: kukun laminat paketchada.
Ikkinchi o‘ram: 15 laminat paketcha qo‘llash bo‘yicha yo‘riqnomasi bilan birga karton qutida.
Noofen® 500 ichga qabul qilish uchun eritma tayyorlash uchun kukun.
Birlamchi o‘ram: kukun laminat paketchada.
Ikkinchi o‘ram: 5 laminat paketcha qo‘llash bo‘yicha yo‘riqnomasi bilan birga karton qutida.
Saqlash sharoiti
Quruq joyda, 250S dan yuqori bo‘lmagan haroratda saqlansin.
Yaroqlilik muddati
2 yil.
Dorixonalardan berish tartibi
Resept bo‘yicha.
