BARALGIN M 0,5/ML inyeksiya uchun eritma 5ml N5
BARALGIN M 0,5/ML inyeksiya uchun eritma 5ml N5 qo'llanmasi
Nojo'ya samaralari
Allergik reaksiyalar: eshakemi, shu jumladan kon'yunktiva va burun-halqum shilliq qavatlarida, Kvinke shishi, kamdan-kam hollarda - xavfli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospastik sindrom, anafilaktik shok.
Qon yaratish a'zolari tomonidan: leykopeniya, kam hollarda immun genezli agranulotsitoz va trombotsitopeniya.
Siydik chiqarish tizimi tomonidan: buyrak funktsiyasining buzilishi, oliguriya, anuriya, proteinuriya, juda kam hollarda o'tkir interstitsial nefrit rivojlanishi, siydikning qizil rangga bo'yalishi (rubazon kislotasi metaboliti ajralishi hisobiga).
Mahalliy reaksiyalar: m/i yuborilganda yuborish joyida infiltratlar bo'lishi mumkin.
Boshqalar: qon bosimining pasayishi, yurak ritmining buzilishi mumkin.
Maxsus saqlash sharoitlari
Baralgin M ni (ayniqsa uning parenteral shakllarini) arterial gipotensiyasi (sistolik QB 100 mm sim.ust. dan past) bo'lgan bemorlarda; tizimli gemodinamika ko'rsatkichlari beqarorligi bilan xarakterlanadigan vaziyatlarda (o'tkir miokard infarkti, ko'p sonli jarohat, boshlanayotgan shok); anamnezida periferik qon manzarasi buzilishlari (masalan, sitostatik vositalar bilan davolash natijasida) bo'lgan bemorlarda; hayotining birinchi uch oyligidagi yoki tana vazni 5 kg dan kam bo'lgan chaqaloqlarda (buyrak funksiyasi buzilishlari rivojlanishi xavfi yuqoriligi sababli); shuningdek homiladorlik davrida (ayniqsa 1 trimestrda va oxirgi 6 haftada) tayinlash uchun alohida ehtiyotkorlikka rioya qilish va ko'rsatmalarni qat'iy belgilash kerak. Bronxial astma va/yoki nafas yo'llarining surunkali infeksion-yallig'lanish kasalliklaridan (shu jumladan pichan isitmasi, surunkali eshakemi, kon'yunktivit, polipoz rinosinusit kabi yondosh kasalliklar bilan) aziyat chekuvchi bemorlarda, shuningdek har qanday NYAQV va analgetik-antipiretiklarga yuqori sezuvchanligi bo'lgan bemorlarda Baralgin M ni qo'llash bronxial astma xuruji va shok rivojlanishi xavfi bilan birga kechadi. Xuddi shu narsa nodori moddalarga (masalan, oziq-ovqat mahsulotlari, konservantlar, mo'yna, soch bo'yog'i) yuqori sezuvchanlik reaksiyalari anamnezida bo'lgan bemorlarga, shuningdek ilgari oz miqdordagi alkogol qabul qilishga javoban aksirish, ko'z yoshlanishi va yuzning kuchli qizarishi ko'rinishidagi reaksiyalar qayd etilgan bemorlarga ham tegishli. Allergik reaksiyalar rivojlanishi xavfi Baralgin M ichga qabul qilinganidan ko'ra v/i yuborilganda yuqori.
Ma'lum darajada o'zlashtira olmaslik reaksiyalarini chaqirishga qodir preparatlarni (masalan, rentgenokontrast moddalar, plazma o'rnini bosuvchi kolloid eritmalar, penitsillinlar) imkon qadar Baralgin M bilan davolash vaqtida qo'llamaslik kerak.
Anafilaktik shok rivojlanganda adrenalin eritmasini (0,1 mg 10 ml fiziologik eritmada) v/i sekin yuborish ko'rsatilgan. Zarurat tug'ilganda adrenalin yuborishni 15-30 daqiqa vaqt oralig'i bilan takrorlash mumkin. So'ngra glyukokortikoid (masalan, eruvchan urbazon forte 1000 mg gacha v/i), antigistamin vositalar (masalan, avil 2 ml dozada v/i) yuboriladi, qon hajmini to'ldirish, O'IV, yurak massaji o'tkaziladi.
Bemorning umumiy ahvoli kutilmaganda yomonlashganda, harorat ko'tarilishi, og'iz bo'shlig'i, burun va halqum shilliq qavatlarining yallig'lanishi, EChT oshishi bilan namoyon bo'lganda, Baralgin M bilan davolashni darhol to'xtatish kerak, chunki yuqorida nomlangan simptomlar agranulotsitoz rivojlanishi bilan bog'liq bo'lishi mumkin.
Trombotsitopeniya ko'rinishlari qon ketishlarga yuqori moyillik va/yoki teri va shilliq qavatlarda nuqtali qon quyilishlar bo'lishi mumkin.
O'rtacha terapevtik dozalarda qo'llanilganda pirazolon hosilalari ko'krak suti bilan juda oz miqdorda ajraladi.
Baralgin biotransformatsiyasi mahsulotining siydik bilan chiqarilishi siydikning qizil rangga bo'yalishini chaqirishi mumkin, bu klinik ahamiyatga ega emas va preparat bekor qilingandan so'ng yo'qoladi.
Qo'llanilishi mumkin bo'lmagan holatlar
— jigar porfiriyasi;
— tug'ma glyukoza-6- fosfat degidrogenaza tanqisligi;
— homiladorlikning I va IIl trimestri;
— bronxial astma (shu jumladan atsetilsalitsil kislotasi, salitsilatlar yoki boshqa nosteroid yallig'lanishga qarshi preparatlarni qabul qilish bilan induktsiyalangan);
— bronxospazm bilan kechuvchi kasalliklar;
— salitsilatlar, paratsetamol, diklofenak, ibuprofen, indometatsin, naproksenga javoban anafilaktoid reaktsiyalar (eshakemi, rinit, shish) rivojlanishi;
— jigar va buyrak faoliyatining yaqqol buzilishlari;
— qon yaratishning yaqqol buzilishlari (agranulotsitoz, tsitoplastik va infektsion neytropeniya);
— 3 oylikkacha bo'lgan yoki tana vazni 5 kg dan kam bo'lgan yangi tug'ilgan chaqaloqlarga qarshi ko'rsatilgan;
— metamizolga — faol moddaga, shuningdek preparatning boshqa komponentlariga, yoki boshqa pirazolonlarga (izopropilaminofenazol, propifenazon, fenazon yoki fenilbutazon) yuqori sezuvchanlik
Dori vositalarining o'zaro ta'siri
Baralgin M va siklosporin bir vaqtda tayinlanganda qon plazmasida siklosporin konsentratsiyasi pasayishi kuzatilishi mumkin, bu tegishli nazorat zaruratini keltirib chiqaradi.
Baralgin M bilan davolash vaqtida alkogol iste'mol qilinganda alkogol samarasi kuchayishi mumkinligini nazarda tutish kerak
Dozirovkasi
Bolalar va yangi tug'ilgan chaqaloqlar: Baralgin M ni 3 oylikkacha bo'lgan yoshdagi yoki tana vazni 5 kg dan kam bo'lgan yangi tug'ilgan chaqaloqlarga qabul qilish mumkin emas.
Bolalarga Baralgin M 10 kg tana vazniga 50-100 mg dozada (0,1-0,2 ml 50% li eritma) tayinlanadi.
Bir martalik doza sutkasiga 2-3 martagacha tayinlanishi mumkin. Yuborishdan oldin eritmani tana haroratigacha isitish tavsiya etiladi.
3-12 oylik bolalar uchun yuborish faqat m/o amalga oshiriladi (bola tana vazni 5 dan 9 kg gacha).
Preparat juda tez yuborilganda AB ning kritik pasayishi va shok kuzatilishi mumkin. V/i yuborish sekin (yuborish tezligi daqiqasiga 1 ml (500 mg metamizol) dan oshmasligi kerak), yotgan holda, AB, puls va nafas olish chastotasi nazorati ostida amalga oshirilishi kerak.
Allergik bo'lmagan genezli AB pasayishi dozaga bog'liq degan xavotir mavjudligi sababli, 2 ml (1 g) dan ortiq Baralgin M eritmasi miqdori alohida ehtiyotkorlik bilan yuborilishi kerak.
BARALGIN M 0,5/ML inyeksiya uchun eritma 5ml N5 o'xshash dorilari
BARALGIN M 0,5/ML inyeksiya uchun eritma 5ml N5 xususiyatlari
Baralgin boshqa chiqarish shakllari
BARALGIN M 0,5/ML inyeksiya uchun eritma 5ml N5 analoglari
{
"data": {
"id": 28471,
"stores_apteka_id": null,
"slug": "baralgin-m-0-5-ml-5ml-n5-amp-r-r-d-in",
"stores_apteka_slug": null,
"name": "BARALGIN M 0,5/ML inyeksiya uchun eritma 5ml N5",
"brand_name": "BARALGIN M 0,5/ML",
"image": "uploads/iblock/d32/d32e3abc5b2aa9163cd436a71238edf7.webp",
"atx_code": "N02BB02",
"drug_form_id": 2,
"over_the_counter": false,
"prescription_type": "prescription",
"availability": "not_available",
"reviews_count": 0,
"reviews_rating": 0,
"has_pickup": false,
"has_delivery": false,
"manufacturer": null,
"manufacturer_plain": "Sanofi Indiya Limited",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 488,
"slug": "obezbolivayushchie",
"name": "Og'riq qoldiruvchi",
"external_link_title": null,
"external_link": null
},
"drug_group": {
"id": 5477,
"slug": "baralgin",
"name": "Baralgin"
},
"is_purchasable": false,
"country": {
"id": 3,
"slug": "indiya",
"name": "Hindiston"
},
"active_ingredients": [
{
"id": 5896,
"slug": "metamizol-natriya",
"name": "Metamizol natriya"
}
],
"tags": [
{
"id": 107,
"slug": "ot-boli",
"name": "Og'riqdan"
}
]
}
}
